makaveli

Khaled Essam - Ana La Banam خالد عصام - انا لا بنام

Fare3' ( فارغ ) Prod By Mak - D

Virse 1- Marco
آسف ليك يارب برغم نعمك طالب اعيش
آسف ليك يا رسولي في نهج طريقك مبمشيش
آسف ليكي يا أمي إديتيني ومأخدتيش
آسف ليك يا ابويا حلمك ضاع على مفيش
آسف ليكي حبيبتي لإنك هنتي عليا كتير
آسف لكل صحابي مكنتش ليكوا أخ كبير
آسف ليك يا قلبي سلمتك بدون تفكير
وآسف ليك يا عقلي قتلتك من كتر التخدير
آسف لكل اخواني كنت شايف الحب كابوس
آسف ليك يا ضميري كنت جوايا محبوس
آسف ليك يا جسدي خليتك ليهم ملموس
وآسف ليكي يا دنيا إني كشفت انا الكالوس
آسف ليكي يا حقيقة إتي نسيتك فـ نسيتيني|
آسف ليكي يا براءة جرحتك فـ مشيتي وسيبتيني
آسف ليكي يا رساله أهملتك فـ عذبتيني 
وآسف ليكي يا روحي برغم هدمك بتحييني
Hook - Kordy 
آسف لـ إللي سيبته في سكه ضلمه لوحده يرجع
آسف لت إللي ندهلي وقلبي رافض إنه يسمع
كان جوايا شيء بيمنع إن قلبي يحن يخضع
آسف لو عشت خايف وسط ضهر نوره بيلمع

آسف لـ إللي سيبته في سكه ضلمه لوحده يرجع
آسف لت إللي ندهلي وقلبي رافض إنه يسمع
كان جوايا شيء بيمنع إن قلبي يحن يخضع
آسف لو عشت خايف وسط ضهر نوره بيلمع
Virse 2- Caesar
آسف يارب انا كنت عاضي ليك من البدايه
آسف يا نفسي لأجل كل حلم مات جوايا
آسف من قلبي لكل شخص جرحته فـ يوم معايا
آسف عشان معرفتش بالسعاده انهي الحكاية
آسف بصورة خاصه ليكي حبيبتي عشان خذلتِك
آسف يا لوحة حلمي لإني بالإحباط غزلتِك
آسف وبأسفي انا جيت ندمان ولحد عندِك
بقول خلفت وعدي رغم كونِك عند وعدِك
آسف عشان قبلت فـ يوم اعيش جبان
آسف كتمت صرخة حق فـ مغبد الأوثان
آسف عشان شيطاني فيا طاغي ع الإنسان
آسف رفضت الوضع لكن للخوف قلبي إستكان
آسف لإني رضيت لقيد الذل اكون أسير
آسف خضعت لمرضي رغم معرفتي الإكسير
آسف عشان فشلت فـ مغركة الحياة كتير
آسف بعيني شُفت لكني إخترت اكون ضرير 
 
Hook - Kordy 
آسف لـ إللي سيبته في سكه ضلمه لوحده يرجع
آسف لت إللي ندهلي وقلبي رافض إنه يسمع
كان جوايا شيء بيمنع إن قلبي يحن يخضع
آسف لو عشت خايف وسط ضهر نوره بيلمع


Virse -3 Kordy
آسف لنفسي أولا قبل اما لحد اتأسف
اسف لجرحي شخص كنت عنه بشيل واخفف

اسف لنفسي أولا قبل اما لحد اتأسف
اسف لجرحي شخص كنت عنه بشيل واخفف
بتأسف للي ظلمته آسف للي مستهلوش
اسف لحد أمله يفرح بيا مفرحتوش
اسف للحبيبة أسف للأسرة الكريمة
اسف لرب الكون عشان عاصي ومليش عزيمه 
اسف لكل صاحب شافني بغدر بيه في خنقه
اسف للي وقفوا جنبي ملقيونيش في وقت زنقه
اسف عارف إني بغدر اسف شايف إني سلبي
اسف لكل حد اتأذى لمجرد إنه جنبي اسف
وعارف ان أسفي مش مقبول لكن مش خايف
اسف عشت عمر زايف ومشيت في اتجاه مخالف
اسف لكل واحد اسف لواحد واحد 
اسف لأي حد كنت معاه غدار وجاحد
اسف بعد سنين كاتمها ومن كتمانها اتعذبت
اسف لنفسي في النهايه بعد ما ليكوا اتأسفت


