كلمات : سيد حجاب
ألحان : الشيخ إمام

حطَّه يا بطَّه يا دقن القطة
بابا جاي وشايل الشنطة
إيه في الشنطة فيها ما فيها غش وبوليتيكا وأوَنْطَة
حطة يا بطة يا دقن القطة *

حاكم بابا شغلته ظابط
ضابط هابط شابط لابط راقع خابط نازل شافط طالع لاهط
عمره ما فكَّر فكرة وصابت
عمره ما نبِّتْ زرعة وطابت
يزرع سكر يطلع شطة حطة يا بطة يا دقن القطة *

بابا عشان خَدْها بالملحق
بقى ضابط واتعيِّن ملحق
واترقى سفير ف وزير
إيه السر .. السر ف بير
والسر ف طرف النبوت
واللي يحل السر يموت

ياما نفسي يا بلدنا يا شابة يبقوا الوزرا بفلات فوت
وقلوبهم مليانة مباسطة
حطة يا بطة يا دقن القطة *

يا بلدنا يا زادنا وزوادنا
يا ام جدودنا وبنت ولادنا
إيه آخرتها مع الظباط
بيروقراط على تكنوقراط
حُكَما فلاسفه فشر سقراط
واحنا يا عيني غلابة بُساط
فردانية ما بيناش رابطة
حطة يا بطة يا دقن القطة

الشيخ امام - حطة يا بطة

يا دنيا سمعاني سمعاني أبويا وصاني
ما أخلي جنس دخيل يخش أوطاني
ما أخلي جنس دخيل يخش أوطاني

الأرض دي أرضي أحميها أنا وولدي
الأرض دي أرضي أحميها أنا وولدي
أفديها بالأرواح وتعيشي يا بلدي
أفديها بالأرواح وتعيشي يا بلدي

يا دنيا سمعاني سمعاني أبويا وصاني
يا دنيا سمعاني سمعاني أبويا وصاني
ما أخلي جنس دخيل يخش أوطاني
ما أخلي جنس دخيل يخش أوطاني

أحلف يمين بالله الظلم ما نرضاه
أحلف يمين بالله الظلم ما نرضاه
واللي يعادينا يكتب بإيده شقاه
واللي يعادينا يكتب بإيده شقاه

يا دنيا سمعاني سمعاني أبويا وصاني
يا دنيا سمعاني سمعاني أبويا وصاني
ما أخلي جنس دخيل يخش أوطاني
ما أخلي جنس دخيل يخش أوطاني

الحق دا حقي ميضعش يوم والله
الحق دا حقي ميضعش يوم والله
ويا طبول دقي للنصر بإذن الله
ويا طبول دقي للنصر بإذن الله

يا دنيا سمعاني سمعاني أبويا وصاني
يا دنيا سمعاني سمعاني أبويا وصاني
ما أخلي جنس دخيل يخش أوطاني
ما أخلي جنس دخيل يخش أوطاني

منصور أنا منصور مالي طريقي نور
منصور أنا منصور مالي طريقي نور
من دم شهدائنا إحمى يا قلبي وثور
من دم شهدائنا إحمى يا قلبي وثور

النسخة الأصلية من أبويا وصاني  أبناء الإسماعيلية  أغاني بلدنا

لما حكم ربنا بالبعد و بعدتو
ليه ماكتبتوليش جوابات و بعتو
هدومنا القدام دابت حتى الجداد عتو
و جريد النخل نشف من يوم ما بعدتو
و الصبر مني فرغ و  طولت الايام
اياك تكون عجبتكم بلاد الناس و قعدتو

لما حكم ربنا بالبعد - بدرية السيد

نص و نص - عمدان النور جزجا
كلمات أحمد النجار 
الحان يحيى نديم 
توزيع موسيقى لعمدان النور
بقيادة فنية لحماده نبيل

نص الكلام وزنه .. نص البكا حزنه
نص البيوت عمدان .. نص الطريق رملة
ملّونا فى الإملا .. الدنيا مش كاملة
الدنيا دى بوشين .. وكأنها عملة
الضحكة مش هى .. والدمعة أغنية
والحلم ليل بيموت .. مغرب وصبحية
مقسومة نص ونص .. وبتبكى وبترقص
بتحط إيد على عين .. وبتانى عين بتبص
نص الفرح سقفة .. نص الصحاب واقفة
نص الكلام حواديت .. نص الحياه إنتى
وانا وانتى حدوتة .. جدتنا ستوتة
تحكينا للأطفال .. كان ياما كان كنتى
أمى وساعات بنتى .. جرسى ومأذنتى
وريف وملو خضار .. وعمار يا مدينتى
مقسومة نص ونص .. وبتبكى وبترقص
بتحط إيد على عين .. وبتانى عين بتبص

كل الكلام سيرتك .. كل الحاجات صورتك
وان كنت اقدر اكون .. انا من زمان كونتك
نص البنات مساكين .. نص الهوى قضبان
كل البنات مساجين .. وانا مش هاكون سجان
والعشق حرية .. والبنت ثورية
والحضن صوته هتاف .. ولكل صوت غية
مقسومة نص ونص .. وبتبكى وبترقص
بتحط إيد على عين .. وبتانى عين بتبص

نص و نص عمدان النور

يا هوا المصايف انغام - حفلة مكتبة الاسكندرية

مغرم - أمنية حسن

دنيا مسعود
يا بهية" من "البيت العربي" في أسبانيا"

يا بهية - دنيا مسعود

يا ريحة الناس.. والسنين الطيبين
غني مع لساني التقيل
يا خطوة مستنيها طول الليل
إطلع على كتفى 
شوف
إلعب فى الرفوف
طول اللى ما طُولتهوش
فى الفجر لو طلبوك
فى الضلمة.. لو صَلَبوك
طول اللى ما طاله أبوك
ما تخافش م القلعة وم الكهان
ما تخافش م الخايفين 
اضرب بسيفى ده متعلّق بقاله زمان
إفتح إيديك المولودين
بوسة عشاني
سميت عليك يا بنى
يحميك من الخوف اللى غالبنى 
للخوف .. عيون واسعة
يا بو العيون الحايْرة
ما تخافش م العين اللى ع الشيش دايرة
عوّضنى كل الخسارة
أنا خسرت كتير
خسرت يا مية حسارة
وكسبت نظرة عينيك
يا طفلى يا مولود
إوصِل ما بيني و بينك
خلينى أنا ابنك
و اكبر و ربينى

Andrew Samuel

Popular tracks