Romel-B Ft. Priesto , Tag / Talbo 5dou3ak

انا من كوكب مش موجود انا فصيلتى نادرة جدا 
ليه بشوف الناس قرود ؟ وعمرى ماشوفت ديك بيدن
مفتخرتش بالفراعنه عاوز افخر بجديد فى بكرة 
بس شوفت علشان ميسى ناس بتسب فبعض وتلعن 
انا غريب ؟ ولا انتوا مرضى ؟ اصل مجتمعنا فى ورطه 
علشان بطئ الانترنت نسيتوا اهداف بثورة ّ 
كم انت عظيم يا بروفايلى المجد لك
غير صورتك ياما فى احداث سوريا وغزة
بس العيب فى مين ده المقصود من السؤال 
لما احب 7 مرات وتطلع البنات شمال
ده انا متحمل اكتر من الجمال ومهتمتش بالجمال 
واكبر مناسبة جوا حياتى اقل من عيد العمال 
مبقتش عارف انام فى سريرى احلامى بتقلب كوبيس 
دقتنى كبرت من الملل مسلسلات مبقتش بيس
والصحاب بقوا اشتغاله كل يوم بلون وحالة
حتى اخويا كرهنى لما شتمت سارة سلامه
______________________________
احنا شعب عايش صدفه مش حاطط فكر لمستقبل 
احنا جيل الهلث فى مبدأ واللى يفكر يبقى حمار
احنا كمصريين بنمنع اى طفل انه يبدع
احنا فى زحمه احنا فى وكسه احنا فى قمه الانحدار
_______________________________
عندى حلم اكبر واطير فوق السحاب
مش عاوز لما اتعب اتعالح بكفته وكباب
ازاى ده يكون دواء فى حاجات كتير ناقصه!!
على كده لو جالى حموضه ممكن تعالجونى بسلطه
فى مصر بس بشوف اشاعات اكتر من الحقيقة
بنات بلدنا اتطورت  بتعاكس بالطريقة 
اعلامنا محايد جدا وفى رمضان عمل حسابة
ان نص الشعب فاطر فالبرامج كانت بريئة
صافيناز فى بلدنا طاهرة وفتاوى مصر نكتة
احمد التباع بقى قدوة والعنتيل المثل الاعلى 
فالاغتصاب ده امر طبيعى والتحرش كان معاكسة
مانتوا شايلوا على كتافكوا بتجروا بيه ياولاد 
ادونى سبب مقنع  احب بلدى واطور فيها
ده اللى مشغل مخة وبيفكر صدقنى بياخد فيها
ده حتى فى مزيكتى صوتى مش راضى يطلع
خمس مرات بسجل فى التراك  والنور بيقطع
______________________________
احنا شعب عايش صدفه مش حاطط فكر لمستقبل 
احنا جيل الهلث فى مبدأ واللى يفكر يبقى حمار
احنا كمصريين بنمنع اى طفل انه يبدع
احنا فى زحمه احنا فى وكسه احنا فى قمه الانحدار
_______________________________



Sub-Zero  /  كوكب مش موجود

Verse 1 : Ahmed Rock
Verse 2 : teMraz
Chours : Shahin El 3abkary
Verse 3 : Omar Boflot
Verse 4 : Rooney HoodStar

Music produced By teMraz
Recorded - Mixing & Mastering @ Revolution Records Studio

Lyrics : 