Asef

Written by: Mohamed Alaa
Music Prod By : Ahmed Shiko 
Vocals: Mohamed Alaa 
Master and mix by: Z ! Y A Z A N
© 2016 X MuZic

 لينك التراك على يوتيوب :

https://youtu.be/hB01LWx09jc


الكلمات :

من يوم للتاني بشوفك احلى واحدة
 و لو بعدتي توحشيني كُل لحظة 
فيها ضحكة منك او فيها فرحة لـ قلبك.
مين غيري حاسّك مين اكتر مني حبّك 
كُنت شايف فيكي نفسي كُنتي شايفة ان احنا لبعض
اتاريه كلام و اختارتي فـ يوم البُعد 
انا فاكر الكلام فاكر بينّا اول حُضن 
فاكر لما قولتي انك حسيتي معايا الحُب
فاكر حاجات انتي اصلاً مش فاكراها
مهو اللي يحب بجد مُستحيل فـ يوم ينساها
هوَّ انتي بعدتي ليه ؟ ايه كان فيا ما لقتيه ؟
تبقي ليا كُل حاجة و تبقي تحت أمر عينيه
الفراق مكانش سهل بس مش اصعب مـ البداية
حاربنا حاجات كتير عشان نكمل الحكاية 
كُل حاجة حلوة معاكي، كُل حاجة مبتكملش 
انا فاكر لما قولتي عيني بـ غيرك مبتحلمش
صدقيني ابقالك منهُم ، حاولي تمشي عن تفكيرهُم 
بعدنا ليه !  دا انتي اللي اختارتك منهم
بحاول اقنع نفسي بـ انك حبيتيني
و مهما بحاول اسكُت صوتك بيناديني  
للحظة حلوة بينا صعب اني انساها سنيني
اللي ساب غير اللي اتساب فـ الأحساس و فـ الأسباب 
و في اللي اخترع كدبة بس انا عُمري ما اكون كداب 
عُمري ما خذلتك ولا حتى جيت عليكي 
كُنت شايلك انتي فـ حتة مُستحيل يدخُلها غيرك
بحبك ، و دموعي مبتكدبش 
الراجل لما يدمع يبقى وصل لـ درجة عشق 
يا عشق نفسي اقول ان بعادك مهما يطول
انا هفضل بردو احس طيفك جنبي كُل يوم 
نتكلم بـ الساعات و اعاتبك عـ اللي فات 
و بـ ضحكة منك اصفى ما انا حبيت ملاك 
كُل لحظة و كُل ثانية، كُل يوم و كُل وقت 
كُنتي مُلهمتي الوحيدة و مش بهتم بـ حد
فـ البداية كان اعجاب، ايام تفوت بقينا صحاب
ياريتني فـ يوم ما شوفتك و حلمي كان سراب
انا غير كُل اللي فاتوا، مش قولتيها بـ نفسك
اني صونتك هفضل جنبك جوا قلبي هفضل شايلك 
كُل وعد اختفى، كُل كلامنا حصل عكسُه 
الصح مش اني اعاتبك المفروض اعاتب نفسي 
اني سبت قلبي اتشد و اني ظلمتُه فـ حُب حد 
كان بيمثل حُبه و فـ الحقيقة حُبه وهم
يا قلبي فوق اللي حبك مش موجود
و عشان عُمره ما حبّك كان بيهد كُل سور 
فيكي عيوب و فيَّ عيوب ، فيكي قلبي كان بيدوب
و مهما كُنت بحاول اخبي عيني كانت تفضح و تقول
و دا كان و كان و كان حُب عُمري اللي كان
جيه ينور حياتي بس نوره ضلّم خان
و كان حُضنُه هوَّ اكبر مكان 
بيساعني و انسى فيك كُل اللي فات 
مين كدّب و مين مكدبش , مين كمل و مستسلمش 
بقفل بينّا كُل باب و اتمنى انُه ميتفتحش
غيبتي عني دا لأني مسكت فيكي لآخر نَفَس
كُنت بنفذ وعد مني وعدتُه ليكي فـ يوم للأسف
كلمة بحبِك عقد مش كلام فـ ورقة و قلم 
قلبي كان صادق فـ حُبه مش مستني منك ألم
ايام تفوت مفيش حاجة بتتغير
بحاول ابعد عنك بس لسه مش متصور 
ان في حياة من بعدك اقدر فيها انا اعيش 
هعيش ههزم قلبي و اقول متجيش 
هقولك اني كرهتك و انى بردو محبتكيش 
زي ما كانوا يوصلولك كدبة و انتي تصدقيها
خسرت الناس عشانك و مفيش حاجة انتي خسرتيها 
كدابين ! الحُب يوم مش بـ السنين
الحُب اتنين عايشين مع بعض و مبسوطين
الحُب مش كلام، الحُب بالأفعال
الحُب بـ ألف معنى و كُل معنى ليكي اتقال 
آخر مرة اعاتبك فيها عينيكي دمعت
كُنتي عارفة اني صح بس قولت اودعك 
الأمل عطشان فـ بُعدك لـ لمسة من ايديكي 
كُنتي دايماً بتقويني اني اكمل بيكي طريقي 
هتشوفي مع الأيام مين اللي بجد حبّك 
لما تدوقي نفس الكاس و متلاقيش في حد جنبك 
مش هحب صورة فيها ضحكة كانت من بعدك
بس عايز اعيش فـ حُزني لو هيكون سبب سعادتك
هحضرلك فرحك، هرقص هغني ليكي 
و ايدي تلمس ايديكي .. مبروك يا حتة مني
هزعل جداً لو نسيتي اول واد هيكون على اسمي

