Maryam Saleh - Valérie Giscard D'Estaing| مريم صالح - فاليرى جيسكار دستان

في حاجات لازم علشان نعرف درجة قوتها بنكسرها
 وحاجات فـ ادينا  علشان نعرف اننا عايزنها بنخسرها
 كدبت فعمرك كام صاحب علشان كان نفسك تطمن...وخسرت صحابك واطمنت
 طب كام بالون فرقعو منك وانت بتنفخهم عالاخر ....وعرفت اخرهم بس ندمت دلوقتي فهمت انا عايز ايه .... انا كنت فبرقع بلالين ليه
 انا عاوزحاجة بدون اخر
... او حتى الاخر موصلوش كام حيطة فضهري اضرب واهري فبدنهم بس ميتهدوش... شيء مش مغشوش مضمون دايما ... من غير محتاج انا اتاكد او حتى اخاف اني اتنكد ليكون فالاخر برده فشوش
 يابشر عارفاني وعارفة انا مين ... بلغو اسفي لكل البلالين 
كلنا كنا فيوم بلونة وفقعتنا تجارب بني ادمين
 بلالين عايشين نفسها تلقى حد يصدق ويقدرها... ويتاكد من انه عاوزها من غير ميجرب يخسرها

البالونه - مصطفى ابراهيم

الصورة قصادك ممدودة و مش محدودة بالطول و العرض
و البرواز ضلعه الفوقاني...ف السما....و التاني مساوي الأرض

و بما إنك حيلتك بس عينين ..ف قصادك حل من الإتنين

يا تقرّب جامد م الصورة و تاخدلك كادر تركز فيه و تعيش حكاويه
و ساعتها مفيش و لا كادر يعيش
و يكونله لزوم غير كادر الزووم

أصغر تفصيل ف الصورة يبان ..ريحة الدنيا و طعم الأحداث
الفرق ف تدريج الألوان .. شكل التجاعيد ف وشوش الناس

ف تعيش مستمتع بالتفاصيل .. الجهل... جميل
بيقربلك سقف النشوة و الحزن كمان

أما لو اخترت إنك تبعد و تشوف المنظر من برة
حتغطي عينيك كادرات أكبر و حاجات أكتر لكن أحجامها بقت أصغر م الأول ميت مليون مرة

تكتشف إنك ..مبقتش في حاجة تأثر فيك و لا بتبكيك مبقتش بتزعل تقريباً 
و الدنيا بقت أبيض فاقع و إن انت بقيت إنسان ساقع

مبقيتش بتضحك بالساهل ..و لا حاجة ف نظرك تستاهل
تتمنى ساعتها تعود جاهل
ف تلاقي الزووم كان رايح بس و لجل النحس مفيش راجع

برواز الدنيا - مصطفى ابراهيم

لو بس كنت ساعتها عارف....إن دي المره الاخيره...ميه ميه...كات حتفرق ف الوداع
كنت هحضن سندس اللي ف تانيه تالت ع المشاع...واحنا طالعين م اللجان...بعد اخر امتحان...و اسألها لو بتشوف فلان 
طب فاهمه مادة ميس ايمان؟
طب ينفع ابقي اجيلكوا عادي ؟ قصدي يعني البيت يساع؟ 
لو بس كنت ساعتها عارف....إن دي المره الاخيره....ميه ميه كات حتفرق ف الوداع

...كنت يومها أكيد حبيّت...عند جدي ف شقته..نلعب ورق....نسهر سوا
مش حسيبه عشان ينام ليلتها من بعد الدوا...أو يرد الشيش عشان ضهره بيتعب م الهوا
واقوله يعني بذمتك....اخر نفس ساقع اخدته ف صحتك....
بقي مايساويش حبة وجع ؟ بطل دلع ...جدي اللي مات دفيان ليلتها بـاللحاف
لو كان عرف....إن الليلادي وداع لانفاس الهوا....مكنش رد الشيش ف اخر ليله له.... ومكنش خاف
 
