ورقه شجر 
ورقه شجر
اشعار :اندرو بطرس
الحان : اندرو صادق
اداء صوتي : بيشوي هشام -لندا فتحي

https://www.facebook.com/2lmrosas.andrewbotros

ورقه شجر

جدف في بحر الدم 
 اشعار :اندرو بطرس
الحان : اندرو صادق 
اداء صوتي : بيشوي هشام 

https://www.facebook.com/2lmrosas.andrewbotros

جدف في بحر الدم

كلمات واداء : اندرو بطرس
https://www.facebook.com/2lmrosas.andrewbotros

شريطه سودا ...
 جوا اوضه ...
متعلقه في ركن ..
برواز  ازاز ...
كل اللي عاز ...
م الدنيا حاجه ...
حتي اللي عاش فيها فقير ..
حتي اللي فاز ..
بكل حاجه ...
حتي اللي مات علي سرير حرير ...
واللي مات لوحده رغم انه ..
عنده كتير صحاب لزاز ... 
اخرهم صوره محدوده ..
جوا اوضه ...
وشريطه سودا ..
وبرواز ازاز ..


شريطه سودا- اندرو بطرس

"مش مهم "
كلمات واداء: اندرو بطرس 
https://www.facebook.com/2lmrosas.andrewbotros
مش مهم مين فاكرك ..
ومين ناسيك ..
مش مهم مين بايعك ...
ومين شاريك ..
ومش مهم مين اللي خان ..
مين اللي بان ..
عالحقيقه ..
في وقت ضيقه ..
و كنت عاوزه ..
وهو سابك ...
ايه اللي نابك ..
من عشره سنين ..
ويا صاحب ..
اشكر ربك انه غاار ..
ولا يوم ما جت قالتلك ..
نفترق ..
وانت فاكر انه هزار ..
مش مهم انك...
وحدك..
المهم تنفد بجلدك ..
خد قرار ...
الحلم عمره ما كان هنا ...
الحلم بدايته المطار ......

مش مهم - اندرو بطرس

كلمات واداء : اندرو بطرس 
https://www.facebook.com/2lmrosas.andrewbotros
وحدك
كله مش جنبك ..
اصلك..
اختارت غلط م الاول ..
كله بيتحول ..
ماحد هنا مطول ...
وكله راح يمشي ..
برضاك ..
او غصب عنك .....

وحدك ؟
اصلك ..
فكرت وبقلبك ...
فكرت كتير جايز ...
مين فينا مش عايز ..
يكون في ناس عايزاه ..
يفضل في دهره معاه...
ناس اكيد حاباه ..
ووجوده في حياتهم يفرق ..
بس من امتي ..
كل اللي بنعوزه بنتحقق ..
ومن امتي حد حبيته...
قام حبك ...
وحدك ؟

وحدك - اندرو بطرس

كلمات واداء : اندرو بطرس 
https://www.facebook.com/2lmrosas.andrewbotros
احتمال
اكون عايش
واحتمال لاءه

ما بين الدقه
والدقه
فجوه زمن بتزيد

وحزن شديد
وجرح جديد
و100 غنوه حزينه
و100 موال

احتمال

احتمال اكون فاهمها
واحتمال لاءه

دموعها وهي بتسبني
كانت صادقه
كنت سامعها
مع ان مفيش كلام اتقال

احتمال

احتمال اكون موجوع
واحتمال لاءه

كفايا دموع
وكفايا رجوع
عن الفُرقه
محدش مات من الوحده
الشده
هي اللي بتبين اصل الرجال

احتمال

احتمال - اندرو بطرس

اهو مات خلاص 
اشعار مسرحيه " المعصره " فريق الفنار المسرحي 
اداء : بيشوي هشام 
 الحان : اندرو طلعت
اشعار : اندرو بطرس 
توزيع : د\ رأفت موريس 
تم التسجيل باستديو تونال اسيوط


اهو مات خلاص

الضحكه اللي عاشت تبكي منك ،
والسكوت اللي بيحكي عنك ،
والسهر ،
والزهد من كل البشر ،
والسفر في عنيكي لما تسرحي،
واختفائي القسري لما كنتي بتجرحي ،
والدلع،
نغزتين في القلب كل ثانيه من الوجع،
مين اللي قال الخوف جدع ..
ضرب الودع قال انك هتمشي او متردده...
- ماتقولش كدا !!
الدنيا برد مش كدا ؟
خلاص هتمشي ؟متاكده ؟

اشعار واداء : اندرو بطرس
‪#‎andrew_botros
https://www.facebook.com/2lmrosas.andrewbotros?fref=ts

متأكده

كل اللي قرروا يمشوا ويسيبونا .. الفراق كان جاي جاي ليه استعجلتوه ..
كل اللي كتبوا النهايه بدري .. مع ان النهايه جايه جايه .. ليه كريتوا الشريط بسرعه ..
احنا اصلا مش دايمين مش مخلدين ف حياه بعض ..
احنا اصلا كنا ماشين والله مش برضاكوا ولا برضانا .. 
الموت اهو .. كنتوا استنيتوا شويه .. علشان لما نمشي ..نلاقي للي يبكي علينا ..نلاقي حد نوحشه نلاقي حد يعلق صورنا وبراويزنا في قلبه ويحط عليها شريطه سودا ...
استعجلتوا الفراق .. قللتوا الفرص .. وفرتوا فلوس القُرص اللي كنتوا هتوزعوها علي روحنا ..
#andrew_botros
https://www.facebook.com/2lmrosas.andrewbotros/

الفراق

طيب الحكايه اصلا بتبتدي من اول لحظه وجع،من اول لحظه ابتديت تعرف يعني ايه تسيب او تتساب ، مع اول معني لكلمه ذكري بتتكون  فيك ، مع اول مره حد بيمشي من حياتك بتبدا تتقسم لحد متشعلق في الناس دي وحد قرر انه يكمل الحياه علشان تمشي مع كل حد بيمشي بياخد جزء من الاجزاء بتاعتك اللي متشعلفه فيه لحد ما في فتره هتكتشف انك بعت نفسك فرط زي علبه السجاير اتباعت سيجاره سيجاره العلبه قربت تخلص وانت لسه عمال توزع هما ييستمتعوا وانت بتخلص بس انت ليسا بتحبهم وصلت لاحساس انك مش حاسس بحاجه بتفرح وتزعل اه بس مش من جوا مش عارف تعيش حياتك لانك متقسم مش عارف تحترم نفسك لانك مش عارف تتحكم فيها وتلملم وجعك ومش قادر ماتسامحهاش لانك   ببساطه مغلطتش فبتبدا تكون واحد تاني ما بيحسش مابيحبش مابيعزش حد حاله من الا مبالاه
ولما حد يجي يتنطط عليك ويقولك ياعم مالك انت كئيب ومغمقها ليه افرح واضحك العمر قصير 
المشكله انك اكتر واحد عارف ان العمر قصير وبيخلص وانت ليسا مابدأتش تعيشه ، فابتسم وقوله معلش صليلي علشان عمره ما هيفهم اللي جواك

Andrew Botros

Popular tracks