هو زي شجرة خضرة واقفة صامدة في الصحاري
هو وش بسيط بضحكة طالة في ساعه العصاري
هو شمعة في وسط ليل زي نور بعيد بميل
هو قشة في بحر هايج إتعلق بيها الفقير الأمل

الأمل هو الصوت لما الخوف يفرض سكوت
الأمل هو الحياة لما تبقي الحالة موت
والأمل مليان بنور أقوي من ريحة القبور
الأمل هو البطل اللي اسقط ديكتاتور

لو قتلته تقتل شعب ..أقوي من جيوش في حرب
زيفوه و قالوا نهضة حرية و عدالة كدب
بس اكيد مش دي النهاية لسه في باقي الحكاية
مستني مولود جديد يتولد بأمر رب.
اسمه الحق اسمه النور اسمه الشعب يعدي السور
اسمه الحلم اللي جي حتي إن كانت ارضي بور
اسمه شايف جيل جديد مش عايش عيشة العبيد
حر زي ماخلقه ربه و الحب سلاحه الوحيد. الأمل

ArabiscaOfficial

Popular tracks