كوكب يوتوبيا

Mo7akmet El - Karn
Written by: El Joker
Music: ( Free Beat )
Vocals: El Joker
Master and mix by: El Joker
© 2012 El Joker

Watch on YouTube & Download: http://youtu.be/NwgBWHUdZ2Y

Mo7akmet El Karn - محاكمة القرن

Ib2i Iftkrini
Written by: El Joker
Music: ( Free Beat )
Vocals: El Joker
Master and mix by: El Joker
Video: Acting Mania
© 2013 El Joker

Watch on YouTube & Download: http://youtu.be/5fs7vnn8j9I

Eb2i Iftkrini - ابقى افتكرينى

الجوكر - إنفصام حاد

El Da9t

Written by: El Joker
Music: Mostafa Ebrahim ( Rap Beats Productions )
Vocals: El Joker
Master and mix by: El Joker
© 2013 El Joker

El Da9t - الضغط

الـــــكـــــلـــــمـــــات

كان نفسى أشق طريقى والفشل يغرق ورايا
الناس مش عايزة تآمن ، يعمل أية موسى بعصاية ؟
مش فاهمين الفرق بين المعجزة والسحر
رغم وجود كل دى تراكات شايفك ساجد لـعجل !

كاره كل شمس طالعة ، بحب كل يوم عدى
هاخد أية لو قالوا عنى عبقرية نادرة ؟
الناس مش عايزة الصح ، الناس دى جاية عشان تصقف
بعدين يروحوا يصقفوله ، اتساوى فنه بفنك

اللعنة مش فى القلم ، مش بستعمى الأعمى أنا
سبب سوء فهم الجمل عدم استيعابكوا وجة الشبة
معقولة شافوا الصورة كاملة رغم عدم وجودك ؟
معقولة تشوفها فى حضنه ملكش الحق تقول بتخونك ؟

بصالى من كل إتجاة ، تكون موناليزا تانية ؟
مش شايفك لابسة تاج ، ولا سامع مزيكا هادية
خايف بعد بوستى  ،،  برضة يقولوا موتى
ساعتها مش هيوافقوا يحطوا جنب قبرك صورتى


لازم أغرق يعنى عشان تحسوا بـحاجتى لطوق ؟
لازم أبقى تحت الأرض عشان يتشاف معظمكوا فوق ؟
مش دى الحرية برضة ؟ ولا برضة قلة ذوق ؟
كل وردة جاتلى دبلت مش فاضل فيها إلا شوك

لازم أغرق يعنى عشان تحسوا بـحاجتى لطوق ؟
لازم أبقى تحت الأرض عشان يتشاف معظمكوا فوق ؟
مش دى الحرية برضة ؟ ولا برضة قلة ذوق ؟
كل وردة جاتلى دبلت مش فاضل فيها إلا شوك


آسف لوحتى غامقة ، مش قاصد مسح إبتسامتك
طول ما ماتعاقبش حد مش هطيق أسامحك
رايح مصحة يمكن أعيا عشان تقولوا عالجوه
فى الطوفان سفينتى تعوم ، مش فى البحر اللى شربتوه

قاعدين فوق نفس الكنب ، مر علينا نفس الزمن
عشنا نص ساعة سوا ، عشت لوحدى حوالى سنة
متقوليش الذنب ذنبى ، جيتى هروباً من كوكبك
محدش فى المدينة يتوه فى طريقه لقصر الملك

مش لازم كل كلمة تتبعت كتفى الشمال
ممكن تبقى النية مهدى بس أنت تشوفه دجال
مش هتتسمى العروسة  إلا لما يزوقوها
طول ما إيدى ماسكة إيديها عمرى ما همسك إيد أبوها

عمرى ما لعبت كورة ، فـ عمرى ما خسرت فورة
أبويا قالى يابنى متمثلش دور مش دورك
رميت صنارتى ، طلعت سمكة ، أكلتها ورميتها
يمكن تنزل تقولهم مش كل الناس فوق وحشة


لازم أغرق يعنى عشان تحسوا بـحاجتى لطوق ؟
لازم أبقى تحت الأرض عشان يتشاف معظمكوا فوق ؟
مش دى الحرية برضة ؟ ولا برضة قلة ذوق ؟
كل وردة جاتلى دبلت مش فاضل فيها إلا شوك

