من تقاسيم السمسمية الجميلة و الشهيرة فى بورسعيد و تسمى ( أفراح ) // فرقة الطنبورة

تقاسيم سمسمية - من تراث السمسمية البورسعيدى - فرقة الطنبورة

أنا باوَحِّد اللي خلق الناس
خلق مسلمين ونصارى
وناس نامت على فَرش وِكْناس
وناس ع المعايش حيارى
******
طبيب الجرايح قوم اِلحق
وهات لي الدوا اللي يوافق
فيه ناس كتير بتعرف الحق
ولاجل الضرورة توافق
******
فَرَطت قِلعِي ما جانيش ريح
وعاودت ع البَر ناوي
ياما ناس زيِّنا مجاريح
لكين صابرة ع البلاوي
******
سكت الهَوى والناموس طار
والسبع طاطا بعينه
خليه دا النومِ أستار *
لما الكلب ياخد يومينه
******
شوف الزمان انتهت عَدَليه
وادي البُطْل ع الحق راكِب
جه السبع يُطلُب عدليه
لَقَي الهِلف ع التخت راكب
******
يا قلبي إوعى تعاشر الدُون
ولا تكلِّمُه بالاشتراحة
تكلمه الكلامِ موزون
تلقاه يرد بقباحة
*****
جاني طبيبي مع العصر
وف إيده ماسك عصاية
اتاري طبيبي قليل أصل
من خصمي جابلي الوصاية
*****
كلام الغَرَأبا حِمِلناه
فات علينا كما ريح هاوي
كلام القرابا إخ منَّاه
وياجي فوق فرش الكلاوي
*****
إوعى تقول للندل يا عم
ولوكان على السرج راكب
ولا حد خالي من الهم
حتى قلوع المراكب
*****
غربي بلدنا بلد سيح
وادي الهِلف ماشي ورانا
مش عيب كراسي التماسيح
تقعد عليها "الوِرانا"؟*
*****
اللي حبنا حبناه
وصار ماتعنا متاعه
واللي كرهنا كرهناه
ويحرم علينا اجتماعه
******
يا بت جملك هبشني
والهبشة جت في العبايا
رمان صدرك دوشني
وخلى فطوري عشايا

أنا باوَحِّد اللي خلق الناس

أنا مظلوم -الأصلي-فن شعبى تراث صعيدى

مربعات ابن عروس .. صوت صعيدي مجهول

الســــيرة الهلالــــــية ... محمــد منيــــــر

بلدي يا ولدي الاصليه كامله خضره محمد(MP3_160K).mp3

Music Festive Heritage - موسيقى العرس الصعيدي

لفريق تحطيب جمعية الصعيد للتربية والتنمية عضو الاتحاد العالمي للفنون القتالية
World Martial Arts Union (WoMAU)
موسيقى محمد بونجا
ومدير فني نيفين وجدي
وإنتاج جمعية الصعيد للتربية والتنمية 2019

Music Festive Heritage - موسيقى العرس الصعيدي

يا ليل يا ابو الليالي - الريس متقال

‫مربعات ابن عروس - ابو رسلان

نوم السرير يا تاعبني .. و نوم دراعك حنين

حفني أحمد حسن - سيبوا الهوى لصحابه

مصر جميله - محمد طه
: الكلمات 

أبويا نصحني وقالي امشي علي قدك
وفصل التوب يكون مسبوك علي قدك
وأن شايلوك حمل شيل الحمل علي قدك
أوصيك يا ولدي وصية والوصية حساب
أمشي كمشي التجارة وللتجاره حساب
واللي ما يعمل حسابة ما يتعملو حساب
كنت في قلب الميدان .... تحت السماء الزرقا
جابت عنيا الغيطان ...... والترعة والزرعه
أنتي الأصيلة يا مصر .... وكلنا عارفين
أنتي الأصيلة يا مصر ....  وكلنا شاهدين
بحق محمد نبينا وعيسي نبي اللة
النور ويانا والعمال العاملين المخلصين والأحباب ويانا
دي مصر أم العَلم
مصر جميلة وأصيلة فيها ولدي وفيها بلدي
انا أبن المنوفية وصعيدي يا سيدي
وسيدي كان فلاح وأصلي فلاح وحى على الفلاح
وأبو زرع طيب يقول حى لي الأصلاح
وعمال عاملين عملو الخزف والصيني
 مواصيني أبويا بكل فَـلاح
وقالي : ♥ ♥
 مصر جميلة , مصر جميلة , خليك فاكر , مصر جميلة
لما تكلم ولاغاني من بحر المواويل والأغاني
محدش من فكرة لغاني , مصر جميله
♥ ♥

 نبذة عن محمد طه
محمد طه مغنى شعبى مصرى اسمه بالكامل "محمد طه مصطفى أبو دوح"، اتولد في بلد أبوه "طهطا" بصعيد مصر في 24 سبتمبر 1902، واتربى في بلدأمه "عزبة عطا الله سليمان" بقرية "سندبيس" التابعة لمركز "قليوب".