Chorus - Shahin
احنا بتوع التكاتك واحنا بتوع نهر النيل
احنا الفراعنه الى بقينا زى بلاد الفيل
حاجات كتيره فيكي مبتعجبنيش
كل الى فيكي نفسه يسافر ومايجيش
Vers 1 - Rock
مصر بلد التاريخ شعب وحضاره محيرانى
تزرع فيها رز شعير تطرح كبده اسكندرانى
اشحن تكسب ثوانى خد فكرة وتعالى تانى
الزمالك يكسب طول الدورى وبرضه يطلع مركز تانى
دور عالمنطق متلاقيش شعب مش لاقى العيش
طول رمضان الحج صايم وفى الوقفه يشرب حشيش
حاطه التليفون فى الطرحه سايقه العربيه وسارحة
لابسه حجاب سبع ادوار مليان ترتر الوان وفرحه
شيخ يقول مليون حرام وكل دماغه فى النسوان
تشترى احدث موبايل وعادى بالليل تنام جعان
عالم ملزوق فى كل حته شعب وطنى بالفطره
هيا مصر ام الدنيا بس كله بيحلم بالهجره
Vers 2 - Temraz
عشان تعيش فى مصر لازم تبقى الراجل الوطواط
ولو الفراعنه بيننا كانو شربو مخدرات
كانو هيجرو ورا المواصلات ويغنو مهرجنات
وشوية تحرشات على سبيل الانبساط
ارفع راسك انتا مصرى اخترعت الشطافات
والشباب بقت تعبانه خلاص هتجرى ببوكسرات
حد يقولى ليه الناس بقت تعبد الجنيه
وناس حسوده عنيها اكبر من عين الكبانيه
عيال بتشد كوله وتقولك سيجاره يا بيه
وناس دماغها فله ماتفهمش عايشه فى ايه
احيه .. اختارت اتجنن والبس الكسروله
بدال ماكنت اهاجر وترمو ورايا قله
Chorus - Shahin
احنا بتوع التكاتك واحنا بتوع نهر النيل
احنا الفراعنه الى بقينا زى بلاد الفيل
حاجات كتيره فيكي مبتعجبنيش
كل الى فيكي نفسه يسافر ومايجيش
x2
Vers 3 - Boflot
ناس مخاصمه الرصيف
دا علشان الجدع ده راصص كام رغيف
اكشاك وعربيات والبياع الحريف
طب عالاقل سيبو الشارع ده نضيف
اكتر حاجه تضايقنى ان انتا تكون شايفنى
بتكلم فى التليفون وتسألنى الساعه كام
وفيه عيال عالموتسيكلات بأنوار وحاجات
مش بيطفو المزيكا لما يكون فى ادان
ومفيش ميه توصل لو مش مركب موتور
ادفع فاتورة الكهربا والنور مقطوع
وبلاش سب دين ليكو دين وليا دين
السلام على كل العالم يا بنى آدمين وفضائيين
Vers 4 - Rooney
حاول تتأقلم عالعيشه فى بلدك ده لأنه النقد خيانه
مهما تشوف داري عينك سد ودانك اسكت سكوتك امانه
بص على نص الكوبايه المليان ماتبصش عالفاضى
ولا تحاكم الناس على افعالهم متعيش ف دور قاضى وراضى
خليك بالى بتشوفه مهما ان كان مش انسانى
ماهو مش تسعين مليون ساكتين جااى انتا تحركهم فى ثوانى انسانى
انا مش داخل فى مجادله خسرانه من الاساس
ماهو صعب تجادل انسان اهتمامه فى الدنيا انه يتابع صافيناز باظ
عندنا مفهوم استقبال رأي معادى لو كان من مين
والى بينتقد التانى بقا سهل انه يوصفه بالتخوين
بقيتا بتفكر ازاي هنتفرق مادام كل واحد مرتاح فى مكانه هيذلك
واما تيجي تسأل حد عن السلبيات 
ياعم شنئولك
Chorus - Shahin
احنا بتوع التكاتك واحنا بتوع نهر النيل
احنا الفراعنه الى بقينا زى بلاد الفيل
حاجات كتيره فيكي مبتعجبنيش
كل الى فيكي نفسه يسافر ومايجيش


Belad El Feel - Revolution Records Feat Y-Crew

UnderZero - ارمي اللي باقي من الوجع

لمشاهدة الفيديو كليب على موقع يو تيوب !@ 
https://youtu.be/ZNlWTBrxBKY

Ba3k ! 2015 باعك
By :( Shams El-Deen Ft Moataz El Nashar ) 
Rec & Mix & lyrics : Shams EL-Deen . 

