خطار عدنه الفرح.. اعلك صواني اشموع خافن يمر بالعكد.. رش العكد بدموع يا قليبي وين الحزن.. حدر الحدر مرفوع دومك تون ونتك.. تبكي بدمع مفجوع طيفك أمل كذاب.. فوق السما مرفوع بالك تصيح بحزن.. صوت الحزن مسموع  خطار عدنه الفرح.. اعلك صواني شموع شكبان ليلك غضب.. بالك تفز بالليل دافن بصيص الأمل.. مسهًر نجوم سهيل والريل فات وجزا.. مالك شغل بالريل حطلنا موقد جمر.. زوُد سعير الويل ذوًب شموع الوصل.. فرهد حبابي الهيل بس لايبوك العمر.. طيف العمر ملسوع  خطار عدنه الفرح.. اعلك صواني شموع يدموعي طيفك غرق.. امسح دموع الطيف شمسح جزاني الوقت.. راح الحلم يا حيف قمريه وما مش بعد.. وليش احنا موش بصيف ظلمه ودواشق حزن.. لا تظن روحي بكيف غرًب شراع الفرح.. اهلاً اجانا الضيف حسبالي يسوى العتب.. تاري العتب مرفوع  خطار عدنه الفرح.. اعلك صواني شموع لملم سنين العمر.. عثرهه ليل الظيم فارشهه فوق الهضب.. طرزهه لون الغيم مشتال عمرك ذبل.. ما حًن نثيث الديم والكيظ اجاك بثقل.. بعدك تظل امجيم خيال حلمك مرك.. شتكله عيب انهيم يبست انهار الأمل.. وانتظر روحي تموت خطار عدنه الفرح.. اعلك صواني شموع

Comments

Nashat Mussa

Ahmed Rub

Ahmed Rub

Ahmed Rub

Mohamed Ashraf ⚖️ 🎨 🖌️

الخواجه نسر الصعيدي

mgamrat ali

Morsy Mokbel

E

Bido