لازم أغرق يعنى عشان تحسوا بـحاجتى لطوق ؟
لازم أبقى تحت الأرض عشان يتشاف معظمكوا فوق ؟
مش دى الحرية برضة ؟ ولا برضة قلة ذوق ؟
كل وردة جاتلى دبلت مش فاضل فيها إلا شوك
___________________________________________

MonaLisa Tania

Written by: El Joker
Music: Free Beat
Vocals: El Joker
Master and mix by: El Joker & Hamboli
© 2013 El Joker

MonaLisa Tania - موناليزا تانية

الــــكــــلــــمــــات

بصى من ورا الستارة على الناس اللى ماشية تحت
بيسجدوا لأصنام شبعوا فيها نحت
تعالى اعلمك إزاى أنا بنحت عمرى ما اركع
أى حاجة حلوة فى عينيك اكرهيها فورا

ها ، مش حاسة بتحسن عن من لحظة
على الأقل مفيش جزيرة هتعوميلها أصلا
طيب ، اثبتى على كدة ، إنتى مكانك هنا
مش هنعمل أى حاجة بلاش نعملهم على نفسنا

متطفيش النور عن مين هندارى اللى بنعمله
مش هنبقى فى المستنقع ونجيب عطر نستنشقه
بصى لمنظرنا ، هربانين من ضلمة لضلمة
إنتى وأنا عارفين كويس إن جهنم فى إنتظارنا

مبحطش أكليل ، فوق مساكن ميتين
يوم حسابنا مش هتدارى هتستخبوا يا كدابين
مريض بأحدث مرض نفسى هيكتشفوه ع الكوكب
مش هتلاقى أحسن منى ولا هتلاقى أسوأ


مستنى إننا هنقرب رغم كوننا بنبعد أوى
مستنى تقاطع تانى لخط مايل مع مستوى
أقصر طريق ما بيننا أقصر جزء فيه ملتوى
أقوى شيئ ربط ما بيننا كان فى حياتنا شيئ ثانوى


ابعد عنها شوية متمسكش فيها بضفرك
اللى أنت بتتنفسه دة ثانى أكسيد كربونها
بطل تتدقق فيها وأنت صاحى وقت نومها
مش هتحس إنك سهرت حارس غطاها الليلة بطولها

هى عارفة إنك مريض ، هى حابة إنك مريض
هى فاهمه معنى النظرة ، بس كارهة إنك صريح
قدف أنت وهى لحد وصولها بالسلامة
وامشى من حياتها لكن سيبلها أنقاض كلامك

تعالى اعلمك إزاى أنا بجرى عمرى ما انهج - منهج
شايفة أبعد نجمة أقرب حد منى أبعد
وبزيد البعد ، تزيد القوة ، يضيق النفس ، أحس بذعر
يطول نفسى ، ومهما جعت ، ازيح عن طرقى كل طعم

ارمى فوق العرش التاج ، غيرى برضة مش ملاك
أنا مرض بقول أنا مرض هو مرض هيقول أنا علاج
بحطم الأصنام اللى انتى عايشة بتعبديهم
عشان تتوبى مش تعمليلى واحد وتسجديله


مستنى إننا هنقرب رغم كوننا بنبعد أوى
مستنى تقاطع تانى لخط مايل مع مستوى
أقصر طريق ما بينا أقصر جزء فيه ملتوى
أقوى شيئ ربط ما بيننا كان فى حياتنا شيئ ثانوى

___________________________________________

El-7ob Fe 3onok Zogaga

Written by: El Joker
Music: Free Beat
Vocals: El Joker
Master and mix by: El Joker
© 2014 El Joker

الحب فى عنق زجاجة

الــكــلــمــات

قلتهالك قبل كده اللى بيننا ده اسمه زنا
عمرى ما اقتنعت إن قوضتك عش حبنا
بدنـدن الحقيقة المرة سدى ودنك واهربى
عمر ما فقد شخص يهز شعرة فى منطوى

تملى أقول الحق عشان لقيت سعادتى
فى إنى بسقيكوا القبح والبركة فى سحر معلقتى
كرة حبى ليكى تذكرة رجوعى ليا
وحبى ليكى كان حنين لحاجة ماتت فيا

كداب ... حبيتها بس كرهت كونك مش قوى
لولا إنك ادمنت نفسها كان زمانك بودرجى
وأهى بعدت أبعد من أبعد حباية بى فى السطر
لطخ بشارة رابعة صورة السيسى رئيس لمصر

