Bronnadh an chéad duais i gComórtais Liteartha an Oireachtais 2015 ar an úrscéal bleachtaireachta seo atá suite i gceantar cáiliúil Chill Mhaighneann i mBaile Átha Cliath. D’fhoilsigh Cló Iar-Chonnacht é an bhliain chéanna. 

Seo Anna ag léamh caibidlí 1 agus 2 den úrscéal. 

Scríbhneoir: Anna Heussaff
Tá an-aitheantas bainte amach ag Anna as a cuid úrscéalta do léitheoirí fásta, don aos óg agus d’fhoghlaimeoirí fásta. Trí úrscéal go dtí seo atá ina sraith bleachtaireachta do léitheoirí líofa: Bás Tobann (Cois Life 2004), Buille Marfach (CIC 2010) agus Scáil an Phríosúin. Trí cinn atá ina sraith mistéire do léitheoirí óga freisin, Vortex (Cois Life 2006), Hóng (CIC 2012) agus Sárú (CIC 2017), ina bhfuil cluichí físeáin fite le heachtraí an scéil. Is i rang comhrá d’fhoghlaimeoirí fásta atá an t-úrscéal grá Cúpla Focal (Cois Life 2007) suite. 

Bronnadh mórdhuais Oireachtais ar fhormhór a cuid úrscéalta agus thuill Hóng Duais Speisialta na Moltóirí ó CBI/Leabhair Pháistí Éireann sa bhliain 2013. Tá a cuid leabhar don aos óg ar an liosta molta don tSraith Shóisearach. 

Tá cónaí ar Anna ina cathair dhúchais, Baile Átha Cliath. Chaith sí blianta ina léiritheoir raidió agus teilifíse le RTÉ sular thosaigh sí ar an scríobh cruthaitheach. Léann sí go rialta ag féilte agus ag ócáidí eile, agus cloistear ar na meáin Ghaeilge í. Tá sí páirteach sa scéim Scríbhneoirí sna Scoileanna agus sa Scéim Meantóireachta.&nbsp;


Eagrán 7

An dara háit sa chomórtas Ghearrscéal  (Duais an Mhaolánaigh) 2015 ‘Súile Éisc’ le Michelle Nic Pháidín.
Rugadh Michelle Nic Pháidín in Albain ach bhog a teaghlach go Ghaeltacht Ghaoth Dobhair agus gan í ach ina tachrán. Fuair sí a cuid oideachais uilig trí mheán na Gaeilge agus thug sí aghaidh ar an iriseoireacht ag an tríú leibheál.
Scríobh Michelle le&nbsp;Foinse&nbsp;agus&nbsp;Lá&nbsp;nuair a thosaigh sí ag obair mar iriseoir. Chaith sí tréimhsí ag obair don&nbsp;Irish Daily Mirror&nbsp;agus don&nbsp;Star on Sunday&nbsp;agus tá obair mar shaorisireoir déanta aici don&nbsp;Irish Times, don&nbsp;Irish Independent&nbsp;agus don&nbsp;Irish Examiner&nbsp;thar na mblianta. 
Tá suim mhór ag Michelle i gcúrsaí teanga agus bhí sí ina cathaoirleach ar Choiste Comhairleach na nÓg agus ina ball de Choimisiún na Gaeltachta. Bhain sí an dara háit i gcomórtas liteartha an Oireachtais sa bhliain 2004 leis an ngearrscéal ‘Baile na mblaincéad.’ Bhain sí Corn Mháire Nic Dhonnachadha don amhránaíocht ar an sean-nós an bhliain céanna. 
Tá dhá leabhar scríofa ag Michelle, An tIriseoir (Foilsithe ag Cois Life, 2016) agus Fuascailt an Iriseora (Foilsithe ag Cois Life, 2018). Bhain An tIriseoir Gearrliosta Ghradam Uí Shuilleabháin amach sa bhliain 2017 i ndiaidh don leabhar an dara háit a bhaint amach sa rannóg ficsean i gcomórtas liteartha an Oireachtais 2016. 
D’éirigh le Fuascailt an Iriseora Gearrliosta ‘Leabhar Gaeilge na Bliana’ ag Gradaim An Post a bhaint amach sa bhliain 2018.&nbsp;&nbsp;



