በአንድ አገር ውስጥ የሕግ የበላይነት መከበር መሠረታዊ ጉዳይ እንደሆነ የሚታወቅ ነው። በመሬት ላይ የሕግ የበላይነት ሲሰፍን (ሕግ የበላይ ሲሆን) ገዢው በህግ ያስተዳድራል፣ ተገዢውም በህግ ይተዳደራል። በዚህ አግባብ በህግ መገዛት(rule of law ) አስፈላጊ ሆኖ ይመጣሉ። በህግ መገዛትን የሚቀበል እና የሚተገብር ህብረተሰብ መፍጠር ደግሞ ግዴታ ይሆናል። በአንፃሩ ለዚህ ህግ የሚያወጣው አካል በህብረተሰቡ ዘንድ የሚታመን ካልሆነ በህግ መገዛት የምንለውን ጽንሰ ሀሳብ መተግበር የማይቻል መሆኑ ወይም ጥያቄ ውስጥ መግባቱ አይቀሬ ነው። 

እንግዳችን ሙሉጌታ አረጋዊ ይባላሉ። ቀድሞ በኢትዮጵያ አዲስ አበባ ዩኒቨርሲቲ፣ ኋላም ለድረ ምረቃ አሜሪካ በማቅናት በዋሺንግተን ሕግ አጥንተዋል። ሙሉጌታ አረጋዊ በዋናነት ዓለም አቀፍ ሕግ ላይ ያተኩራሉ። ሙሉጌታ የተማሩትን ህግ፣ በዩኒቨርሲቲ ያስተምራሉ። ስለ ሕግ መንግስት የተለያዩ ኮርሶችን ሲሰጡ ቆይተዋል።

Adarash Podcast Episode 1

ብዙ ስለምታከራክረውና የኢትዮጵያ የፖለቲካ ማዕከል ስለሆነችው አዲስ አበባ ከተማ እናነሳለን። አዲስ አበባ ራስ ገዝ አስተዳደር ያላት ነች። በሌላ በኩል ይህችው አዲስ አበባ የፌደራሉ መንግስት ግዛት ስለመሆኗም ይነሳል። ደግሞ በሌላ አግባብ ‘የፌዴራል መንግስት እና የኦሮሚያ ክልላዊ መንግስት ዋና ከተማ ሆና የምታገለግል እንደሆነችም ይጠቀሳል። ነገር ግን እነዚህ ጉዳዮች ሲያከራክሩ ይስተዋላል።

ለመሆኑ አዲስ አበባ ለምን ታከራክራለች? በከተማዋ ውስጥ ከፌዴራል መንግሥት ኃላፊነት በመነሳት በአንድ መልኩ የፌዴሬሽኑን ብዝሃነት፣ በሌላ በኩል ደግሞ የከተማዋን ነዋሪዎች ራስን በራስ የማስተዳደር መብት በሚያንፀባርቅ መልኩ ለተለያዩ ፍላጎቶች እልባት መስጠት ያልተቻለው ለምንድነው? እነዚህ ፍላጎቶች የማይታረቁ ናቸው? 

እንግዳችን "The defacto city state status of addis ababa city administration" የሚል ጥናት ከሰሩት ረዳት ፕሮፌሰር ጄቱ ኢዶሳ ናቸው።

Addia Ababa Issue

ኢትዮጵያ የመጀመሪያውን አገር በቀል የኢኮኖሚ እቅድ ሪፎርም አጠናቃ ሁለተኛውን ለትግበራ አዘጋጅታለች። ባለ 59 ገጹ የኢኮኖሚ ሪፎርም ረቂቅ የተለያዩ ጉዳዮች የተካተቱበት ነው። የውጪ ምንዛሬን ጨምሮ የንግድ ዘርፉን ገበያ መር ማድረግን ያካተተው ይህ ሰነድ፣ በትራንስፖርት ዘርፍ የአገር ውስጥ በረራን ለገበያ ስለመክፈትም ያትታል። 

እነዚህ እና ሌሎች የረቂቁ ይዘቶች ለአንድ ኢትዮጵያዊ ምን ማለት ናቸው? የኢኮኖሚ ሪፎርሙ እቅድ አንድ ግለሰብ ኪስ ውስጥ የሚያሳድረው ተጽዕኖ እስከምን ድረስ ነው? እንግዳችን ጌታቸው ተክለማርያም ይባላሉ በሙያቸው ኢኮኖሚስት ናቸው።

Adarash Podcast Episode 3

የኢትዮጵያ ሕዝቦች አብዮታዊ ፓርቲ (ኢሕአፓ) ከፖለቲካ መድረኩ ከጠፋ ከዐስርት ዓመታት በኋላም የሚያወድሱት እንዳሉ ሁሉ፣ በወቀሳ የሚያነሱትም በርካቶች ናቸው። ለመሆኑ ፓርቲው ከነዚህ ሁሉ ዓመታት በኋላ ለምን አልተረሳም? ምን የተለየ ነገር ነበረው? በኢትዮጵያ ብሔሮች ጥያቄ እና ሌሎች አወዛጋቢ የአገሪቱ ፖለቲካዊ ጉዳዮች ላይ የሚያንፀባርቀው አቋም ምን ነበር? የፓርቲው ሰዎች ለኢትዮጵያ ፖለቲካ ምን በጎ ነገር ጨመሩ? ምንስ ተሳሳቱ? በነዚህና ተያያዥ ጉዳዮች ላይ የተዘጋጀ ፖድካስት ነው ፡፡ 

እንግዳችን በቅርቡ "ፓርቲው" የተሰኘ መጽሐፍ ካስነበቡት የቀድሞ አመራሩ ወልደ ልዑል ካሳ ናቸው ፡፡

Adarash Podcast Episode 4 Wav

በኢትዮጵያ የፖለቲካ መድረክ ከአንድ ዓመት ወዲህ ተደጋግሞ ከሚነሱ ጉዳዮች መካከል አንደኛው ሃገራዊ ምክክር ነው። በአገሪቱ ይካሄዳል ለተባለ ሃገራዊ ምክክር ኮሚሽን ተቋቁሞ ሥራ ላይ መሆኑም የሚታወቅ ነው። የሃገራዊ ምክክር ፅንሰ ሐሳብ ምንድን ነው? አገራት ለምን ብሔራዊ ውይይት ያደርጋሉ? በነዚህና ተያያዥ ጉዳዮች ላይ የተዘጋጀ ፖድካስት ነው ፡፡ 

እንግዳችን ሃገራዊ ምክክር የጥናት ጽሑፍ ካዘጋጁት በግጭት አፈታት ስልቶች በሳልዝበርግ ዩኒቨርሲቲ  የተመሰከረላቸው የሥጋት እና ትንተና ባለሞያው አቶ መኮንን ዛጋ ናቸው ፡፡

Adarash Podcast Episode 5

It focuses on politics, current events, and ideas, with a special section dedicated to the National Dialogue. Complex subjects will be explained in layman's terms to ensure that our audience understands important conversations that touch their daily lives.

አዳራሽ ፖድካስት|ADARASH PODCAST

Popular tracks