V:1
مخنوقة محتارة متضايقة من اللى بيحصل 
كان زمان بيسئل دلوقتى بطل يسئل
عادى لو مشغول - مش لازم يفضل على طول 
سيبك منو بكرة  يرجع راكع مزلول

مش مهم كان مهتم دلوقتى مش مهتم 
حاسة انو ويا غيرك - و انتى طفحانة السم 
كان حلم كان وهم كان اى حاجة و طيش 
و انتى كل تفكيرك - بعدك ازاى بيعيش

انتى اصلن مش شغلاة - و هو ويا نفسو
حاولى تعيشى حياتك - و تبقى احسن منو 
اخرجى من الحبسة - اضحكى و انسية 
لو كان لسة بيحبك -  بيبعد عنك لية

غيرى ايامك - اصل حبو مش بقيلك 
بوصى قدامك - يمكن تلقى طريقك
مش شرط حب وارتباط - بس قومى فوقى
هو باعك بالرخيص - و انتى فى العذاب بتدوقى 
___________________
هاااية سابك و باعك و ناسى كل حاجة 
لية  مرة واحدة مش فاكر اى حاجة
___________________
V:2
فكرتى فى الانتحار فكرتى تهدى نفسك 
فكرتى ياتموتية يا اما تعيشى لوحدك
مش قادرة ترتاحى - مش شايفة حد غيرو 
هو اختار حياتو - قدر يشق طريقو 

خلية فى الذكرى مش طالب انك تنسية 
حبيبة فى السر - لو مش عارفة تبقى لية
ارمية لو رماكى و انتى متعلقة بية 
بعية زى ماختار انك انتى تبعية 

دة السم اوقات بيكون علاج عشان نخف
و الحلم مش شرط يكمل - و الواقع متشاف
خليكى باقية على باقى و اللى باع براحتو
الطير ممكن يهاجر لكن صعب ينسى عشو

هو مش ناسيكى - و انتى مش شاغلة بالو
ورقة فى دفتر قديم - كنتى جزء من حياتو
مرحلة نزؤة فترة او قصة مراهقة
اخرجى من الوحدة حاولى تعيشى تانى احلى 

___________________
هاااية سابك و باعك و ناسى كل حاجة 
لية  مرة واحدة مش فاكر اى حاجة
___________________

Ba3k !( Shams El-Deen Ft Moataz El Nashar ) 2015 باعك

contacts
https://www.facebook.com/MAD.Zedan
https://www.youtube.com/madzedan


MAD / ليالي الشتا البارده - ماد


ادينى كاسي ونسينى كل اللى فات من ايامى وسنينى لفيت اللفه  من تانى وادينى ببص لنفسي مش شايف اى طموح في عينى
ادينى فيزا ومشينى من ام البلد اللى بتقتل اجمل ايام فى سنينى
وجودي في البلدي بيقتلني مش بيحييني حاكمني بذنب معملتوش احكم عليا انفيني ابعد مكان عن هنا وديني

وقبل ما امشي مسيلى على الناس اللى استنونى ياما لكنى مجيتش الناس اللى استنوا  اغنية ولا سمعتش الناس اللى فى غيابى حسوا بحاجه مكملتش Yeah
مشكلتى مبغنيش الا لما ببقى عايز اغنى ومتنسوش اللى انتوا بتسمعوه دلواتى ده فنى فالما اعوز اقول اقول فـ متفضلش مستنى مفيش حد فاهم مصلحتى افضل منى 
                                                               ***   

المزيكا مبتنتهيش و المستمعين مبيخلصوش بنبطل سنه واتنين وتلاته لكن مبننتهوش انا والمزيكا صحاب لكن سعات مبنتفقوش ياما ناس موجوده علي الساحه لكن مبيتسمعوش