تابعونى من هنا : www.facebook.com/profile.php?id=100004239844387

3esh2 l عشق

Prod By : wessam mohamed

V1 : @wessam_mohamed_official
اسمعوني ارجكو متقفلوش وتمشوا تسبوني 
مش باقي ليا غيركو لما اتعب اشكيلكو همومي 
ما كلو سابني ابويا امي حبيبتي وصاحبي 
عشان فاشل ولا اناني ولا بحب نفسي 
وناس بتبعد وتسيبك وقت ما انتا ضعيف 
ماشي في طريق كلو نور وحاسس اني كفيف
خلاص كفاية مش عايز حد يعيش ويايا 
كل القلوب عاشقين وانا قلبي عاشق موت معايا 
باعوني ومحدش همة ان بكدة قتلوني 
دة اكتر وقت احتجت ليهم حسو بيا سبوني 
بكيت علي ناس حسسوني اني اتحبيت 
بس الحقيقة كنت ماشي في سكة واتغميت 
كان نفسي اكون جنبكو كان نفسي اكون وسطكو 
كان نفسي لما اقول اسمعو اقلي اهتمام منكو 
عدي النهار علي كل هم بكون انا صابر 
موجود جنبكو بس الحقيقة مكنتش حاضر

v2 : @king-saiko 
لوحدي همشي و مش هتفرق بيكو او بغيركو
لوحدي هعيش لوحدي هكمل حتي لو بعدتو
ما انا ياما كنت لوحدي طب كنتو فين ساعتها 
هكمل عيشة لوحدي و مستغني عن رفقتكو
فاكرين في عز نجاحي كنتو جمبي كنتو معايا
فاكرين في عز فرحي قولتولي مش هنسيبك
مع اول كسرة في ضهري ملقتش حد معايا
لممنا الفرح بس الحزن لوحدك بس يصيبكك
و في وسط اللمة كنت لوحدي و لدوشتكو مكنتش سامع 
وسط فرحي كلكو جمبي في الحزن محدش باقي 
كمل و لوحدك عيش كمل و استقوي بنفسك
قلبك خلاص فاض بيه روحك معادتش ملكك
يارب كن في العون و اغنينا عن احتياجهم 
مش عايز جنس البشر مش عايز اكون انا بينهم 
كرهت كل الكون كرهت حتي كلامهم
لوحدي همشي و مش عايزكو ابعدو و عيشو حياتكو 

