نسايم الليل زيديني
بالشذى والطيب عوديني
زاد الشوق لي يهون امتى وصاله

يا نسايم الليل آنسيني
في رجوعك لا تنسيني
بي طيب الحب آسيني
من بعد الضر ماسيني
انا برضي عشوق مهما جيوش الحب صالوا

يا نسايم ما بترعيني
ما بفيدني شذاك دعيني
لو قصدك لي تعيني
ارجعي بي دمعة عيني
للمعشوق قوليله ينوح ونومه عصاله

في الهوى يزداد تمكيني
يا بلابل الدوح حاكيني
في نواحي دوام شاركيني
في الحب ابكيك وابكيني
اصيح مفروق لي بروق ثغرك لالوا

طيفك لامتى يجيني
وفي لذيذ النوم يناجيني
من سهم البين ينجيني
ويبرد نار سجيني
وفؤادي يروق واناجي ملاك طيبة خصاله

سلامي بعد تجنيني
عليك وليالي سنيني
بعد شعري وتفنيني
في وصفك وعد حنيني
يغشاك مرفوق مع النسام وروحي خلاله

عبدالعزيز محمد داؤود - نسايم الليل زيديني - كلمات عمر البنا - الحان كرومة

اجسامنا ليه جسمين
روحنا واحدة وكيف اتقسمت قسمين
شيء عجيب في غرامك يا فريع ياسمين

يا حبيبي تجدني على هواك امين
وفؤادي يعجز عن افكاري فى التخمين
حواسي تحسد نظري لحسنك منتظمين
وشمالي تاخده الغيرة اذا جلست يمين

فيك يا حبيبى اتنين هم للفكر سالبين
هم شالوا نوم عيني وللضمير تاعبين
بوجهك الكوكب يجهرني ساعة يبين
وبقامتك اليايات الفي الصدير لاعبين

من المنام معاي ولا ستة من ستين
عندى التلت من عقلى وعندك التلتين
شايقانى بسمة فاهك ودر عقيده متين
لولاه ما لي صالح في الظلال والتين

يا من اسرت فؤادي ملكته في اليدين
يا ملفت الانظار يا نائر الخدين
غاية المقصود ما دمنا متحدين
تبقى الصداقة قرابة ونكسب الودين

يا الفريد في عصرك زي صداقتك وين
ما اظن تكون ولا بدعت قبل في التكوين
على صحيفة قلبي تدونت تدوين
ودين محمد حق لايقبل التلوين

بادي محمد الطيب - أجسامنا ليه جسمين - كلمات أبو صلاح - ألحان كرومة

يا جوهر صدر المحافل
روحي معاك اتلطفيلها
النور الفي حليه رافل
في حق نهده قلوبنا قافل
كالظبي الفي مقيله غافل
تارة يميل والتانية جافل
وجه ينور والبدر آفل
فوق للبدر يزيد نفيلة

يا النور خدك لاح مقابل
للشعر الطال ليله سابل 
سهم الحاظك لي نابل
بي كل شيء دون هجري قابل
ينسب نوحي على البلابل
وانتي القمرة بتنسبيلها

ليك جوز عين نعسان وكاحل
وخصر يميل وصدر راحل 
لي وجدي اللي جسمي ناحل
بحر الشوق ما ليه ساحل
بيني وبين النوم مراحل
وين للطيف أنا القى حيلة

الفرع البتنى راتل
طيره ينوح في غصونه حاتل
بهوى نسيم لي فكري شاتل
الأسد الفي القيد يناتل
يتأكد ما ليه قاتل
غير مكحول ظبي النتيلة

ضاوي ثناه لي بريقه راسل
لاح بين عنابتين عواسل 
صدره يرجح وكتفه خازل
رنا طرفه للسيف يماثل 
بيه يجندل كل باسل
ساحبة دغس وخدود اسيلة

المرنوع لي كتفه هادل
في درعه ولي معاصمه جادل
أنا ساهر والليل سادل
شرط الحاكم يبقى عادل
لا أقبل بهواك مبادل
كيف اعشق وارضى البديلة 