لو مش قد الكلام ده أسمع اللى غنى
غنوة تسلم الأيادى لكونها أجلت إدماننا
بضيف حقيقة لكدبهم سخريةً من واقعهم
مش همضى كطرف تانى وعـ الطرف الأول توقيعهم

لسة - ايه موضوع كلامى - ده كل اللى شاغل بالك ؟
لسة مفهمتش إن كل حاجة نفس الحاجة ؟
لسة بتسأل لية جوكر مش من نجوم الشاشة ؟
لسة مفهمتش إنى لوحدى بحاربهم عشانك ؟

لو موتتى مش هدفنك هفضل طول عمرى اكتبك
بتحدى طبيعة ما بعد الموت ... مش هتتحللى
سيبيهم يتهمونى بالجنون مبيؤلمنيش كلامهم
هو المجنون مبيفهموش ناس قدر يفهمهم ؟

فى نارهم مش هتحرق أبص لأصنامهم تتفلق
لو محلش الطوفان ده مش معناه إن محدش غرق
الذئب مكلش مذهبى شموا الورق تعرفوا
بإيمان يعقوب استنوا مش محتاجكوا تتصرفوا

لو عين اللى بيسمعنا مش هتلمح أى معنى
كانت عين المار - عمق البير- عن شوف يوسف منعها
كان لازم قارى ودارس يبقوا غلاف منتج موهبة
قصص مش شبة بعض لنفس الجرح ... فاهم كده ؟

بدقق أكتر .. وأفكر .. فعايش أبطئ
هى عارفة ليه أبسط سطورى معقد
سيبوا المدينة تتحرق وأنا لوحدى اللى فيها
مش هقدر أمشى منها مدى كلمة للأميرة

لسة - ايه موضوع كلامى - ده كل اللى شاغل بالك ؟
لسة مفهمتش إن كل حاجة نفس الحاجة ؟
لسة بتسأل لية جوكر مش من نجوم الشاشة ؟
لسة مفهمتش إنى لوحدى بحاربهم عشانك ؟

___________________________________________

Nafs El-7aga

Written by: El Joker
Music: Free Beat
Vocals: El Joker
Master and mix by: El Joker
© 2014 El Joker

Nafs El 7aga - نفس الحاجة

الـــكـــلـــمــــات

طلبوا منى أبيعلك فكرة تشتريها ودنك
طلبت منهم أبقى نور هيرشد إبنى وابنك
فماطلوا ، على أساس إنى بكرة احتاجهم وأطلب
شيئ مقابل غنوة تحلى فى عين مجتمعى باطله

لم اللى باقى منك واهرب مـ المدينة فورا
الناس بتفضل ساكتة بس فجأة بتعمل ثورة
هتلم اللى بيتكلم هتلاقى اللى ساكت صرّخ
دى دولة يابن الكلب مش تيكية مش هنعرص

آسف يا مدموزيل لو إسلوبى خارج جدا
أصلى مش سى بى سى بحط كريم شانتيه عـ الجبنة
غطيها وأنت بتحلم إن صوت الحق إتكتم
هتقولوا السيسى رئيسى هنفضل نرفع المبتدأ ./?

رفضنا تجار الدين ده مش معناه إننا نبدلهم
بتجار الشعوب ونفوض ديكتاتور يقتلهم
أدينى بقولها بكل سهولة لإنى عايزك تفهم
إن احنا درع دولة حطوا على رقبتها سيفها

خلونا نشوف سراب مـ العطش واحنا اصحاب النيل
على إيدهم دم اخويا وقالوا لأخويا عليه بيتادين
قتلنا جماعة عشان يا جماعة مصر تعيش
فاللى وجه المسدس مش خسارة العرش فيه

مفيش رسول بينزل مـ السما بشعب مؤمن
يصلح الكوكب بإنه يقتل كل مشرك
ذنبه ايه الشاب اللى مات لمجرد كونه مش مدرك
إن الجماعة زرعت فيه مفاهيم لا تليق بمسلم

لو كنت صاحب رسالة توعى المخطوفين ذهنيا
مش تدعم الإبادة بتصنيفهم كتلة إرهابية
عمرك ما هتقتل فكرة بقتل صاحبها لازم تفهم
بتموت الفكرة الغلط لما فلان يسعى لتصحيحها