Eagrán 8

Buaiteoir Ghearrscéal 2019 (Duais an Mhaolánaigh) ‘Aonaráin’ le Joe Steve Ó Neachtain, An Spidéal, Co. na Gaillimhe.&nbsp;

Is é Páid Ó Neachtain, mac an údair, atá ag léamh an tsaothair.&nbsp;


Eagrán 1

Buaiteoir Cnuasach Filíochta 2019 'Obair Bhaile' le Louis de Paor.

File, múinteoir agus eagarthóir is ea é Louis de Paor. As Corcaigh ó dhúchas, tá sé anois ina chónaí i nGaillimh - áit atá sé ina Stiúrthóir ar Ionad an Léinn Éireannaigh in Ollscoil na hÉireann, Gaillimh.




Eagrán 2

Buaiteoir Úrscéal Fiscean do Dhaoine Óga (9-12) de chuid Chomórtas Liteartha an Oireachtais 2017 agus Buaiteoir Ghradam Réics Carló 2019 'Boscadán' le hÁine Ní Ghlinn.

Faoin Údar
File, scríbhneoir agus léachtóir is ea Áine Ní Ghlinn. Tá sí ina Laureate na nÓg don tréimhse 2020 – 2022.

Tá 31 leabhar foilsithe aici - 5 chnuasach filíochta do dhaoine fásta, 2 chnuasach filíochta do dhaoine óga, cnuasach miotaseolaíochta d'fhoghlaimeoirí fásta, drámaí, scéalta agus úrscéalta do dhaoine óga (idir dhéagóirí agus pháistí).

Bronnadh Patrick Kavanagh Fellowship uirthi sa bhliain 2019.

I measc na nduaiseanna atá buaite aici tá Duais Fhoras na Gaeilge, Seachtain na Scríbhneoirí, Lios Tuathail 2019 &amp; 2020, Duais de hÍde, Féile Bhéal na mBuillí 2019 &amp; 2020, Gradam Reics Carló Leabhar na Bliana faoi thrí do na leabhair&nbsp;Daideó (2014), Hata Zú Mhamó (2016)&nbsp;&amp;&nbsp;Boscadán (2019) agus duaiseanna Oireachtais do dhrámaí agus úrscéalta do dhaoine óga.


Eagrán 3

Buaiteoir Buaic-Shaothar Próis na Bliana de chuid Chomórtas Liteartha an Oireachtais 2019 agus Buaiteoir Ghradam Uí Shúilleabháin 2020, Leabhar na Bliana don Léitheoir Fásta, 'Máchail' le Ré Ó Laighléis, foilsithe ag Móinín.

Faoin Leabhar
Úrscéal comhaimseartha, ina gcuireann muid aithne ar Chormac Mac Guidhir, ógfhear atá ag tráth ina shaol a bhfuil sé gafa le fearg, le fuath agus le fonn díoltais! Chonaic sé an crá croí a d’fhulaing a athair de bharr, mar a fheiceann Cormac é, spídiúlacht agus fheannadóireacht chleas an airgid, lucht na mbanc, ach go háirithe. 

Scéal díoltais atá anseo ar leibhéal amháin ach, mar is dual do Ó Laighléis, tá i bhfad níos mó ná leibhéal amháin sa scéal seo! Inseacht chineálta, ealaíonta, dhrámata ar úrscéal nach mbeidh tú in ann a leagan uait go mbeidh an leathanach deireanach alptha agat. Saothar atá eisceachtúil ar an uile bhealach! Seo chugat dhá chaibideal as chun blaiseadh beag a thabhairt duit ar an scéal.