تمنع طيفك لي يغازل
داخل قلبي ليك منازل 
يا لائم لا تبقى هازل
أنا في الحب لي روحي باذل 
العاشق يسمع لعاذل
خلي نصيحتك عني زيلها

يوقد جمري ودمعي باهل
كيف نار تشعل في مناهل
ضاق بي الكون مع إنه ماهل
نومي تصعب ووجدي ساهل 
لو في حال الدهر جاهل
دي الأنجم أسأل سهيلها

لي طيفك ما لقيت وسائل
غير بسط النسمات رسائل 
أغرب شيء واعجب مسائل
حلم الصاحي ودمعه سايل
لو شكيت في أمري سائل
البدرين كونك مثيلها

قايد شوقي ودمعي هامل
جمر الحب لي جسمي شامل
حتى الطيف لي لا يجامل
مع كلا ما كنت آمل
دمي تحنني بيه الانامل 
هل يرضيك كدا يا جميلة

اولاد شمبات - جوهر صدر المحافل - كلمات ابو صلاح - الحان كرومة

يا روحي انصفني في حكمك
لأنه قاسي علي أنا يا حبيب ظلمك

تظلمني والأيام قد تنصف الانسان
نشاهد المحبوب عفوا عيان وبيان

بالنسبة للطفك والرقة يا فتان
ما كنت تظلم من قد أضحى بيك ولهان

تتركني للماضي مع انه في الامكان
نجدد الذكرى وتنسى كل الكان

هيامي بيك يا فاتن مصدره الانصاف
انصفت حسنك حب وانصفت حبي عفاف

ذوبت روحي معاني دقيقة في الاوصاف 
هومت نفسي خيال في معبدك طواف

سكبت روحي على كاس المحبة سلاف
هل بعد ذلك اكون لسهام نواك اهداف

أنا يا حبيبي غرامي تركته للايام
تركت حب ودموع تركت شوق وهيام

عودت نفسي اذا ما اشتدت الالام
اصبر على الحرمان واضحي بالاحلام

جنة هواي العذري ندية كالانسام
تخلي نار الشوق بردا علي وسلام

التاج مصطفى - يا روحي انصفني - كلمات عبدالرحمن الريح

يا عقد اللولي اللولي
يا بت يا حلوة يا هولي
يا حلاة الشامة في خدك
والسن بتضوي اللولي

جات بي سكتنا الحلوة
في الروض تمشي وتتمختر
بي رموشها ادتني تحية
خلت أحشاي تتسطر

أمتع بيها عيوني
أضوق من فاهها السكر
لكن الحظ العاثر
خلاها تغيب ما تظهر

غشت الجيران لي ثواني
قليبي التاية ودر
في سري اقول يا الله
ان شاء الله تقيف لي أكثر 

وين الحلوين وين راحوا
في ليلنا يضووا صباحه
بي بسمة يزيدوا عمرنا
وكان العذال ارتاعوا

سيد خليفة - عقد اللولي - كلمات علي ميرغني

يا الحِنيِّن يا فؤادي
ليه يعاديك ما بتعاديه؟

أنا عارفَك يا فؤادي
طال عذابَك وا سُهادي
وا شقاي أنا وا عذابي

يا نسايم أحكي الغرام
ودِّي ليهم مني السلام
قولي ليهُم طال الخِصام
قلّ نومي وعزّ المنام

لو تمُرّ النسمة بالليل
من ديارهم تشفي العليل
فيها قِصّة حُبِّي النبيل
فيها ريدَك وريدَك جميل

وين أشوفَك وين يا ضنين
بس قُراقَك ليه بالسنين
لو عِرفتَ حبيبَك أمين
ما بتخونُه و تهجُر حنين

ياما بعدَك شُفتَ الألم
قلّ نومي و صبري إنعدَم
شُوف دُموعي وراك صاروا دم
كُل ما شِدتُه معاك إنهدم
كِلمة واحدة سقتني الألم

