DITO 
(Vim Nadera-Diwa de Leon)
KORO: 
Aking Inang Kalikasan, 
Aking Inang Bayang mahal. 
Aking Inang Paaralan, 
Aking Ina habambuhay! 

1. Dito, Inang Kalikasan,
Ako unang isinilang 
Kakambal ko ang liwayway 
Kahit liwanag ng buwan. 

2. Dito, Inang Bayang mahal, 
Ayaw kong muling lumisan. 
Ibubuwis ko ang buhay 
Sa ngalan ng iyong kulay. 

KORO: 
Aking Inang Kalikasan, 
Aking Inang Bayang mahal. 
Aking Inang Paaralan, 
Aking Ina habambuhay! 

3. Dito, Inang Paaralan,
Aking lahat natuklasan. 
Ang totoo, kabutihan, 
At kariktang aking yaman. 

4. Dito aking sinimulan 
Lahat ng kawalang-hanggan. 
Dito aking wawakasan 
Lahat ng magpakailanman. 

KORO: 
Aking Inang Kalikasan, 
Aking Inang Bayang mahal. 
Aking Inang Paaralan, 
Aking Ina habambuhay! 

KORO: 
Aking Inang Kalikasan, 
Aking Inang Bayang mahal. 
Aking Inang Paaralan, 
Aking Ina habambuhay


Dito (PHSA Foundation Day Song) - Diwa De Leon - Vim Nadera

PARA KAY Y
(Vim Nadera – Paul Val Peňa)

Meme na, bunso ko
Ating idalangin
Ang ingay ng mundo.

Sabi ng pangulo:
“Putok ay itigil!”
Meme na bunso ko.

Habang di pa Pasko
Tuloy ang pagkitil.	
Ang ingay ng mundo.

Anong puno’t dulo
Ng tulog at gising?
Meme na, bunso ko.

Sus, Biyernes Santo
At walang pangilin!
Ang ingay ng mundo.

Tatay mong sundalo
Ngayon ay nabaril.
Meme na, bunso ko.
Ang ingay ng mundo.

MEME NA, BUNSO KO

KAY LAYA
(Vim Nadera-Cynthia Alexander)

Araw ko ay agad sasayaw
Tuwing ikaw ay matatanaw.
Miminsan man kitang mamasdan
Habambuhay kitang susundan.

Alam mo bang ikaw ang tanglaw
Na ayaw kong muling lilisan.
Mainam na ang mabulagan
Kaysa talikdan mong luhaan.

KORO:  
Kapag wala ka.
Saka pa kita nakikita.
Kapag wala ka
Kasama ka sa alaala…

TULAY: 
Nitong umagang
Isisilang pa.

Patawarin mo ang nagdaang
Itinuring kang karaniwan.
At nang iyo nang iniwanan
Noon ka ginawang Maykapal.

Huwag sa kahapon ibilang
Akong sawa na sa karimlan.
Anino mo akong nagmahal,
Nagmamahal, at magmamahal.

(Ulitin ang KORO at TULAY maliban sa huling taludtod.)

KODA:  
Kay puti
Kay lunti
Kay lila
Kay pula
Kay bughaw
Kay dilaw
Kay kahel
Kay itim,
Kapag wala ka,
Bayan kong Ina!

KAY LAYA (NADERA-ALEXANDER)

HINDI LANG ANG IFUGAO
(Vim Nadera-Joey Ayala)

Nang gatas ay umapaw
Mulang dibdib ni Bugan;
May tumubong halaman
Sa lupang dating tigang.

Ibinaon ni Wigan
Itong uhay ng buhay. 
Hanggang kanyang taniman
Ay naging isang payaw.

Umaning walang hoyang
Nang Bul-ol dinasalan
Ngunit nakaligtaan
Itong si Kabunian.

Kaya sila nag-caňao
At natutong mamigay
Upang mabiyayaan
Hindi lang ang Ifugao.


HINDI LANG ANG IFUGAO (VIM NADERA-JOEY AYALA)

	SAGOT NA O SIRIT NA?
        (Vim Nadera-Erol Marabiles)
	
	Mayroon akong bugtong
	Mula unang panahon;
	Anong iyong tugon
	Kung ganito ang tanong.