Faoin Údar
Is úrscéalaí, gearrscéalaí agus drámadóir é Ré Ó Laighléis a bhfuil aitheantas agus gradaim bronnta air dá shaothair go náisiúnta agus go hidirnáisiúnta. Scríobhann sé i nGaeilge, i mBéarla agus i bhFraincis, agus do léitheoirí den uile aois, agus tá an-chuid dá scríbhinní aistrithe go teangacha éagsúla. Le blianta fada anuas, tá éileamh mór air chun léamhanna agus ceardlanna a thabhairt anseo in Éirinn, sa Bhreatain, san Eoraip agus i Meiriceá Thuaidh.

Is as Sail an Chnocáin i mBaile Átha Cliath dó, ach tá cónaí air sa Bhoireann i gContae an Chláir ó 1992 i leith.


Eagrán 4

Teideal an Leabhair:&nbsp;Tairngreacht
Foilsithe ag&nbsp;LeabhairCOMHAR
&nbsp;
Bronnadh an chéad duais i gComórtais Liteartha an Oireachtais 2018 ar an úrscéal seo agus bhain an leabhar gearrliosta Ghradam Uí Shúilleabháin amach sa bhliain 2019.

Rinneadh cur síos ar Phroinsias Mac a’ Bhaird mar ‘Dan Brown na Gaeilge’ nuair a foilsíodh&nbsp;Rún an Bhonnáin&nbsp;(LeabhairCOMHAR, 2010) agus is cinnte go bhfuil an bheocht, an mhistéir agus an phlotaireacht bhríomhar chéanna, a choinneodh i do shuí mall san oíche thú, san úrscéal seo uaidh.
&nbsp;
Seo Proinsias ag léamh caibidil a haon agus a dó as an leabhar.
&nbsp;
Údar:&nbsp;Proinsias Mac a’ Bhaird
Is as Árainn Mhór Thír Chonaill do Phroinsias. Bhain a chéad leabhar Cogar san Fharraige (Coiscéim, 2002) le béaloideas Árainn Mhór. Tá trí chnuasach filíochta scríofa aige, dhá úrscéal,&nbsp;An Tairiscint&nbsp;(Coiscéim, 2005) agus&nbsp;Rún an Bhonnáin&nbsp;(LeabhairCOMHAR, 2010), agus leabhair do dhaoine óga. Tá gearrscéalta, drámaí agus amhráin scríofa aige chomh maith.
&nbsp;
Is iomaí duais atá bainte aige as a chuid scríbhneoireachta. Léann sé go rialta ag féilte litríochta agus ealaíne agus scríobhann sé ó am go céile in irisí liteartha agus sna meáin eile. An fharraige, saol an oileáin, ceol, béaloideas agus an stair is mó a mhúsclaíonn a dhúil.


Eagrán 5

Buaiteoir Cnuasach Filíochta 2014 'Dambatheanga' le Mícheál Ó Ruairc.

Is as&nbsp;Bréanainn&nbsp;sa&nbsp;Leitriúch i gContae&nbsp;Chiarraí do Mhícheál Ó Ruairc ach&nbsp;tá&nbsp;cónaí&nbsp;air&nbsp;i mBaile Átha Cliath ó 1980. Go dtí seo tá cúig leabhar do pháistí foilsithe aige agus leabhar amháin do mhic léinn ollscoile. Chomh maith leis sin tá trí úrscéal do dhaoine fásta, sé chnuasach filíochta agus bailiúchán amháin gearrscéalta maraon le sraith leabhar don Fhoghlaimeoir Fásta. 

Tá iliomad duaiseanna buaite aige as a shaothar próis agus filíochta thar na blianta. Bhuaigh an bailiúchán gearrscéalta Daoine a Itheann Daoine (Cló Iar-Chonnacht, 2010) an chéad duais i gComórtais Liteartha an Oireachtais in 2009. Bhuaigh Fianaise (LeabhairCOMHAR, 2012) an chéad duais in 2012. Bhuaigh &nbsp;an &nbsp;bailiúchán dhátheangach Dambatheanga:Damlanguage&nbsp;(Arlen House, 2014) an chéad duais in 2014. D’fhoilsigh Arlen House cnuasach nua filíochta dá chuid Treaspásóir: Trespasser in 2019.&nbsp;


An tOireachtas