Hönnunarsýningin Sipp og hoj hefst í dag, föstudaginn 30. maí, klukkan 16:30 í Randúlfssjóhúsi á Eskifirði. Karna Sigurðardóttir, verkefnastjóri Designs from Nowhere, segir frá sýningunni og aðdraganda hennar.

Karna segir frá Sipp og hoj

Hönnuðurinn Daníel Byström fjallaði um áfangastaðahönnun fyrir Austurland á vinnustofu sem haldin var á Hótel Hildibrand í Neskaupstað 23. september 2014. Hér er hann spurður út í þetta fyrirbæri og hvers vegna það skiptir máli fyrir Austfirðinga að hanna áfangastað fyrir fjórðunginn.

Hönnun áfangastaðar fyrir Austurland

Members of the Sustainable and Innovative Tourism Network of Nordic and Baltic Countries met in East Iceland during the last week of August 2015. They work together on a project called „Tourism Development Challenges in Nordic and Baltic Countries“ and in this interview Jón Knútur Ásmundsson, project manager at Austurbrú, talks to Julija Šešeika from Lithuania, Flavia Devonas from Sweden og Urve Künsar from Estonia about the project and their visit to Iceland. For more info about the project and network see: www.nordtournet.com 

The interview was conducted on 27th of August in Neskaupstaður. 

Sustainable and Innovative Tourism Network of Nordic and Baltic Countries

Þann 30. ágúst var haldin vinnustofa í Havarí á Karlsstöðum í Berufirði þar sem til umfjöllunar var verkefnið eða hreyfingin Áfangastaðurinn Austurland. María Hjálmarsdóttir, verkefnastjóri, er ein af þeim sem stýrt hefur vinnunni fyrir hönd Austurbrúar auk Láru Vilbergsdóttur og Daníels Byström, áfangastaðahönnuðar, en hann hefur komið að verkefninu frá byrjun. Í þessu stutta innslagi segir María frá verkefninu og vinnustofunni á Karlsstöðum. 

Viljum vera ákjósanlegur staður til að búa á og heimsækja

Í innslaginu segir Arnar Þór Jóhannesson, sérfræðingur hjá Rannsóknarmiðstöð Háskólans á Akureyri, frá niðurstöðum greiningar á því hvaða áhrif hinn hraði vöxtur ferðaþjónustunnar samhliða lengra ferðamannatímabili hefur á minni samfélög, íbúa þeirra, menningu og daglegt líf í samfélagslegu tilliti. Arnar Þór var einn fyrirlesara á ráðstefnu á Breiðdalsvík sem Byggðastofnun, Breiðdalshreppur, Austurbrú og Samband sveitarfélaga á Austurlandi. Ráðstefnan fór fram dagana 14. til 15. september 2016 og bar yfirskriftina: "Kemur unga fólki?"

Viðhorf til ferðaþjónustu: Ólíkir staðir – ólík sýn

Margrét Gauja Magnúsdóttir er með BA próf í uppeldis- og menntunarfræðum, kennsluréttindi og er í MA námi í uppeldis- og menntunarsálfræði með áherslu á borgaravitund og lífssýn ungs fólks. 

Hún hefur síðustu 18 ár unnið með ungu fólki sem ráðgjafi og kennari. Hún starfar í dag sem bæjarfulltrúi í Hafnarfirði en hefur síðustu tvö ár unnið sem náms- og starfsráðgjafi FAS og við valdeflandi verkefni og námskeið fyrir ungt fólk á Höfn í Hornafirði m.a við verkefnið LUV: Lýðræðisvitund og valdefling ungmenna á landsbyggðinni, sem styrkt er að Byggðarannsóknasjóði og er efni meistararitgerðar hennar.

Margrét Gauja var einn fyrirlesara á ráðstefnu á Breiðdalsvík sem Byggðastofnun stóð fyrir í samstarfi við Breiðdalshrepp, Austurbrú og Samband sveitarfélaga á Austurlandi. Ráðstefnan fór fram dagana 14. til 15. september 2016 og bar yfirskriftina: "Kemur unga fólkið?"

Lýðræðisvitund og valdefling ungmenna á landsbyggðinni

Fjölmörg áhugaverð erindi voru flutt á ráðstefnunni "Sókn landsbyggða: Kemur unga fólkið?" sem fram fór í síðustu viku á Breiðdalsvík. Kynntar voru nýlegar rannsóknir á þróun menntamála, atvinnuhátta sjávarbyggða, ferðaþjónustu, stóriðju og síðast en ekki síst á viðhorfum ungs fólks og brottfluttra kvenna en rannsókn á því síðastnefnda unnu Tinna Kristbjörg Halldórsdóttir og Birna Guðrún Árnadóttir fyrir Austurbrú. Í þessu hlaðvarpi segir Tinna frá rannsókninni og helstu niðurstöðum hennar. 

Brottflutningur kvenna frá Austurlandi

Hjalti Jóhannesson, sérfræðingur hjá Rannsóknarmiðstöð Háskólans á Akureyri, segir stuttlega frá helstu niðurstöðum athugunar á lýðfræðilegri þróun á Austurlandi á rekstrartíma álversins á Reyðarfirði frá árinu 2010. Hjalti var einn fyrirlesara á ráðstefnunni "Sókn landsbyggðarinnar: Kemur unga fólkið" sem fram fór á Breiðdalsvík 14. og 15. september. Byggðastofnun hélt ráðstefnuna í samstarfi við Austurbrú, Samband sveitarfélaga á Austurlandi og Breiðdalshrepp.

Stóriðja á Austurlandi og lýðfræðileg þróun á rekstrartíma

Austurbrú er sjálfseignarstofnun sem stofnuð var 8. maí 2012 á grunni Þekkingarnets Austurlands, Þróunarfélags Austurlands, Markaðsstofu Austurlands og Menningarráðs Austurlands og annast auk þess daglegan rekstur Sambands sveitarfélaga á Austurlandi.

Austurbrú vinnur að hagsmunamálum íbúa á Austurlandi og veitir samræmda og þverfaglega þjónustu tengda atvinnulífi, menntun og menningu. Stofnunin er í forsvari fyrir þróun: 

Samfélags, atvinnulífs, háskólanáms, símenntunar, rannsókna og menningarstarfs á Austurlandi.

Austurbrú er fyrsta stofnun sinnar tegundar á Íslandi. Markmiðið með henni er að einfalda stjórnsýslu, vera vettvangur fyrir samstarf og samþættingu og vinna metnaðarfullt starf, íbúum Austurlands til hagsbóta.

Stofnunin er með dreifsettar starfsstöðvar á Austurlandi og yfir 20 starfsmenn. 

Meginmarkmiðið með henni er að  vera vettvangur fyrir samstarf og samþættingu á þjónustu, nýta sameinað afl til að sækja fram, kalla eftir nýjum verkefnum, bæði innlendum og erlendum, og vinna metnaðarfullt starf, íbúum Austurlands til hagsbóta. Hún er í forsvari fyrir þróun atvinnulífs, samfélags, stjórnsýslu, háskólanáms, símenntunar, rannsókna, þekkingar- og menningarstarfs á Austurlandi.

Austurbru ses.

Popular tracks