الصحبجيه

قصيدة : يا عاشقين اتجمّعوا جنب الدفا
كلمات وإلقاء : مايكل عادل
إهداء : للاجئين والمحرومين من الحق حتى في الهروب

بسم الإله
خالق وطّننا والحياة
بسم الشعوب والناس ولقمة العيش الحلال
بسم الجبال
بسم المزارع
والشوارع
والمَطَر
بسم المطارح
والمسارح
والخَطَر
بسم اللي عاشوا دفيانين وقت الشتا
بسم اللي ماتوا بردانين
وسط العراء
وسط الحَجَر
بسم الطوفان اللي هايقلب كل شيء
بسم الزمايل في المعارك والطريق
يا عاشقين وجه النبي
صلّوا عليه
يا عاشقين
واستعطفوا قلب الشتا ع اللاجئين
والغلبانين
والمحرومين
م الحق حتى في الهروب
قولوا لأطنان الجليد فوق القلوب
تنزل سلام
تحمل رسالة دفيانين من قلبنا
قولوا لأبناء العراء
يستحملوا
قولوا لسكّان العراق
أن يُمهلوا
قلب الحياة مهلة سنين
فوق السنين
يمكن يداوي جرح كل المحرومين
يمكن تعود الأرض
يمكن بعد حين
يا عاشقين وجه النبي
سمّوا على اللي يموت بضربة من البارود
صلّوا على المقتول بجوعه
واللي بردان من عهود

بسم الحياة والمغفرة
والعفو وقت المقدرة
بسم اللي ساكنين الشوارع
والمزارع
والنجوع
بسم اللي سايبين البنادق
والخنادق
والربوع
يا عاشقين وجه النبي
إدعوا الإله
يكفينا شرّ الأجنبي
إدعوا وناجوا في الصلاة
قلب الحياة يعرف معاني الطبطبة
على قلب عيّل كان مُناه
يعرف ملذّات الحياة
إدعوا ف صلاتكم كُل حين
للمحرومين
يلقوا مكانهم في قلوب المدّعين
يلقوا مكانهم جوّة صورة مع فلانة
جنب ذلك ولّا ذاك
يا عاشقين اتجمّعوا جنب الدفا
جانب نيران شعلة غضب
من قلب محروم مـ الحياة
ردّوا الندا
من ده و ده
حاوطوا بقلوبكم كُل حين
اللاجئين
والمحرومين
والأفئدة
كُل ذنوبها إنها
خايفة تموت
متجمّدة


يا عاشقين إتجمّعوا جنب الدفا | مايكل عادل

الشاعر أحمد النجار (التعميره) ...برنامج آخر كلام

تركيز فريق ميكروفون من خلال فكرته بيكون على المواهب الحقيقية.. التمثيل، الشعر، الغناء، الحكي، العزف، وممكن تشاركنا فكرتك أو قصة نجاح حقيقية ليك.

زمان كان دايما الناس بتحبطك وبتخوفك وبتخليك تفكر أكتر من مرة قبل ما تطلع قدام جمهور.. في ميكروفون خلينا الجمهور هم أنت.. وأصحابك... وبنشجعك ونقولك ياللا تعالى قدم نفسك.

You are not alone share your talent with Microphone

https://www.facebook.com/Micegypt
https://twitter.com/microphone_egy
Microfonegypt@gmail.com
soundcloud.com/micegypt

أحمد النجار - في سبيل الله

أحمد النجار - أحمد الطحان - مونولوج

مايكل عادل - فوبيا الأمل

محمد السيد - و أنا مروح

محمد إبراهيم - 24 ساعة

أحمد النجار - رقم غريب

هاني عادل - أغنية حلم (وسط البلد)

مصطفى إبراهيم - البنكنوت

البحر بيضحك ليه

مايهمش ..
قالها المِتهمش 
أول ما اتقال له : يا مِتهمش ..

مايهمش ..
قالها المتكلبش
في السجن لصاحبه المسجون ..

قالها 
الدكتور للمجنون 
علشان مايحسش بالربكة ..
قاله : إن العالم مجانين 
أما العاقلين جوة الخانكة ..

مايهمش ..
قالها الجعانين 
لصحاب العالم و الشركة ..