محمد وردي - الحنين يا فؤادي - كلمات اسماعيل حسن - تسجيل الاذاعة

أوعَك يا حبيبي
أوعَك تاني تَزعَل
كِفاية عَذابنا اللِّي طَوّل

تَغمُرني بحنانَك
و تَسقيني المَحَنَّة
أيام عُمري جَنبَك
جَنَّة و ألفِ جَنَّة
تايهين في العَواطِف
لا صَد لا مَظَنَّة
و الصابِر بيلقى
نَصيبُه لو تأنى

كُلّ البَهجة حولَك
فرحان بالسعادة
غير حُبَّك وحاتَك
ما داير زيادَة
إنتَ عليكَ توحي
و عليَ العِبادة
أصلُه فُراقَنا أول
كان قِسمة و إرادة

شوف بيتنا بيضَوِّي
و النور مِن شَبابَك
عُشَّك يا حبيبي
بِقولَك حَبابَك
و إن كان لي فُؤادي
ساير في رِكابَك
و الدُنيا العريضة
ساجدة لَك في بابَك

باكِر يا حبيبي
تَبقى حياتنا غِنوة
و نزيد بي صَغَيِّر
أو بي زَهرة حِلوة
تاخُد مِن جمالَك
و تَصبِح لينا سلوى
تقول يا ماما شوفي
يا بابا شوف
شوفوا الدُنيا حِلوة

محمد وردي - أوعك يا حبيبي - كلمات اسماعيل حسن

الجميل السادة وضاح المحيا
التفت يوم شفته ما قبلان تحية
من دلاله ولا ماله؟
خلا نيران قلبي حية

ابتسامة الزول بتنبع من شعوره
ما بتزعل لو تعبر عن سروره
والبقابلك بيتسم ليك من ضميره
لو سمحت تجامله بمجرد تحية

كان أمل تفرحني منك ابتسامة
لتحيتي الصادقة وتزكي الوسامة
العيون تتلاقى ويتم انسجامها
وكل واحد يحلم بلحظات هنية

في الحقيقة الناس تقابل الناس وتمضي
والبقابلك يبتسم ليك بسمة ترضي
يترك آثار جوة قلبك ما بتمضي
وتبقى شمعة ذكرى ديمة عليها حية

أبو عركي البخيت - الجميل السادة وضاح المُحيا - كلمات عوض جبريل

فى التغزل بين المسارح
ليلنا أدبر والفجر لاح

يا نديمي قوماك نبارح
المواطن وطول الشوارح
صيدنا آمن في الوادي سارح
والطيور بالإنشاد تطارح
والنخل شاقي ثماره طارح
نحن ساكت نهوى المطارح
لا يفوتن فرص الفلاح

يلا نقطف أزهار شهودن
الخمائل واسعات مهودن
الليالي نعبر سهودن
والشدائد نحمل جهودن
نحن ناساً حافظين عهودن
نمشي نسقي الخيل في رهودن
في المَشارع نرد الصباح

بين فسيحن بانت حليلة
في قفاها الغابة الظليلة
فيها نكمن يومين وليلة
شوف دي ترضع لسع قليلة
شوف دي كيف مفطومة وعليلة
شوف دي تشبه بعيونها ليلى
وتزدري المصباح والصباح

شوف مناظر الوادي الحوالن
شوف فحيلن ختمن حوالن
شرًّف القناص شاف زوالن
بين أراك أو سلم انزوالن
وش كلبه قصدن نوالن
شوف فسيح الوادي انطوالن
جملة قامن طون البطاح

طاوعنه وصدن عصنه
شال جديهن ما خلصنه
شوف جريهن كيف باقصنه
خطوة خطوة المشي نقصنه
والردف بالحشا رقصنه
يلا يا قـناص روقوا صنوا
والتلذذ في الاقتراح

