Artist : Amr Saiko & Joudy Alhouti
Music Production : Amr Saiko
Composer : Amr Saiko
Record & Mix & Mastering : Amr Saiko
Social Media : Amr Saiko
EL HEETAN STUDIO : 01273003595
معلومات المشاركين فى الاغنية الاصلية :
كلمات : جودي الحوتي 
ألحان :جودي الحوتي وصالح ياسر
تنفيذ موسيقي :صالح ياسر

ويش جابك قولى ويش جابك - wesh jabak 2oly wesh jabak | Amr Saiko

Rapper & Lyrics : Amr Saiko
helped by: Mahmoud 3essaM

New Track ll Amr Saiko ll El-Z8aba

Amr saiko
Link soundcloud : @am-k
Link Facebook :www.facebook.com/amr.saiko.7ote.elrap

Track وانا ll Amr Saiko || S:E : baroon

*
lyrics : Amr Saiko
Rapper : Amr Saiko
SE : Amr Saiko
Beats : S-lam Shetoz
Amr Saiko Official Home Studio @ 2018

lyrics :
ماليش غير السما بتسمعلى , ماليش غير الهوا بينفعنى
انتى فطعتى كل طريق كان ممكن يوم انه يرجعنى
وانا حوت ماليش غير صحبة وكاس
عينك صاحب سوء بيقول سرك للناس
كتر الهموم فوق الجفون بيخلى عينك تتقل
سيب الموبايل من ايديك دى  راحت مش هتسأل
شش .. امشى فى سكات
والى خانك ارخص من دخانك فا تعتبره مات 
لازم ادوس عليكى واعدى خيانتى مش موضوع يتقفل
الحب الى فات زى الطرف الى مات لازم يتبتر
والعيب عليا انا الى كتبتك على اول جدولى
ما تردى تقولى ازاى سقيتك وبتتدبلى
وقت ما المفروض اعيط هبتسم واخربها ضحك
مش هبين وجعى للى راح وسابنى لا هغش 
انتِ خونتى .. وانا الايام هتجيبلى حقى 
هتمشى وتيجى تبكى وتيجى تجرى لحد عندى
____
" سيبتك مع انى بحبك بس دى الحياة "
مش كل شىء بنحبه هينفع نكمل معاه
مش كل شىء نهواه بيبقى فيه النفع لينا
دى النفس مابتهواش غير كل شىء يأذيها
حبة سكوت بلاش كلام -
افعالك قالت كل شىء مقالهوش اللسان 
ساعات بسرح فى ماضى كله مر وكله شر
عملت حاجات كتير غلط ولكن محدش غيرى اتضر
______
الى بيغلط بيتوب - لكن الخاين فيه داء
الى خانك مرة هيخونك كتير #مدى_الحياة
حُبك كان سُكر بيخدر وانا سلمت ليه 
وضفايرك حبل كنت بشنق نفسى بيه
بيتنا اتهد كان من طين وقش بيتنا هش 
انا من كتر التفكير بقيت بسمع فى دماغى وش
صحيح ماموتش بس مش عايش قتلتنى
مفارقتش الحياة بس الحياة فارقتنى
العمر هيجرى بيها ويأذيها وايامها تشوطها
وانا هتمزج بسماع اوجاعى بكرا - بس بصوتها -
حبيتها حُب جت سقيتنى شوت كاسين ومر
انا حبيتها كتير - والكثرة فى اى شىء بتضر
صوتك نغمة جوا ودنى بتتسمع فى هدوء 
حُبك سُكر بيبهدلنى , وانا نفسى افوق
وبتيجى فى بالى بيبقى نفسى اسألك عادى او مش عادى 
انى ابقى ماشى فى اى شارع وافضل اسمعك بتنادى
وابص فى اى وش احس ملامحك فيه
واحس كل بنات الدنيا حتت منك متفرقين
____
(سيبتك مع انى بحبك بس دى الحياة)

S:E Amr Saiko

Amr Saiko - | El tkato3 el Sades - التقاطع السادس | - Prod B< S-lam Shetoz | SE : Amr Saiko

*
مُجرد رسالة عنوانها "من حُبى فيك يا جارى :)"
Rapper & Lyrics : Amr Saiko
SE : El Aswany
Beats : Free
lyrics : 
ذكرياتك كانت شريط فى دماغى بيتلف ويتعاد 
كل يوم تحت بيتك كنت بعدى وفى نفس المعاد
وفى نفس المعاد كل يوم بتخافى تشوفينى
والصدف كانت فى صفك انا الخوف مالينى
رغم ان بيننا كام خطوة وشبه الباب فى الباب 
كنت بحس انك عزلتى وكأن بيننا بلاد !
هتنسى ازاى !! ايام وشهور و ورود و وعود
لسه رقمك متسجل ع الموب بانك " بنت الحوت " 
م الصعب روحك تتلضم بحبيب يصبح فى يوم غريب 
يدغدغك وكل شبر فيك يحتاجله 100 طبيب
سايبالى كام جواب وصورنا وذكرى واجعة
" سايبالى جواب كداب عنوانه " انا مهما بعدت راجعة
----
كبرنا والزعل مبقاش بيطلع فى الدموع 
الضحك باين ع الوشوش المر عشش فى الضلوع موجوع
قُربك ده كان هو الامان بُعدك شيطان دبحنى
ايدك دهب متطبطبيش على ضهرى الى محنى
ضحكت فى سرى وقولت " متسيبينيش لوحدى "
ضحكنا كلنا وبكيت لوحدى , مين لمحنى
ضحكت عشان مبانش ضعيف وانا بترجاكى تبقى 
ورغم انك فهمتى قلة حيلتى برضو قدرتى تمشى
----
سلملى .. ع الى قال هاكون معاك ومجاش 
البُعد نار تحرق وعود كانت قماش
----
كرابيج الدنيا , بتدى جلد الصبر تُخن
انا دايماً بكتب عن نفسى فا تلقى كل كتابتى حُزن
انا اتعدمت بغير ارادتى مكانش فى ايدى ارفض او اقبل
بنزف من جوا ومن برا وعايش بس كأنى هيكل
حُبك .. كما الارهاب عذاب والموت نهايته
وردك .. فى كل دين ذُكر ان حرام سقايته
عايم ما بين شطين غريق كداب وبقولك راسى
لو فضلت احلم بضيك انا هدبل فى وقت قياسى
دى خمسة حداد على الحب الى كان ما بيننا
احباب لكن من غير معاد جالنا الفراق قابلنا
قابلى الموضوع بضحك ان حد سألك عنى
( وقوليله هنتقابل فى يوم وهنرقص ع الوجع ونغنى )

All Rights Reserved For Amr Saiko @ 2018

aswany 01153200119;

Amr Nasser Saiko - الباب فى الباب | SE : El Aswany

*
التراك بيحكى قصة مريض غرفة 207 
الى بيجسد قصته فى كام كلمة وصلته للمكان الى هو فيه
*
Rapper & Lyrics : Amr Saiko 
SE : El AswaNy
all rights reserved For Amr Nasser Saiko
*
البيت ده اتهد بس هيبنوا بداله بُرج
بتمشى ع الوجع كأنها بتعزف أورج
هأ ! انا عكس كل كلمة اتقالت عنى
يمكن تبقى هى فردة تانية يمكن ابقى غاندى
دول الف لون والف شكل
وانا .. أنا دوقت حريم اكتر ما دوقت اكل
انا - انا كنت فاكرك صاحبى وسند
كنت فاكرك ضلع زيادة بيحمى قلب بيحبك للابد
هبل - كنت فاكرك حد ماددلى ايده اخر الجبل
طلعت حِمل - حبل بيمدنى بشلل
فا بلاش مشتاق كل المشاكل داء سواء دواها الوقت
تقليب دور على نفسك فيك تلاقيك انت اتسرقت هأ !
احساس اعمى بيحكى لاخرس عن حياته
انا اتدفنت الف مرة فى قبر كل حبايب ماتو
يغلو عليا لكن ميغلوش ع الى خلقهم
كانو اطيب من كونهم بشر فا ربك خدهم عنده
---
بطل العالم فى احكيلى ومافيش
والى اذونى هم برضو علمونى ازاى اعيش
شُكراً - يستحقوا رد يستحقوا اُجرة
سلفونى حاجة لفترة وعدتهم هردهالم بكرا
الدنيا لعبة وانا لعيب واللعب زار 
عديتكم كلكم وكسبت كأنكم ادوار
البيت ده حضن - بتخرج منه للشارع تتخض
كل حاجة برا عكس جوا وكله قطم وعض
وكل فعل لازمله رد بقيت فى الدايرة بتتحط 
ياقاتل يا مقتول مافيش وقوف فى نص الخط
شيلهم وارميهم ع الجناب خليك بلدوزر
الى يخونك مرة تانى مرة قوله خلاص جيم اوفر
انت ليك بديل هيعوضك لو كنت ايه
ده الاعمى لما فقد بصره بقت صوابعه عينيه
مش علشان فشلت مرة يصيبك كل مرة هلع
مش معنى ان التايتنك غرقت ان البحر اتمنع
روحت لدكتور وصفت حالى كتب الفضفضة علاج
وكل شهر تراك واقول هنساك ومش بنساك
كتبلى راب - حبنى الاف فا مرضوا زيى
ولا بقى ينفع انى اخف ولا بقى ينفع ابطل اغنى
بيس - بتراوضك كوابيس انت تعيس
الجنة بعيد ولسه كتير خليك ابليس
النار اقربلك - الخمرة والمغنى والطبلة والسهلة 
والسحلة والغالية والجاهلة على مهلك هتقربلى ارتاحلك
فا هنحب بعض صعب نبعد 
واحدة واحدة حد يهرب فجأة ابيض يقلب اسود
قلبه كورة والحياة دى ملعب هى شاطت
مشاعره اتبهدلت واتقطعت وشاطت
انانية فيه هى عمرها باصت
وهو ملقاش منها الى اداهولها فا علاقتهم باظت
الحُب سفرة والى مات يدفع الشيك
بعدنا عن بعض بكره وده بعد مش شيك
زيك زى الدم منسوبك فى جسمى ثابت
قربت بعدت مسكت ايدها وهى سابت
طريق بعدك اطول من سور الصين
مش هنساكى ولو وقعت على دماغى من الدور العشرين
شوفتها حبيبتى شافتنى دب 
سيبكوا م الدراسة وابقوا علموها ازاى تحب
ببنى من فشلى نجاح مكانش بطوبة طوبة
قلبى شقق م الوجع اكيد مكانش من الرطوبة
___
زمن الانعاش الهدوم بفلوس و البنات ببلاش
كله ع المعاش والى جيه زى الى مجاش
قولى عاش - الى اعتبرنى غايب - اعتبرته مات
عشق البنات حكايات وانا كاتب لفيتهم سبع لفات
الى غاب ده ساب براح والحوت زى القطط سبع ترواح
ببيع جراح ولو انتو فسحة فا انا مرواح
خد حُب كل شىء بالحب فانا اخاف لا تصحى
البنات بتروح وتيجى بس اهم حاجة الصحة
من كُترهم بنات بقيت بقابل مجموعات بالفاكس
كلام محلات - وانا تقريباً بقيت بالحجز
كلامكو المعسول مابيغيرش حياة بنى ادمين
والورد الى ع القبور ماعييش الى ميتين
يا زميلى - الى راحتلك كات بتجيلى
مسيرها تهجر بحرك المالح وتجيلى تشرب نيلى
خدت بيها قرض مسددتوش حبيبتك رَهنى
مش معنى ان صاحبتك بتحبنى انك تكرهنى
خليك رويح زى المراتب فرع تاكى
للاسف حبيبتك نقل جماعى مش ملاكى
جى بى اس لاففها عارفها حافظها صم
انا كلتها قطمة قطمة وهم هم

