rebwar mala zada &shirwan abdwlla 2013 Korg:Ari farok

Hassan Zirak be dktor Remix

Simlər və Klavişlər

Qal sənə qurban

ده‌مێك ساقی ده‌مت بێنه‌ ده‌خیلی چاوه‌كانت بم
به‌ جامێك ده‌ستی من بگره‌ فیدای پیری موغانت بم
له‌ دوو لا مه‌ست و حه‌یرانم، به‌ قووه‌ی جه‌زبه‌ نازانم
نه‌ سه‌رگه‌ردی سه‌ر و گه‌ردن، نه‌ قوربانی له‌بانت بم
چ خۆشه‌ وه‌جدی سه‌رو و گوڵ به‌ دینی قومری و بولبول
ده‌مێك شه‌یدای قه‌د و باڵات، ده‌مێك شێتی ده‌هانت بم
له‌ نیشانه‌ی په‌ڕه‌ی جه‌رگم نه‌وه‌ستا نه‌گه‌ییه‌ دڵ
به‌ قوربانی خه‌ده‌نگی ده‌ست و بازووی چاوه‌كانت بم
شیفای دام غه‌مزه‌كه‌ی چاوت كه‌وا خوێنی دڵی گرتم
به‌ قوربانی موداوایی حه‌كیمی حاڵ زانت بم
به‌ بێ ئیمدادی خاڵی گه‌ردنت ده‌ردم شیفای نایه‌
مه‌گه‌ر بێم ده‌ستو دامانی گه‌لاوێژی به‌یانت بم
له‌ وه‌سڵی ڕوویی تۆی كردم حیجابی پێچشی زولفت
هه‌تاكه‌ی دڵ شكسته‌ی ده‌رد و ته‌عنه‌ی باغه‌وانت بم
به‌ یادی زولفت و ڕووی تۆ وه‌ك وه‌فایی هه‌ر ده‌ناڵێنم
ده‌بێ تا رۆژی مه‌حشه‌ر تازیه‌دار و ڕه‌وزه‌خوانت بم

rebwar mala zada &shirwan abdwlla 2013 Korg:Ari farok

Avar O.Ahmed

Related tracks