Odrifog

Moog yn hunan genhedlu hyd nes i mi dynnu'r plwg.

A self-generating Moog, then I pulled the plug.

Ogwmpas

Ymarhous

Ymholiadau Cyfrol 3

Anorfod

EWCH Â NHW (Geiriau Guto Dafydd)

Ewch â’r bwyd oddi ar y bwrdd, 
ewch â’r emyn glân o’r cwrdd, 
ewch â’r sgolor, ewch â’r crydd, 
ewch â’r hogia i gyd i ffwrdd. 

Ewch â’r tenor, ewch â’r bas, 
ewch â’r haul o’r awyr las, 
ewch â’r cneifwyr ifanc cry, 
ewch â llanc mewn brethyn bras. 

Ewch â’r gwachul, ewch â’r gwael, 
ewch â’r tangnefeddwyr hael, 
ewch â’r lleidar, ewch â’r ffŵl, 
ewch â’r gorau sydd i’w gael. 

Ewch â’r rafin, ewch â’r bardd, 
blodau gwyllt a chwyn yr ardd, 
mewn i’r peiriant â nhw i gyd, 
ewch â nhw yn fintai hardd. 

Ewch â mab y tyddyn tlawd, 
ewch â chyfaill, ewch â brawd, 
ewch â thadau’r plantos bach, 
ewch â nhw i gwrdd â’u ffawd. 

Ewch â nhw yn goed i’ch tân, 
ewch â nhw i ganu’ch cân. 
Ewch â’u cyrff i’w darnio’n fân, 
cofiwch gadw’ch dwylo’n lân. 

Ewch â nhw o’u dydd a’u dôl: 
ddaw yr hogia byth yn ôl. 


Darlledwyd yn wreiddiol ar 'Byd Huw Stephens', BBC Radio Cymru 17/01/19

Originally broacdast on 'Byd Huw Stephens', BBC Radio Cymru 17/01/19

https://www.bbc.co.uk/sounds/play/p06ys7w8

Ewch â  Nhw

ÔL TRAED

Ôl traed ar y tir
A'u dilyn nhw'i gyd yn rhyw gysur
Fydd hi'm yn hir
Cyn bydd yr olion yn lwybr

Gâd, gâd i mi gael
Rhedeg i'r haul
Am rhyw fymryn bach
Gâd, gâd i mi ddallt
Y llanw mawr hallt
A phob un diferyn
A deigryn bach

Gâd, gâd i mi fod
Yn rhan o'r dyfodol am eiliad
A derbyn y clod
A phob cydymdeimlad

Olion olwynion dan draed
A chyffur mewn gwaed
A'r ofn yn dy lygaid

Ond gâd, gâd i mi sbïo
Gâd i mi weld

Fel y buodd hi
Fel y bydd hi

Ôl traed ar y tir
A'u dilyn nhw'i gyd yn rhyw gysur
Fydd hi'm yn hir
Cyn bydd yr olion yn lwybr


Darlledwyd yn wreiddiol ar 'Byd Huw Stephens', BBC Radio Cymru 17/01/19

Originally broacdast on 'Byd Huw Stephens', BBC Radio Cymru 17/01/19

https://www.bbc.co.uk/sounds/play/p06ys7w8

Ol Traed

YSBRYDION
(Aled Wyn Hughes)

Pan oedden ni’n ysbrydion

Fuo ni ‘rioed wrth yr afon
Fuo ni ‘rioed wrth y môr
Fuo ni ‘rioed yn dringo’r coed
Nac yn cuddio cyfrinachau yn ngwaelod y drôr

Fuo ni ‘rioed ar y creigiau

Fyddwn ni fyth yn hardd na’n hyll
Fuo ni ‘rioed fel y môr
Fuo ni ‘rioed fel yr afon

Pan oedden ni’n ysbrydion

Ffendio ni ‘rioed ‘run siop fferins
Fuo ni ‘rioed yn y ffair
Fuo ni ddim yn eneidiau prin
Nac yn sibrwd gwirioneddau i’r brwyn a’r gwair

Fuo ni ‘rioed ar y dibyn

Fyddwn ni fyth yn hardd na’n hyll
Fuo ni ‘rioed fel y môr
Fuo ni ‘rioed fel yr afon


Darlledwyd yn wreiddiol ar 'Byd Huw Stephens', BBC Radio Cymru 17/01/19

Originally broacdast on 'Byd Huw Stephens', BBC Radio Cymru 17/01/19

https://www.bbc.co.uk/sounds/play/p06ys7w8

A. W. Hughes

Popular tracks