Billie Jean - The Civil Wars (Cover)

Good 4 U - Olivia Rodrigo (Cover)

Happier Than Ever - Billie Eilish (Snippet)

Alapaap - Eraserheads (Cover)

Creep - Radiohead (Cover)

Sweet Dreams - Beyonce (Guitar+Vocals)//Cover

눈 코 입 - 태양 [Eyes, Nose, Lips - Taeyang] (Korean Version//Cover//Demo)

Misteryoso - Cup of Joe (Cover - Snippet)

Ang sarap siguro mag-daydream na kasing importante ka sa taong importante sayo
‘Yung hinihiling ko na kahit minsan lang sa pitong araw sa isang linggo eh, baka pwede namang ibigay mo sa akin ‘yung isa.
‘Yung sana sa isang araw na ‘yun eh ang pangalan ko lang ang tanging bukambibig mo at wala nang iba pa.
Ang sarap siguro mag-daydream na kasing importante ka sa taong importante sayo
‘Yung titignan mo ako tulad ng pagtingin mo sakanya.
‘Yung mga sulyap na daig ko pa ang yelong natutunaw sa init ng sikat ng araw.
‘Yung mga sulyap na nagiging daan upang makita ko ang kayumanggi mong mga mata.
Ang sarap sigurong mag-daydream na kasing importante ka sa taong importante sayo
‘Yung kakamustahin mo ako dahil pakiramdam mo malungkot ako
‘Yung lalambingin ako boses mo habang naguusap tayo sa telepono hanggang alas dos ng umaga.
‘Yung ihehele ako ng mga salita niyang “Mahal kita.”
“Mahal kita. Mahal kita.”
Paikot ikot lang sa isip ko ang mga binitawan mong salitang “Mahal kita.” habang nakatingin ako sa kisame ng kwarto ko
Heto nanaman ako at umaasang may ibang ibig sabihin ang mga salitang ibinabato mo sa akin kahit alam kong wala naman talaga
Sa huli, ipipikit ko ang aking mga mata at hinihintay na mapanaginipan kita para kahit sa sandaling oras lang ay masabi kong “Akin ka.”
Hay, ang sarap siguro mag-daydream na kasing importante ka sa taong importante sayo
Pero kahit gaano pumula ang puti ng mata ko O kaya lumalay ang talukap na ito sa kakahintay na magkatotoo ang mga pinapangarap ko ay hindi pwede kasi alam ko ang realidad na hindi ako kasing importante sa trato ko sa kanya
Kasi habang iniisip ko na hawak ko ang iyong mga kamay ay naiisip ko rin kung paano mo hawakan ang sa kanya kahit na hirap na hirap ka na
Kasi kahit iniisip kong magkatabi tayo sa kama at pinagmamasdan kita habang natutulog ay hindi ko magawa dahil hindi matanggal sa isip ko na kayakap mo siya
Kasi kahit iniisip kong isinasayaw kita sa saliw ng malambing na tugtugin sa ilalim ng malamlam na ilaw ng bumbilya sa aming kusina ay hindi ko makaya kasi nakikita kong masaya ka nang kausap lamang siya
Hay, ang sarap mag-daydream no? Pero ang masaklap lang, hanggang daydream lang ako.
Dahil sa mga mata mo’y ako’y isang bulaklak na palamuti lamang sa isang pader na walang kulay
Dahil sa mga mata mo’y ako’y isang upuang handa kang saluhin kapag ika’y pagod na
Dahil sa mga mata mo’y ako’y isang kaibigan lang
Pero teka lang, makinig ka.
Isang buntong hininga na lang ang aking ihihinga dahil ito na ang gabing pakakawalan kita
Hahayaan kitang lumipad na parang isang agilang malaya na dala ang mga munting pangarap ko kasama ka
Pero teka lang, makinig ka.
Isang buntong hininga na lang ang aking ihihinga ngayong gabi dahil marahil pagkatapos ng lahat ng ito ay uuwi ako at hihiga sa kama ko at makakatulog bahagya habang isinisigaw ko sa isipan ko ang pangalan mo
Pag-gising ko sa umaga, ikaw ulit ang maaalala ko at maaring pagsisisihan ko lahat nag pinagsasabi ko ngayong gabi
Dahil ngayong gabi, ikaw at ikaw lang ang aking iisipin at kakainin ko lang lahat ng sinabi ko dahil uulit-ulitin ko lang ito at sa bandang huli ay itatanong ko sa aking sarili:
“Ang sarap sigurong mag-daydream na importante ka sa taong importante sayo.”

Popular tracks by ch