كل سنة وانتى ياعدرا 
امى وكل ثانية وانتى
ليا بتشفعى عند يسوع
كل لحظة  تزيلى همى
وتمسحى بحر الدموع
لو كتبت لك م الشعر
الف بيت عمرى ما اقدر
اوفى دينك فـ كل خطوة
  كنتى شايفة الله بعينك
كنتى عايشة فـ التواضع
فاصبحتى ف كل جيل مطوابة
كل عام يا عدرا وانتى
طيـــــبة 


اشرف منير

امى العدرا

ابدى باسم الله القدوس
الممجد فـ كل حين
مخلصى ايسوس بخرستوس
فـ الضيقات تملى معين
واذكر شهداء كانو ثابتين
دايما فـ اسم الرب يسوع
تركوا كل نفيس وثمين
صرخوا بالصوت المسموع
احنا الهنا حبيبنا فادينا
جه من ملكه مخصوص لينا
ولا يمكن ابدا ننكر اسمه
مهما  راح تعملوا فينا
لا هابهم حربة ولا سيف
نظرين لاله النهيات
ابدا ما عرفوا طعم الخوف
اصل يسوعهم جه وواعدهم
هيكون ليهم ملكوت السموات
عاشوا حياتهم .. ناكرين ذاتهم
لاجل ما تكون لكل الاجيال
فـ كل مكان حلوة جميلة
عطرة سيرتهم
داقوا اشكال الالمات
لكن دايما كانوا صامدين
وثاقين فـ إله التعزيات
هيكون ليهم ف الشدة معين
كانوا دايما ناظرين للمجد
تاركين العظمة والسلطان
مجد سماواى مش ع الارض
صداهم هز الاركان
الولاه كانوا جاحدين 
عما عيونهم الشيطان
لا عندهم رحمة ولا دين
عايزينهم ينكروا الايمان
حاولوا معاهم 
كانوا بالمال والسلطة يغروهم
واما رفضوا يكونوا خاضعين
سفكوا دماهم
شهدا فـ كل عصور وزمان
صاروا لينا فى الصبر مثال
من اول اسطفانوس اللى اترجم
ولسة لغاية دلوقتى كمان
ماتوا لكنهم مازلوا عايشين
معانا وفينا ولينا كمان
امبارح وبكرا وف كل حين
شفعتهم دايما شغاله
وفعاله لكل انسان
وانهاردة بنعيد ليهم 
ونمجد اسم القدوس
اللى تملى ساكن فيهم
اكسيوس اكسيوس اكسيوس
يا سادتى الشهداء العظام
بكل فخر انحنى واقول 
 هنئيا لكم الفردوس

#اشرف_منير










عصر الشهداء

الام مش كلمة مكتوبة ف خانة
ولا حاجة بنتولد نلاقيها معانا
امى منى وانا منها بكون
مافيش حاجة تفرقنى عنها استحالة
وانا ايش اكون من غير ام
اكيد حالى مرار وعيشتى تغم
وفى الدنيا عايش عوالة
دا اول حرف ف اسمها
موجود فى اسم الله
وانا متكون من جسمها
ومنها عرفت الحياة
ماما يا امى يا اماتى
يا احلا حاجة ف حياتى
مضيا انتى والاتى
واليكى برجع فى ضيقاتى
الاقيكى صابرة وحمالة
مين زى امى ف حبها
ولا حتى طيبة قلبها
ولا كلها على بعضها
برضاها عايش مش عايزة قوالة
حبى الوحيد هى امى
ببقى سعيد ف حضن امى
دايما معايا وشايلة همى
وف الدعى ليا ليل ونهار شغاله
امى الحبيبة الطيبة
كل عام وانت منى قريبة
كل عام وانتى بخير
"اشرف منير"

"امى"

اسم الدلع شيطان

من برة تشوفنى تقول قديس
عايش ع الارض حياة بارة
لكن جواى يرعب ابليس
ما تطقش تشوفنى ولو مرة
غيرى ادينه عادى اومال
واقول دا مشيه كمان بطال
وان جيت تطلع فى عيبة
قدامك المظهر راح تلاقاه
حاجة عجيبه سبحان الله
وانانى محبش غير نفسى
الخير ان جالك يتعبنى
وانا! بشخصى وبنفسى
ادعيلك بالشر يا أبنى
كداب ومنافق ودى ميزه
اوعى تفكرنى اهبل يعنى
اما النصب دا حاجة لذيذه
والشرف دى حاجة بتوجعنى
شيطان فى صورة بنى ادم
لو انك ناوى تدلعنى

Ashraf Mounir

Popular tracks