اغاني

شعور سخيف

إنك تحس بإن وطنك شيء ضعيف

صوتك ضعيف

رأيك ضعيف

 

إنك تبيع قلبك وجسمك

وإنك تبيع قلمك وإسمك

ما يجيبوش حق الرغيف

 

سألوا جحا عن سر ضحكه

قالك أصل اتنين وشبكو

اللى كان من تحت ميت

واللى كان من فوق كفيف

دا شعور سخيف

 

وشعور سخيف

إنك تكون رمز الشحاتة

تبنى مبنى للشحاتة

تعمل وزراة للشحاتة

 

يا ساقية دورى عدى فوقى ودوسى

نصبوا عليا وشحتونى فلوسى

ربطونى فيكى .. حتى ما اتغميت

هما اللى فرحوا ووحدى أنا اتغميت

 

أنا اللى صاحب البيت

عايش بدون لازمة

ولما مرة شكيت

إدونى بالجزمة

 

مش لاقى تطفح اديك

هاتولنا و جيبولنا و ادونا ودونا

هنجيب منين نديك

طافح يا بلدى غدايا و لوعتى غدايا

و آدى الأحبه التفوا و اتجمعوا عدايا

 

أنا اللى زارعك دهب

بتأكلينى سباخ

إن كان دة تقل ودلع

بزيادة دلعك باخ

 

لا شفت فيكى هنا

ولا شفت فيكى ترف

كل اللى فيكى قرف

 

كرامتنا متهانة

واللقمة بإهانة

بتخلفينا ليه

لما انتى كارهانا

 

يعنى ايه تبقى إنتى هبة النيل يا بوبه

وكل يوم المية تقطع

يعنى ايه لما اشتكى غلو الفاتورة

يقولو تشكى بس تدفع

 

لما قش الرز ثروة بتتحرق

وأما نفط الأمة ثروة بتتسرق

وأما جلادك على ولادك بيبطش

وأما علمك ما يلاقيش يآكل فيطفش

 

يعنى ايه نرفع ايدينا بالسلام لجل الغزاه

ويعنى ايه لما ابقى ماشى فى حالى اتشد اشتباه

يعنى ايه لما اتحبس أربع سنين حبس احتياطى

حبس اعتباطى

يعنى ايه مش حاسة بالعمر وغلاوته

بتصبى مر العمر ليه

دة انا كنت ح اوهب لك حلاوته

 

أنا عمرى ما أتأمرت ولا حطيت شروطى

ومكان ما ترسى مركبك بابنى شطوطى

أنا كنت جيشك لما مماليلك باعوكى

وكنت يوسف لما عشتى سنين عجاف

وضلوعى دى اللى فى معركة قادش حموكى

وشفايفى دى اللى ما بطلتش فى يوم هتاف

 

دة انا كل شبر فى أرضك اتمرمغت فيه

وكل يوم عشتيه أنا اتغذبت بيه

 

على صوت أدانك جرس فى الشدة صاحينلك

من امتى كانوا الحرس هما اللى باقينلك

بعتينى علشانهم وعنيكى معصوبة

ياهل ترى خاينة ولا زيى مغصوبة

 

كل الكلام اتقال و الشعر بقى ماسخ

و الصبر علو جبال والظلم شئ راسخ

وطن وغرقان فى النطاعه

كل شئ ريحته نطاعه

علمونا بالعصاية

ورضعونا الخوف رضاعة

 

علمونا فى المدارس يعنى ايه كلمة قيام

علمونا نخاف من الناظر فيتمنع الكلام

علمونا ازاى نخاف وازاى نكش

بس نسيوا يعلمونا الاحترام

فماتزعلوش لما ابقى مش باسمع كلامكم

وماتزعلوش لما ابقى خارج عن النظام

 

مستنى ايه من طفل ربوه بالزعاق غير المشاكل والخناق

كل اللى بيقولك بحبك دول نفاق

أنا لما قلت لك بحبك كان نفاق

 