	TULAY:
	Nang walang biring ginto
	doon nagpapalalo;
	nang magkaginto-ginto,
	doon na nga sumuko.

	KORO:
	Sagot na o sirit na?


	Ano ang inyong hula?
	Huwag ka nang mahiya?
	Di puwedeng mamaya.	
	Buksan na ang hiwaga.
















SAGOT NA O SIRIT NA? (Vim Nadera-Erol Marabiles)


KAHIT PALAY, BIGAS, KANIN AY KAUNTI
(Vim Nadera-Cynthia Alexander)
	Arranger: Cynthia Alexander
	Vocalist/Performer/Instrumentalist: Cynthia Alexander

KORO:
Noong nasa bahay kubo kaming munti
At ang ulam namin ay gulay palagi,
Laging abot-langit kami kung ngumiti
Kahit palay, bigas, kanin ay kaunti!

Hanggang may nagdulot sa amin ng pulot
Na ninakaw pa raw sa bahay-bubuyog.
Pukyutan din kaming biglang nabulabog
Noong may naghandog sa amin ng itlog.

Kuwadrado naming mundo ay lumawak
Nang lumapad kaming nahilig ng gatas.
Parang sanggol kaming nagpasá ng batas
Para gawing diyos ang mga damulag!

(Ulitin ang KORO)

Sa aming pagtanda, nagbigay ng isda
Ang dayong nagturo sa aming mamangka.
At naglakbay kaming sangkahig-santuka
Kapag walang manok ang hapag sa gitna.

Lalo pang lumala itong karamdamang
Maglaway sa laman at hindi halaman.
Kaya hayop na lang ang aming nilinang
Upang pagkaraan kikitlin din naman.

(Ulitin ang KORO)

Paghabol ng hinga, amin nang napuna
Kaanak at hindi ay nangawala na
Pagkat kinuha raw lahat-lahat sila
Noong kaluluwa ng kinain nila!



May kung anong bulong na narinig kami
Na ang aming sakit ngayon ay dadami.
Ngunit bumabalik sa ugaling dati
Kaming agaw-buhay ang sisi sa huli. 

(Ulitin ang KORO)




KAHIT PALAY, BIGAS, KANIN AY KAUNTI (Vim Nadera-Cynthia Alexander)

ORYZA SATIVA!  ORYZA SATIVA!  
(Vim Nadera-Cynthia Alexander)
Arranger/Vocalist/Performer/Instrumentalist: Cynthia Alexander

TULAY:
Ano kaya itong ibang uring damo?
Kinababaliwan hindi lang ng tao?
Paano ba ito nakarating dito?
Gayong mula pa ito sa kabilang mundo?

KORO:
Oryza Sativa! Oryza Sativa!

Ang sabi ng isa, ang Austronesian
Ang pinanggalingan nitong kalinangan;
Ang sabi ng iba, galing pang Ch'n at Han
Ang takas na binhi na nagpa-Palawan.

(Ulitin ang TULAY at KORO)

Nangangailangan ito ng paggawa,
Parang, at patubig, ngunit bakit kaya?
Para lang sa butil, nagkakandarapa,
Nagmamakaawa, at nakikipagdigma?

(Ulitin ang TULAY at KORO)

Daig pa raw nito ang trigo at mais.
Tumutubo ito kahit sa matarik.
Sukdang magkaingin upang maihasik
Ilog ay lalapit basta lang madilig.

(Ulitin ang TULAY at KORO)




ORYZA SATIVA!  ORYZA SATIVA!   (Vim Nadera-Cynthia Alexander)

KASAL, BINYAG, LIBING
(Vim Nadera-Joey Ayala)
Arranger/Vocalist/Performer/Instrumentalist: Joey Ayala

KORO:
Kasal, binyag, libing
Tatlong yugto natin.

TULAY:
Kapit sa patanim:
Palay, bigas, kanin.


