Við erum hljómsveitin Fiesta og spilum dansvæn nútíma lög í bland við þekkta gamla slagara ásamt gríðarlegri skemmtun með gleði og fjöri að leiðarljósi. Bókanir í S:8486342

Saga hljómsveitarinnar á rætur að rekja til 2011 þegar Kristín Inga, Lilja Hrönn, Arnar og Sigurður Orri hittust í litlu húsnæði á vatnsendanum til að æfa nokkur lög fyrir árshátíð sem leiddi út í að þau skelltu í fleiri og fleiri lög og úr varð nokkuð létt swíngað ball. Eitt leiddi af öðru og fengu þau til sín trommarann Sævar Már Óskarsson og bættu í kjölfarið við fleiri lögum á prógrammið og tóku þau nokkur gig saman. Seinna meir fengu þau til sín Magna Frey Þórisson á gítar og loks var þá komið fullskipað band. Bandið tók nokkrar æfingar í mikilli gleði en náði aldrei almennilegum hæðum vegna annríkis meðlima í námi. Nokkrum mánuðum seinna eða um vorið árið 2012 kom bandið aftur saman með nýjan gítarleikara og nýjan trommara, Rafn Helgason og Arnar Freyr Aðalsteinsson og vegna eftirspurnar spilaði bandið í fyrsta skipti fullt prógramm á 2 árshátíðum. Bandið fór í lægð yfir prófatímann það árið en kom svo saman aftur með nýjan gítarleikara Jón Anton Stefánsson og slógu í 1 gig á Gullöldinni í Grafarvogi um sumarið í þeim tilgangi að skemmta vinum og vandamönnum áður en Orri og Kristín færu út í nám um haustið. Bandið spilaði svo á 1 balli um haustið í kjölfarið af Gullaldarballinu. Kristín kom aftur heim um jólin 2012 og í staðinn fyrir Orra sem stundar nú nám í Danmörku þá tók Árni Freyr Snorrason við hljómborðinu og er þá bandið orðið fullmannað aftur með 3 upprunalega meðlimi innanborðs og klárt í allsherjar gleði og söng ;)

Bandið hefur prýtt nokkrum nöfnum eins og Sjússsveitin, Fantastic 4, Stína og Strípalingarnir, Ástríða og nú Fiesta.