الحب يعنى اتين بيدّوا

مش ايد بتبنى وستميت تيت تيت يهدوا

الحب حالة

الحب مش شعر وقوالة

الحب يعنى براح فى قلب العاشقين للمعشوقين

يعنى الغلابة يناموا فى الليل دفيانين

الحب يعنى جواب لكل المسجونين

هما ليه بقوا مسجونين

 

يعنى أعيش علشان هدف علشان رسالة

يعنى احس بقيمتى فيكى إنى مش عايش عوالة

يعنى لما اعرق تكافئيى بعدالة

الحب حالة الحب

مش شعر وقوالة

الحب حاجة ما تتوجدش فى وسط ناس

بتجيب غداها من صناديق الزبالة

الحب جواكى استحاله

 

بَارَت مَرَاعِينا والبِئر قَد جَف

وَالْجُوْع يِكْوِينَا وَالْصَّبْرُ مَا كَفّى

وَالْقَلْب لَا يَهْدَا وَالْجُرْح لَا يُشْفَى

وَلِأَنَّنَا طَوْع زِنِّا لَهُم خفّا

جَاءُوَا بِمَوكَبِهم.. واشتغلت الزفة

 

الدفة مظبوطة وأصلا مافيش دفة

والكفة مش مايلة علشان مافيش كفة

و جحا اللى جاى بالليل لساه بيتخفى

 

شايف ديدان الغيط سارحة وما راحماشى

من جبنه شاف الدود سابه وراح ماشى

ولا اتكسف للناس ولا حس على طوله

الناس عشمها كبير جريوا بيشكوله

ضحك جحا ضحكة مواشى

مادام بعيد عن طينى ... ماشى

 

الدود قاعد لك يا جحا ولابد فى طينك

بعد ما يمص فى دمانا مش هيحلاله الا طينك

احنا اهلك احنا رجالتك عمادك

إحنا وقت الشدة سندك إحنا زادك

يا جحا احمى ولادك لو كنت عايز تحمى طينك

 

سوف أرحل ربما يلقانى من ارجو لقاه

هامشى ويا الشحاتين وابكى على حلمى اللى تاه

بس مش هاشحت رغيف

هاشحت وطن لله

هشام الجخ - جحا

إرجع بقى يا عايش في قلبي وسايب مكان.. إرجع يا عمري اللي جاي واللي كان.. إرجع تعالا حبيبي استحالا يفرق ما بيني وبينك زمان..

 صعبة الليالي في بعدك قوي..وصعبان عليا فراقك قوي.. وعارفك دريبي لا يمكن حبيبي يكون قلبو فعلاً عليا قوي.. مين ده اللي بعدك حيقدر يعيش؟؟ بعدك حبيبي الحياه ما تساويش.. يا ناري اللي قادت وكترت وزادت في بعدك منا بعد منك ما ليش.. على عيني الحياه من غيرك..انا ليا حبايب غيرك؟؟ انا مقدرش اعيش من غيرك ولا ثانية يا عمري.. سايبني لمين يا حبيبي؟..يا جرح السنين يا حبيبي.. طول منتا بعيد يا حبيبي..مش قادر اعيش عمري.. ارجع بقى تعالا نلم اللي راح وانكسر..نداوي الجراح اللي سابت أثر.. ادينا اتقسمنا وكترت ألآمنا ومفيش حد فينا اكيد انتصر.. تعالا يا عمري سايبني لمين؟؟..جارحني ذاللني قاتلني الحنين.. عشان خاطري ترجع..فراقك بيوجع..وقسيت في بعدك عليا السنين.. إرجع يا سايبني طول الليالي..لجرحي ولدمعي لشوقي لعينيك..ارجع ماليش حد بعدك يا غالي..ولو شفت حالي حيصعب عليك.. ارجع حرام تكوي قلبك وقلبي بنار الفراق وبإيدينا اللّقا.. ارجع بقى يا عايش في قلبي وسايب مكان..ارجع يا عمري اللي جاي واللي كان.. ارجع تعالا حبيبي استحالا يفرّق ما بيني وبينك زمان.. ولسه الاماني بتنده عليك..ورغم ان عيني بعيده عن عينيك..هواك لسه باقي ونفس اشتياقي..لهمسة شفايفك للمسة إيديك.. يا ريتك تجيني يا ريتك تعود..يا ساكن في قلبي لابعد حدود.. ارجع يا غايب يا اغلى الحبايب ورجع لقلبي الحياه والوجود.. ارجع بقى.


