طمبور

صديق أحمد _ جافانى المنام

عزّت على الإِدراك ضمّت معاني جِسام
جلّت عن التصوِير وصِعبت على الرسام
مهما يِجيني خيال مايكون لدي إِلمام
أرسل خيالي يِغوص يِرجع لي ماهو تمام :)


خضر بشير... زمن الربيع

Collection

ابو عركي البخيت - جسمي انتحل

RAJRAJRAJY

محمد وردي - قسم بي محيك البدري

المسافة
لسّة بيناتنا المسافة .. والعيون ..
واللهفة والخوف .. والسكون
ورنة الحزن البخافا
تعدّى بى الفرحة وتفوت
وأمشى بى الحسرة .. وأموت
الأمانى الفى سفر ..
قبل الزمن .. كايسة الموانى
يوم تجيبنى عليك .. بصدّق
إنو مرة الحظ طرانى
وإحتوانى معاك شجن ..
عذبنى قبلك..
ولسّة منك .. جايى تانى
تمشى وين الخطوة عنك
ما الزمن بى الحب
بلاك .. وإبتلانى
لى عيونك يا مداين الفرحة
والحب .. والجسارة
عندى ليك مليون بشارة
وألف خير ... والكلمة شارة
وإنتى لمّا الحب يهوّم
فى عيونى.. وفى عيونك
يبقى حائر .. بالأمارة
الفرح منك .. يجينى
يعترينى الخوف عليك
خطوة منك .. خطوة ليك
راجى منك بس إشارة
وكلمة تدينى البشارة
ولاّ بيناتنا المسافة ؟

#مصطفى_سيد_احمد
مصطفى سيد أحمد 
#ابو_السيد
ابو السيد

المسافه - عود - تسجيل نادر

علم نفسك الإيمان - إبداع عبدالرحيم أرقي

عبدالرحيم أرقي - البادئ أظلم

الدنيا يا محبوبة


كوسي لي الخلاص من بدري في حبك تراي غـرق
عارف نفسـي مابلقـاكي سـاكت فيـك متعـلق
قالوا الدنـيا يامحــبوبة تجمـع يوم ويوم تفـرق
نان بس مالا مابتجمـعنا والله ده ماهو متحـقــق
صـح ماليها أمان واللـه لي مضـيقي المشِــقّ
مادالي اليمين تضحـك لي وبي إيـدا الشـمال اتعـق
هـــاك شكوايا يا محبـوبة لو قلبك علي يـرق
ديل أربـع سنين متــواري من محني وشقاي ما فق
خوفي شقايا قبل ألقـاكي يمحق لي عميري محـق
وأجيك ساير علي الأكتـاف عزب لا حني لا جـرتق
آه من دنيـتي وأقـدارها ينصـبـقن علي صـبـق
وساقة الهم تسوق في راسي تتعـاقب بلا تتــق
بس تحـريني شن سويتا غيـر زول لي عيونو عشـق
لمن اشــوف حياتي الغالية ليلا صبحو ما بشــرق
ساعة الناس تنوم تتهـني والعين للمنـام تسـرق
ألقي رويحتي فوق الملي شقيش ما انقلب بي شـق
الله من عبرتاً سـادي وارداً للقليب بتشــق
والله من دموعـاً نازلي ينجـارن بلا ميرتـــق
دار انساكـي عـارف قلبي للغير حـبو ما بطـلـق
منك لو أموت كل لحظـة بالريد قلبي ليك يخفـق
ما بنساك عشان كملت صبري ولي حدودو لحــق
إلا الريد تعقبو عـدواة وليكي أنا من عدواتو شفق

ابنعوف


السلام   صديق احمد

صديق أحمد

صديق احمد+ +الراعي واعي

ابراهيم الكاشف - حبيبي اكتب لي

عبدالكريم الكابلي،، فيكي يا مروي شفت كل جميل، 😋

كمال ترباس،، ست الاسم

النعام آدم _عينيك

يا الناسينا ..حبك في ربيع دنيانا شال نور
تسقي الذكريات يا روحي شان يخضر لي يكبر
همساتنا وعناقنا الحاني يا ريت ليها تتذكر
لمان من جداول ريدنا كنا بنرتوي ونسكـــــــر
ضل السيسبان والمنقة لافينا بوشاح أخضــــر
فرع البرتكان متدلي فوقو كنارو يتبختــــر
والكون كلو باسم لينا طربان غنى واستبشر
لكن جار زمانّا الليلة خلى صفانا يتعكــــر
بطراك ، وكتين الساقي التسوق فجراوي تتحسر
نواحا يزيد قليبي بكا واصبّرو مابي يتصبــــــر
بطراك والقميرة معاي تشاركني الهموم تسهــر
نعسان انت يا محبوبي ضوها فوق وشيك نوّر
بطراك وكت اشوفلي عريس فرح في صحابو قام بشر
واتمناك واعيش لحظات محال يا روحي تتفســر
بطراك ، يوم قمحنا سنابلو لونن يتقلب أصفر
أبكي على الديون الفوقي .. والغير في الحصاد فكر
بطراك ، وكتين الشخلوب سبيطتو تخافلو يتبعثر
تضمو عليها بي تحنان قليب الام كمان وأكتر
إلا قليبي قلبك جافا .. لي تحنانو ما قــدّر
راجيك بالسنين يا روحي ضيع للشباب ودر
تنساهو وبراهو تسيبو ..حبك ليهو يتغير؟
يتجرع وراك احزانو يندب حظو يتكـــدر
يا ريت لو تعود وتجيهو أو في مرة تتعذر
شان تلقاهو قاربو وراك في لجج العذاب أبحر
السر عثمان الطيب

صديق احمد/يالناسينا

مانى غرقان في التمنى
ولانى سارح بالأماني
زارني خاطراً بلّ شوقي .. واحتواني 
النخل إتلاقى .. غنى
وردد النيل الأغاني
النجوم لامع بريقا
الورود النايمة .. فاقت
عطرت كل الجزاير بي رحيقا
الندى الراقد بفوقا
صفّقت جنحاتو غنت .. لي هوايا
**********
دقوا مزيكة الحوارى 
رقصوا البنوت .. أعرضوا
النخل زايد في عرضو .. وفي علاهو
البيوت غرقت وراهو
وبرضو زايد في علاهو
يحكى للدنيا الجميلة
سر عظمتو .. وسر بهاهو
********
ضى عيونك يا بنية 
يضوى من بلداً بعيدة
تحملك لينا الغمامة 
ويكتمل للروح .. نشيدا
وفي الدروب اللّيك تودي
بنسرج الخيل العنيدة
والحزن من نور عيونك
يلبس الفرحة الجديدة
***********
وأنا راكب يا مراكب
لا الرياح توقف خطايا
لا الجبال .. تحجب رؤايا
ست شموس الكون .. منايا
ليك مسافر.. ومن كتير الزاد .. مسافر بي غنايا
نوصل الشمس البعيدة
نبقى عيدا
نزرع الحب البيوقد
لي النهاية

النعام آدم _عينيك

Anass Rahman

Recent comments

Anass Rahman

Amal Alsnary

Related tracks