والله ما عايز غير بيت

في واحده الصبح بتفرد ضفايرها
وعيال بتقوم من النوم بتجري عليا من غير حتى م تفتح عينها

والله ماعايز غير كباية شاي
وبوسة حب ورضا بالحال
وجرايد اخبارها عال
وابتسامات الناس في الشارع ترجع تاني زي زمان

وصباح الفل في وشك دايما من عسكري مهموم تعبان 
نفسه يسلم خدمة ويجري يروّح بيته ينام
من كومسري زهقان من الزحمة من تاكسي في شارع غرقان 

والله ما عايز الا ثلاثة جنيه ثمن الدمغة وختم النسر 
 وكباية شاي لموظف غلبان
والله ما عايز الا بطاقتي يا ناس حتى و لو من غير عنوان
والله ما عايز غير الشغل 
لا كلام يعني ولا حديت و لا قالوا وقلنا و لت وعجن وحواديت
ولا زر ونم وهيصة فاضية وتخبيط
و قوم اقف انت وتتكلم ضحكة غش وتظبيط
والله ما عايز حد عبيط والله ما ناقص تنطيط


والله ما عايز بعد الشغل غير اني اروح تعبان من الحر وبتطوح 
والقى حبيبة قلبي بتضحك ولا طراوة بيت بتاخذني ترد الروح

هم الدنيا في لحظة يروح والقي عيالى بيجروا عليا ويحضنوا فيا
 وياخذوا الشنطة يقلبوا فيها وياخذوا الحاجة الحلوة ويجروا

وبعد الظهر اقرا الجورنال وانت يا أجمل شئ في الدنيا واقفة تكويلي
 القمصان وتبصيلي وانا تعبان

والله ما عايز غير حضنك و اتغطى وانام

==============

Walla Ma Aayez

ساعة لقلبك ׀ الست وديعة ׀ عبد المنعم إبراهيم – جمالات زايد

ساعة لقلبك ׀ فستان من الماهية ׀ فؤاد المهندس – جمالات زايد

ساعة لقلبك ׀ العازب والمتزوج ׀ فؤاد المهندس – يوسف عوف

ساعة لقلبك ׀ خمسة جنيه ׀ فؤاد المهندس – يوسف عوف

ساعة لقلبك ׀ دكتور نفساوي ׀ جمالات زايد – يوسف عوف

ساعة لقلبك ׀ توزيع الميراث ׀ فؤاد المهندس – يوسف عوف

ساعة لقلبك ׀ مفلوق أفندي ׀ فؤاد المهندس – حسن فايق

ساعة لقلبك  في مكتب متعهد الحفلات

ساعة لقلبك - بعثة للأسكندرية

ساعة لقلبك  واحدة بواحدة  يوسف عوف - جمالات زايد

Ayman Gayed

Popular tracks