                                                               ***   


ضيعت وقت وفلوس وكمان مجهود على الفاضي حلمت بالمستقبل مخلصتش من الماضي عاندت ونجحت ولعبت اللعبه بفن اهملت لعبتى فا ضعفت وخيبت الظن
اللي ضاع ضاع مبحبش ابكى علي الاطلال في حياتى انا طولت نجوم كانت صعبه تنطال واللي عملته واللي بنيته كويس مش بطال حبت عناد وايا اجتهاد ونصلح الاعطال


ادينى امل وصحه و انا اعيش في اي حتا وانا اكمل حلمى اللي ادغدغ قدامى مية حتا وانا اصول واجول بالمزيكا اللي انا حبيتها وهفضل صالب عودي  لحد ما نسلم الجته
وميشغلنيش لو كل العالم مفهمنيش دي مشكلتهم هما انا بالنسبالي ميشغلنيش مبيشغلنيش كلام الناس عليا سواء مدحوا او ذموا سواء حبوني محبونيش

                                                               ***   

المزيكا مبتنتهيش و المستمعين مبيخلصوش بنبطل سنه واتنين وتلاته لكن مبننتهوش انا والمزيكا صحاب لكن سعات مبنتفقوش ياما ناس موجوده علي الساحه لكن مبيتسمعوش

هتكلم عن شخص مات 
من عشر سنين كان هاري نفسه اعلانات 
سطحي تافه مبتسم فاكر نفسه بوص
قال يعني هيتشهر و يبقى نجم لما يرص 
مع الوقت شغله بقى نص نص 
نص يرضي نفسه نص يرضي البهايم 
على عوم جمهوره عايم 
المهم إنه طول الوقت حضوره دايم 
فنه منتشر و عامل اسم في المجال 
حط نفسه في الطريق بغصب و احتلال 
كل همه ياخد كل شيء لا يرضى بالفتات 
علاقته حلوة بالجميع فزادت الفيتات 
و الحفلات بدأ يظهر ميت دليل دامغ 
إن الفن بدون مقابل ده كلام فارغ 
السبوبة تحكم الوسط كمادة أو علاقة 
تصاحب القديم و التمن فشخ طاقة 
النضج نعمة الفن خد و هات التزامات 
مش هدس نفسي كفاية جلد ذات 

فني عايش للأبد برغم كل يأسي 
و اللي مغطي على نقط ضعفي هو بأسي 
فني عايش للأبد برغم كل يأسي 
و اللي مغطي على نقط ضعفي هو بأسي 

مؤدو الراب القدام بيكرهوني 
مش بيطيقوني لو يطولو يكتفوني يشنقوني 
مش مهم السبب لإنه مبهم 
بس نبذهم لذاتي لسه شيء ملهم 
أحب أكون مضطهد بدون قيود علاقة 
حر في الكلام في نقدي للسفة و للإعاقة
بحكي سهل ممتنع كلامي للجميع 
بدون ما أرص تركيبات و عمق يلا راب وديع 
هتموتوا كلكو و هيموت معاكو فنكوا الوسخ 
مش مميز حد فيكو منتو كلكم نسخ 
المنطق اتفشخ مظاهر بذخ التون اتمسخ 
بين الكلمة و الحقيقة فاكس العقد اتفسخ 
فنيا كنت حشرة شكرا 2010
حددت مكاني في الخريطة فوق القشرة 
كل عبيد المستمع و الشهرة و الفلوس 
مش مهم تقول حقيقي جد المهم تبوس 
تحية لكل مستمع مبتاكلوش يسجل 
زحمة في كل حتة رابر له جمهور مبجل 
و الصراحة المطلقة بإني لا أبالي 
تقولي ليه بترص عننا أقولك دي تسالي 
هبقى أحكي لكو وحدتي الرابية فيما بعد 
أنا لوحدي و انتو لسه كتفكم في كتف بعض 
العيال بتقيم كلامي سايب البلاعة 
سايب اللي عمره في الفنون لسه ربع ساعه 


