Ako ay reklamador
ni Arvil P. Domingo

Araw araw nalang ba tayong tatahimik
Sa mga isyu sa bayan ay walang imik
Magbubulag bulagan habang pinapakain ng putik
Habang ang iba ay namumuhay na parang biik.

Dahil sa bayanihan nakilala tayo sa mundo
May pakeelam ka ba talaga sa kapwa mo Pilipino
Kung tawagin mo ay reklamador at mga gago.
Bakit kaya mo ba silang bigyan ng trabaho?

Buksan mo nga ang iyong nga mata.
Basahin mo ang bawat talata
Pakinggan mo itong aking salita.
Hindi lang ikaw ang tao, gago ka ba?

May mga taong mas mahirap pa sayo
Mga walang makain, mga lumad, mga katutubo.
Mga tao na nilamon ng kapitalismo
Nawalan ng tahanan, natutulog sa kanto.

Oo na, ikaw na ang may kaya.
Kumakain ka ng higit sa tatlo, sila minsan wala pa
Oo na, ikaw na ang may pera.
Habang sila tinitipid ang kakarampot na kita.

Oo na, kami na ang puro reklamo.
Naiisip mo bang hindi lahat katulad mo
Oo na, kami na ang mga gago
Ang hangad lang naman namin ay pagbabago

Tumingin ka nga sa iyong paligid
Wag kang magmukmok sa iyong silid
Kung hindi mo pa batid
kahirapan ang nagtatali sa atin na lubid

Kaya dapat ay magsamasama tayo
magtulungan para mapuksa natin ito.
Para sa mga tagapagmana ng bayan ito.
Para sa ating kapwa Pilipino

-APDomingo 13/09/18

Ako ay reklamador ni Arvil P. Domingo

Arvil Domingo