1.	Nang may nagpakasal
Tapey na ang tagay.

2.	Nang may isinilang
Namuti ang dulang

3.	At nang may namatay
Di kami nagpalay.

	


KASAL, BINYAG, LIBING (Vim Nadera-Joey Ayala)

ANG BANSA NG PAMBANSA
(Vim Nadera-Lourd de Veyra)  
	Arranger: Lourd de Veyra
	Vocalist/Performer/Instrumentalist: Radioactive Sago Project


May Pambansang Sagisag itong mahal kong bayan:
May Pambansang Bayani na si Gat Jose Rizal,
May Pambansang Awit din itong Lupang Hinirang
Na pati ang pagkanta'y pagmumulan ng away!

Para itong Pambansang Alagad nitong Sining
Na ginawang aliwan? Sa halip na aralin
Kung bakit ang Pambansang Sayaw itong tinikling
O sipa ang Pambansang Laro't Laruan natin?

Samantalang sa suntok tayong lahat sumikat
Sa bawat pagwagayway ng Pambansang Watawat.
Kaya Pambansang Araw ay dapat na ilipat
Sa laban ng Pambansang Kamao itatapat.

Kahit ang kahayupan ay ating dinakila:
Isa nga itong bangus na Pambansa na Isda 
Ngunit higit sa lahat ang pinaka-Pambansang
Hayop ay ang kalabaw na may Pambansang Wika.

Kung agila nga itong ating Pambansang Ibon
Bakit ito ay galing sa salitang Espanyol?
Ginawa pang pundasyon ang kinathang “Haribon”
Gayong may katutubong pangalan na si Banoy!

Mayroon ding Pambansang Puno tayo sa nara,
Mayroon ding Pambansang Prutas tayo sa mangga;
May Pambansang Bulaklak tayo sa sampaguita,
May Pambansang Damo ba na di marijuana?

Palay, bigas, kanin lang ang dapat na igiit
Na Pambansang Halaman sa panahon ng krisis;
Palay, bigas, kanin lang -- at hindi lechong biik --
Ang Pagkaing Pambansa, kung di man Pandaigdig!





ANG BANSA NG PAMBANSA (Vim Nadera-Lourd de Veyra)

MAY LAYA
(Vim Nadera-Von de Guzman)
Arranger: Von de Guzman
Vocalist/Performer: Mark Bautista 

1.	Hangin, halina upang tumawid
Ako at irog ko sa himpapawid.
Ibig ko munang iwan ang putik 
Upang sumakay saglit sa langit.

2.	Magsusumbong din kami sa laot
Tungkol sa dayong biglang nanakop.
Baka sa sulok ng mga sulok
Matagpuan ko ang aming diyos.
	
KORO:
Mahal, alaga
Mahalaga ngang
Maging may laya,
Maging… Diwata!
	
3.	Bakit ang lupa ay dapat kunin
Mula sa amin ng kanluranin?
Di pa ba sapat ang pakainin
At painumin ng dugo namin?

4.	Kailangan bang buwis ang buhay?
Akala ko ba wagas ang pakay?
Ano at tangay ang kayamanang
Likas at likha ng kapwa-mortal?

KORO:
Mahal, alaga
Mahalaga ngang
Maging may laya,
Maging… Timawa!

5.	O, kalayaan na pag-aari!
Hindi kami payag mawala muli.
Mula sa hari’t reyna kunwari
Pipilitin kong ika’y mabawi.

6.	Bunso’t panganay, samahan ako
Iyong saksihan ang pagbabago.
Handog namin ito ng inay mo
Para sa iyo, para sa inyo!


KORO:
Mahal, alaga
Mahala ngang
Maging may laya,
Maging… Malaya! 


MAY LAYA (Vim Nadera-Von de Guzman)

KATOTO 
(Vim Nadera – Paul Val Peña)
                                           Para kina Albert Enriquez at iba pang desaparecidos

Nahan, nasaan ka, ngalang-kaibigan
Sa hanging amihang kasalukuyan ang tuwang ibinubulong
Sa parang kung saan parang nakalugmok ka
Sa bawat tanawin ngang tinatanong din ako.

Sayang at ngayon ay tupad na hangad sa nagdaan, 
Pangarap ng diwang di-hiyang sa kasaysayang nakakulong;
Kung kailan pa kailangan kitang kaisa,
Isa-isa silang nawalay, nawalan ng kulay tulad mo.