غرفة 207 - PsyCho | Amr Saiko - SE : El AswaNy @ 2018

*
#فلوماستر_ابيض
Rapper & Lyric : Amr Saiko
SE : EL ASwany
Beats : Free 
thanks 4 el warsha Beats
follow Me on Instgram @el_7ot
All rights reserved For Amr Nasser Saiko @ 2018
lyrics : 
مرة اقرب م الوريد , ومرة ابعد م الخيال
مرة ساكنة الحضن ’ مرة ساكنة البال
مفضلناش زى ماحنا بقيت بفتكرك وبحزن
كان نفسى نكون سوا كان نفسى تكون السكة واحدة
شيل سلاحك اصلب طولك انت فى حرب
انت فى طابور العرض الدنيا مدوراها الضرب
ماروحتش ليها عشان زمانها اقتنعت انه نصيب
وانا مش حمل اشوفها بتضحك للغريب
ولا حِمل عينى تيجى فى عينها ومحضنهاش فى سكوت
كونها تعدى من جنبى وتمشى ده خلانى اموت
عدت من جنبى لكن حسيتها عدت فيا
هى الوحيدة فى الكون الى قدرت تحدفنى باذية
مش حِمل اشوفها طفلة فى ايده خاينة فى عينى
مش حِمل اشوف الدنيا واقفة بينها وبينى
مش حِمل احضر فرحها ومبقاش العريس
انا مش حمل انى اضحك ضحكة تبقى منحوتة بدبابيس
______
متدمعيش دموعك مش هتطفى نارى
هاقف ع الناصية الى بيننا واقول من حُبى فيك يا جارى
نفس المكان عديت من جنبه مشيت بشويش
يمكن هتجيلى و هستناها ع الكورنيش
يمكن - نفس الرصيف يجمعنا ونيجى نعد نجوم السما
يمكن هتكونلى عيونى لما اتصاب بالعمى
من يوم ما بعدنا وانا فى السكة بقول يا محسنين لله
ازاى قدرتى تكملى الطريق لوحدك يا
_____
رغم انى شايفك وانتى شايفانى ومنكدبش عيننا 
حسيت كأن الدنيا كانت واقفة بيننا
بيتنا مبقاش هو بيتنا الدنيا غربتنا
العمر سكة وانتى الرفيق وانا احب الرفقة
سألونى نسيتها قبل ما ارد عنيا قالت لا
سبقتنى دموعى فا قولت ان الحكاية حكاية وقت
حسيت فراقنا طلوع الروح من جسمى
قعدت 4 سنين بستغرب انا ازاى قدرت اسيبها تمشى
مع انها بلتلى رمشى
غلبان بقول و مهما كان دى برضو بنتى
سيريتها بتقلب مواجع وانا كان نفسى اكون نساى
تجرحنى فا انسى واسيبها تدوب زى البسكوت فى الشاى
مقالتليش حبت جديد عشان خافت عليه
ماهى عارفة الى يقرب من بنت حوت يحصله ايه
مبنساكيش وده داء مالوش علاج كأنه فرض
انا صعبت على الى فى السما و فى الارض
________
انا غنيت وناديت ومابتسمعش مهما بنده
بضحك مع ان فى قلبى نار جهنم
اشرب واغيب عن وعيى وانتى متغيبيش
تأذينى واسأل نفسى انا ازاى مبكرهكيش
بعد بُعدك انا بسأل الاحباب الراحة فين
لكن مايصحش اسأل الدنيادى مبتضحكش ليه
ميصحش اسأل انتى روحتى فين
ببكى بقلبى عشان ميصحش ابكى دموع م العين
____
شوفتها بتغيب شافتنى بموت وكانت راضية
كملت الطريق كأنى انا فلوماستر ابيض

aswany studio elz8aba

Flomaster Abiad - Amr Saiko | فلوماستر ابيض - عمرو سايكو

all rights reserved For Amr Nasser Saiko Teamwork 
Don't Try to post this track from any fake account 
النهاية الى هتشوفها هنا ليها مفاجأة فى الكليب ,
استنى الكليب خلال الشهر ده عشان تعرف نهاية القصة

 For #Amr_Saiko
Rapper & lyrics : Amr Saiko
S:E : El Aswany
Vidoe M : Ahmed Bedier - lot of thanks 
lyrics : 
بقرأ الجواب بخطك فـَ بسمعه بصوتك
كل الحروف حتى المسافات بقراها وبتخيل سكوتك
بقول ادى الايام ؛ يا ريتك عندى
بشم ريحتك طالعة من هدومى احسك واقفة جنبى
انا لو بتعالج م الى انا فيه فانا بتعالج عشانك
من بعد موتك مافيش مخلوق ياخد مكانك
مش هنسى يوم ما جتلى الكارثة 
كلمة ابويا شد حيلك يابنى
من بعدك السرطان غلبنى
مبقيتش قادر ع العلاج هتعالج ليه
بعدك مافيش فى الدنيا شىء يتخاف عليه
انا كنت حاسس كنت خايف لما تعبتى انا مت مكانى 
كدبوا عليا لما قالولى بكرا تخفى ونضحك تانى
سهرى جنبك ، مسكة ايدى ، بتعبلك وبتتعبيلى 
تغمضلك عين فا اموت م الخوف واقولك "اوعى تغيبى"
تتوجعى نقطة بتوجعلك الف محيط 
متخيلتش انك تسألى الملايكة من بعيد لبعيد
مهمنيش حاجة غيرك ده انا ابيعلك حياتى
سرطان وكيماوى وكنت سعيد علشان معاكى
مر الكيماوى من ايديكى كان عسل كنتى امل 
كان نفسى تعيشى حتى لو كنت انا هكون التمن
كانت واعدانى نكمل طول حياتنا بس القدر خانها
وعدت تلبسلى الفستان لقيتها بتلبسلى فى كفنها
يا ريتنى هناك ، يا ريتنى معاك
الوقت بعدك مات انا كل حلمى دلوقتى القاك
لا ، مش هتخلص كدا دى مش النهاية
ارجعلى ، طب خد من عمرى وعيش معايا
ماليش بعدك حبيب ارجعلى خلاص مش قادر
"يا ريت تقول امتى هنتقابل"
ازاى روحك تروح وانتِ باصة فى عينى 
بقى كان ساعتها ملك الموت واقف بينك وبينى
كل الكلام بيتوه الا الكلام مضمونك وارد جداً انسى اسمى لكن مستحيل نسيان عيونك
مش قولنا ان احنا هنتعالج سوا وهنحيا ؟!
لما ضحكتى ساعتها كانت اخر ضحكة !!
ماليش سند بعدك ولا ليا حضن يضم 
يتيم الروح انا وانتى كنتى ليا اجمل ام
انا بصيت فى عينك كنت سامع صوتك
لما متتى انتى انا كنت اكتر واحد كدب موتك
صوت نفسك فى قلبى وضحكتك سامعها 
حتى العيون كانت نجوم وسط الهموم بتلمع 
كل نفس عشت بيع دخل ليا خرج منك
لو متى اموت كانى طفل وانى ابنك
وعد هنتقابل انا مش قابل انك يوم تتاخدى منى
بلاش تسيبنى حبيبى كلمنى وطمننى
حسسنى ان ده كله كابوس اوعدنى بكرا نفوق
انت كنت واعدنى ان انت مش هتموت
مش هتموت وتسيبنى مش هتموت وتفوتنى 
يا رب يا ترجعه لحضنى يا اما يا رب خدنى
طب يعنى ازاى انا اروح وانساك هل كنت سراب
وشك الى حفظت ملامحه خلاص هيبقى تراب
خلاص هتمشى ايدك مش هلمسها لما اخاف 
مش ههمس فى ودنك مش هقولك حضنك اعتكاف 
انا بناديك ، وعد منى هفضل ليك 
لو عشت الف سنة فوق عمرى هفضل مستنيك 
مش هنساك ، لانك عايش جوا منى مش بتموت 
اقوى من سرطان بيهرب وبيقتل فى سكوت