كل الشوارع والمباني...اللي مش حدخلها تاني ... والاغاني اللي لما سمعتها...دندنتها
من مره واحده بالسماع ...ميه ميه...كات حتفرق ف الوداع

يا كل حاجه كسبتها ...أو سبتها....و ملحقتش اشبع منّها ...اكمنّها قالت "حنروح من بعض فين؟ "
يا ناس يا عبط يا عشمانين...ف فرصه تانيه للقا
بطلوا اوهام بقي....وكفايه أحلام واسمعوا....عيشوا بذمه و ودعوا
كل حاجة بتعملوها...وكل حد بتشوفوه
وكل كلمه بتقولوها...وكل لحن بتسمعوه
عيشوا المشاهد... كل مشهد....زي مايكون الأخير
واشبعوا ساعة الوداع ....واحضنوا الحاجه بـضمير
دا اللي فاضل مش كتير ....اللي فاضل...مش كتير 

كانت هتفرق فى الوداع - مصطفى ابراهيم


صوت قفلتك لأخر سوسته ف الشنطه
صوت طبطبة ايدك بالراحه ع الباك باك

فرافيت تذاكر سفر قطّعّتها اونطه 
سندة عينيك وايديك ف الباص على الشباك

فيه حاجات كتير عايزاك تفضل كده مسافر
ف طريق ملوش اخر إكمنها حتموت ف الرحله من غيرك

فيه حاجات كتير عايشاك خايفاك تبطلها  وحاجات كتير عايزاك لكن معطلها إن إنتا مش عايز

جايز ... حاجات منها حتعيش وتستناك 

جايز حاجات تانيه ف الزحمه راح تنساك زي اللي راحوا زمان

حتبطل الدخان ؟  ..ولاعتك السخان وسجايرك البوسطن حيموتوا من غيرك

حتبطل الاحزان ؟ .. كشكولك المليان بـقصايدك الجايه ..حيعيش لمين غيرك ؟

جسمك حجزله مكان بالعافيه جوه الكادر ..ميت ايد على كتافك ميت بصه على وشك

كل الحاجات حواليك ف الكادر سانده عليك لو جيت وشلْت اديك ..الصورة تتفركش..

ضلك على الحيطه  كان خافي عنها النور وطلّعها بتنغمش

كفك على السفره من غيره كان إزاي... مفرشها يتكرمش ؟

بصمة صباع إيدك...لسّاها ع الشبابيك
ميت ألف تفصيله.ملهاش وجود غير بيك وإنتا عليك تختار..
حتبدّي مين على مين ؟ وتبدّي إيه على إيه ؟ الجاي والجايين ؟ ولا اللي خدت عليه ؟

أصل الحياه للعلم مفيهاش حاجات ببلاش 
وعشان ماتصبح فيلم وأصلا عشان تتعاش
كادر الحياه المشحون فرح والم وشجون

لازم يكون ...بيلف لازم يكون.... بيدور
يتقل عليك ويخف ويعشّمك بالنور

ف نهاية المشوار وأنا قلبي لف و دار
ميت ألف ليل ونهار نفسه ف فرحه كادوه وحلاوه من غير نار

ومّا الزمن تعبه قصقص شريط الفيلم وخَد كادر كان عاجب وقرر يعيش ف الحلم
و الحلم كان كامل جدا تمام خالص
ولجل الكمال لله كل الحاجات جواه لكن في شيء ناقص

فاضي بشكل غريب إيه اللي سبته هناك؟
ف تلاقي ف الكراكيب.. صورة القمر وياك
متشاله ف الكشكول.باصه ف عينيك علطول وكأنها بتقول .... بالذمه مش واحشاك ؟

مافهاش حاجات ببلاش - مصطفى ابراهيم

صار التانجو رقص الثوار

Libertango - Heba Tawaji | هبة طوجي - تانجو الحرية

وجريت م الحارة على الشارع و إلخ إلخ اطلع من نقرة لدحديرة و من فخ لفخ
 ...و الدنيا تشيلنى وتهبدنى طاخ طوخ طيخ طاخ