TIGIL:
Alaala ka lang mawawala kapag nakita na,
Bukas-makalawa kakathain bilang pasa sa dibdib?

Estatwa ka kayang may kakatwang mensahe:
“Talagang natutuklasan ang lahat-lahat.”?

Dahan-dahan ko na yatang nararamdaman
Ang di-katiyakan; unti-unting ulan ang nagsusumbong
Ng sama, sama ng loob sa di mo pagpapakitang
Walang makasagot, walang makapanagot sa iyo.

Balang-araw may magpapatunay nang tahasan,
Magbibigay-buhay sa pumanaw mong himatong naging bugtong;
magmula nang imulat mo itong pandama – 
Di na ako nagpabaya, ni nagparaya nang husto.

TIGIL:
Alaala ka kayang makikita kapag nawala ka,
Bukas-makalawa kakathain bilang pilat sa dibdib?

Estatwa ka lang bang may kakatwang mensahe:
“Talagang natutuldukan ang lahat-lahat.”?

KODA:
Katoto, nahan –-
Katotohanan . . .



KATOTO  (Vim Nadera – Paul Val Peña)

HABANG NAMAMALUKTOT AKO SA MAIKLING KUMOT
(Vim Nadera – Paul Val Peña)

KORO:
Habang namamaluktot ako sa maikling kumot
Gising ka pa sa pangangabayo mo sa Pegasus. 

Sa pagkusot ng bangungot mula sa aking mata, 
Saka pa lang ikaw uuwi upang magpahinga. 

Pagputok ng araw magbibilang ako ng poste 
Samantalang hinihintay ka ng papel mong tigre. 

(Ulitin ang KORO)

Laway ko ang almusal, tanghalian, at hapuan 
Gayong ang haing putahe di mo man lang ginalaw. 

Aabutin ako ng takipsilim sa pag-uwi 
Kung kailan mo masusumpungang pumasok muli. 

(Ulitin ang KORO)

Pagkagat ng dilim sa kalye ako maiidlip  
Wala kang gawa kundi singilin ako ng buwis. 

(Ulitin ang KORO)

KODA:
Minsan pa akong mananaginip ng lamang-lupa 
Mula noon hanggang ngayon ikaw na ang kamukha!



HABANG NAMAMALUKTOT AKO SA MAIKLING KUMOT (Vim Nadera – Paul Val Peña)

AKALA KO 
(Vim Nadera – Paul Val Peña)


Akala ko ang lahat
Nakukuha sa iyak.
Sanggol akong ang hanap
Lagi ang aking gatas.

Akala ko kay Inay
At kay Itay ang kamay
Na hindi pumapatay
Kundi pumapatnubay.

KORO:
	Merong maling akala,
	At meron namang tama,
	Basta naniniwala,
	Imposible ay wala.

Akala ko sa kalye
Ako mas masuwerte.
Kaya lang, mas marami
Pa pala roong salbahe.

Akala ko wala na
Akong bagong pag-asa.
Pero nakita kita
Lahat biglang gumanda.

(Ulitin ang KORO)




AKALA KO  (Vim Nadera – Paul Val Peña)

KITA KITA
(Vim Nadera – Paul Val Peña)

Namigay ng lupa si Heredero.
Lumabas sa TV si Crush ng Bayan.
Nagsimba si Siga kahit di Linggo.
Nagpaseminar sa hall si Iskolar.
Nakilala na ni Lolo ang apo.
Dumalas si Matrona sa ampunan.
Dumalang si Sakristan na magdisco.
Si Tsismosa ay nanahimik lamang.
Nagpaliga si Team Captain sa baryo.
Sa publiko si Pastor nagkumpisal.
Pati si Lakay na siya si Kristo.

Pinanonood naman namin sila.
Umiiyak pag sila ay umiyak.
Tumatawa pag sila ay tumawa.
Walang ipinagkaiba ang lahat.
Sa paborito naming soap opera.
Tinutulungan kaming makatakas.
Sila pa ang lilimusan ng pera.
Samantalang kami nga itong salat.
Tapos manghihingi kami ng grasya.
Kaming nabulag sa ganyang palabas.
Ang magmumura kapag walang kita.



Awit Nadera

Popular tracks