أخر ضحكة الجزء الثانى | Amr Saiko | يُتبع

*
all rights reserved for Amr Nasser Saiko -
متنساش تعمل اشتراك للقناة وتتابعنى على انستجرام @el_7ot
Rapper & lyrics : Amr Saiko
S:E : El Aswany
V,m : Ahmed bedier
Beats : El Warsha

lyrics : 
كنتى ع الكتاف متشالة واديكى جالك يوم هتجرى
مش هكونلك تاج فوق راسك ، مش هتكونى تراب فى رجلى
ومهما تدورى ع الى شبههى فى كل حتة مش هتلقى
مش هيبقوا عمرو ، مش هتلاقى فيهم حتة منى
مش هاممنى .. فات وقتك تحنى 
لما اشوفكك بيعتى نفسك هضحك مش هقول يا ريتنى
الحوت مبينحنيش ، يعنى باب الرجعة قفل
سيبتك مع انى كنت جوا كٌرسى بعجل
وفضلت لوحدى عدى الكل زى الوقت وفات ، 
الى قال هيعيش مقتول والى قال خلاص ده مات
وفيه الى خاننى وفيه الى شالنى وفيه الى سابنى وفيه الى غاب
وعدتهم بالغالى بكرا عنى هيتحاكو حكايات
الدنيا كشرت ولقتنى وقعت ، كل شىء اتبدل !
والمخدة شالت دماغى لما كتفك خدل
لو جيتى للحق كان نسيانك عمد - بعاند حالى -
عشان انساكى حبيبتى كنت بشرب سم هارى 
قال يعنى زينا بتحس بتعرف تتجرح وتحب
حلفت على كل حاجة وكانت بتحلف كدب 
- اديك عرفت - خدلك قرار ابعد وسيبها 
الطيبون للطيبات سيبها لخبيث يكون نصيبها 
حبتينى .. لا .. طب صونتينى .. لا 
هأه .. شوفتى انى فعلاً عندى حق 
انا عارف مين الى جالى لما وقعت ومين الى راح مجاش
وادينى بكتب كلام بفلوس لناس ببلاش
لما قطر العمر عدى ، جت حبيبتى سابتلى وردة 
لما الشغف كان راح وكانت اعصابى ساعتها باردة 
كان الاوان قد فات كان قلبى فُتات مالوش تصليح 
بقيت فى النص .. بقت كل الوعود جليد هيسيح
من البداية كنت بفكر هعمل ايه لو كله انتهى 
وانا من اول ما شوفتك قولت ان الايام هتعيد نفسها
خوفت اقول يا عسل تطلع سم واشربك 
وانا ضهرى مكسر م الحب ومتنفعلوش طبطبة 
شوفت ياما وكل حاجة اتجمعت فى كوم قاعدلك 
يعنى مش هغامر بالى باقى فى قلبى عشان احبك
و ده الى حصلى وخلا كل طموحى انى القى حضن دافى 
وكأنى شايل الدنيا بحالها فوق كتافى 
ولما اتسابت ، خلقت فيا عُقد لسه مخوفانى 
ساعتها عرفت ان انا مش هرجع زى الاول تانى
عرفت ان الوش هيضحك يبقى القلب حزين 
وان مافيش عمار بينى و بين باقى البنى ادمين 
وهفضل كدا ، هيبقى العقل فى صيف والقلب فى شتا 
هشوفهم كلهم روتين مافيش تفاصيل هتكون ملفتة 
هفضل بضحك .. بصوت يحلالى حتى لو بموت
والى جاى مش قد الى راح الباب يفوّت حوت
الدنيا قطر ب تُقل عدى فوق دماغى ب بُطىء 
و الركاب كانو الحبايب والسواق كان اسمه الحب
والعجل كان الصحاب والفرامل عشم
وكان هدوئى كاتم صوت فا كل ده اتكتم

Amr Saiko - عمرو سايكو | korsy b 3gl - كرسى بعجل | SE : El Aswany (P. El Warsha)

*
Thanks For Kareem El Aswany for his prof, Work 
Rapper & lyrics : Amr Saiko
SE : El Aswany
Vm : Ahmed bedier
Beats - ammo Beats

lyrics : 
انفاس مقطوعة بعد عياط ساعات بخطفها 
مع كل فراق بفقد اجزاء منى فا بالتدريج بتصفى 
ياريتك وانت خارج تسحب شوقك بالبطىء
مقولتليش انك غريق مافيش حبيب ينفع صديق
قلبك كان هش ، كان ك بيت من قش وشبعوك شياط
مصايب فى مصايب قلبك خرايط صحرا بدون فُراط
طيبتك صراط عُمرك طريق بتبيع خُطاه ببلاش 
ولو الحياة بتتقاس بالناس نكتب راح كأنه مجاش
مبقاش فى جسمى ، ضلع سليم اخاطر يوم واكسره 
محيلتيش الا اسمى وبعد اسمى محيلتيش شىء اخسره
شربت لحد ما سكرت .. وسيبت حساب الشيك جواه
كتبت " مكانش بيننا حب ، كان ما بيننا حياة "
هى سابتنى ، عشان كانت رايحة المركب الى تودى 
وانا ببعت سلامات ع الشط وبوسع علشان تعدى 
دهنت همومى وردى ، شوفت من الدنيا ياما غلاسة 
لما ركبت المركب كسرت وراها ٢٠٠ ازازة
مش باقى منى غير حبة كلام يتغنى 
وطول ما ضحكى بيخبينى الناس هتشوفنى تقول فى جنة
سابتنى ومشيت قالت البُعد مش بيموّت
سابتنى لوحدى فى وسط همومى قالتلى اتعوّد
يادى الغُلب بعد البُعد بتبقى القسوة سلاح 
وانا لما عرفت الدنيا بجد فهمت ان الى مات ارتاح
فهمت ان الى اتلكك بعد .. والى حب باقى 
وانى بجرى مهما بجرى ليلاتى سماكى بتغيم حياتى
استحملتك .. فوق رموش عنيا شيلتك
وقت ما الاجابة لاى سؤال كانت كلمة علشان بحبك
سيبتك وروحى مش معايا 
والبعد ده مكانش على هوايا
سيبتك علشان قُربك فتّح جروحى 
البُعد عزرائيل العشق وانتِ بعدتى خدتى روحى
عينيه كانت بتقول حاجات غير الى بتقوله الشفايف
قال هيمشى بس النظرة دى نظرة حد خايف
مكانش شايف غير البُعد حل 
قال مدام خسرت كل حاجة فا اكسب نفسى ع الاقل

all rights reserved for Amr Nasser Saiko Official Team work @ 2018

قالتلى اتعود | Amr Saiko - عمرو سايكو

Rapper & lyric : Amr Saiko
Se : El Aswany 
VM : Ahmed Bedier 
Beats : Free Beats
Follow my acc on instgram : @el_7ot
All rights reserved for Amr Nasser Saiko T,M @ 2019