مبسوطة يا ماما حوة ؟ مبسوط يا بابا اّدم ؟


ثلاثي أضواء المسرح - لو كانوا سألونا

Dina El Wedidi - El Khorafah | دينا الوديدي - الخرافه

متستعجبشى - اسماعيل ياسين

انساب وليه تنربط  ياللى ف ضهرك جناح
احزن عشان تنبسط  وموت علشان ترتاح 
دا الموت يعيدك لأصلك  بس انت موتك معصلج 
ياللى انت وشك غريب  ياللى انت قلبك محاصرك 
انساب و ليه تنربط ياللى فى ضهرك جناح 
احزن عشان تنبسط و موت علشان ترتاح

Maryam Saleh - Leh Tenrebt | مريم صالح - ليه تنربط

Five talented Egyptian percussionists, united by their infinite beat passion bring you a world of rhythm & energy that is not to be missed!

www.facebook.com/ThePercussionShow

Video : http://www.youtube.com/watch?v=sb-2VsE2y-U

The Percussion Show - Body Percussion

Recommended : soundcloud.com/ashrafomar/lella-fadda-inni-mnih-cover-mashrou-leila

مبسوط، ما بني شي
مخبى الشمس بكرشي
مالي عازه، بس مش مطول
غداً يومٌ أفضل

بقى جاي يحكيني إبن الكلب عن كل قضايا العالم
يا رح تتصفف بجانبه، يا أما انك ظالم
بقى تتعلم تتفادى أحاديث بعمرها بتوديش
لا رح تنقذ أهلك ولا رح بتغير عالم
شنا الناس دايماً بتنتقم وعمرها ما بتحبش
قوم بلاش ما تنفصم أشرفلك بس تطنش
حتسيبك بوعظات جاي من عمارات من عاج
حكيتهم خيي بتستاهل وإلا بس طعاج

Mashrou' Leila - Ghadan Youmn  Afdal |  مشروع ليلى - غداً يوم أفضل

القناص - رشا رزق

أنا أنا الصديق  اللي بحق وحقيق  قلبي صافي رفيق لو مره تهت فطريق  عشت فغربه وضيق .. صدقني مايشيل همك غير صديق
أنا أنا الصديق .. أيوه أنا الصديق 
 عندك مشاكل ..  انا عندي كمان مفيش حاجة انا مقدرش اعملها ليك 
انا قلبي وياك لأنك صاحبي الوحيد و أنا الصديق 
ايوه انا الصديق
 يمكن في حد تاني أذكى وأشجع مني .. وأقوى كمان .. جايز! 
لكن أكيد مش هيجاريني في الوفاء إنسان .. أصل إحنا مهما .. تمشي بينا الأيام .. حبنا يكبر قوام .. نزداد محبة وسلام
 لأنني الصديق .. أيوه أنا الصديق
 أنا أنا الصديق