فنان"بلدي" شعبى تلقائى صاحب الـ10 آلاف موال من غير اى إعداد وكان بيؤلف ويلحن ويغنى، كمان كان صاحب فرقة موسيقية وشركة اسطوانات
غني على مسارح الفن الشعبي في القاهرة ، ومنها قهاوى حى "الحسين" و"السيدة زينب" اللي كان بيغنى فيها في احتفالات بالموالد والمناسبات الدينية
في سنة 1954 تصادف أنه استمع ليه الإذاعيان "طاهر أبو زيد" و"إيهاب الأزهرى" وهو بيغنى في قهوه "المعلم علي الأعرج" بالحسين، فجابوه للاذاعة فسجل شويه من مواويله
زكريا الحجاوى ضم "محمد طه" ل"فرقة الفلاحين للفنون الشعبية" اللى كلفته "وزارة الثقافة" بتشكيلها
ضمه الإذاعي جلال معوض لإحياء حفل اضواء المدينة، في غزة
غنى في الاحتفال بعيد الثورة قدام جمهور يتقدمه جمال عبد الناصر و عبد الحكيم عامر وكمال الدين حسين وغيرهم من القادة
كون فرقته الموسيقية الخاصة "الفرقة الذهبية للفنون الشعبية" وضم ليها أخوه "شعبان طه" اللى يشبهه كمان ضمت الفرقة عازفين للناى والأرغول والكمان والعود والطبلة، وهي الفرقة اللى لازمته في كل حفلاته وأسفاره ووبرضه في الأفلام اللى شارك فيها.
كون شركة لطباعة اسطواناته سماها شركة "ابن البلد"

: شارك بالغنا في 30 فيلم زى 
ابن الحتة، بنات بحري، أشجع رجل في العالم، خلخال حبيبي، شقاوة رجالة، السفيرة عزيزة، الزوج العازب، دعاء الكروان، المراهق الكبير، ملك البترول، زوجة ليوم واحد، رحلة العجائب، دستة مجانين.

اتوفي في 12 من نوفمبر 2008 في حي شبرا

له 8 اولاد، أكبرهم "صالح" وهو الوحيد اللي ورث حلاوة الصوت عن أبوه، وغني مرة في برنامج تليفزيوني وعمره 16 سنه لكن أبوه منعه.

مينا عادل جيد

مصر جميله - محمد طه

من نحن؟
جمعية الصعيد
جمعية الصعيد للتربية والتنمية AUEED تعمل في الصعيد منذ سبعة وسبعون عامًا تقريبًا، وهي واحدة من أوائل الجمعيات التي بدأت العمل في مصر.



أسس الجمعية الأب هنري عيروط اليسوعي عام 1940 بغرض تنمية الريف في صعيد مصر وتحسين أحوال الفلاح، من خلال تعريف سكان العاصمة والمدن إلى أي مدى الأحوال المعيشية والتعليمية متدنية لأهل الصعيد، وتحريكهم لدعم القرى الفقيرة والمهمشة هناك، وإيمانًا منه بأن تحسين أحوال الفقراء لن يتحقق إلا من خلال خلال تعزيز كرامة الفقراء وتعليمهم بوسائل وأساليب تتلائم مع طبيعة حياتهم، رؤية عيروط مازالت فاعلة وتم التأكيد عليها في المؤتمر العالمي لليوبيل الماسي (75 عامًا على تأسيس جمعية الصعيد).



رسالة جمعية الصعيد
رسالتنا هي تمكين المجتمعات المحلية، وبصفة خاصة الفقراء في صعيد مصر، من خلال برامج تربوية وتنموية ذات جودة، ونعمل من أجل مجتمع ينهج المسؤولية المجتمعية من خلال تعزيز العمل الجماعي وروح التطوع والعدالة والشراكة مع المجتمع، ونسعى طوال مسيرة 78 عاما من تنمية الإنسان والمجتمع في الصعيد، إلى الحفاظ على الأصالة والهوية الوطنية، وذلك من خلال :-
· إتاحة فرص تعليم للجميع دون تمييز وفي إطار من الحرية، والإبداع، والكرامة الإنسانية.

· دعم حق الإنسان – خاصة الطفل والمرأة – في الصحة الشاملة لحياة أفضل.
· مواجهة الفقر بكافة صوره،المادية، والثقافية، والمهارية.
· خلق فرص عمل لتمكين المجتمع تنمويا – خاصة الفئات ذات الدخل المنخفض.
· إحياء التراث الثقافي والفني المصري.
رؤية جمعية الصعيد
نسعى لمجتمع مستدام يُعلي قيمة وكرامة الإنسان وحقوقه، ويتمكن فيه الأفراد، وخاصة الفقراء في صعيد مصر، من خلال استثمار كامل إمكانياتهم، لتنمية ذواتهم ومجتمعاتهم تنمية مستدامة.



الأهداف الإستراتيجية لجمعية الصعيد
1- تحسين الكفاءة المؤسسية للجمعية بما يضمن تفعيل الامركزية ومشاركة الأعضاء في تكوين رؤية مشتركة وصنع القرار في إطار من الشفافية والمساءلة والمحاسبية والتعلم المستمر.
2-  تقديم برامج تنموية وتربوية ذات جودة تحقق التميز والإبداع والتكامل فيما بينها، وترتكز على آليات عمل تساهم في تبادل الخبرا، وتقديم نماذج ومبادرات مجتمعية رائدة يمكن متابعتها وقياسها، تمكن أفراد المجتمع من تنمية ذواتهم ومجتمعاتهم.
3- تفعيل وبناء العلاقات بين الجمعية وشركائها على المستوى المحلي والدولي، وزيادة مصادر التمويل داخليا وخارجيا لضمان التواصل المستمر والإعلام المتبادل تحقيقًا لرسالة الجمعية.

Music Festive Heritage - موسيقى العرس الصعيدي

جمعية الصعيد - AUEED

Recent comments

Abdo Osman

Related tracks