طب أديك بتولد كبت بالإعتقال وجرايم القتل
هترجعهم تحت الأرض بكرة يشيل أحفادنا الذنب
وقت تسقط الداخلية قلنا نضفوا الداخلية
لو هنقتل كل مريض لزمتها ايه الأدوية ؟

سيبوا البلد دى وإمشوا بدل ما بتطفش الكوادر
سيبونا نلاقى حل مخلقتوش غير المشاكل
حكومات عسكر عواجيز وأصبى كهل فيها عاجز
أبعت ظابط بالكلبش أنا مستعد لده من إمبارح

___________________________________________

Emsho

Written by: El Joker
Music: Free Beat
Vocals: El Joker
Master and mix by: El Joker
© 2014 El Joker

Emsho - إمشوا

الـــكـــلـــمـــات

دلوقتى انت بتسمعنى مش بتقولى انا من قرائك
بفضل وزارتين التجهيل ومسئولين محو الثقافة
حلوة الأغانى ... ملعون ابوك يا شعر
صدر دينا بـ ستة اصفار قلم نزار بعُشر السعر

ديك الدولة ... ديك فى عشة خونه
باعوا كل حاجة باقى بس يبيعوا الهوا ده
احرق نيكوتين قبل ما يغلى النيكوتين
كلم خالو يبعت فيزا قبل ما يخلص الرصيد

هتهزر ولا ايه ؟ ديمقراطية لمين وفين ؟
شعب يحكم ماشى يحكم بس عند امك فى البيت
هنحارب مين ما خلاص يلا يا قلمى نستعمى
ابعد عن وش الفيل ولا انا ولا انت هنحمى الكعبة

كل ما أقول هعتزل برجع فى القرار عشانك
بشاورلك عالـ بر مع إنى فى مركب غرقانة
بصراحة بحاول اكرهك ... ألاقى مخرجى وتلاقى مخرجك
بس غصب عنى برجع كل ما أشوف موكب أبرهة

شايفنى فى المرايا ... شخص قرب مـ النهاية
هفضل بموت ببطئ طول ما انتوا عايشين جوايا
مكنتش عايز منكوا حاجة كنت عايزكوا معايا
انا اللى عملت حفلة عيد ميلادى وجبتلكوا الهدايا

كل ما أنسى افتكر كل ما أبقى مدمن ابطل
بعيش أعراض الانسحاب والنص جرام فى الشنطة
مش هكدب زى نجوم الشاشة وأعمل فيها مثالى
هغنى ميت دليل على حرمانية الأغانى

مش هتفه المحتوى ... انا مش تامر المجتمع
انا مش عايز اتنفس تانى ادونى نصيبى حقنة هوا
ناجح قالى سعيد خطب ووحيد اشتغل فى قطر
وانا برسم مليون موناليزا فـ مش فاضى ارسم البطل

مخترتش علمى بكل ما أعلم ... ولا جهلى بكل ما لم أعلم
واللى اخترته مختارنيش فاختيارى كان بلا معنى
مش ذنبى إنى مفيدتش الجمهور المغذى بيّن
سايبانى برمى دود ما تقولى إننا فى البحر الميت

بشق السطر وأرسم الطريق لبيت القصيد
عايز تسكن عـ الجاهز رافض تحارب العماليق
كاره كل حاجة منكوا حتى كلامكم الجميل
أيام السنة كلها فى عيونكوا يوم واحد أبريل

شايفنى فى المرايا ... شخص قرب مـ النهاية
هفضل بموت ببطئ طول ما انتوا عايشين جوايا
مكنتش عايز منكوا حاجة كنت عايزكوا معايا
انا اللى عملت حفلة عيد ميلادى وجبتلكوا الهدايا
____________________________________________

01 April

Written by: El Joker
Music: Free Beat
Vocals: El Joker
Master and mix by: El Joker
© 2014 El Joker

01 April - ١ أبريل

Nafs El 7al - نفس الحال
Lyrics : El Joker 
Music : Hassan El Shaf3i

التراك متسرب xDD

حصرى على
 Jokerians And Proud

أهلا بيكمـ فى كوكب الجوكر <3

نفس الحال - Nafs El 7al

Eljoker 2ota M8mda - الجوكر قطة مغمضة

_______________________

ان كنت يا شهريار بعت بالادب المسيره ..
وجعلت صياح ديكا يمنعك عن السكينة ..
انا لم أنوي امسكها فـ ويلك يا شهرزاد ..
ان لم تبقي الليه على فراشا طويلا .. !!
______________________________