انا الصديق - Toy Story

عالمين نفس الحياة - Tarzan

انا غريب - Tarzan

ابن الحياة - Tarzan

El Shiekh Emam - Guevara Mat | الشيخ إمام - جيفارا مات

لما غيمة الشتا بتزحف عالمكان و صوت دقات المطر يعزف على الاحزان 
سيجارتى اهيه فى ايدي مع قهوتى يا سيدى اقعد هنا قدامى فهمنى واحكيلى حكايتك 
و روايتك منا من زمان وانا شايفك شاب و يافع ونجم برجك طالع
 دايماً فى راسك رافع والاحلام فعنيك بتلمع  فجأة توهت واتكسرت والعين بقت بدمع
مستغرب انا من سؤالك محالى هو حالك كمان انت منين الحكمة  دى كلها جايالك 
منتا شوفت حياتى و تشكيلى لقراراتى شوفت راسى مرفوعة ماشوفتنيش وانا بطاطى
دا كفاحى واحباطى اكل سنين حياتى كل طريق انا مشيت فيه كنت بابحث عن ذاتى
كفر عن سيئاتى اعمل ليوم مماتى واسيب ذكرى حلوة تكون اعظم رواياتى 
بصمة حياتى يفتكرونى بيها ولادى ويحكوا عنها قصص يفتخروا بيها احفادى
كنت شايف فعين الشمس ان ليا مكان مش مجرد وش باهت على حيطة النسيان 
بس الدنيا بخطة تانية شالت الالوان شالت كل حاجة وسابت الاسود يبان 
مين انت و جى منين و فينك من زمان جى دلوقتى تنصح وتخطب  زى الإمام
يمكن اكون ضميرك يمكن اكون  انا ضلك يمكن اكون اّخر من فالصراحة يكون فاضلك
 روحك هيا تمنك بعرقك او بدمك إلا دى لو ماتت هينطفى حتى ضلك
تنطفى معاه ملامحك يختفى معها رسمك يمكن كمان تختفى الحروف الباقية من اسمك 
ليه كل كلامك شكله انى كنت مقصر رغم انى كنت معاك و خُطايا صدى لخُطاك
بردو شوفت الحمل بيزيد  و عضم كتافى بيتكسر و كان فايديك يا صاحبى و بردو مرضتش تغير
لا اتغير ألمى ولا سنين حرمانى ولا اتغير الزمن اللى فقراراته انانى 
  مهما  توهت او اتكسرت لسه فى جوا عزيمة عشان اقف تانى و اصرخ لمرة وحيدة
  و بعلو صوتى انا حقول فيها انا مهما وقعت فانا قمت وانتصرت 
انت اللى بتفكر وبتقول كلام كبير كان عندك وقت اكتر تحاول التغيير 
 واقف ايديك فوسطك لا بتتكلم ولا بتعبر تسمع من غيرك وتشوف وتتعلم اكتر 
و تستنى تشوف الدفه على فين حتسير  بسفينة حلمك التايه فبحر الاعاصير 
سواء الموجة عالية والمايه كما الحصير فالنهاية رست بيك فجزيرة الاساطير 
انت العاقل شايل هم المسائل و الوسائل حلال مشاكل وحلمك انت ولا عنه سائل
منتا وقتك مش ملكك ولا الزمن زمانك بتقوم بادوار ناس مش قادرة تكون مكانك
ايوا انا اللى دايماً بتهم و باهتم و الم فـهم مايتلم دايماً سابق السن 
  دايماً على ودنى زن مجروح وبنزف دم فالفرح مش مـ الاوائل انما حاضر ساعة الغم 
اوقات حظي معدودة زى متكون جمايل دايماً اعصابي مشدودة منا على ضهري شايل 
انا فى الحياة دى ماشي والسكة مش بتخلص لا شغلني وجع راسى ولا ان النفس بيخلص
منتا لسه عايش لسه بتقدر تتنفس بس فكرك دا يكون سندك لما الناس كلها تفلس
الطريق مهما بيضيق بيجيله يوم و يوسع و انا اللى عاجبنى فيك انك لصوت العقل بتسمع
مش طفل صغير عنيد عاللى فدماغه مش بيرجع شايف العمر بيجري بعيد واللى فات عمره مابيرجع
مشوارى دا سؤال بدور عن اجابته لازم حكاية او موال علشان تعرف توصف حالته 
مش عارف انا جاوبتك ازاى على كل اللى سألته اسئلتك هزت البركان اللى جوايا و فجرته
بس وحياة القاعدة دى اسمع مني المرة دى ماتقلقش عليا يا صاحبي وكمل قهوتك عادي


Shahin El 3abkary - Hadees Ma3 Al Ana | شاهين العبقري - حديث مع الأنا

إبني الوحيد وليد ..

