يعني ايه عوامي بودكاست ؟
بالنسبالي البودكاست ده عامله علشان يحاول يقدم حاجه مختلفه شويه عن المحتوي التقني المعتاد اللي هو اجيب موبايل او اي جهاز عموما واعمله Review ، النقطه دي فيها ناس كتير جدا وزحمه اوي لانها نقطه مهمه وناس كتير بتحتاجها انا هشتري موبايل محتاج اعرف هل هو كويس ولا وحش الخ بس مجرد ما بعرف مجرد ما بشتري بينتهي دور المحتوي التقني ده بالنسبالي
في عوامي بودكاست المحتوي هنا موجه للـ Geeks اكتر للشخص اللي حابب التكنولوجيا لدرجه انه حابب يسمع شويه رغي فيها 
فببساطه احنا هنا في عوامي بودكاست جايين نرغي جايين نناقش جايين نستضيف ناس نكلمهم عن مجالاتهم تقدر تعتبره Talk Show تقني مثلا او اعتبره زي ما تحب تعتبره الاكيد في كل ده اننا جايين نرغي شويه
ليه بودكاست مش يوتيوب ؟
لان البودكاست فكرته جديده ومش موجوده كتير في الوطن العربي كله ، اللي يخليك انك تسمع بودكاست بدل ما تشوف فيديو هو انك ممكن تكون مشغول في اي حاجه بتنضف بتطبخ سايق العربيه مسافر ومش جايلك مزاج تشوف فيديو بتجري بتتمشي بتاكل 
البودكاست هيناسبك انك تسمعه وانت بتعمل اي حاجه من غير ما يوقفك عنها احنا مش طالبين منك غير ودن سيادتك هنصب فيها شويه رغي

Music By
"Danger Storm" by Kevin MacLeod
License: CC BY (http://creativecommons.org/licenses/by/4.0/)

Awamy Podcast Promo

بودكاست تقني عربي ساخر في الغالب لا يهدف للافادة غرضه مناقشة الجديد في الساحة التقنية