المزيكا مبتنتهيش و المستمعين مبيخلصوش 
بنبطل سنة و اتنين و تلاتة لكن ما بننتهوش 
أنا و المزيكا اصحاب لكن ساعات ما بنتفقوش
ياما ناس موجودة ع الساحة لكن ما بيتسمعوش 

كنت باسعى كانت أحلامي واسعة 
اسمي ينتشر و صورتي لكل شاشة خاضعة 
شكرا للظروف اللي لبستني في الحيط 
فوقت من خلال الدم و لولا الخبطة ما كنت صحيت 
أنا بخلق حرب النفس و بكسب لما أتعمد أسوق بالعكس 
بشوف كزا صورة لوشي في عالم وهمي عليها علامة اكس 
أحب أقول إن اختلافي مش تعمد 
هما اللي شبه بعض و التكرار شيء مؤبد 
المزيكا مبتخلصش أنا اللي أسوق المستمع 
عقلي بس اللي سايقني رغم زعيق المجتمع 
مغمورين للأبد و هنفضل خارج الوسط 
أسماء هتتعرف بعنف بعد ما يموت الجسد 
هنعيش حياتنا مجهولين ده في مصلحة الكارير 
بيتهوفن عزل نفسه عن غباء الناس سنين كتير 
هاغني للحيطان و الرمل و الهوا 
تجاهل البشر طريق زيادة المستوى 



مغمورين

اغنية اعملى بطاقة من مينى ألبوم المسلة 2012  
https://www.facebook.com/RamyEssamOfficial 
Download Mp3 http://www.mediafire.com/?9llx5509ij3c9wc
مينى ألبوم المسلة 2012
كلمات: امجد القهوجى - الحان: رامى عصام 
توزيع وهندسة صوتية: طاهر صالح
 باص جيتار: نور ايمن - اليكتريك جيتار: بهاء الدهبى
اكويستيك جيتار: رامى عصام


إعملى بطاقة تكون مركب
شراع فى الغرقة يعدينى
اعملى بطاقة تكون مفتاح
و الصندوق يبقى قصاد عينى

مش نكتة قديمة و صدقنى
سرقوا الصندوق و ادى مفتاحه
رحت اتصور حالق ذقنى
طلعت ذقنى بفضل سلاحه

إعملى بطاقة تكون مركب
شراع فى الغرقة يعدينى
اعملى بطاقة تكون مفتاح
و الصندوق يبقى قصاد عينى

مش نكتة قديمة و صدقنى
سرقوا الصندوق و ادى مفتاحه
رحت اتصور حالق ذقنى
طلعت ذقنى بفضل سلاحه

اعملى بطاقة جديدة يا عم -- جديدة يا عم
ياما شلت بطاقة و شفت المر -- انا شفت المر
اكتبلى النيل فى فصيلة الدم -- فصيلة الدم
اسمى يكون فيها المصرى الحر -- المصرى الحر

دى بطاقة بخوف بيها الناس
ارجوك اعملى بطاقة تانية
الدين لله و العدل اساس
و العنوان مصر ام الدنيا
حد الله ما بينى و بين ورقك
غير حقى و حقك يا حكومة
و بطاقتى تكون عهدى و عهدك
على انه بلدنا تشوف قومة

اعملى بطاقة جديدة يا عم -- جديدة يا عم
ياما شلت بطاقة و شفت المر -- انا شفت المر
اكتبلى النيل فى فصيلة الدم -- فصيلة الدم
اسمى يكون فيها المصرى الحر -- المصرى الحر