فاضل بتاع 3 شهور وسيادتك تشرف .. ويا عالم إذا كنت هالحق أشوفك ولا لأ

ما إحنا كلنا بنتولد علشان نموت

هي دي الحقيقة يا إبني .. ما تهربش منها

الدنيا حلوة وعجيبة قوي

وتستاهل إنك تعيشها

خد نصيبك كله

إلعب وذاكر وإشتغل وحب وإتجوز .. وإتخانق كمان

ما تضيعش لحظة واحدة من عمرك .. إتمتع بحياتك

ما تخافش م الناس .. ولا الضلمة، ولا العفاريت حتي

صاحب الناس كلها وحبهم كلهم

والعالم الغلسة .. غلس عليهم قوي

ما تخافش م الناس .. ما تخافش من نفسك

وإعمل اللي يقولهولك ضميرك .. فاهمني ياض

ولما تفشل .. إضحك

إوع تيأس

ولو زعلت .. إياك تعيط

إياك تعيط

ولا أقول لك

لو حبة الدموع .. تفر من عينيك .. ابقي عيط شوية

عايزك تكون واثق من نفسك .. معتز بكرامتك

أنا ما أضمنش إنك تطلع نبيه قوي .. هاتجيبه منين

..إنما أكيد هاتطلع أحسن مني

 1985  الرجل الذى عطس

نهاية فيلم الرجل الذي عطس  - سمير غانم

Y-Crew Family - Da Mosh Zan | واى كرو فاميلى - ده مش زن

هاتلى يا بكرا صفحة جديدة .. حطلى مصر فى جملة مفيدة 

HQ


Safha Gedeeda - Eskenderella | صفحة جديدة - إسكندريلا

SHORBA شوربه
موسيقى الكترونية :  محمد شفيق 
غناء : ندا الشاذلي

ما تخافشى عليا أنا واحدة سجوريا فى العشق يا أنت واخدة البكالوريا
ساعة ماتجيني فوت جنب البيت وانده تلاقينى فى أوضة التواليت
مستنية مـ العصرية ..ساعة متجيني
مادام الباب من غير بواب مين ده اللى يقول لك 
أقعد سهتانة قلبى مشغول بك .. ولما تشعلل لهاليب نار حبك
أرخى الناموسية وأنام لى شوية وأحبكها وأشبكها
ب200 دبوس وأحضن﻿ وأبوس وأنزل على صورتك
ما تخافشى عليا أنا واحدة سجوريا فى العشق يا أنت واخدة البكالوريا
أنا لما﻿ أستلطف ما يهمني بابا بس أنت اتعطف وتعالى إمبابة
خدنى فـ دوكة جوه فلوكة ونكركر ونهنكر وفـ وقت صفاك ألعب وياك
لعبة على كيفك

من الطقاطيق الخليعة لعبد اللطيف البنا
سجلت على الأرجح فى عام 1930

SHORBA - Matkhafsh Alia | شوربه - ماتخافش عليا

Y-Crew Family - Neda2 Le Kol Mowaten | نداء لكل مواطن

Soundcloud : @cherineamr
Facebook Page : https://www.facebook.com/Cherines.Project

Cheen - Tayer Ya Hawa

ألحان ديفيد ستيورات و آني لينوكس ١٩٨٣
كلمات  : محمد منصور و نهي زايد
توزيع : محمد منصور و محمود رفعت 
غناء : محمد منصور
 ناتالي سابا 
 وائل منصور

كل صعب يركبه المضطر
مين انا عشان انغر  
عبرت بحار لكل بر
 ما قابلت واحد الا ونفسه في حاجة 
 الكل منا في غيته حاجة
 منهم عاوزك تستغله
 منهم عاوزين يستغلوك 
منهم عاوزك تستعبده 
 منهم عاوزين يستعبدوك
ارفع راسك 
مكملين 
خليها مرفوعه 
الي الامام
و من طلب العلا سهر الليالي 
 فما نيل المطالب بالتمني و انما تؤخذ الدنيا غلابا
احلامنا الحلوة


Ahlamna El Helwa - Mohamed Mansour Ft. Nathalie Saba |نتالي سابا - أحلامنا الحلوة

Lella Fadda - Inni Mnih (Cover) Mashrou' Leila

الليل موال العشاق - شريفة فاضل | الحان : منير مراد

Arabic version of :
" Ney Nah Nah " by Vaya Con Dios
 and
" Hit The Road Jack " by Ray Charles

Arnabeat - Leh Ya Hana ? |  ليه يا هنا ؟

Lay Lay - لاي لاي

خلّي حياتك بـ موسيقى تصويرية

الكمال لله و الكمان لي

Ashf

Popular tracks