داخلة سمر فنون الدورة الكشفيه ال39 
كلمات و ألحان : عاصم السيد عبد العزيز 

حب الناس افرح و عيش ده العمر قصير ميساويش لو كل الدنيا جت عليك ليك رب اسمه الكريم 
جرب في يوم تنسي الهموم , حاول و عافر من جديد 
خلي السعاده شئ يدوم و إرادتك دايما من حديد 
 حب الناس افرح و عيش ده العمر قصير ميساويش لو كل الدنيا جت عليك ليك رب اسمه الكريم 
فكر بحلمك يوم تطير , توصل لسحابه في السما 
ساعد محتاج شارك في خير , فرحة لحظة بمليون سنه

حب الناس افرح و عيش

دينيه سمر فنون الدورة الكشفيه ال39
كلمات و ألحان : عاصم السيد عبد العزيز

يا ربي تعبت من العصيان و مالي غير كريم رحمن 
إقبل توتبي و إرحم ضعفي مالي غيرك يا رحمن 
انا العبد اللي نال منه شيطانه و سجنه شهواته 
و ماله غير إليك ملجأ تدله و تهدي خطواته 
ده قلبي خاضع ليك ندمان إرحم ضعفي يا رحمن 
يا رب و مين غيرك يقدر يطيب جرحي و في قلبي 
يزرع حب خير للناس يمسح دمع علي خدي 
و وعد منك مش بنساه إدعوني أستجيب ليكو

ياربي تعبت من العصيان

خفيفة سمر فنون الدورة الكشفيه ال39 
كلمات : عبد الرحمن سامر - عاصم السيد 
"ألحان : " فلكلور شعبي سيد درويش 
 
أنا قاعده و يجي يقولي ملعونه بنت ملعونه و يلا خناقه ظربونه 
ماتفهم أسبابها مجهوله و عيالنا واقفه مصدومه 
يا ستي أنتي ماتفهمي ليه كل كلمه تجنني 
لو علي عيالنا ما تزعلي قوموا يلا يا ولاد و شوفوا توم و جيري 

أكل و مايه و فاكر و نفسه ع القهوه اللي ع الناصيه 
يشرب كازوزا و يحليلي بزلابيه مع كام ألشه لجل ما تحكم القافيه
 يا ناس حوشوها إدين "ست ب لغه نوبيه " دا هي 
لو مارتاح في بيتي اروح فين 
الله عليه الله يرحم ايام الحظ النكته دي 

يجي رمضان و يلا عزومه لجل ما تطبخ الجاريه 
و الجاريه اخس ع الجاريه تطبخ و تغسل الهدمه 
ما تلقي حد ينصفها و يخربيت اللي يحسدنا 
ليه كل سنه نعيدو نزيدو يا رب صبرك يا دين النبي
احيه عليه احيه عليه من الغلب العيشه الزفت دي

ملعونه

وطنيه سمر فنون الدوره الكشفيه ال39
كلمات و ألحان : مصطفي يسري 

تايه بدور علي عمري اللي ضاع تايه و عايش في بلادي انا رحال 
رحال كأي شب في سني عايز يعيش رحال كأي ظابط مخبر أو شاويش 
رحال كأي معارض ليكي او عشانك رحال كأي واحد هجرك سافر باعك 
حقي أسيبك و أهجرك و أمشي بعيد 
م دام عليا و ع اللي زيي مابتخفيش 
حقي امشي و الحق نفسي بسرعه لعمري يفوت حقي اجري و احقق حلمي مادام معاكي بيموت 
و هفضل أحبك مع أنك مش حاسه بيا رغم أنك بيعاني و كتير جايه عليا 
مش هعرف أبعد عنك أسيبك مهما يكون دوسي عليا و إقتليني كمان يا بهيه 
حقك عليا من كلامي غصب عني بشتكيلك منك و ده من كتر همي 
هفضل عايشلك مهما يكون هفضل مستني و هقول و أغني 
تعيش بلادي حره لحد أخر يوم في عمري

في بلادي انا رحال

كشفية سمر فنون في الدور الكشفيه ال39 
كلمات و ألحان : عبد الرحمن سامر 

الجواله لعبه و أنا دبت في حبها .. أولها كنت خايف علي وقتي منها .. و أبويا و امي و صحابي وقتها هتفشلك هتسقطك 
قوم يابني ذاكرلك كلمتين .. و دي كلمة امي وقتها .. رحت قعدت في أرضها 

ضربة بندير و شفرتين كام عقده كمان أغنيه تمام عجبتني القعده قولت انا جوال 
روحت البيت .. جوالة ايه دول طبل و رقص و فشله كمان .. لا دول ناس تمام أصل انا جوال 
ضربة بندير و شفرتين كام عقده كمان أغنيه تمام عجبتني القعده قولت انا جوال 
و صحابي قالولي .. معسكر ايه و الامتحان م احنا قولنالك من زمان هتفشلك هتسقطك .. قولت تعالوا في أرضها 
ضربة بندير و شفرتين كام عقده كمان أغنيه تمام بقوا جوالين و معايا قاعدين
 رحنا المعسكر .. ملصق و مجله و كورة كمان هيئات تحكيم و الأرض أمان معرض مليان و سمرنا يسمع كل الناس .. اصل انا جوال 
ضربة بندير و شفرتين كام عقده كمان أغنيه تمام عجبتني القعده قولت انا جوال 
اصل انا جوال

الجواله لعبه

صيحة فنون الدورة الكشفيه ال39 
كلمات و ألحان : ق\مدحت التيتي 

ع الشط ماشي و انا جوايا هوجه و بيعلي صوت الدندنه و ترد موجه 
اسكندريه الهوا و العشق و المعشوق 
إسكندراني انا و تملي راسي لفوق 
سحرها بحرها كلي يغني الليله دوب 

لو كل حاجة بتتوصف محتاج ديوان و انا اللي قلبي اتخطف ليها من زمان 
و شمس لون الدهب تدوب في غروب و لعشق مليون سبب كله يغني الليله دوب
سحرها بحرها كلي يغني الليله دوب

ع الشط ماشي

رتم بندير سقفه فنون الدورة الكشفيه ال39 
ارتام : محمد حامد - علي سمير

رتم السقفه

خارجة فنون الدوره الكشفيه ال39 
كلمات و ألحان : مصطفي يسري

ما دام انا و انت لسه صحاب و لسه ادينا حاضنين بعض 
و لسه العمر قدامنا اكيد في شئ هيجمعنا هيتحقق و نفرح بيه
و نحزن ليه و ليه تحكمنا اوجعنا و ليه الدنيا تبعدنا عن أغلي و احلي حبيب 

جايز بتضيق و بتعاند يجوز بتهد بينا كتير لكن اكيد بلمتنا 
و احلي ضحكه ضحكتنا تنور لينا الف طريق 
و الليله هنغني نعلي الصوت هنخلي وداعنا وداع فرحه يوم لقاكوا اكيد هيعود 
مفيش حاجه اسمها فرقه :)

Assem Abd Elaziz

Popular tracks