السحاب في الجو زاد تراكم
رف برقه يغازل ثراكم
انتو مرتاحين في ضراكم
وأنا دائماً تعبان وراكم
حن قلبي يا أم زين طراكم
حدثوني لمتين أراكم
يا الحبيبة كفى عمري راح

بت قبيلة عزاز أبهاتك
يا أم غراماً لي سري هاتك
الزهور يتمنن زهاتك
حيث نفح الطيب من جهاتك
لي تأمل طال في سهاتك
يا أم دلالاً فتن أمهاتك
ليه تعيري القمرة السماح

بادي محمد الطيب - في التغزل بين المسارح - كلمات عبدالله سليمان العشوق - ألحان خليل فرح

سواة العاصفة بي ساق الشتيل الني
وفعل السيل وقت يتحدر يكسح ما يفضل شي
دا كان حبك وقت حسيته شفت الدنيا دارت بي

وقت شفتك شعرت الرعشة من صوف راسي لي كرعي
ومن الساعة ديك يا السمحة ولع فيني جمر الغي
كتمت الريدة ما شافوها ناس الحي
وقلت الجنة عاد ان شاء الله ما يقسن دروبها علي

ونجم الليل منو العداه غيري وزاد حسابه شوي
وسافر بي خياله هناك صنقر فوق سحاب الري
بنيت في الموج قصور آمال ومديت للرهاب إيدي
وشديت سرجي فوق الريح عشان ألقاك بدور أطوي المسافات طي

صعيب وصفك لأنك هالة كلك ضي
وفوقك هيبة واجمل خامة واسمح زي
جمالك في البنات معدوم شبيهك ما كحل عيني
أقدلي وسكتي الخشامة وانزلي في العواذل كي

محمد وردي - سواة العاصفة - كلمات محمد علي أبو قطاطي

ما رأيت في الكون يا حبيبي اجمل منك
في دلالك وتيهك وفي جهالة سنك

من كمالك وظرفك ومن جمالك اظنك
يا حبيبي نساء الدنيا ما ولدنك
راجي عطفك ولطفك وراجي حلمك وحنك
ديما يا مريودي تجدني سائل عنك

يا جميل المنظر كيف كيف اذمك
سيبني في آلامي وبالعلي ما يهمك
خالي عقلك وقلبك وفاضي فكرك وهمك
المدام المسكر والعسل في فمك

يا حبيب الانفس ما بتوب من حبك
ان صليتني بنارك برضي برضي بحبك
مرة تيه في دلالك ومرة ارعى محبك
ومرة خليك جاير ومرة خاف من ربك

قلبي ذاب من نارك وصبري ضاع من صدك
هل اداري حياتي ام اعالج ودك
نسمة الاسحار مزاجها نفحة ندك
وزهرة الازهار بستانها صفحة خدك

السرور اوقاتك والمحاسن خمرك
والزمان خدامك وممتثل لي امرك
ان امرتني بقبل بالوقوف في جمرك
نحن والايام اعمارنا يفدن عمرك

عوض الكريم عبدالله - ما رأيت في الكون - كلمات وألحان عبدالرحمن الريح - برنامج مطرب وجماهير 1982

إبراهيم الكاشف - أرض الخير - كلمات السر أحمد قدور

أوركسترا الاذاعة السودانية - عازة في هواك - ألحان خليل فرح

أوركسترا الاذاعة السودانية - في الضواحي - ألحان خليل فرح

أوركسترا الاذاعة السودانية - مساء الخير - ألحان برعي محمد دفع الله

أبو عركي البخيت - أنا امدرمان - كلمات عبدالله محمد زين

من يوم حبي فارقني
منامي وطرفي ما اتلاقوا

ملاك في ظلاله متهني
رشيق ذو قامة متثني
إذا استقبلنا محياه
سحر أنظارنا بضياه
وجذب أفكارنا بحياه
أنا البحبه شاغلني
كيف لا أعشقه وأغني
وأذوب من لطفه وأخلاقه

