تسلمي بجد ع الاحساس الجميل😍

The Upload

تيشرت قديم

ميكس  تامر  BY  BIBO

ده انا في بعدكـ في كل لحظة بموووت :')

We 3aysha Ezaii- وعـايشة ازاي ؟ Mc'Tona - Ft - Hatem_Fahme '

ما تعيطوش عـ الناس
لو غابو او فضلوا
لو مالت الايام
فـ اكيد هيتعدلوا
كل الى قال جسمين
عايشين فى روح واحده
فـ اكيد هييجى اليوم
ينسوا وينفصلوا
.
.
يا حبيبتى الدنيا مهيش سينما وحكايتنا الفيلم
والناس حوالينا مهيش جمهور
والله يا نور
انا قلبى مهوش طفل فـ ايدك
تغريه بـ لعبه ...يفرح ويثور
وعشان اللعبه يعدى بحور
ويجيكى يا نور
ف تقولى مهيش ليك يا مغفل
فيقوم مقموص
ويقولك هزعل على فكره ...فتقولى خلاص
يرجع يفرح...يحتار...ويلوص
هيعدى ازاى أنهار بُعدك ..؟
وانتى بتبنيله جسور من خوص ...!

يا حبيبتى المشهد مش كامل ...ناقص افيه
مهو مش معقول نبعد ونغيب
وانا مش مسموحلى انى اسأل ليه ...؟
مش عدل نكون احنا الابطال
وانتى لوحدك تاخدى السوكسيه..!
يا حبيبتى الاغنيه جميله... ناقص كوبليه
انا مش هبكى
ولا هرجع اقولك وحشانى
ولا هتعامل زى المجاريح
ما انا كنت القـشه وكنتى الريح ..!
مش هلبس اسود كالعاده
مش هشرب قهوتى غير ساده
مش هسمع بعدك عمرو دياب
ولا ماهر زين
ولا اى موسيقى نغمها حزين
هيغنى منير
انا بينى وبينك سور ورا سور
طب عارفه يا نور
لو كنتى مشيتى من الاول
انا كنت يجوز هحلم بيكى
بس مكنتش هتخذك حلم
وفى فرق كبير
انا كنت هطير
انا كنت هعيش من غير احلام
من غير انغام
من غير الصوره الى فـ بالى
من غير " آدم " ...من غير " مكه " ..ولا حتى " نضال "
كان ممكن انسى انك حلوه
وانى بدونك زى التمثال
ثمثال من هم
" كان ممكن انسى انك جنه من لحم ودم "
من يوم ما مشيتى وانا بقاوح مع ملك الموت
وبأجل يوميا فــ الدور
والله يا نور
كان ممكن اكون احسن بعدين
كان ممكن اكبر على ايدك
واكون كما دمك فى وريدك
واكونلك بيت
والله يا نور انا شكلى بنيت
على قلبى جدار كما سور برلين
خلانى من بعد اما مشيتى
مدمن نيكوتين
كان ممكن اصلا تستنى ومتقبلينيش
كان ممكن اعيش
يا كمانجه بتعزف لحن قديم
ثومه بتبدع
" جددت حبك ليه ..بعد الفؤاد ما ارتاح "
والله ما عارف ولا شايف
يا فراشه بترسم فى شفايف
يا جيتار مبتور
ادعيلى يا نور
يكفينى شرور الشوق بعدك
ويهدّى الويل
ابوس رجليك يا عم الليل
تنام بدرى
وتختارلك نديم غيرى
كاسات السهد فـ حضورك بقت صبار
وانا محتار
هسير فى طريقك الغدار
هتتلغبط خطوط سيرى
ابوس رجليك تشوف غيرى
تشوف انسان مهوش مكسور
ادعيلى يا نور
يهوّن قسوة الايام ويهدينى
ويختارلى الطريق بعدك وفى الحيرة يرسّينى
يشيل عن روحى اهوالك
ويرفع عنى اثقالك
ويلهمنى من المستور
قوليلى ازاى هعيش بعدك
طبيعى يا نور
هقولك كلمه ف الاخر
انا مسامح
ومش شايل
ومش زعلان
ومش مكسور
انا عاوز طلب واحد
تعودى يا نور

