Please Like Comment Share Download Read Memorize.   Zəhmət olmasa Bəyənin Koment Edin Paylaşın Indirin Oxuyun Əzbərliyin.  لطفا لایک کنید، نظر بدهید، به اشتراک بگذارید، دانلود کنید، بخوانید، حفظ کنید.

Həmd-səna olsun Sənə, Ya Rəbb, mənim Allahım! Səni and verirəm Öz Seçilmişlərinə, Sənin Əmanətini Daşıyanlara və Öz Peyğəmbərlərinin və Elçilərinin Möhürü etdiyin Kəsə - izn ver ki, Sənin zikrin mənim munisim olsun, məhəbbətin məqsədim, Üzün mətləbim, Adın çırağım olsun, istədiyin muradım və Razılığın mənim fərəhim olsun.
Mən günahkaram, İlahi, Sənsə Uca Bağışlayansan. Mən Səni tanıyan kimi, Sənin İnayətinin uca Sarayına çatmağa tələsdim. İlahi, mənim o günahlarımı əfv et ki, Sənin razılığını qazanmaq yolu ilə getməyimə və Sənin vahidlik dənizinin sahilinə çatmağıma mane oldu.
Bir kəs yoxdur ki, İlahi, mənimlə comərd davransın, o kəs ki, üzümü ona tuta bilərəm. Nə də mənə şəfqətli olacaq bir kəs var ki, onun mərhəmətini diləyim. Yalvarıram Sənə, məni Öz fəzlinin qapısından qovma və məni Öz səxavət və kəramət yağışlarından məhrum etmə. İlahi, mənə Səni sevənlərə nəsib etdiklərini nəsib eylə və Öz seçilmişlərinə yazdıqlarını mənə də yaz. Baxışlarım hər zaman Sənin İnayətinin üfüqünə dikilib və gözlərim Sənin lütflərinin sarayına baxır. Sənə layiq olan tərzdə mənimlə rəftar eylə. Səndən başqa Allah yoxdur, Qüvvətli Allah, Cəlallı Allah ki, bütün insanlar Onun köməyini diləyirlər.

حمد-ثنا اولسون سنه، یا رّب منیم آلله‌یم! سنی آند وئریرم اُؤز سئچ‌یلمیش‌لری‌نه، سنین امانت‌ینی داشی‌یان‌لارآ و اُؤز پیغمبرلری‌نین و الچی‌لری‌نین مؤهورو اتدی‌ین کسه ایذن وئر کی، سنین ذیکرین منیم مونیس‌یم اولسون، محّبت‌ین مقصدیم، اوزون مطلب‌یم، آدین چیراغی‌م اولسون، ایسته‌دی‌ین مرادیم و راضی‌لیغین منیم فرح‌یم اولسون
من گوناه‌کارام، ایلاهی، سن‌ ایسه اوجا باغیشلایاینسان. من سنی تانی‌یان کیمی، سنین عینایتی‌نین اوجا سارایی‌نا چاتماغا تلس‌دیم. ایلاهی، منیم او گوناه‌لارمی عفو اِئت کی، سنین راضی‌لیغی‌نی قازانماق یولو ایله گئتمیی‌مه و سنین واحیدلیک دنیزی‌نین ساحلی‌نه چاتماغی‌ما مانع اولدو
بیر کس یوخ‌دور کی، ایلاهی، منیم‌له بخشش‌لی داوران‌سین، او کس کی، اوزومو اونا توتا بیلر‌م. نه ده منه شفقت‌لی اولاجاق بیر کس وار کی، اونون مرحمتی‌نی دیلی‌یم. یالواریرام سنه، منی اُؤز فضلی‌نین قاپی‌سین‌دان قووما و منی اُؤز سخاوت و کرامت یاغیش‌لارین‌دان محروم اِئت‌مه. ایلاهی، منه سنی سئون‌لره نصیب اِئتدیک‌لری‌نی نصیب اِئیله و اُؤز سئچ‌یلمیش‌لرینه یازدیق‌لاری‌نی منه‌ده یاز. باخیش‌لاریم هر زآمان سنین عینایتی‌نین افوق‌ونه دیکی‌لیب و گؤزلریم سنین لطف‌لری‌نین سارایی‌نا باخیر. سنه لایق اولان طرزده منیم‌له رفتار اِئیله. سن‌دن باشقا الله یوخ‌دور، قوت‌لی الله، جلال‌لی الله کی، بوتون اینسان‌لار اونون کمکی‌نی دیلی‌یرلر