أروم بلقاه يفرحني
وأخاف من لحظه يجرحني
أفكر مرة أستنى
وأرجع برضي أتمنى
وأقول أصبر وأتأنى
حبيبي عساه يسمحني
وبنظرة عطفه يلمحني
ويكون بحالتي اشفاقوا

مرضني وما سأل عني
أحبه وبرضه يجهلني
فنيت أفكاري في فني
وشبت مع صغر سني
ومهما يكون صرف عني
أحبه وقلبي يشتاقوا
ومن يوم ما بقى فراقه
منامي وطرفي ما اتلاقوا

من يوم حبي فارقني

خضر بشير - من يوم حبي فارقني - كلمات محمد بشير عتيق

يا وطني يا بلد أحبابي
في وجودي أحبك وغيابي

يا الخرطوم يا العندي جمالك
جنة رضوان
طول عمري ما شفت مثالك
في أي مكان
انا هنا شبيت يا وطني
بالروح أفديك يا وطني
زيك ما لقيت يا وطني

بتذكر فيك عهد صباي
على شاطئ النيل
وحبيبي الساهر معاي
أسمر وجميل
كانت أيام يا وطني
زي الأحلام يا وطني

بتذكر فيك أيام فرحي
أجمل أيام
وقلبي هايم في غرامك
ما بعده غرام
أنا بفخر بيك يا وطني
بالروح أفديك يا وطني

سيد خليفة - يا وطني يا بلد أحبابي - كلمات إبراهيم رجب

فرقة الصحوة - للمدينة وساكن المدينة - كلمات الشيخ عبدالرحيم البرعي - ألحان خليل فرح

محمد الامين - كلام زعل - كلمات فضل الله محمد

الليلة يا سمرا
يا سمارة الليلة يا سمرا

أنا بحكي ليكي وانتي لي تحكي
كيف ابسم ليكي وانتي ليه تبكي
وليه الزعل أطري الأمل

لونك بديع وطبعك وديع
وخدك يفوق زهر الربيع
وكيف الوصال خلي الدلال

ديمة الجميل وشوفته القليل
يا حليل حليل ليالي الهنا
وين العهود عهد الخلود

محمد وردي - يا سمرا - تعريب اسماعيل حسن - الحان خليل احمد

الصَغَيرة شِجِيرة الأراك
يا قَمَر عَشَرَة الفي سماك
شاغلة روحي وقلبي المعاك
وين لقيتك لامِن آباك
القمر بوبا عليك تقيل

ﺍﻟﻌﻴﻮﻥ ﺍﻟﻤﺎ ﺑِِﺪﻣﻌﻦ
ﻧﺎﻣﻦ ﺃﻭ ﺻﺎﺣﻴﺎﺕ ﻳُﺒﺮﻗﻦ
ﻻ ﺑﺼﻴﺪﻥ ﻻ ﺑﻌﺸِﻘﻦ
ﺳﺮﻫِﻦ ﻓﻲ ﺍﻟﺠﻮﻑ ﻳﺤﺮِِِﻗﻦ
ﻛﺸﻔِﻦ ﺭﻣﻮﺷِﻦ ﺃﻭ ﻏﻤﻀّﻦ
ﻛﻠﻮ ﻣﻮﺕ.. ﻣﺎ ﺗﻘﻮﻝ ﺑِﺮﺣﻤﻦ
القمر بوبا عليك تقيل

الصغيرونة الما كبير
الرِقيبة قزازة عصير
السنون براقن يشين
العُيون مِتل الفناجين
ما بتحِش قشّ التناقير
ما بتشيل جردل على الزير
الزراق فوقها تقول حرير
شتتي الشبّال يا أم ضمير
خلِّي قُلوب الصِبيان تطير
إنتي ريحتِك دمور فرير
و لا بِت السودان أصيل؟
القمر بوبا عليك تقيل

الجزيرة أم بحراً حِمى
فيكِ روحي و حُبِّي النما
ما بسيبها إن بقت في السما
ما بخلِّي الناس تظلُمها
روحي في دربِك سايمها
يا غِرِقت.. يا جيت حازِمها
القمر بوبا عليك تقيل