lyrics :
لما الزمن دار - بقيت بلا مأوى وبلا دار
لما حُبك بانلى فايدة وكنتى رايدة وكانلى ضار
ايام ما كنت فاكر قلبك ملك وكان ايجار
كان اتجار - ساعتها جار عليا هواك يا جار
كنا فى نص الليل وبالرغم الصيف - بعدنا - الدنيا شتت
الى بيننا كان اقوى من البُنى - بعدنا - لقيته اتشتت
لما بعدنا الدنيا اسودت - ايد الذكريات اتمدت
الجرح الى فات عليه زمن واتردم لما بعدنا اتجدد
مكنتش هضبة عشان اقولك هدد
كان فى ايدها سلاح وكنت بموت وياريتها عشانى حاربت
كانت حياتى - مش هقول دى فترة وعدت
سميتها ورد وكات بتحبه وعمرى ما جيبته وعدد
سابتنى اعشقها ولما عشقت الورد قالتلى "خريف
طمنتنى عشان تسيبنى واعرف ان الكون مخيف
واكمن الورد عمره قصير مات وفيا عاش
قطعت ورقها بين بحبها ومبحبهاش
_______
قولتلها خايف سكتت حبة - ضحكتلى ومسكت ايديا
طمنتنى - وقعتنى فى حبها وداست عليا
رمشك دباح وانا كانلى جناح فى الحب اتقص ريشه
ودى مش اول مرة اموت ولاكانلى اول عمر اعيشه
كانت ورد فى جمالها حبيتها وسميتها بيه
كانت غالية فى صفاتها اغلى من الدهب لو يملى بير
حتى لو سابتنى غصب عنى هشوفها غالية
عيونى هتضحكلها حتى لو ملامحى بالية
هفضل فاكرها .. مهما هسهر فى البارات
حبيتها كأنها اخر واحدة فى السبع قارات
وادينى من خيبتى القوية شوفتها فى حضن البعيد
وبتعمل معاه نفس الكلام وتقوله انت الوحيد
كانت بتمسك ايده احس قلبى كان بيسيح
كانت تضحك لعينه احس انا بكل المجاريح 
كنت بغلى - كأن قلبى كان براد
عارف لما تحس ان نبضك كله كان براك
______
دعيت لو اموت قبل ما اعدى جنبها ومتبصليش
مفضلتش حوت - وبدون الماية مش هعيش
قلبى قتلنى - كله اتخلى عنى - حتى دموعى منزلتليش
حتى الحشيش منسانيش
حتى دراعى محاشش عنى ضرب الدنيا ورجلى مشالتنيش
حساب القدر كان تقيل وجيبى قال معييش
كان المفروض اعدى وابان من غير جروح
مكانش يصح ابان مدبوح
_______
هو ده رد الجميل - كدا جميلك وصل - 
ببصلهم و من جوايا بقول ازاى ده حصل
فجأة دوخت وشوفت الخوف شوفت السما بتقلب موف
حسيت روحى بتتسحب و السواد ده اخر الشوف
رجلى خابت  ع الارض اتهبدت وهى سمعت
سابت ايديه وجريت قربت بعد اما بعدت
جريت عليا قالت متخافش انا لسه معاك
قالتلى لاول مرة من يوم ما بعدنا انا سمعاك
بس كان الوقت فات 
مسكت ايديا بعدما بقيت محسوب ع الاموات
كانت دموعها اخر حاجة تغسل وشى
ودى المرة الوحيدة الى مقدرتش تقول معلشى
كانت مجنونة عشان بتقولى اوعى تمشى 
وانا مُت بضحك منا مت وسط خوف حبيبتى
ضحكتلها بعنيا ضحكة قامت قالتلى استنى
قولتلها الدنيا وحشة هنتقابل فى الجنة

ورد - رأس السنة 5 - | Amr Saiko - عمرو سايكو | P. El Aswany

متنساش تعمل اشتراك لقناة اليوتيوب عندى وعند سيف ليو ..
Rappers & lyrics : #Amr_Saiko Ft #Seif_leo
Prod By : Seif leo H.studio
Poster By : Ahmed Bedeir for order 01062334649
Beats : By Seif leo
lyrics :
v1 : #سيف_ليو : 
سابوني لوحدي و انا لوحدي وصلت هنا 
كسروني ف نفس الوقت زي ما يكونوا متفقين ع كدا
ركبت الصعب دوقت المر طفحت الدم
و لما دقت ساعتي 12 كنت بدق طبول الهم 
و انا .. ملقتش ونس وقت الديق ملقتش حد 
كله اختفي 
العيش و الملح اتنسي و الاتبقي جروح و قسي 
انا العملت منك سندريلا ف عين الناس 
انا حد الف حد غيرك يتمني و اتبعت بلاش 
و انا مش زيك لو ع البرود انا قلبي اتبنج 
عقلي مني اتملك كبرياء الكون ف دمي 
و طول منا سامع صوتك ياما فانا مخسرتش حاجه لسه
وجودك جمبي و حضنك ليا عندي بيساوي الدنيا 
بكتابتي بكون ملك كأبه بكفي الكون كلام و كتابه 
يا ضحك الحزن غلبني اتملك مني و خد منابك
و الزي و زيك مبيغلبش مهما الوقت يفوت 
عرفت تعدي بحور الدنيا بطولك زي الحوت 
الحب دين و دانك صوت العشق جميل ف ودانك 
انا بتداعه الضحكه انا صوره قديمه جوه قلوب بهتانه 
و انا لو نزفت جرحي يملي الف بحر دم 
و انا لو عزفت لحني يملي الف لحن هم
v 2 : #عمرو_سايكو
قولت الحمد لله ماقولتش ليه مسألتش 100 سؤال
عارف انك بكرا راجعة بدون ما تقريلى الفنجال
بكتب حروف كما الياقوت كلامى رأس مالى
الارض متساعنيش معاكى - حوت ماليش عزيز ولا غالى
طقمت قلبى مع عنيا وقولت ادوس عليها
مسكت نفسى - ممسكتش ايديها
بلدى قلم زادى الم - انا جمهوى جيشى
قمة الحزن انى الاقى حزنى اصبح اكل عيشى
حتى الشلة الى انا منها ليه يا دنيا تفرقينا
مكانش فى بالى الموت هييجى و ياخد حد فينا
سكة الحرام كات سالكة صحابى سكة الدنيا عكة
فنان لكن معييش فى الجيب غير حبة فكة
مؤدى راب على حق اعجبك ماليش فى شغل البدل
قولتلها طول ما الايد قصيرة مش هنلبس دبل
الحبس انفرادى حيطان بتغنى اغانى كئيبة
غريبة - ويا ريت العياط كان جاب نتيجة
كانو دعوة للمولى وساعات كانو كاس كانو ناس عُزاز
تاقلتهم بتُقلهم الماس وحرقوا قلبى بجاز
بحس ان الوجع تفصيل ترزى الحياة خدلى المقاس
كونى لسه بغنى لحد دلوقتى ده انجاز
قلبى الازاز ، مسلمش منها وكان جوازها اخر طوبة
ضحكتلى وقالتلى "سلام عشان مخطوبة"
غنيت للهم كله اتلم ، قامت مشاكلى راقصة
عيط على جنب -اضحك عشان محدش ناقصك-

Akrophopia - Amr Saiko ft Seif leo | عمرو سايكو - سيف ليو - اكروفوبيا

*
متنساش تتابع قناة اليوتيوب عشان يوصلك كل جديد 
*
التراك ده مش عداء شخصى على قد ماهو دفاع عن اللقب ودفاع عن فن الراب بشكل عام الى مؤخراً اصبح الحيطة الواطية لمعدومى المواهب لعرض خنافتهم الشخصية على مواقع التواصل لزيادة المشاهدات - سواء عجبك التراك او لا او معاه او ضده فـ هو حق من حقوقى فى الراب ادس الى ياخد اسمى وانى ادس الى ميعجبنيش عموماً ومحمد خالد قال كدا بنفسه لما دس احمد حسن وزينب فا محدش له الحق يزعل وفى الاول والاخر دى اغنية مش نهاية العالم يعنى - 
____
Rapper & Lyric : #Amr_Saiko
SE : Seif loe H studio - All Thanks
 تابع عمرو سايكو على حساباته الرسمية :
https://www.youtube.com/user/amrsaiko
https://soundcloud.com/am-k
https://www.instagram.com/el_7ot/
https://www.facebook.com/amr.saiko.7o...
https://www.facebook.com/amrsaikoel7o...
V,M : Moody Thanks for Him 4 his prof. work  
Free Beats
@ 2019 All rights reserved for A_S Team work

lyrics :
ساذج فى الكلمات واقع ع البيت عبيط تفاهتك ميزتك
شايفك بهلوان ضاحك على عقل الناس منتاش جنجستا 
استعرض عضلات فى فيديو لكن تيجى فى راب تتشطف
مش هتبان كيوت مش بالفيوز ولا بالفلوس يا مقطف
سهلة تسجل سهلة تصور صعب تراب
يا ريت بتوع الفيديوهات - مايحكوهاش فى راب
كلامكو كتير -فعلكو مفيش تاريخكو صفر
واكمنك بايبى الديس ده انتهاك لحقوق الطفل
متقولش ليه بتتدس -  خلودة الراب ده ملعب
قولت حوت وقولت ديس تراك قولتلك اشوفها والعة 
بقالنا سنين عتقنا فيها شوف كام مايك دايسو 
والبانش الى فات ده بانش راب لمايك تايسون
بلاش تزرع فى ارضك اسم فن - ارضك بور 
الفرق كبير ما بين ناجح وبين مشهور
بيك بستهزأ - الحوار وسع منك بوخ وبهوأ
مشاكلكو دى تحلوها باتنين شاى على اى قهوة
قاطع عليك - زى النت والجريدة
لولا العناوين التافهة كان زمانك ع الحديدة
صوتك ارفع من اكساتى سيب الراب خدلك استحلاب
كان فاكر انه هيبقى رابر لما يلبس كاب 
مش عاش - اسم الحوت تقيل عليك مش وزنك
هتحمل فى الراب عيب حبيبى تمزق نفسك
تاخد بانش يبروزك فى الحيط - بورتريه
بتحاول تعمل رابر - فاشل حتى تكون دوبلير
عمرو سايكو حوت الراب من الجيل الاول للتالت
عرفنى بيك فى الراب - مين محمد خالد
فى تراكك انا اديك - واحد - من عشرة
بتسمى نفسك باسمى ودى فشرة- انت حشرة
سيب الراب والفيديوهات مثلا اعملك صور
طول منا فى المعلب اخرك هنا تلم الكور
الفشل باسك - متكحرت ع البيت هاتوله اغاثة
مش هتبقى نجم حتى لو مضوك مع NASA
سميت نفسك باسمى وده فعل هحاسبك عليه
اصغر من كونك تريند فا ممكن نعملك افيه
دى ايدى بوسها - لبسها بموزها - رابك ده مزحة 
يا بتوع اليوتيوب احنا نجوم فى اى سما نعوزها
اخدك فى نزهة - افسحك ترجع متأخر 
انت بخور وانا النار بوجودى تتبخر
مش رقم واحد رقم 100 الصنف ناقة
واخدك رايح جاى ع البيت واكلك انا زواقة
انت تحت خط الراب انا عالى عليك- تلفريك
لسانى مشرط وانت صاج بجرح فيك
طرى ملكش لون ولا طعم انت - اسباكتتى
نسخة منى بس صغير انت - موكتتى
اخدك ع البيت تنزل تقول اين اشيائى ?
انا الاصل والبيست فا كوبى وبيست منى الباقى
طموحك حلو - بس مستحيل ياصغنطوط 
حتى لو عومت المحيط بالكامل مش هتبقى الحوت
ف انتو غجر بقر - تستحق الحلب 
مش باصحابك ولا بالدبلة لا دى بالقوة وبالقلب
فانا ببلفكوا بتلفكوا محلة وانا اتليتكو 
بحدفكوا بنسفكوا ببلعكو اصلى شيفكو
قولتلكو بطولكو - روحت لقيتكم متجمعين
ف انا كنت فاكركم رجالة طلعتوا *****
ف حتى لو بطولى يغرفوا هدومهم بى بى
لو دارت عوأ ف بنستنى حبة بيعملولنا بسين
ولا بصاد انا بنزل ع البيت بصطاد انا قناص
لو هيتنططوا كتير يبقوا قرود نحطهم فى اقفاص
خليك متغاذ الحوت بيأنن مش بيباص 
مش بالباص بريس مقفل العداد اوعى تبص وراك 
فـ انت ممل - مش عارف تقل مش فالح بنكلة
لازم تقلق - مش هتسلى مش هتفتح مقلة
متسول بس فاكر نفسك جامد ودى مش ميزة 
لو الرجالة للبيع ميتدفعش فيك بريزة
شغال على نفسك من نِفسك انك توصلى Target
انت دارج رابك سهل من الى فى اى supermarket
عملت حاجات صعب تتقلد اصلى مش م الصين
الوحيد فى الراب الى انتشر وماليش مستنسخين
متجيش تقول انجاز عشان فيوز وكام هشتاج
عشان معروف ان العناوين التافهة بتركب ترندات
بدأت النكش بتجيب فى سيرتى طيب شيل
اشيلك كتير عشان متقولش الحوت بخيل
كلكم هلاهيل - طولى ميل عرضى قارة
وزنى 900 فيل رابى مستورد من برا