#محمود_عبدالناصر

نور

كلمات والحان .. قائد محمد عطيه .. كليه التجاره جامعه طنطا .. 
من فراق لفراق 
من بعد لبعد 
غربينا ياحياه 
وابعدينا عن بعض
..
من ضحكه لآه 
طير تايه فى سماه 
برده هيجى يوم 
وهنتلاقى 
..
أيام وسنين عدو علينا 
سابو ذكرى وآه 
ودمع عنينا
ونرجع تانى نقول يازمان 
ليه حلم لقانا 
كأنه ما كان 
..
من ضحكه لآه 
طير تايه فى سماه 
برده هيجى يوم 
وهنتلاقى

الدورة القمية ال 25 

من فراق لفراق

انا سجلت القصيدة بصوتى علشان انا بحب عمرو حسن وبحب القصيدة .. اشطة ♥

قصيدة " وسط البلد " للشاعر عمرو حسن _ #بصوت_محمد_دياب

متعتذريش .. لا حبك آخر الدنيا ..
ولا وجودك سبب لحياه 
انا فـ " مآساه " .. 
بحاول أجمل المشهد 
و أمثل انى مش مهزوز 
" شبح أراجوز "
مركب وش على وشه 
عشان ميبانش ايه جواه

لا هشحت إهتمام تانى ..
ولا هطلب حنان لله 
انا كويس .. كده أحسن
ومش هنكر ساعات بحزن
و أحن لكلمه متقاله ..
وذكرى و صوره ورساله 
فمتحاوليش .. تكونى ضحيه 
فـ القصه ..
و إوعى تصدقى الحاله
ده زى ما فيه بنات إتكسروا بسببنا 
فـ ياما بنات كتير حاولوا و نجحوا
فـ كسر رجاله 
وياما بشوف من الدنيا 
حاجات اغرب من السيما 
وربك برضه ليه حكمه
و ليه حسبه و تقسيمه 
و انا اللى مشيت و انا مآمن 
وسبت مشاعرى و اطمنت 
نسيت ان البلاء وارد
وقد يأتى فـ هيئة "بنت "
انا يا حبيبتى مش تمثال
و ليا شعور و بعرف احس 
و اتأثر 
و قلبى ازاز .. 
يعور لما يتكسر 
متتخدعيش فـ كام ضحكه 
بخبى الحزن جواهم 
ده لو بصيتى جوايا 
هتلقى الحزن متفسر 
و تلقى الجرح ساب فيا 
علامه الوقت ممسحهاش 
وممسحكيش 
متعتذريش ! 
متعتذريش .. 
و صلى جنازتى وياهم ..
قصاد القلبه حطى الدبله و إدعيلى 
و قولى كان مريض و إرتاح 
كفايه نواح .. 
على القلب اللى شافك ورد 
فـ وطى لجل ما يشمك 
قتلتى قتيل ؟! .. و ايه يعنى 
فداكى .. خلاص و لا يهمك 
مسير اللى إتكسر 
يتلم .. مسير اللى اتقتل هيعيش 
متعتذريش .. 
ساعات الإعتذار بيهين 
ويجرح قبل ما يداوى ..
سلالمك كلها تعابين ..
و انا معرفش أكون حاوى ..
يا حبل إتلف بالتدريج على رقبتى 
و انا من طيبتى سبت الحبل عـ الغارب 
بنبعد مهما نتقارب .. و أشوفك غلطه و أستمتع 
بطعم الغلطه فـ بعيدك ..
يشاء ربك .. بإن الطيب الغلبان 
يبطل طيبه على إيدك ..