هما اللى خافوا زمان فقالوا لـ موسى حارب انت وربك ..
دلوقتى احنا اللى بندعى نفس الرب بـ نفس النبره ..
خافوا زمان فـ قالوا لموسى حارب أنت و ربك
و أديناا بندعى نفس الرب بـ نفس النبره
اتقابلنا قبل كدا .. لكن فى زمن غير زمننا ..
نفس عيونى وعيونك .. اللى اتغيروا أجسامنا ..
و كتبت قبل كدا بس احتمال سطورى كانت اضعف ..
بعيد صياغة فكره .. مش بنت النهارده ..
غريبه .. لاقيت مكانى .. فـ كوكب عمره ما كان مكانى ..
لو فى واحده احلى منك .. هتكون انتى فـ زمن تانى ..
بـ غير نجومى مهتديش .. بيك يا منطق .. مش هتربط ..
شيل حسابك .. مش هسيب بنتى تتصلب ..
ايوه انا المجنون صاحبها ياللى بتتعرفى ..
نضفى .. من فضلك الافيه وابقى استظرفى ..
قومى بينا نمشى من المكان دا مش هتأقلم ..
متخليناش نتقابل وسط زمايلك تانى من فضلك ..
انت مش اول كاتب يضرب موناليزاتى فـ مقتل ..
درسي افكار مبعوتالي ماتت علي ورقتك
اللى اسمه عمق دا اكتشافى ياريت تفوقوا بقى 
بدفن فى عقلى موناليزات .. فـ اطرش بترول يا مكن ..

الاوضه بروداكشن عمر دراعى دا ما اتلوى ..
مستقيمـ بهديك الاكسجين يبيعوا بقيت الهوا ..
أكبر عدد من الافكار فـ اصغر عدد جمل ..
دوله 100 جرام متستألش بـأربع سنن ..

جمله بمعانى متنتهيش ..
عجزت بدرى فى تلات سنين ..
دا غير اللى ضاع مش ع الطريق ..
انتى الادمان .. مش الهيروين ..

انتى وهى فيلمـ وقصه بيحكوا نفس الحاجه ..
مفيش تالت يدينى نفس هرمون السعاده ..
بعيش معاكى فكرة احلى جمله اعرف اكتبها ..
اى حاجه اضعف من ابتسامتك .. سهل عليا اوصفها ..

باعد شياطينى .. عنك ياللى ملكتينى ..
اغلب الاحيان بـ نبرة احمد بس بتسمعينى ..

بقولك ..
احرق نيكوتين .. بعد ما غلوا النيكوتين ..
روح مع صاحبك قابلوا الناس اللى هيضربولكوا الكوفيستين ..

شاغل ظلمـ الفراعنه يوسف عن ظلم مش ناسيين ..
واقف سجنه فى مصر بينه وبين اخواته فى فلسطين ..

أنا كاره اليهود بـ ضعف ايمانهمـ قوم جبان ..
افتكروا بلاد العماليق لما بقوا العماليق اقزام ..

ما علينا ..

الفرق بين الزمان والزمن وضحته ..
فأنتى فاهمه لغز فائق التعقيد اللي قبل اطرش ..

الاوضه بروداكشن عمر دراعى دا ما اتلوى ..
مستقيمـ بهديك الاكسجين يبيعوا بقيت الهوا ..
أكبر عدد من الافكار فـ اصغر عدد جمل ..
دوله 100 جرام متستألش بـأربع سنن ..

لذيذه وعميقه تشبيهاتى بالبيسه ..
مسيبش أكلة مانجه خليك انت فى برستيجك .. 
مش ساكت .. دا ردى ع الغنوه اللى فاتت ..
بتهدمـ فترة انسحابى وتنسحب لما ابقى شادد ..
عايز تبقى قزم منهم بس بشكل اخر ..
تاخد واحده من كوكبهمـ وتخليها مراتك ؟

لا فالح .. مبروك خفيت يا كهل يا ابن امبارح ..
وجه الشبه ملعوب زى ما ملعوب فى الملامح ..
على ورقتى مفيش حوا تبقى فى قوة فكره ..
بصالك من كل اتجاه .. تبقى بصالك انت ..