ارجع بقى- مصطفى كامل

أغار عليها من فمي المتكلمي..

عمرو حسن - ويسألونك عن الروحAmr Hassan - W Yasa'lonak A'an El Rouh.mp3

عمرو حسن - السيرة الذاتية لحى الزمالك   Amr Hassan

ياريت أصغر غناء يحيى علاء وكلمات مستر وائل ناجي

TrpMix.CoM.Ghazala.M.ELMaSrY

اغنية محمد المجذوب - رد اعتبار  Rd A3tbaar

Fb.com/ahmed.shalaby8
www.instagram.com/ahmedshalaby77/

كرهينى فيكى

رامي صبري .. محبتش Ramy Sabry .. Ma7bt4 .. 2017

لو يرجع بيا العمر واعيش تانى اللى انا عشته 
لو ينفع اقابل كل اللى انا  ف حياتى خسرته
انا مش هتنازل عن احساس دلوقتى احتاجته 
ايام الواحد لما يكون ف بداية حلمه 
وفى ناس حواليه عارفاه لله ف لله وبتحبه
ناس كدا من النوع اللى الواحد يلاقيهم سنده

Hamada Helal - Nos Omry - حمادة هلال - نص عمري -


رحلة عمري 
بفرحي .... بجرحي 
بحلو .... بمر 
رحلة عمري 
لازم غصب عني تمر 
هيا حياتنا .. نقط و حروف 
حبة حب و حبة خوف 
نحزن ,,, تكسرنا الظروف 
الانسان .. الانسان .. الانساااان 
مش دايما حر 
عمال أقابل ناس ... عمال أودع ناس
عمال أقبل ناس ... عمال أودع ناس 
و ناس تاخدني بحضنها و ناس بحس بحزنها 
و ناس هوااااااااية عندها 
حرق القلوب بالنار 
ان الامال تنهار ... انك تبيع و تخون 
انك تكون غدار 
و أرجع و ما تعلمتش و كأني متألمتش 
و احب ناس تانيين و أغرق في بحر حنين 
و البحر يطلع فاضي 
الحزن نال الماضي ... و الجرح اصبح عادي 
و برغم كل الامي عايش حياتي و راضي 
راضي ....... رحــلــة عــمــريـ 



أوقات بموت مالخوف ... قطر السنين بيطوف 
أوقات بموت مالخوف ... قطر السنين بيطوف 
كل ما أقابل طير وفي دمعة عينيا بتختفي 
أول ما شمعي بينطفي 
كل القلوب بتبيع ... كل القلوب بتخون 
عشرة زمان بتضيع حب السنين بيهون 
و أمشي في طريق وحدية و مطرة دموع في عنيا 
و انوي الرحيل في ميعاد و ارحل و الف بلاد 
وحشني شمس بلادي 
صووووووووت الحنين بينادي 
راحل و جاي بيمعادي 
حافضل لآخر عمري 
الطير الحزين الشادي 
و ادي رحلة عمري 
رحلة عمري 


مصطفى كامل - رحلة عمري

youtube.com/watch?v=-ISlCrpm2SQ

tamr 3ashwr myn atZlm wmyn Zlm / تامر عاشور مين اتظلم ومين ظلم

موقع دندنها - Dndnha.Com

حمزه نمره داري ياقلبي كامله 2018 Hamza Namira - Dari Ya Alby  (افضل اغنية في 2018) .MP3

كلمات والحان عزيز الشافعي
توزيع طارق عبد الجابر
ميكس هاني محروس
ماستر امير محروس
انتاج لامب ستوديوز

اغاني

ano moner