Ramy Essam - E3meli Bta2a رامى عصام - اعملى بطاقة

ركبنا الاتوبيس

Asfalt - Cool Mahitab  | أسفلت - كوول ماهيتاب

Asfalt Feat.Yasmin ElHussini -  Hat3'ayar | أسفلت و ياسمين الحسينى - هاتغير

Asfalt - Chipsy Max Ad.  |  أسفلت - اعلان شيبسى ماكس

Asfalt X Zap Tharwat - Meen El-Ma'sood  | أسفلت و زاب ثروت - مين المقصود

Asfalt X Ameer Yossef - Ana Satreen  | أسفلت و أمير يوسف - أنا سطرين

Vocals and written by : MC.Romio
Title: 7awa w Adam
Produced and Mixed by: Mazagangy ( Hip hop project ) 
Sampled from Nayma El-Shaware3 (Original track) by 7anan Mady
Mc Romio Fan Page : http://www.facebook.com/mc.romiomusic
lyrics verse 1 
قلت قبل كده دوامة الحياه من يوم ما وعيت عمالة تسحبنى شىء غلبنى بعد ما جابنى سابنى للمواجهه غيرنا ليه إتجاهها كنتى معايا مليون حكايه حاولنا كتير علاجها .. زى حوا وأدم ماشفتش غيرى انا وانتى عالأرض مهما توهنا من بعض بنرجع تانى مش إحتمال ده فرض ف بسرعة انتهى العرض مش بإيدى مش بإيديك ... طبع الحياة نسيناه ف كلمة ليه مش هاتفيديك لو كنا سبنا بعض بإرادتنا مكناش حسينا بالشوق بعد كل الوقت ده ممكن نرجع ونفوق ؟ بعديكى شفت قابلت وانتى كمان شفتى بعديا بس الحب ده غريب مش بييجى بالنيه كنتى ليا ظروفنا فرقت مابينا درس وإستوعبناه قررنا نبعد سنه سنه فمنين نشوف قدرنا فين وازاى نقرا اللى عالجبين حاولنا نكمل للنهاية كسبنا دال وميم وعين 
(corus ) 
نايمه الشوارع والبيوت والخطوة بتشق السكوت 
وحدى وقصه حب ضاع بيطل من شباك قديم 
verse 2
افتكرنا اما نتمنى الحب يدوم ده لوحده كفايه أيوة اتحبيت من بعدك بس انتى اللى جوايا دخلت ف قصه يمكن انسى وهى دى النتيجه يا إما ادوس على قلبى يا أظلم اللى معايا ظهرتى ورجعتى بعد ما توهنا فى الحياه جايه ليه بتقوليلى حبك مش نسياه ؟ فاكراه وفاكره كل لحظه حلوة فرحنا بيها عشنا فيها ف دنيا تانيه بس محافظناش عليها 
وأهو ظروفنا اتغيرت مشاكلنا اتكسرت بس القدر جمعنى بحد تانى ارتبطت ف بعدك
أهو حياتنا إتدهورت قلوبنا اتحجرت ف بعد كل ده قوليلى عرفينى ازاى اساعدك
دلوقتى مقدرش بعد كل ده أكون ليكى .. هنحاول تانى نبعد لازم ننسى هوانا ..عارف انك لسه بتجبينى وانا برضه بموت فيكى وبإيدى أعمل ايه ده الحب ده زنزانه 
(corus ) 
نايمه الشوارع والبيوت والخطوة بتشق السكوت 
وحدى وقصه حب ضاع بيطل من شباك قديم  

Oraby - 7awa w Adam

Egypt’s foremost hip hop band Asfalt was created in 2005. Since then, members Ibrahim Farouk and Mohamed Gad have used their beats as a vessel for sharing social, political and cultural messages with the Egyptian public and the world. Asfalt’s at times satirical and at times more serious take on the local, daily life and struggles of regular Egyptians like themselves have modeled many of their songs into cultural references for the nation. Meanwhile, the cross-cultural issues and themes they rap about have appealed to a fan base extending well beyond Egypt.

Asfalt - Cool Mahitab | أسفلت - كوول ماهيتاب

Asfalt - أسفلت

Recent comments

ABDO

KhaleD Elalfey

ŚpĕĈíał Ğïrł-xƥ ĐÖdo

Manoooraa ♥ ♥

Related tracks