V3 : @ahmed-sniper-4
تايه مابينكو وخايف مالكلام فبيصرخ اكتر
رد القلوب ميعنيلوش غير انو مخلوق ابكم.
لا غيوم سماكو يفرق ولا هغرق فالبعد عنك
يعنى انتى تسقى الكون ووقت عطشى جف قلبك
يا دنيا طاوعى قلبك خلي قلبى ليكى مرسى
افرش بستان مالورد ليكى يهل خريفك قبلك
نهرك ماليه عشاق واموات وبردو اسبح وحيد
لو كان البكا روايه فانا مؤلفاتى فين 
فاسرح بعود وناى شحات رضا وحب وحنين
كفاينا بكا يا زمن انا قلبى تاه وسط السنين
انقش جدرانك بالساعات وانسى ايه الى اتكتب 
مقولتش انى مصد لموج حامل جروح البلد 
ده انا عايش بينكو ومش حسسنى وبردو بخاف البعد
انا مليش مسكن يتاوينى طير هاجر مع كل سرب
احبسونى وتوهونى بينكو ومتبكيش يا جفنى
قولولها متخفيش انا هبقى احلى عريس فكفنى



Wessam - Saiko - Sniper   لوحدي

لمشاهده الفيديو كليب : https://www.youtube.com/watch?v=hB0kdIy5ujM

Ahmed Elshobokshy Ft Sherif Elghandor Lila fe elsheta احمد الشبكشي | ليله في الشتاء |

تمر ليالي السويسي.mp3

El Joker - Sokan El Leel L الجوكر - سكان الليل

الـــكـــلـــمـــات

ياللي بين كل نجمة ونجمة: إمتى هتحنيلنا؟
سكننا الليل بالنيكوتين والقهوة .. يمكن تسمعيلنا
علشان حلاوة الحب واقع ؛ بقى الحزن ملة
محدش داق حلاوة الحب إلا وإنضملنا

إحنا كتير ، وبنعرف بعض ؛ لإن عيوننا مبتخبيش
مبنتسألش "مالكوا؟" من فراغ .. لكن بنقول مفيش
إحنا التذكرة الواحدة وسط زحمة الإتنينات
إحنا الخميس بتاعنا ميختلفش عن التلات

إحنا صمت أقوى من الكلام تعبيرا عن صاحبه
إحنا اللي بيتزهق منه ، وبيتقال سيبوه على راحته
اللي بنحسد اللي رافع راسه .. مع إنه هيتكسر
اللي ماشي باصص تحت رجله .. ويخبط فيك يعتذر

ياللي بين كل نجمة ونجمة أوعي تكوني سراب
سكان الليل في الأرض بسببك متشافين أغراب
ياللي بين كل نجمة ونجمة أوعي تخذلينا
محدش فينا إتعلم إنه يعوم يا سفينة

لعله خير ... شر حامينا من الأشر
يمكن أحسن ركوبة لينا ركوبة المضطر
يمكن قدرنا الأب بتاع بعمل ده لمصلحتكوا
لعله فقد ما نملك ... لإمتلاك ما نستحقه

يا ساكنة الضفة التانية جايلك .. مش هتأخر
كل شيء في حياتنا -لمقابلتنا- كان متسخر
اللي عشته أنا وأنتي أرض صلبة نبني حياة عليها
علاقتنا غاية الكون بيدور ودار حواليها

متفقديش إيمانك بيا ، ولا تشكي للحظة فيا
لو هضحي بكل حاجة مقابل حاجة .. فأنتي هي
من أرض الخوف بحدفلك طرف أول خيط يربطنا
بنكلم نفس النجمة .. في نفس الوقت .. ودي مش صدفة

يا كعبة عيني وعينها بشريها بيا
إلهميها بكونها مش وحيدة ، واللي فيها فيا
إرسميني قصادها في السما ، وسيبيلها هي الباقي
محدش طارد حلم يقظة أكتر من هوائي

يا ساكنة الضفة التانية وجودنا في القاع أمل لينا
بكرة مش هيلاقي حاجه ياخدها مننا .. فهيدينا
يا ساكنة الضفة التانية العرش والتاج في إنتظارك
وصلينا بسرعة يا أرض ... لقانا نقطة على مدارك