القِديمها قِديم الحمام
الوزيزين في موجه عام
ياما رايقة قليلة كلام
وا حلاتها تقول السلام
يا قمر بوبا عليك تقيل

الديوان الديمة مقشوش
بالزهور و الورد معروش
بالحرير الأصلي مفروش
ريحته مايقومة بلا رِتوش
كان دوا أصله ماهو مغشوش
كتِّروا الزاد مِنو في الحوش
القمر بوبا عليك تقيل

بحر الدميرة العبأ ونزل
مرّ يسقي الفُل و النَخَل
فيه عام وزين أو قدَّل
ياني أنا البيك عقلي إتشغل
بِعتَ روحي عشان ليك أصل
و إنتَ أبعد لي من زُحل
القمر بوبا عليك تقيل

الغزال الفوق في السَلَم
المحبة تزيدي الألم
كُل يوم أصبح لي في هم
سيسبان عودِك منظم
شمعدان نَفَسِك يا أم خَتَم
البُرتُكان نَهدِك مدردم
القمر بوبا عليك تقيل

المَبَارك شيخ الظَهَر
العليك ساسَقتَ و فَتَر
كُلِّي جنيت و لا دَستَر
واي أنا المرضان مكنتر
جابوا لي حكيم خيره شَر
قالي يا زول مَرَضَك كُتُر
سببك كم شلاخاً خُدُر
القمر بوبا عليك تقيل

الصغيرونة أم الجنا
يا كريم ربي تسلمها
تبعِد الشر من حلتها
جنّة للأم الولدتها
الفي جبل عرفات وضعتها
تسلم البَطُن الجابتها
دي تِرباية حبوبتها
التميرة الفي سبيطتها
الصفار صابغ خُدرتها
معذورة أمها كان دستها
وا هلاكي الناس شافتها
معذباني أنا ود حِلتها
القمر بوبا عليك تقيل

الدفيفيق الدابو نيّ
البسيمته تكويني كيّ
أهلو ضنّوا عليه و عليّ
حبّك النساني والديّ
ما بخليك إن بقيت حيّ
يا قِصيبة السُكر النيّ
نهدِك الما رضّع جِنَيّ
ووب على أمك و ووبين عليّ
القمر بوبا عليك تقيل

محمد وردي - القمر بوبا - اوركسترا حديث

احمد المصطفى - انا ما معيون - كلمات سيد عبدالعزيز - الحان كرومة

عصام محمد نور - بسمة ونظرة - كلمات اسماعيل خورشيد - ألحان صلاح محمد عيسى

محمود عبدالعزيز - الزمان زمانك - كلمات وألحان عبدالرحمن الريح

احمد سعدابي - نسام الصبا - كلمات احمد حسين العمرابي - الحان ميرغني المامون

قسم بمحيك البدري
غرامك منه ضاق صدري
حبيبي البي العلي تدري

المحي نور ليلة القدرِ
نصب فوق حاجبه لي غدرِ
معاك في داخل الخدرِ
فؤادي المالكه من بدري