انا بالكتير اجتمع بيهمـ فى عنق زجاجه ..
انت فى مستنقع باصص لـ السما على مدار فيرساتك ..
اللهجة دي مجاتش من يومين على بيتاتهمـ ..
اى سطر من اول الواقع ضفره بـرقبة رابهمـ ..

أنا الـ أنا اللى فيكوا .. وانا الـ أنا بشكل مطلق ..
متغالطش المنطق هنا عشان هرابي مش بتنطق ..

الاوضه بروداكشن عمر دراعى دا ما اتلوى 
مستقيمـ بهديك الاكسجين يبيعوا بقيت الهوا ..
أكبر عدد من الافكار فـ اصغر عدد جمل ..
دوله 100 جرام متستألش بـأربع سنن

أخر واحده تسألى مأكتملش ليه الحادك ..
ما انتى عارفه انى كـ جوكر .. وصتلتوا لعصا الكتابة ..

ظلمـ فراعنه ايه اللى شاغلك عن اسرائيل وضرب غزه
ما انت اهو والعجل فوق .. ايه الجديد ما الناس دى ساكته ..

غنى ولا اتصور مع هاشتاج #القدس ..
لما العرب من كفرهمـ بقوا فى عرض شبه مأذنه ..
متقوليش على الاقل هنا بنشعل فتيل الثوره ..
.. امشوا .. نفس الحاجه .. حد نفخ لـ السيسى فـ شعره !!!

ليه مفيش اغانى ؟ لأ 
ليه ؟ مفيش جمهور ! 
انت فاهم فكره فى جمله فى غنوه ..
ليه هكتبلك كل يومـ ؟

حاله من الزهق .. حتى روايتى اهملتها ..
على ارض سوق باعوا التراب بـ 6 اصفار ..

بنزف دهب ..

بس عمرى ما اقول للكعبه رب حاميها 
انا بكفر سيئاتى تحت رجل فتيلك ..
دول مش معجزه .. دى معجزه ..
مفيش مقارنة جوده ..

الجوكريان الحقيقى .. شمس مستقبل الكوكب ..

الاوضه بروداكشن عمر دراعى دا ما اتلوى 
مستقيمـ بهديك الاكسجين يبيعوا بقيت الهوا ..
أكبر عدد من الافكار فـ اصغر عدد جمل ..
دوله 100 جرام متستألش بـأربع سنن ..


El Joker - El 2oda Production L  - الجوكر الاوضه برودكشن

الـــكــــلــــمـــات

فى سيرة الرسول عبرة ف قصة كانت بتقول
بعد اقتحام حصون خيبر قدم اليهود للرسول شاه مسموم
حكمة ربك انه يدوق جزء منها (يتفوا) لو كداب كان هيموت...
وقتها رسولنا دعى..المرأة التى اودعت..
سم جوة الشاه ف اعترفتله على فعلها
وعشان رسولنا مدرك ان الانتقام مش عدل..
امر بالعفو ف القصاص(لهم) بفعل القتل
نفس الرسول اقام حد السرقة بشرع الله 
على مرأة بني مخزوم ولما شفعلها الاشراف
_____ شريفهم لو سرق تركوه..
فقيرهم لو سرق يقيموا الحد ويحاسبوه
وايم الله لو سرقت فاطمة لقطعت يدها..
دا مثال على الاخلاق اللى فقدناها ف مجتمعنا
وجواب سوأل حال بلدنا ايه الى مأخروا ..
ان ربك مابيصلحش من حال ناس ولا اتغيروا !
رجعنا لورا ثورة علاج زادت المرض ..
كتر المصلحه اتمزقنا بقينا اكتر من طرف ..
عصر البلطجه والمجرمين طيور مطلقه !
لكن ياترى وجودهم صدفه ولا لغرض ..
جيه اليوم الى اخاف ان امشى فيه لو تحت بيتنا
جيه اليوم الى احتاج سلاح انا وانت لحمياتنا
فوضي بتكتسح..هروب مساجين ..شرطة بتنسحب
ايد شمال بتقطع اليمين..مصر بتنتحر
ثورة بلون الهوا..سم ف علبة دوا
كل اللى بيتعمل.بكا على جرح..ينزف مهما انكوى
قمر الفوضى اكتمل...نهر بلدنا اتقسم..اسود بكرة اترسم
بعد مرور سنتين ع الثورة لسا بنسأل ايه العمل
لكن على فكرة..ربك خلق جوانا الفطرة..
متستناش لو جه الصح امشي بنفسك انت
معنديش انتقاض على استخراج الدوا من السم
ديني بيكره الغلط مش الغلطان بالاسم