برائتك .. شكل من بره 
ديكور بيدارى سوء طبعك 
و انا مقلبش أكون تابع 
و خاتم تلبسيه فـ صابعك
انا راجل .. و ليا كرامه لو راحت 
حياتى تروح 
وبابى لا عاد لا متوارب ولا مفتوح 
ومهما تحنى و تنادى 
خلاص باب الرجوع اتسد
بكيت بعد الفراق ؟! .. عادى
بكيت على نفسى مش على حد
معدش ما بينا شئ فاضل 
عشان نرجع نقول يا حنين 
ده لو نزلت دموع راجل 
ينضرب الوجع فـ اتنين 
مفيش راجل مبيعيطش لو فارق 
الفكره بس ان احنا بنخبى 
معرفش ببكى عليكى ليه و إزاى 
معرفش ليه وعلى ايه بتتحبى 
يوماتى عـ الله بسأل نفسى ..
ليه انتى ؟!
و ليه بالذات 
و كان فين قلبى و انا مسحوب 
لتيارك 
و كان فين عقلى و انا بغلط 
و بختارك
وداخل جنتك عشمان ..
أتارى جنتك .. نارك
مخدتش بالى انك " وهم " 
مشيت عكس اتجاه السهم 
و قلبى اتذل و إتعلق بأكتر حبل كان دايب 
انا اللى اتسابت طول الوقت 
عشان مرضيتش أكون سايب 
رضيت أطلع فـ حدوتك بدور الحاضر الغايب 
و أحبك من طرف تايه 
وراكب قطر مبيمشيش 
متعتذريش .. عشان و الله مش فاهمك 
و مش قادر أحدد موقفك بالظبط ..
براجع كل تفصيله .. 
مفيش فـ القصه حلقة ربط ..
مفيش حبكه .. مفيش ربكه 
مفيش فـ القصه دمعة عين 
و قبضة قلب أو قهره 
أكيد فيه حاجه مش ظاهره 
تعالى نبص عـ المشهد .. 
نراجعه من الألف للياء ..
نشوف مين فينا كان مشتاق 
و مين قصر .. ومين إهتم 
و مين نايم بكل برود 
ومين سهران يعيط دم 
أكيد حبك مهم .. أكيد 
لكن يعنى كرامتى أهم 
فـ كان من حقى أقول همشى ..
و أقول سبتك لكل الناس 
و انا كداب ..
صحيح سبتك انا لكن 
انا المتساب ..
انا المتساب بأفعالك .. 
و إهمالك .. 
و إحساسى ان فى حياتك 
مجرد طيف ..
و ساكن جوا منك ضيف 
لا ليا حقوق ولا كرامه 
و عايش بس من غير صوت 
وطول الوقت بتذلل 
و بشحت كلمتين حلوين 
فـ آخر اليوم ..
عشان أعرف انام مبسوط 
بقول سبتك لكل الناس و برضى غرورى 
وسطيهم .. و انا جوايا نار قايده 
" مفيش فايده " .. بكابر قد ما بكابر 
و قلبى من الحنين مفضوح 
قريب وغريب .. يبص فـ عينى 
فيشوفك بكل وضوح ..
و لسه انا تحت تأثيرك .. 
ومش شايف بنات غيرك 
لكن أصبحت مبشوفكيش 
متعتذريش..

youtube.com/watch?v=c1RfiQ54xqM

محمد ابراهيم - ماتعتذريش

قلقت علية اسلام مدحت

لَمّا - شِعر بالعامية .

محمد شاهين -ابن عمي _ Mohamed Chahine - Ebn 3ami [(MP3_128K).mp3

WAMA (Benitharab) واما بنتهرب

Marwan Mohsen - MAT5AFESH  I  مروان محسن - متخافيش

شوفته عريس_آيه احمد

بعدنا ليه- محمد حماقى
Show:اداء صوتى

تعبت في بعدي عنك كان ناقصني حاجات كتير
وحاسس بردوا بيكي وعارف انك مش بخير
علشان فاهمك وعارفك
تملي حبيبتي شايفك
بتحني لكل ذكري حلوة جمبك عشتها

و انا زيك بردوا واكتر
اوقات بسرح وافكر
انا وانتي بعدنا ليه
ملقتش اجابة جيتلك
ما يمكن لو حكيتلك تقولي كسبنا ايه

محدش فينا عارف لسة بكرة مخبي ايه
لكن كل الى فاتك ممكن احكيلك عليه
اصعب ايام في عمري
مقدرش اوصفها عمري
واكيد حسيتي بيا
وعشتي ايام زيها

منا
انا زيك بردوا واكتر
اوقات بسرح وافكر
انا وانتي بعدنا ليه
ملقتش اجابة جتلك
مايمكن لو حكتلك تقولي كسبنا ايه

انا زيك بردوا واكتر
اوقات بسرح وافكر
انا وانتي بعدنا ليه
ملقتش اجابة جيتلك
مايمكن لو حيكتلك تقولي كسبنا ايه

تعبت في بعدي عنك كان ناقصني حاجات كتير
وحاسس بردوا بيكي وعارف انك مش بخير
علشان فاهمك وعارفك
تملي حبيبتي شايفك
بتحني لكل ذكري حلوة جمبك عشتها

شوفته عريس_آيه احمد

aya ahmed

Recent comments

Nancy Zomara

Nour Mero

Mohamed Barakat

Fars Sakr

Related tracks