حياتي ونعمتي ويسري
رضيت لو يرضى بأسري
فرض يا دموعي تنتثري
إذا منه النسيم يسري

حمام الأيك والقمري
يصيح ينبيك عن أمري
وبين عواسلك السمري
روايحي وفاكهتي وخمري

قبالك وين أجيل فكري
مصافحة اليمين سُكري
في بالك هل يمر ذكري
وامامك شكوتي وشكري

صحيح لجروحي لا تبري
هواك برضاي ما جبري
بسيمات فاهك التبري
يا جميل كم قللت صبري

محمد وردي - قسم بمحيك البدري - كلمات ابو صلاح - الحان الفاضل احمد

كلمات عمر البنا - الحان كرومة

مبارك حسن بركات + ابو داؤود + الكحلاوي + بادي + احمد يوسف - زيدني في هجراني

كمال ترباس - اذكري ايام صفانا - كلمات محمد بشير عتيق - ألحان كرومة

احمد سعدابي - املي وغاية المنية - كلمات عبدالرحمن الريح - الحان كرومة

www.alrakoba.net

كمال ترباس - يا ريت - شعبي

مرزوق محمود - نظرة يا السمحة ام عجن - كلمات سيد عبدالعزيز - الحان عبدالله الماحي

يا عقد الجواهر يا الضواي وباهر
يا الخليتني اهتف بي اسمك واجاهر
بين اتراب عذارى بين انداد ازاهر

يا الشب البلالي يا بلور مثمر
يا دهب السبايك الصافي ومجمر
ما بين صدر جامح والخصر المضمر
كم تاهت مراكبي وبحري الصافي حمر

يا سيد السماحة يا رب الملاحة
دايرك تبقي واحة لي روحي وجراحها
وتخليها تفرد كالعصفور جناحها
وتغرد تغني في ليلها وصباحها

الحب يمشي يفرد في الفردوس جناحه
فارس لونه اشقر ضافر الليل صباحه
لابس ورد احمر في الاكتاف وشاحه
ونحن نعبي نشرب من افراحنا راحه

ابو عبيدة حسن - عقد الجواهر - كلمات إبراهيم الرشيد

ابراهيم بن البادية - صرت كالفاني - كلمات ود الرضي

قلت ارحل
اسوق خطواتي من زولا نسي الالفة

اهون ليل اسافر ليل
أتوه من منفى لي منفى
أبدل ريد بعد ريدك
عشان يمكن يكون اوفى
رحلت وجيت في بعد لقيت
كل الأرض منفى

عيونك زي سحابة صيف
تجافي بلاد وتسقي بلاد
وزي فرحا بشيل
مني الشقا ويزداد
وزي كلمات بتتأوه
تتوه لمن يجي الميعاد
وزي عيدا غشاني وفات
وعاد عم البلد اعياد
وزي فرح البعيد العاد
وزي وطناً وكت اشتاقله
برحل ليه من غير زاد
بدون عينيك بصبح زول
بدون ذكري وبدون ميلاد

زمان الفرقة والتجريح
بسيبه عشان تشيله الريح
بسيبه عشان صحيح الذكرى
بتوه عمرنا صحيح
وإنتي معاي لا بندم
ولا بقضي العمر تبريح
اصلو العمر شوقا كان وحزنا كان
وصبراً كان فسيح وفسيح
أصلو العمر كان دربا مشيته كسيح
وكان غرسا سقيته بكاء
وقبضت الريح

محمد وردي - قلت أرحل - كلمات التجاني سعيد

صباح النور عليك يازهور
صباح يوم يقاس بدهور
****
يالزهر الفي رياض وزهور
في خدرك وحسنك مشهور
هلال محياك المابي ظهور
هلال ماهلت مثله شهور
****
زهر طاهر مالمغرور
عليه جناح الرضا مفرور
صباحه سعادة بكل سرور
جماله يغني عليه سرور
****
نظرتك جالس بين خدور
بدري هناك أنكشفوا بدور
تفوق نيشان ممتاز في صدور
العظما المثلوا أعظم دور
****
جلاله جلال ملكاً منصور
دلاله دلال مقصور في قصور
فيه جمال الكون محصور
بديع ماشافت مثله عصور
****
يلوح للعين من نورك نور
شعاع الشمس على البلور
جهرت عيوناً كفاك يانور
قلوبنا رميتن في التنور
****
فريد حسنك ودلك موفور
وأنا دمعي يجر مجرى البسفور
تزيد في عناد ودلال ونفور
وبرضي أقول ذنبك مغفور
****
أيا صاحب الطرف المكسور
كسرت قلب شجاع وجسور
تتجاهلني وأنا بيك مأسور
حسابي معاك بقى كله كسور

Ayman Amin

Popular tracks