اغنيه منزلتش للجوكر حصريا | الجوكر لايف

Written by: El Joker
Music: Free Beat
Vocals: El Joker
Master and mix by: El Joker
© 2014 El Joker

Enzlo - انزلوا

ايزابيل . جاجور .. Esabelle . Jagaur  at Jokerian Town

Ramad El 7elm

Lyrics: Amr Sa'eed
Vocals: Amr Sa'eed
Music: Free Beat
Master&Mix: El Joker

: الكلمات

اذا كانت اشعارى لم تجد من يسمعها
فى زمن الافكار تسحق فيه من ابدعها
فسأضع حبات الدواء فى سموم اعتدت ان تبلعها
لن اخجل من تكرار انهار من افكار كنت انت منبعها


عشت حياتى اتمنى اعيش وياها فى جنه
بس نهايات الواقع مش زى نهايات افلامنا
بعد طول انتظار الجنه قلبت نار
وحيد مرمي في جزيره وسط بحور من الاشعار

وقتها كان حابب الموت كان كل حلمه تابوت
وقتها كان كل امله ان العمر بسرعه يفوت
صراخ قلم على ورقه مستخبي ورا السكوت 
عايش يكتم فى المه و حلمه يطلع قلمه صوت

قلم وشوية ورق هينقذوه من الغرق
ويبني حلم مكان انقاض حلم منه اتسرق 
سمع صوت الهتاف جماهير بالألاف
دموع تبل ريقه بعد سنين من الجفاف

افتكر بسذاجته ان صراخه على ورقته
هيخلي الناس تدمع وهيصعب عليها حالته
مافتكرش ان الواقع ممكن توصل قساوته
ان اللى بقلمه كتبه كانت قصة نهايته

بنظلم نفسنا ولا زمننا اللى بيظلمنا 
بنقتل حلمنا ولا حلمنا اللى قاتلنا
هنشوف النور في الاخر لو في الطريق كملنا
(x2) ولا هتكون اخرتها ان اليأس اتملك منا 

 هات اللوم عليا وشيل الذنب من عليك
ارمي العيب علي الزمن وانت العيب اصلا ماليك
العب دور الضحيه احكي قصه مأساويه
هتفيد بأيه دموعك ما النهايه هيا هيا

وزع على الكل التهم واطلع منها انت برئ 
متغرقش معاك القشه لوحدك موت غريق
اهرب من الحقيقه واكتب فيلم من تأليفك 
وسب والعن فيا لو النهايه مش على كيفك

اه حبيتها بس عملت ايه علشان تكون نهايتها
في حضنك انت بدل ما تعيش ميت في غيبتها 
لعبت بنار عمرك ما كنت في يوم قدها 
غرقت سفينتك لكن بنفسك غرقتها 

كلام كتبته بقلمك بس على ورقته 
بتجمع ليه في رماده ما انت اللى بأيدك حرقته
واجه نفسك بالحقيقه وكفايه خلق فى اعذار
عمرك ما سعيت للجنه فا نهايتك هتكون في النار

بنظلم نفسنا ولا زمننا اللى بيظلمنا
بنقتل حلمنا ولا حلمنا اللى قاتلنا
هنشوف النور في الاخر لو في الطريق كملنا
(x2) ولا هتكون اخرتها ان اليأس اتملك منا




Ramad El-7elm

الـــكـــلـــمـــات

بطلت أكلم حد لحد ما حد خد بإيدى
لو مكانتش إقتنعت بيا مكانتش ظهرت عبقريتى
كله أصاب فيما أصاب ، وأخطأ فيما أخطأ
الحق أحق أن يُتبع مهما هنوصل أبطأ

إنت عمرك ما اقتنعت بـ قد إيه بنكمل بعض
أنا لاحظت كون الفكرة بتقوى بنقد نقط الضعف
تعدد عصبياتنا فى العموم شيئ مفيد
وإن استمر الفيل فى إعتقاد إن الإله فيل