الحوت الحقيقى - عمرو سايكو - Clean Diss - Real whale - Amr Saiko

نشره في 28‏/02‏/2019
* 
Rapper \ lyrics : Amr Saiko
SE : El Aswany
Vm : El Doctor thanks 4 his prof. work 🔥
https://www.youtube.com/channel/UCGDJ...
poster by : Ahmed bedier , thanks ❤️
Beats : Free by muhammed ali
All rights reserved 4 Amr Nasser Saiko 
lyrics : 
مابينا بلاد يا سايبة فى القلوب علامات فى ما بيننا معاد 
ده قانون الدنيا ان الصدف مابتجمعش غير احباب
وانا كنت معاك انت الى خدت طريق ومشيت
وانا قولت ان الطمع عاميك فا خلاص بكرا الدنيا توريك
كان بيننا كتير - صعب عليا وقولت خسارة يضيع
فى وقت ما كنت معاه انت انا كنت انا بنام وبحلم بيك
والوقت بيعدى ب بطىء والبراح بيضيق طريق
حطتنى فيه وسيبتنى للتوهة ولبحر اصبح فيه غريق
ساكتة الجراح , كان فيه براح انت ماليه 
اخر كلمة فى اخر تراك اغنيه  "حبيتك انا سيبتينى ليه"
عشان بقول يا رب او عشان معييش
وانتى الى زيك بيحب الى عمره فى يوم ما يقول مافيش
رغم انى حبيتك و حطيتك فى كفة تستاهليها 
لو تطلبى نجمة من السما ببيع عنيا وبشتريها
انتى الى قولتى ان الوردة الى اجيبها قيميتها فى معنى
انتى الى قولتى القعدة ع الرصيف جنة مدام تجمعنا 
انتى الى قولتى اللقمة بتتقسم بتزيد
انتى الى قولتى ان الى معانا هيكفى وهيفيض
وانا مش فقير ده الفقر فقر النفس والغنى فى الرضا
وانا عمرى ماحسيت رزقى ع الى خالقنى كان معضلة
-
لاجل العيون السود شغال يومين فى يوم
لاجلك سيبت الايدين تدوب هموم ويا الهدوم
بُعدك بالة وكالعادة انا فيكى مستخصرش
بُعدك حرب وانا جندى ضعيف اكيد مقدرش
بُعدك يثبتلى ان الى بيننا شىء محصلش
عشان ورق سموه الفلوس بقيت انا وانتى سما وارض
عادى بقى لاجل العيون يهون الشقا
الورد الى انا جيبته واترمى ,انا. شوفت بيه البلا
طلبت منك تفضلى طلبتى منى اطول السما
طلبتى فلوس طلبت منك نفضل سوا
لما قيدت صوابعى شمع انا كنت سبب فى الحريق
حكم الظروف اكون عاجز و يكون حبك طريق
حبك ده زاد وانا المحتاج طب حارمانى ليه
رايدك حلال وانا ابن ناس مش ابن بيه
ماكنتش شايفك بنت باشا انا شوفتك بنت ناس
هيجيلك يوم وهتصبيلى من دموعك كاس
هيكون الوقت فات والندم علاج لحد مات
وقت ما الردود تموت واى  رد سكات
كان فى حاجات اغلى من المال كتير مابيننا
كان فيه حكايات كان فيه كلام كان فيه وعود دلوقتى فينها
-
فيها ان , حبتينى بتمن حبيتك بزمة
اشتريتك خليتينى ابيع حياتى سنة سنة
ارجع لبيتك كله فى يوم هيروح على مافيش
مشوارها طويل وانت الى فى جيبك ميقضيش
انا اه معييش - بس مايشغلنيش اكمنى عايشها شريف
لبسى موسخ م الشقى بس انا حبيتك حب نضيف
بُعدك دبحنى و هيريحنى صوت قلبى يوصل لالوف
وبكرا تشوفى الحوت والى يعيش ياما يشوف
وعد منى بكرا الدنيا تبلى كعوبك تتمنى الى كان
بكرا تغنى للزمان ارجع يا زمان
-
عشان مافيش فلوس قالتلى احنا صحاب
احنا بنتباع كما الروبابيكيا يعنى برخص التراب
احنا بنتباع - عشان ورق سموه الفلوس 
من غلو سعرنا زى الاثار بيبيعنا ضعاف نفوس

غالية - Amr Saiko - SE : El Aswany - عمرو سايكو

الاغانى كلها بتنزل على اليوتيوب دلوقتى 
https://www.youtube.com/c/amrsaiko
تابعونى عليه وعلى حساب الانستجرام 
https://www.instagram.com/el_7ot/
Rapper & lyrics : Amr Saiko
Beat : mohamed mahmoud
SE : Amr Saiko with Seif leo
model1 : Bosha
Model2: Jannat
marketing & advertising : الجمهور هو الدعم الوحيد وخصوصاً اخواتى 
1- @flomaster_abiad
2 - @_sokan_eleel
Omar mahfouz PRoduction 
شُكر خاص :
محمد محمود - 
لعمله العظيم ومجهوده الكبير فى تعديل البيت وشكراً ليه على تعبه معانا
سيف ليو -
لتعبه معايا فى هندسة التراك الى كررناها اكتر من 6 مرات 
عشان تخرج فى النهاية بالشكل الى انتم شايفينه
lyrics : 
خُنتى الى بيننا صعب اسامح وابقى رومانسى
وحشانى يالى حايشنى عنك عزة نفسى
عشان حبيتها وقولت ان الى بيننا مافيش كرامة
دوست ع العشم خالفت شكى فيها ودى الغرامة
ملقيتش نفسى عشان سرقتنى منى سنة سنة
لما مُت فى اول يوم بعدنا - قولت كله من ده
وحلفتلها بكرا هبقى ومش هسمعها مهما تنده
النهارده عندى وبكرا عندك والايام مابيننا
ولو انت شاطر فى البعاد ف انا عندى البدايل
و الدنيا عديمة الزوق مبتجيبهاش جمايل
قلبى الى شايل منك ده بكرا هيشيلك
هتبهدلك الدنيا ديا ومش هتلاقى كتف يستحملك 
خدت نفسى من العياط سمعت صوتها هديتنى
وسألت نفسى انا ليه بنيتها وليه هديتنى
ومع ان الفراق موجود فا بنت الحوت هتفضل بنتى
يعنى عارف ان لما الدنيا هتقلب جد هتكلمنى
__
عدو نفسى - قلبى الى خاننى - هربنى منى
ابعد مايكون عن كل الناس وعنى - قربنى منى
كأن كلامها دب فى رجلى - عجزتنى
الدنيا قلبت وشها وعادتنى - كتفتنى
بالخوف مليتنى - حبيبتى - جت مالت لى 
ضحكلتى - بقيت ضعيف عيونها بتمتلكنى
تعبان انا منى - انا ملتنى - مابتعلمشى -
الناس دى فكرتنى بخير وانا غير عشان مبتكلمشى
____
مش هزعل عليها - صفيت حسابها
سابتنى ماشية على رجليها عشان هتجيلى زاحفة على ركبها
كانتلى حلم - قلب كابوس خطفنى ع السريع
ياما حلمت والاحلام معروف يا بتتسرق يا تضيع
بقى كل حلمى صبر لحد ما بالى فات اتقتل
وامى بتصبرنى عشان عارفانى سهلة عليا انتحر
شيل التراكات دى وحط اصطفة - دم قلبى اتصفى
ملامحى بشوفها فى المراية صعب عليا اعرفها
اللُقى ترياق والوحدة سلاح كانلى البعاد سفاح
فى ضهرى الاف يمكن ملايين لكن تعبان هموت وارتاح
كنت بملى عروقى سم عشان اصفى بالى
الى اديتها حياتى سلمتنى لهموم تسليم اهالى
واهى لما خانتنى اتأسفتلى و كتر خيرها
بعد ما كات حياتى باظت منى وعايز واحدة غيرها
كتر خيرها عشان مجريش وراها كسرتلى رجلى
كتر خيرها عشان حبيت هواها وكرهتنى فى عشتى

