Pag-amin
ni Arvil P. Domingo

Minsan mapaglaro ang tadhana
Kahit di hinahanap bigla biglang nakikita.
Dumarating na parang bagyo
Nagiiwan ng malaking pagbabago.

Ikaw, oo ikaw, na bumihag sa akin puso
Nais kong malaman mo na ikaw ang iniisip ko
Ikaw, oo ikaw, na bigla nalang dumating
Nang ako'y iyong pinansin natupad aking hiling

At ako'y ngayon ay nagambala
Aking puso ay napana
Ng mahiwagang palaso
Na galing mismo kay kupido.

Mga salita na naglalaro sa isipan ko
Handa na ba ako na sabihin sayo ito.
Harapin ang takot na bumabagabag sakin
Gawin ang lahat upang ika'y mapasaakin.

Tumalon sa malalim na bangin
Umasa na ako'y iyong sasaluhin
At kahit walang kasiguraduhan
Handang handa akong lumaban.

Oo, handa na ako, sumugod sa laban na ito
Isusugal ang lahat, makamtan lang ang pagibig mo
Oo, handa na ako, isaalang-alang ang takot ko
Isasakripisyo ang lahat ipaparamdam ko na ako'y sayo.

Dahil ang taong ito ay handa na
Handa ng ipaglaban ang nadarama.
Oo na, Oo na, mahal kita

-APDomingo 22/08/18

Pag - amin ni Arvil P. Domingo

Arvil Domingo