بلجألك إختصارا فى اللى أنا فيه فعلا محتاجك
مستحيل حد من الصفر لوحده يعرف كل حاجة
ده مش معناه إنى أقل ، ولا إن انت أعلى
أنا بقفل التآويل ، وانت بتغرق فى المعنى

لسه معرفتيش من إمتى مبتفهميليش ولا كلمة ؟
من ساعة ما كل حاجة معاكى إبتدت تكون مملة
عمرك ما شوفتى حقيقتى ، ولا فهمتى حقيقة ده كله
كل واحد شاف التانى الواحد اللى حب يكونله

مضطر أسيبك وأمشى منعا للمخاطرة
الورقة رافضة أعيشلك وأبقى أزورها كل فترة
أنا بشرح على قد عقولكوا ، ولسه متفهمش شرحى
انت كلامك مات ، وإنت لسه عايش ، إنت سطحى

أسئلة القرية دى محدودة جدا ، عالم تافهة
المدينة دى مبالغ فيها جدا ، عالم كافرة
البلد دى كاملة جدا بس أخينا عمره ما شافها
بقراها بمدنها بكل حاجة وحيدة بـ إختلافها

ظروفه كانت غير ظروفهم ، فخرج عن الإجماع
ظروفنا الآن شبه ظروفه فـ اجتمعنا على فتواه
مش فى صالحك يبقى مثالى طول مـ انت فى قمة متعدد
باب الإيمان قصير ، مبيدخلوش متكبر

سيبيلى حاجة أفتكرك بيها ، حاجة ريحتك فيها
حاجة استخدمتيها ، فى أوقات مش حبانى أعيش ناسيها
للهروب من واقعهم ، للأسف لازم توقيعهم
يؤسفنى أقولك -فى بعض الحاجات- شبة طيعهم

بس ده مؤقتا ، هما يقولوا بطل وأبقى بطل
وأوعى إنتظارهم إنك تقع هو اللى يسقطك
وتبدأ النهاية بـ إنى أقبل حاجات مرفوضة
واحدة بجمالك إنتى فى بالى صعب تكون موجودة

أجزاء شبه عشوائية سوا تبان مخيفة
انت سامع مـ الغنوة آله بتعزف صوت مؤامرة سخيفة
اللى فى صالح السيناريو طول عمرى بنفذه
لو أبرهة بيغرق قبل عام الفيل هروح أنقذه

أسئلة القرية دى محدودة جدا ، عالم تافهة
المدينة دى مبالغ فيها جدا ، عالم كافرة
البلد دى كاملة جدا بس أخينا عمره ما شافها
بقراها بمدنها بكل حاجة وحيدة بـ إختلافها

معرفتش أشكر مين ساعتها وعدى الموقف عادى
مجاش فى بالى إن أنا الشخص اللى أنقذ حياتى
براجع نفسى لما ألاقينى تهت فى التفاصيل
فـ أنفصل عنى الجزء اللى مراقبنى من بعيد

شايفك يا بلدى بتبصيله ، وإنتى بترقصيله
بصة فلسطينى لإسرائيلى ناهب محصول طينه
فى لوحات يادوب ، فيها بسيب كذا خط ولون
كوّنوا فى كل عصر كل رسمة تفيد الكون

غلبانة ، بتقول للناس إنها بكره هتنسانا
مش عارفة إن اللى يعيش من غيرنا أكيد معاشش معانا
صدقى اللى إنتى بتحسيه ، كدبى اللى إنتى بتشوفيه
استخدمى البعد اللى إنتى عارفة إنك فى حضنى فيه

كان باين فى عينيكى الزهق
مبانتليش فى عينك غيرة
قلتلك إنى عارف إن دى الرقصة الأخيرة

أسئلة القرية دى محدودة جدا ، عالم تافهة
المدينة دى مبالغ فيها جدا ، عالم كافرة
البلد دى كاملة جدا بس أخينا عمره ما شافها
بقراها بمدنها بكل حاجة وحيدة بـ إختلافها

________________________________________­_

El Ra2sa El 2a5ira

Written by: El Joker
Music: Free Beat
Vocals: El Joker
Master and mix by: El Joker
© 2015 El Joker

كوكب يوتوبيا

Ayman Samir 15