قالها اللي ماخشش ميادين ..
و ماشافش الموت وسط العركة ..

قالها 
الأدباء لما الناس
مابقتش تآمن بكتابة ..

قالها 
النسناس للنسناس 
بعد انتخابات ملك الغابة ..

قالها 
المتداس للمتداس
ساعة ما داستهم دبابة ..

مايهمش ..
قالها القناص
لما القناص قاله : غلابة ..
قالها 
و بيشاور ع الكاس 
" الخمرة حلال عند الميديا " ..

مايهمش 
قالها النشال 
لما المحفظة كانت فاضية ..

قالها 
المنشول لما اتقال 
" الحق !! محفظتك مسروقة " ..

قالها 
أما إيديه كات محروقة 
" مالناش أجازات يا فواعلية " ..

قالها السهران في نباطشية ..
قالها الهربان م البلدية ..
قالها العيان للمداوية ..
ساعة ما قالوله : ماهتخفش ..

الكل بيعشق (مايهمش) ..
عايش لو كان .. أو مقتول ..
الكل بيعمل بنهاوي ..

علشان كدا مثلا لو ناوي ..
تبعت شكاويك للمسئول ..
توصف له الوضع المأساوي ..
و توضح كل المتنغمش ..

فماتستغربش أما يقول :

بما إن الشعب اللي اختارني ..
بيقول (مايهمش) على طول ..
انا برضو هقولك 
مايهمش ..
..

#حسام_ابراهيم

مايهمش - حسام ابراهيم

آكونت الفيسبوك :

www.facebook.com/ahmedsaid14

كلام هنقولُه في الذكرى - أحمد سعيد بكير

بعض الرؤى تترُك أثر
في بقايا روحك مش تمام
ضوء النهار لمّا إنتصر
الخلق لعنت الظلام
وقت الشفق
لمّا الضياء فجأة إندثر
ظهر القمر 
سِكت الكلام
كنت إنت تايه في الطريق
باصص بزهو للسما
عينك على الطير الطليق
بتشوف حياتك ملحمة 
كام ذكرى ليك مسّختها ؟
كام فرصة جت بدّدتها ؟
كام بنت حلوة مُتيمة
سندت عليك وخذلتها ؟
قلبك مُهدَّد بالعمى
رغم البصر
الرؤية ضحلة مُغيَّمة
لسه الرؤى سايبة الأثر
مكانتش رؤية كات كابوس
جواك صِريخ
يشبه أزيز لف التروس
جواك ندوب
كافية لتحجُب ضوء شموس
فيروز مُسكِّن مش دوا
والنوم مُسكِّن مش دوا
قبلك جاهين برده إغتوى
بسذاجة بالأمر المُحال
إذا كنت جاهل سكِّتك
ف لزومه إيه شدّ الرحال ؟!
مين اللي قال إن الرجال
ممنوع عليهم البُكا ؟
مبقتش بتلاقي عيون
تلمع بدرجة مُربِكة
الخوف بيوأد الشغف
الخوف مُسبب للظمأ
ليه لمّا بتحس بأسف
قلبك في قبره بيتحَمأ ؟!
الشهوة لا تقبل فُتات
ريحتك رُفات
مابتنمحيش رغم العطور
عُمرك مُلخّص ف السطور
كل الروايح قد تكون آلة زمن
بترجّعك ورا بالسنين
كفَّك مُجعّد كالكهول
وشقوقه راسمة عيون جنين
سِبت الجبال لأجل السهول
علشان كسول
للشِعر ف ودانك طنين
دايما يجيبلك إرتجاف
ومايخرِسوش إلا الكمان
رغم إن أيامك عِجاف
عندك أمل في سنين سِمان 

الصفحة على فيس بوك:
https://www.facebook.com/shady242/

بعض الرؤى تترُك أثرْ - شادي عبدالعزيز

الموسيقى ترافق أرواحنا وتجتاز معنا مراحل الحياة 
تشاطرنا الأرزاء والأفراح وتساهمنا السّرَّاء والضّرَّاء 
و تقوم كالشَّاهد في أيام مسرّتنا وكقريبٍ شفيقٍ في أيام شقائنا
جبران خليل جبران-

أحمد النجار - رقم غريب

Ayman Ehab

Related tracks