عدو نفسى - عمرو سايكو | Amr Saiko

_____
الاغانى كلها بتنزل على اليوتيوب دلوقتى 
https://www.youtube.com/c/amrsaiko
تابعونى عليه وعلى حساب الانستجرام 
https://www.instagram.com/el_7ot/
_______
Artist : Amr Saiko - Awney aDel
poster By : Ammar Hosney
Prod By : Awney Adel
______
مدريتش بنفسى غير لما لقيتنى تحت بيتها فى ايد دبلتها والايد التانية دى بتطلب نمرتها واتصلت - ردت عليا تاه منى الكلام قولتلها ان الحنان ترياق جيتلك هنا و سيبت العناد قالتلى فوق ! استغربت ، قالتلى انا اتخطبت خلى كلامك ل غُناك و انا مش ملاك - انت اتأخرت طب وانا - طب هعمل ايه انا فى الحنين المشهد كان خمس دقايق عدوا كأنهم سنين مرت عليا ذكريات خمس سنين فاتت فى لحظة رفعت عنيا للسما و مطلبش حاجة غير الرحمة شوفتها فى بلكونتها عيونها سكنها ناس جديدة شوفتها زى النجوم جميلة بس بعيدة قفلت السكة - كان الكلام علاج والجسم مات مافيهاش عتاب رفعت شكوتى لرب العباد منا كنت زين - كل ده استخبى لقلبى فين لما الدموع هتكون سكات هتبان الحسرة فى العينين كان يوم الزفه .. كويت قميص البدله قولت لازم ابقي معاها عشان هتكون من غيري مضايقه لبست خاتمها حطيت من ريحتها عليا كات اخر سيجاره فتالت علبه فضلت ماسكه ايديا مطلعش نهار انا مش بنهار انا حالتي خراب احضني كفايه هزار انا بكدب لو دمعت غصب اعذرني مسكت موبايلي شوفت صورتنا و كلمتها ردت بس سكت لما سمعت صوت زغاريط جمبها تمالكت نفسي يالي ملكت نفسي سهله كنتي زي القمر و انا بشر فحضنك مش بتنفس ابدا و لو اننا مش نافعين لكنك حلوه كنتي نفسي اكون بغني كلام يفرح قلبك حتي مره باعوكي بسببي يا نور عنيا ولا انتي الي سيبتي عموما بتمنالك فرحه افرحي و سيبك مني و الكمان لو قال كلام هيقول حاجات توجعني عارف اخر كلام كان يومها بينا احب اقول سلام انا اسف

The last word between us | اخر كلام بينا | Amr Saiko ft Awney adel

https://www.youtube.com/watch?v=8lIYu8qyeuI
_____
Rapper & Lyric : Amr Saiko
 Album : بحر | Sea
Mix & Mastre : El Aswany
Poster \ Video By : Ahmed Bdeiir
 @ El Hetaan Home Studio - 2019
 ______
 InstGram : https://www.instagram.com/el_7ot/ FaceBook : https://www.facebook.com/amr.saiko.7o... SoundCloud : https://soundcloud.com/asaiko https://soundcloud.com/am-k 
____ 
قولتلها ان الحنان ترياق لاى فراق - قالتلى اسقينى 
وان بين دراعتها كوم نسيان قولتلها ميلى ودوقينى 
قلبى الابيض ده مش نافعنى - لونينى 
خليكى تحتى وانا هنزلك لما يطلع دينى
 كان الحزن فى فراقها متطعم بالاشتياق 
قالتلى انا عكسك مش هحتاج واحد شبهك عشان انساك 
كانت بتمثل وفى اخر العرض قالتلى الوقت انتهى 
غنتلى كلام ميتقاليش فا سقفتلها على وشها
 القانون حامينى - لو خانتنى هقتلها 
قولتلها هجيلها لما احتاجها فا مش هجيلها
 عشان افوق من غيبوبتها خبطت نفسى 100 مرزبة 
لما سابتنى الحظ سابها شيلت اوبشن المحبة 
ع الرصيف هنقعد سوا والسما تبصلنا تحسدنا .. 
مش ده الوعد الى كان ما بيننا ؟ 
سهمك ملوى فى دايرة المصلحة ومهما على متنى
 لو غرقت تغرقى انا حوت وانتى على متنى 
انساها وتفتكرنى - هى علمتنى 
ماكنتش موتة بس عقلى عل و ماتنى 
روحى ماتت قولت عادى و دفنتها 
كتبت فى الوفاة ان القدر رماه من فوق سطوح حبها
 هربت منك انا خوف من الاماتة 
و لو الموت لحقنى لهنا ف انا مش فارق مع الدنيا فى حاجة 
اتقطعت بيننا الحبال مبقاش فى بيننا اى وصل 
الحب داب وفص بموت فيكى وكأنك مصر 
سمعت صوتها اتجننت وقطعت جسمى 
نبرتها كانت جرس هتلر وكأن يهود الدنيا فى ودنى 
لما الى منى غاب ضربنى فى ضهرى بُعده طابلى
 الضهر الى فى حضنك ده مدغدغ يتوّجع لما تطبطبلى 
__
 الدنيا كات دايرة مرازية مسففانى تراب ارضها 
خسران حربها شوفت كل شوك الدنيا - فين وردها 
بتعذب عذاب فى الدنيا كأنى ابرهه 
معرفش عن بلادى غير كربها وغير قبرها 
مسيرها تجيلى - هتدور الدايرة وهتحنيلى 
وانا ساعتها هسقف ليا كام سوكسيه وهنحنيلى 
ده ملح نيلى يروى عن مر البعاد وانتى الى عارفة 
كتبتلك كتير مسمعتش منك اى سقفة 
حكمت عليها تفتقدنى وحكمى واجب النفاذ 
قلبى ماتكسرش قلبى اسمنت الممتاز 
فا مش هيفرق مين مسكها - ايدك لما اسيبها 
الهوا بتاعى ورينى ازاى هتتحرك مراكبها 
اكمننى راكبها -فا- العين ع الحاجب مبتعلاش 
استعمال عربجى تنزل فى السوق تتباع ببلاش 
مش هتلاقى بديل موازى الناس دى بتكدب بتكيسك
 اتصلت وهى سايقة وقولت كِبرك هيلبسك 
لما ابقى نجم مش حاببها اسألها وصلت فين ؟ 
بعدها اقفل السكة واشغل الاير بلاين 
نسيتنى فى بالها فا ذكرياتنا هتزعلها 
فارقتنى بنظرة جت من عين انا بكرا هفقعهالها 
محرمتنيش - كل يوم تبعتلى كيف اضربه 
طلبت الاخضر الى اصرفه سابتلى الاخضر الى اشربه

المصحة - مريض غرفة 207 - Pt 2  Amr Saiko

عمل لايك و كومنت بـ رأيك, هنتابع الكومنتات ♥️
-
#اعدام_راجح_حق_محمود_البنا_فين 
-
-Follow | #Amr_Saiko- الحوت
Facebook | https://www.facebook.com/amr.saiko.7ote.elrap
Instagram | https://www.instagram.com/el_7ot/

- Follow | #Karim_Hany
--
Facebook | https://www.facebook.com/karimhany415
Instagram | https://www.instagram.com/karim_hany9/

LYRICS

#Amr_Saiko
بقا بيننا شوك, علي بينا الموج و قلبي مات 
مبقاش مابيننا شوق فا مش هسأل مين زاد آساك 
حبيبي مل.. البعد بيننا زاد و الحب قل 
الانتحار كزن اقتراح و واحده واحده بشوفه حل 

و اديكي شايفه القلب دبل مش حمل اتخذل
ادعيلي اني اروح للمولي متدعليش الحال يتعدل
الحب ستايل قدم الخير مطمرش 
الرحمه في السما متشاله صاحبي الارض مبترحمش 

الرعب خلي قلبي اتكوم.. الخوف في قلبي اتكون 
غريبه.. الدنيا اسودت كله اتلون 
قلوبنا بقت ورق حبابينا فيها بتقص
كل ما نقف ع رجلينا الدنيا تاكلنا بالنص

بعدك قيامه نشف كل ما في وريدي 
استنيتك ياما و انتي زي امبارح مش هتيجي 
انتي قتلتيني و كده خالصين اديكي يتيمه
في داهيه قلبي.. فداكي 'جت سليمه 
-
#Karim_Hany
كان بيننا وعد, معقول كان بيننا وقت
هخرج من حزني معجز بس ده لو فلتت
نسيانك صعب , كإنك جوا قلبي وشم
مع كل واحده سمعت صوتك وش.. 
-
الزعل بان في ضحك, قولت خلصت محدش صدق
غرّقتهُم ضِحك و عيـنك غرّقتلك خدك
كان التعب ينهش فيا, أغطي بحِرفه و آبان ناسيها 
في داهيه قلبي فداكي .. #جت_سليمه

كانت سليمه و بوظتيها .. نورتك, كحلتيها 
علي قد كده بتوحشيني كل دقيقه .. 
ظهّر تعبي فـ سهري و اني طول اليوم سرحان
 و اللي زاد كمان , مش عارف اجمع الكلـام
 
فضلت ساكت, خلتيني مبقاش فايق
صحيت كل يوم أسألني ايه اللي حصل امبارح ؟  
المرادي غير مشوفتكيش و انا بشرب 
شربت عشان انام, عشان بشوفك لما بسهر ..

