مقدمة بسيطة بتشرح فكرة البودكاست و انتو ممكن تلقو شنو لما تسمعوهو. الأغنية في الخلفية مأخوذة من:

https://soundcloud.com/mayada-mohamed-elhassan/collage

مقدمة تعريفية

اللقاء الأول دا كان مع طلال، واحد من الشباب السوداني المتصوف. طلال حيحكي لينا عن تجربتو مع الصوفية و المراحل المر بيها عشان يوصل، برضو حيشاركنا هدف حياتو و كيف الفكر المتصوف ساعدو في الوصول ليهو. طلال في جزء من كلامو قال: "الحاجة العايز تعرفها، أعرفها من أهلها، أبحث عن الحقيقة و الباحث عن الحق بلقاو"

خليكم معانا عشان تعرفو اكتر عن الصوفية بعيون طلال.

الأصوات في الخلفية مأخوذة من:
https://www.youtube.com/watch?v=k0MZ2brOdvQ
https://www.youtube.com/watch?v=FEAMVbwIkN0
https://www.youtube.com/watch?v=eoDmyNgvCYs

طلال و الصوفية

عثمان الشيخ كاتب سوداني متميز، في لقاءنا معاهو حكى لينا عن بداية تجربتو مع الكتابة، الحاجات الكتيرة الجربها و اتعلم منها. عثمان قبل ما يكون كاتب جرب الرسم و الشعر. عايزين نسمع تجربة عثمان و نعرف تعريفه للنجاح شنو، برضو نعرف نظرة المجتمع السوداني للكاتب شنو، لو عايزين تتعلمو من تجربة عثمان اسمعونا.

الاغاني في الخلفية مأخوذة من:

https://www.youtube.com/watch?v=iBGhyPbTwFI

https://www.youtube.com/watch?v=yCzD73o3U3w

رحلة كاتب‎

تقوى وراق، عالمة و محللة بيانات، عندها مهارات مختلفة من رسم، تلوين، تعلم لغات و جودو. تقوى من صديقاتي القدامى البيبثو الطاقة الإيجابية في الحولهم، عملت معاها اللقاء دا عشان أعرف كيف ممكن كل الحاجات الفوق دي تتعمل في ظروف بلدنا.

تقوى بتحب تشارك خبراتها مع الناس، عشان كدا أسست موقع إسمو سمح العلم بتشرح فيهو علم البيانات و الرياضيات، و عملت برنامج تدريبي برضو و تنشر حلقاتو في يوتيوب. اللقاء كان ممتع للغاية، أتمنى إنو يفيدكم.


سمح العلم:

https://sudaniscience.wordpress.com/

سمح العلم في يوتيوب:

https://www.youtube.com/channel/UCyHBusKCxar-_bbenA-WyXg

الأغاني في الخلفية مأخوذة من:

https://www.youtube.com/watch?v=Uu647JfPdcc

https://www.youtube.com/watch?v=JS6nXa5K2so

Aswat Sudania