Huling kabanata
ni Arvil P. Domingo

Noong una kitang nakilala
Sobrang saya nating dalawa
Linggo linggo magkasama
Magkausap hanggang umaga
O diba ang saya 
Di pa uso noon ang problema

Di nagtagal, nagkaroon ng mga tampuhan
Maliit lang, nadadaan naman sa lambingan
At kahit minsan meron tayong sagutan
Siguradong walang ayawan
Oh diba nagkakaintindihan
Mag-aaway pero walang iwanan

Pero anong nangyari ngayon?
Nasaan yung tayo noon?
Maliit na problema pinapalaki
Unting sagutan ay dumadami
Tayo ngayon ay nagkakasakitan
Nasaan na ang pagmamahalan?

Naalala mo ba dati?
Sinundo kita sa USTe
Natraffic lang ako unti
Ano ano na ang iyong sinabi
Ayaw ko lang na magisa kang umuwi
Sapagkat delikado sa maynila pag gabi.

Sabi nila pag mahal mo
Lalaban ka, di susuko
Lumaban naman ako
Noong sinusukuan mo na ko.
Nanatili sa tabi mo
Kahit tinutulak mo ako palayo.

Pero lahat pala ay may dulo
Napapagod rin pala ako
Ang sarili ko'y winasak ko
Para ika'y mabuo
Patawad mahal ko
Ako ay sumuko.

Ang hirap pala sumabit
Kung di mo alam kung saan kakapit
Ang puso ko'y nalilito
Ano nga ba ako sayo?
Sapagkat mahirap lumaban
Pag alam mong wala kang masasandalan. 

Ako sana'y mapatawad mo
Mahal ko susuko na ako
Durog na durog na ang puso
Pagod na pagod na ko
Ito na nga ba ang dulo?
Katapusan na ba ito?

Sana kahit na ganito
Kahit humantong na sa dulo
Gusto kong malaman mo
Na hanggang wakas, ikaw lang ang mahal ko.

-APDomingo 08/09/18

Huling Kabanata By Arvil P. Domingo

Arvil Domingo