علي قد طيبتي انا اتظلمت .. 
و احتارت, اتمني تكون خِلصت الحـرب "))
باركيلي بقيت مجنون بالحرف , قلبي اتصفي
كنت في اوضتي و نفسي اضحك معاهُم بره ")) 

قبلك كان اللي يغيب عن بالي يوم بنساه 
كنت تمام.. معرفش الحزن وصل لقلبي ازاي 
كان اللي يشوفني يقوللي.. الحزن ما بيلبألي 
كان كله يضحكني لدنيا رعب بتبرقلي

و ياما اتقاالي.. اضحك لقدرك لو آذيك
اضحك عشان ال دنيا مش امك لما تزعل مش هترجع و تراضيك 
فا متلومنيش هكون نساي 
حبيتك و كرهتك بنفس القلب شوف ازاي
-
- Rec : L-SaMaTY , Amr Saiko
EL HETAAN STUDIO @ 2019
- Mix, Master By : "Amr Saiko" 
- Beat : Prod By " KarimHany" 
- Poster, Artwork : "Karim Hany"

Gt Salema - جت سليمة | Amr Saiko "الحوت" Ft Karim Hany

*
حكيت انا كل شىء للسما - للى خلقنا رفعت بلاغى
كل الى شيلته فوق كتافى دق على دماغى
اعصار مشاكلى ضرب حياتى وَدى كل وِد فى وادى
عادى - بواجه مدفع الحياة بألآتى 
حتى السند زك حُزنى اترك بقيت وحيد بشكل
مش مثالى بس حاولت معاكى حُزنى يطرح ورد
احلامنا شُئم ليه - بيتنا الى اتبنى اتدك علينا
كأننا بنعادى الحياة كل الحياة بتتك علينا
حلمت احلام كانو طيارات فى غزة نشنت دكتنى
قابلت كل شئ يهدوء كتر الكلام هدنى و سكتنى
حبيبتى فين - ماتقولش بعاد - فى يوم هتيجى
ازاى بعدت دى قالتلى وعد ومسكت ايدى
الصدفة اتكررت ومسكت روحى نسلتنى
وانا لما بكيت عليك الدنيا مطرت ومثلتنى
كل عمرى اتعقرب كله بل رمشى
مافيش اسف م الدنيا عليك خد بعضك وامشى
____
مبنامش الليل وانا ليلى اصبح تحت عيونى
مبقاش فى القلب حيل - عشان من تانى تشققونى
صفصفت عليا بطولى سقفولى محدش فِضل
حلو كدا - فاضلى تكة كمان وانتحر
كل الى حدفلى ضحكة صاد مصلحته وكان بيخدع
طريق حلمك عليه هجامة لف وارجع
بقيت روتينى - التعب الى بان على وشى كان مالينى
صدقينى لو شوفتينى دلوقتى مش هتعرفينى
____
بعد السلام اتحدفت بطوب الكلام وحُزنى باتلى
بُعدك بادنى - كلامك كان زى الرصاص - قتلنى -
جحدت ريشها الانتحار حرام مضطر اعيشها
كان لسه فى ضهرى فقرة ساندة حبيبتى قرقشتها
كنت بكلم النجوم كتير حسيتها "انتِ"
بقيت ببص للسما وبقول " قال ايه بيقولوا بعدتى ! "
يا اجمل شىء حصلى فى كل عمرى الى انقضالى 
ابص فى عينك اخف من الى فيا كأنك موصفالى
مسمتش الفراق ( بُعد استخبى ) - اتسمى حادثة
دُنيتنا واقفة فى موقف الاحلام بتلم كارتة
يا غزة غيرك تل ابيب معرفش غيرك حضن
يا حب انا عشمى فيك كلفنى العمر حُزن
الحب اتزل عِد فى قلبى كام بلد مُحتل
ويلات الحرب رمتلى قلبى فى وسط التلج
وادينى فانى ولا سيبتك للدنيا ولا هحبك تانى
كنا اتنين فى توهة والى ساق العند داس ع التانى
____
" بقيت احبك من بعيد مدام القُرب واجع "
متسندتش ع الغير ف لما بعدتى قومت واقع
كان موتى بدرى قولت هجرى لما خدتك دافع
دلوقتى بقيت انا بين نارين معادش نافع
_____
Rapper & lyrics : Amr Saiko
M&M : El ASwany & Saiko
PROD . BY El MarakBy
Sample BY Mohamed Ali
VM & Cover : Kariem Hany 
REC : El HETAN STUDIO @ 2019
Special thanks for all

مُحتل - mo7tl | Amr Saiko - عمرو سايكو

Artist & Mix & MAster & lyrics : Amr Saiko
PosTer BY : Ahmed Bedier
Video BY : Abdelrahman Hisham
Prod . Melodic 
Album : ( Ba7r 2019 )
@ EL HETAAN STUDIO 
____
Lyrics :
اسقينى من مُرك عسل واسقينى من عشقك بيوم نسيان
راهنت عليكى وخسرتك وقولت انا الكسبان
زى الشمس باينة ، ميصحش خاينة تبقى مراتى 
قولت فى حبك غيرك لا ارى و ادينى لا اراكى
توهت منى .. كتبت على يافتة حياتى "انا فينى"
قالولى عليكى ياما وكدبت اللسان وشوفت بعينى
من امتى قلبى ارتاح ولا رمشى غفل 
الباب الى دخلتى منه لقلبى كان مفروض بتقفل
قالولى خربنا فى حياتك كدا خلاص ابعد عننا 
والوجع الى فى قلبك ابقى روح اشكيه لربنا
وادينى بعجز بدرى كبر سنى وطلع دينى 
ع الشط مستنى موج الفراق مش هيعدينى 
ما بيننا معبر ، كنت انا فلسطينى لاجىء 
على ضهر الطيارة كتبت احذر السقوط مفاجىء 
من حزن حظى ، احب واحدة وتبقى جارتى 
زود فى النار يا عم النار فى قلبى مش فى سجارتى
____
يالى انتِ دارى ، بعيش فى البُعد ايامى وكأنك جِوارى
فشلت اعيش بلاكى , غُلبت ادارى
كتبتلك تراكات واغانى وزنوها الناس فلوس
اضطريت اضحك انا فى وش الناس واعيط فى الكالوس 
مكسور من ياما بعافر بس كل شىء قتلنى 
( و رب الكون المرة دى بكلمك ومش بغنى ! )
كله خاننى كله باعنى زى ما قولتى 
خسرت حياتى بس كسبت فى حبى ليكى بطولتى
متغيرناش يا قلبى .. لازلنا هُبل 
حبينا كل الناس بكثرة وكل الناس اذيتنا دُبل 
كأنك قاصدة ! .. توقعينى وتوجعينى
كل اما اخيب واحن ليكى تيجى تفوقينى
موجى الى حركه الهوى وحدفنى نواحيكى 
لقيتنى بحاكيكى كأنك لسه معايا كأن ده حقيقى
الحزن كتر البعد بيننا اتقدر 
قلبى اتخدر عنيا غيمت وكات هتمطر

احذر السقوط مفاجىء - Ehzr el sokot mofage2 | عمرو سايكو - Amr Saiko

lyrics & Rapper & Mix & master : Amr Saiko
Rapper v2  & Prod : Mohamed EL SamaTy
Poster By Karim Hany
VIdeo BY : abdelrhman Hesham 
EL HETAAN STUDIO @ 2019
----------------
كدبت عليا وقولتلى ان ملكش غيرى 
انا استحملت كتير حقيقى كتر خيرى
الحرب ويا ظروفى ظالمة ويحرم حتى اسألها ليه
حدفت الدنيا بحبة طوب قابلتنى باربيچيه
مابقيتش ابالى - مهما بضحك ببقى بالى
حدفتهم بورود وفضوا فيا 3 أوالى
القلب عطب - كل الى عدى خبط مافيهاش يطبطب
لو لسه بتسمع فا انا بكتبلك افتقدتك
ضُمى حسيت فى حضنك نفس طيبة امى
وهى ماشية ضحكت ليا ضحكة قصفت نص عمرى
كنت بدبل كل ما اسأل واعرف انك برضو دبتلى
وقفت ع الناصية الى بيننا لحد ما جالك يوم عزلتى
كل الى اترمى ورا ضهرك بكرا هيجريك ده وعد
قالت سلام - ودعتها و ودعت
مهما تجرى هتكعبلك الدنيا وتعرقبك تُبرك 
القدر كان 9 ملى الدنيا واقفة تلم جمرك
كل الى وعدنى كان كداب قعدلى ليل نهار يحلفلى
انا اصطفيت اكتر انسان قدر يتلفنى
دعيت ان الزمن ينساها وكل حاجة تعدى
سابتلى نغزة فى روحى بدل ما تسيبلى بوسة فى خدى
يالى انتِ ابدى - ليه سمحتى يخلص وقتى
شكيتلك انا من كل الدنيا اشكيكى لمين دلوقتى
نزلت دموعى على الرسالة كدا خلصت كتابة
 - دموعى حكت كل حاجة
_____
كلام مكتوب فى جواب وعينى اتشدت لسطر بايش
لما تموت هيحبوك مافيش حد هيحبك عايش 
كان فى دموع ع الورقة والحبر بهت فى كل سطر 
فجأة ظهر فى عينى لمعة وكأنى داس على قلبى قطر 
بعدت عن اى زحمة مشوفتش منهم غير احباط 
الزعل بدأ بدمعة وبعدها سلال عياط
البدابات ندم والنهايات حزينة 
الدنيا رزعت الم ظبطت كل واحد فينا
والى عوزناه مكانش لينا مسكنا ايدهم وسابو ايدينا
وادينا بنغرق بالسفينة وكله اتهد علينا 
صغيرين يا جدى مشوفتش الى شوفناه بعنينا
بلدة بتضحك للى معاه فلوس اما احنا بترمينا 
مرتاحتش ع الاقل بقيت زى فلسطين محتل 
الضرب من كل ناحية مسابوش مجال لحل
و قبل اخر السطر الحقيقة هبينهالك 
الورقة كانت فاضية ودى حياتى وبحكيهالك