المرادي مش غريق في عرض أول قشة تظهر
المرادي المرسى نقطة قصادي .. كل ما أعوم بتكبر
مؤمن في كل وقت ... متأكد لو فيه علامات
بمشي ورا إحساسي دايما ... أنتوا بتمشوا وراه ساعات

أخيرا إتقابلنا وش لوش بدون وسيط
كل حاجه زي ما السما وصفتلي .. بإختلاف بسيط
طبيعي إن أحنا دوبنا تحت أول ليل قابلنا
حبنا لبعض أتولد قبل أول نظرة بيننا

أحكيلي تاني كل حاجه ... حتى لو عاديه
ده أنا بشوف نفسي فيكي أكتر مانا بشوفني فيا
كل "بحبك" كنت بقولها لحاجه منك في اللي قبلك
يعني كل كلام الحب اللي أنا كتبته ده أتكتبلك

بتأمل حياتي وهي بترسم سندريلا فيا
أثناء ما حياتك على التوازي بتشكلك هي
مستحيل تكون دي صدفة .. جايز تطلع دي نظرتي
مانا نحات ، وخلق معنى من لا معنى دي شغلتي

أحكيلي جديد ، وأنا هنحت تماثيل جداد
عايز كل يوم نعيشه يبقى أسعد من اللي فات
طب نعمل حاجه جديدة ... ما دام مفيش حاجه تقوليهالي
مش عارف ليه زهقان! يا خوفي ليكون اللي في بالي

أوعى تواجه الموهوم بشيء بإن شيئه أختفى
مفيش أصعب من الغروب عاللي متعلق بالدفا
ساعات لازم نعيش وجع وصدمة إنهيار أوهامنا
علشان نشوف حقيقة صعب حد يوريهالنا

رفضنا نصدق إن نهاية القصة إبتدت
فضلنا بنرقص .. مع إن المزيكا إختفت
حاولنا نفضل سوا بكل وسيلة ، وكل حيلة
خلقنا بديل لكل بديل لكل خطة بديلة

فابتدى الملل ، وأبتديت أشوف عيوبك
وبدأت أحتاج مساحة لنفسي ، وأستتقل وجودك
وأضطريت أداري ده بكلام مكانش من جوايا
فأبتديت أشك في حبي ليكي -أصلا- من البداية

أحنا في محنة .. بس بنحلم .. والميت في حلمه حي
من أول يوم فرحنا وأنا قلقان من اللي جاي
مش تشاؤم ، ولا كآبة ، ولا مستكتر إني أرتحت
بس للي في أعلى نقطة أي طريق هيكون لتحت

ياللي بين كل نجمة ونجمة جيتلك ... متأخرتش
بعترفلك إني أحتاجت أتحب ، وأحب ؛ فمفكرتش
ياللي بين كل نجمة ونجمة: أيه المشكله في كده؟
أكيد مسيرها تصيب ... من فضلك أوصفيلي غيرها

مش كل البدايات سعيدة ، ومش كل النهايات حزينة
مسيري هكتب غنوة كاملة تحبي تسمعيها
وحتى لو موهوم .. الوهم بكل طاقتي أولى
على الأقل يتكتب على قبري نال شرف المحاولة
ـــــــــــــــــــــــــــــــــــــــــــــــــــــــــــــــــــــــــــــــــ

Sokan El leel

Written by: El Joker
Music: Mostafa Ebrahim
Reff: Nupel beats
Vocals: El Joker
Master and mix by: El Joker
© 2017 El Joker

El Joker - Sokan El Leel | الجوكر - سكان الليل

https://youtu.be/wH0jVA-7oE8 
للمتابعه ع الواتس:01027527892

عارف 3arf مصطفي شطا Mostafashata

خااايف .. اغمض عيني ف يوم تروح ..

خايف م تكون موجود ..

انا عمري م شفت ف عينك انت دموع ..

انا بقوي بيك قولي ليه موجوع ..

Asef

Ayman Caesar

Recent comments

Menem Nasser

maya Mohamed

Abd0 Ateya💙💙

Wega 🃏💸🚧

Related tracks