دُشمة - عمرو سايكو | Doshma - Amr Saiko FT EL Samaty

*
rapper & Lyrics : Amr Saiko
Mix & Master : Amr Saiko 
Prod By : El Marakby
Art work : Ahmed Bedier
EL HEETAN STUDIO @ 2020
____
ضهرى محنى لو سمحتى طُلى لما توحشينى
الدنيا صعبة - عليا وانا لوحدى صدقينى
الحُزن شيلتى - فانا سيبت الكبر ليكى
مشيت بقلة حيلتى بس بكرا هرجع واشتريكى
الوحدة باردة مستحيل انى اهدى بُعدك ساب علامة
انا فى سكة الى يروح ما يرجع فارقتنى السلامة
حبة حزن على خاطر مكسور  فى سطور واتباع 
على حبة اوجاع  وناس انواع فى خداع ده الى اتبقى
بتحسر على الى فات واقول افات مبقيتش انام عشمان بقيت ندمان
بدوق حرمان بضيع الى اتبقى
الدنيا والقدر والحظ كله ساقها
مافيش فى المستقبل افراح - مافيش هنا غير مشقة اشهقها
المرة دى كان فشلى مرضى عملت كل شىء فى أيدى
فشلى فى انك رايدة البعد وانى قدرت ارضيكى
طالنى الحزن طابلى البُعد مبقاش فى حد معايا
اتخذلت بما فيه الكفاية
_______
صوتها كان بيطيب ودنى - حتى لما قالتلى سيبنى
غنت اغنية لشيرين وزعلتنى - غنيتلها ميدلى
وده الى باقيلى حبة اغانى حزينة متلى
همومى كانت عكس حبيبتى دامتلى
صوتها كان بيطيب ودنى غنتلى سيبنى
غنت لشرين و زعلتنى - غنيتلها ميدلى
وده الى باقيلى حبة اغانى حزينة متلى دامتلى
همومى كانت عكس حبيبتى دامتلى
______
يالى انت بترتب سنينك ليه بعككت يومى
حلمت بيك حبيب صحيت مريض واديك قلقت نومى
يا كاتبنى بالرصاص كتبتك انا بالجاف حبيتك انا بزاف
انا فى اخر البيانو و بيننا كام اوكتاف
رسمت حدود عزفتلى عود - مقالتش عود
زادت سموم عزفلتى كام مقسوم سابتنى انام مقسوم
ردوا جميلهم سلبى زرعت ورد و زرعوا خوف
حدفتهم بنفس الورد لقيتهم حدفوا المولوتف
لما اتأذيت سيبت البراح فى البيت انا خدت ركن
الوحدة قالتلى كله هيبقى تمام خدتنى بالحضن
الدنيا ساعات بتبقى طبلة - بترقصنا ع الدم وع التك
وساعات بتبقى قبر كبير بيضم ويتتك
مش محتاج حشيش وماية انا كل صدمة خدرتنى 
مهما بنجح كلمة انت لوحدك برضو بتطاردنى
حالى اتقلب نصى الحلو اتحجب شوفت العحب
علمت حبيبتى تكتب دهب على حبها كتبت كله انتهى
______
صوتها كان بيطيب ودنى - حتى لما قالتلى سيبنى
غنت اغنية لشيرين وزعلتنى - غنيتلها ميدلى
وده الى باقيلى حبة اغانى حزينة متلى
همومى كانت عكس حبيبتى همومى فيها الخير دامتلى
صوتها كان بيطيب ودنى غنتلى سيبنى
غنت لشرين زعلتنى - غنيتلها ميدلى
حبة اغانى حزينة متلى دامتلى
همومى كانت عكس حبيبتى همومى دامتلى
________
لسه ورد لسه غالية لسه مريم لسه عالية
لسه بنت الحوت و بنتى مش هيكونلى بنت تانية
السما بتصفى لما كنتى تضحكى ليا سنة
بتحلو الحياة حواليا لما يحلو الى بيننا
كانت السما بتضحكلى . كنت اجرى الهموم تتمطوح
كان معاكى الليل جميل جداً وانا مرضيتش اروح
دفيت يدك فى حضنى ليه تجمد قلبى
لو الى بيننا مش فارق معاك هسكت واجمد قلبى
دى سادس سنة اكتبلك فيها تترقم غناوى
يتدارى الوجع فى الشكل الهيبة حاشية عنى بلاوى
الدنيا لعنة - الحزن بتاعنا ده الى جمعنا
عشان باعوك هيشاورو عليك ويقولو ده الى باعنا
هيراضينا - ربك عارف قد ايه اتظلمنا
كنا نجوم بنلمع فُجر الناس اذانا زاد ظلامنا
طب والى بينكو اتقل قيمته - فص حُزن وداب
طب والى فيك ماليك - ده مش زعل ده اسمه اكتئاب
____

ميدلى - رأس السنة 6 | Amr Saiko

Rapper & Lyircs : Amr Saiko
Album : بحر
Mix & Mastre : Karim moka
Poster & Vidoe By Ahmed Bedier
EL Hetaan Home Studio @ 2019 
Free Beats 
_____
مين زاد قساك مين الى مجاش اذاك مجاش زود بلاك
مزودش البعاد مين مسودش النهاية وغاب
محصلش حاجة يعنى - قلب وراح وانتى اتكلتى
سيبتك لنفسك هى تحاسبك كدا انتى اتقتلتى
بسعى برصد مهما ببذل جهد رص بخسر غصب
بربى كلاب عشان تصون ومش بينوبنى غير العض
بعرف كل يوم فى لون يأذينى كل يوم بتقص
كأنى بحرق قلبى قصد !!
بلاش تختفى :) - سيبتى العيون تطفى وكل شىء بيبهت
الشغف راح حسيت كأن قلبى اول مرة يتعب !
سابتنى فى عز ما انا دماغى للسما وعينى ع الاسفلت
سابتنى قبل ما اسأل فين كتفها - اتقتلت - 
لما اتصدمت بالون الامانى اتشرط
بدل ما اسب الدين , بشياكة قولت قلبى اتفرط 
الارض ولا شايلانى ولا حياتى سابتنى اطير
الدنيا مش سايعانى ليه سمايا بتمطر سواطير
_____
فا مش هحكيلك - حزن الدنيا كله فى قلبى
اكتر من 200 تراك ولسه محكتلكش حاجة عنى
بخبى 90 % مستحيل يتحكى
حياتى اصبحت كابوس خيالى غير منطقى 
كابوس مش بصحى منه - بموتى بس يكون خلص 
مش بصحى منه برغم انى كل يوم بتقرص
لو اكتئابى #بحر انا فى الغريق وبعده بسيكا
الاية اتقلبت - بقيت بغنى تعيط المزيكا
بشوات فى الحزن اكتئاب تفصيل على قد قلوبنا 
هُدنه - ساعدتنا جت على قد جيوبنا
بقيت اخاف م الفرح احس بعده جاية مصيبة
كل الى اذانى خاب اكمن محدش شال من قلبى طيبة
بنجرى مهما بنجرى ورانا فقر بينا اتربط
الدنيا لو ضحكتلى اتخض والقى قلبى اتقبض
مانا كنت زين كنت انا فين والحب فين
بعديها بمفيش لقيتنى بحب - اديتنى عين
اديتها حلو رجعلى حزن الطاق 200
ساعتها قولت اخيراً جاتلى الى هتقسمنى اتنين
حتى نجاحى اساسه غُلب فا قول للشهرة مش عايزها
لو حد حبك ابعد عنه بكرا يزهق
بلاش تدور على الاحضان باوجاع بتطلب مين يداويها
ريح نفسك - راحة قلبك مش هتلاقيها
احنا اتركننا - عدى الفراق خدهم وداسنا
والغريب ان الغريب يحن والقريب يجحدنا
____
ويلى ويلى م الايام يا شوق ..

شوق - عمرو سايكو | Amr Saiko - Sho2

الحوت ;) ..
مغنى راب 
العُمر : رقم مايهمش
تابعنى على باقى الحسابات ..

Amr Nasser Saiko || ( الحوت )

Popular tracks