​

Bağışlanma Duaları - دعاهای عفو و بخشش به زبان ترکی - Monajat Azeri Torki

İlahi Təyid üçün Dua 
دعا برای جذب تاییدات الهی به ترکی

Sən Ey Mehriban Allah!  Təriflər olsun Sənə ki, hidayət yollarını bizə göstərdin, mələkut qapılarını açdın və Həqiqət Günəşi vasitəsilə Özünü aşkar etdin. Korlara Sən işıq verdin; karlara Sən eşitmə əta etdin; Sən ölüləri diriltdin; kasıbları varlı etdin; yolunu azanlara Sən yol göstərdin; dodaqları susuzluqdan quruyanları hidayət çeşməsinə yönəltdin; Sən izn verdin ki, yanan balıq həqiqət dəryasına girsin; sərgərdan quşları fəzl gülşəninə Sən dəvət etdin. 
Sən Ey Ən Qüdrətli! Biz Sənin bəndələrinik və Sənin fəqirlərinik; biz uzaq düşmüşük, Sənin hüzurun üçün həsrət çəkirik; Sənin çeşmənin suları üçün susuzuq. Xəstəyik, Sənin şəfanı diləyirik. Biz Sənin yolunda gedirik, Sənin ətirlərini yaymaqdan başqa bir məqsəd və ümidimiz yoxdur, ta ki, bütün ruhlar qalxıb: “Ey Allah, bizi doğru yola yönəlt” deyə səslənsinlər. Qoy onların gözləri açılsın ki, nuru görsünlər, Qoy onlar cahillik zülmətindən azad olsunlar. Qoy onlar hidayət çırağınıın ətrafında toplaşsınlar. Qoy binəsib qalan kəs pay alsın. Qoy məhrum qalanlar Sənin sirlərinə vaqif olsunlar.
Ey Ən Qüdrətli! Bizə mərhəmət nəzərilə bax. Səmavi təyid əta eylə. Bizə Müqəddəs Ruhun nəfəsini bəxş eylə ki, Sənə xidmətdə biz kömək alaq və bu diyarlarda parlaq ulduzlar kimi, Sənin hidayət nurunla şölə saçaq.
Həqiqətən, Sən Qüvvətlisən, Qüdrətlisən, Hikmətli və Görənsən.

سَن اِی مِئهریبآن الله!  تعریف لر اُلسون سَنهَ کی، هیدایت یُول لآرینهِ بیزهَ گؤستَردین، مَلکوت قآپهِ لارِنهِ آچدِن و حَقیقَت گؤنَشی وآسیطه سیله اُؤزؤنؤ آشکآر اِتدین.  کورلآرآ سَن ایشِق وئردین، کرلآرآ سَن ائشیت مَه عَطآ ائتدین، سَن اُؤلؤلََری دیریلت دین، کآسِب لرهِ وآرلی اِئتدین، یُولو آزآن لآرآ سَن یُول گؤستَردین، دُودوق لارهِ سوسوزلوقدآن گورویان لارهِ هیدایت چئِشمهَ سینهَ یُؤنَلتدین، سَن اِذن وئردین کی، یآنآن بالِق حَقیقت دَریاسهِ نآ گیرسین، سَرگردان گوشلآرهِ فضل گؤلشَن ینهَ سَن دَعوت ائتدین.
سَن اِی اَن قُؤدرت لی!  بیز سَنین بَنده لریک و سَنین فقیرلریک، بیز اُوزاق دُؤشمؤشؤک، سَنین حُؤضورونون اؤچؤن حَسرَت چَکیریک، سَنین چِشمهَ نین سولآرهِ اُؤچؤن سوسوزوق.  خستهَ ییک، سَنین شَفآنهِ دیلیَیریک.  بیز سَنین یولوندآ گئدیریک، سَنین عَطِرلرینی یایماق دآن باشقآ بیر مَقصَد و اُؤمیدی میز یوخدور، تا کی، بؤتؤن روح لآر قآلخیب:  ’’ای الله، بیزی دُغرو یولآ یُِِؤنَلت “ دِئیهَ سَسلن سینلر.  قُوی اُونلآرِن گُؤزلری آچلسِن کی، نورو گؤرسؤن لر، قُوی اُونلآرِن جآهیل لیک ظؤلمَت یندَن آزاد اُلسون لآر.  قُوی اُنلآر هیدایت چِرآغِنِن اطرآفِن دآ تُپلآش سِن لآر.  قُوی بی نَسیب قآلآن کَس پآی آلسِن.  قُوی محروم قآلآن لآر سَنین سیرلری نهَ وآقیف اُلسون لآر.
اِی اَن قُؤدرَت لی!  بیزهَ مَرحَمَت نَظری له باخ.  سَمآوی تأیید عطآ اِئله.  بیزهَ مُؤقددس روحون نَفَسی نی بَخش ائیله کی، سَنهَ خیدمت دهَ بیز کُؤمک آلآق و بو دیآرلآردآ پآرلاق اولدوزلآر کیمی، سَنین هیدایت نورون لآ شُعلهَ سآچآق.  
حَقیقتآ، سَن قُؤوتلی سن، قُؤدرتلی سَن، حیکمَتلی و گؤرَن سَن.

Azeri Dua

İlahi Təyid üçün Dua - دعا برای جذب تاییدات الهی به ترکی

Həzrət Bəhaullahın Ziyarətnaməsi 
 زیارتنامه برای روز درگذشت پیامبران به ترکی

Otərif ki, Sənin ən uca Zatından doğdu və o nur ki, Sənin ən cəlallı Camalından parladı, Sənin üzərinə olsun, Sən Ey əzəmət Məzhəri və əbədiyyət Sultanı, göydə və yerdə olanların Rəbbi. Mən şəhadət verirəm ki, Sənin vasitənlə Allahın səltənəti və Onun hökmranlığı, Allahın böyüklüyü və Onun əzəməti aşkar oldu, qədim cəlalın Günəşi öz şüalarını Sənin dəyişməz əmrinin səmasına saçdı və Gözəgörünməzin Camalı xilqətin üfüqündə parladı. Daha sonra şəhadət verirəm ki, Qələminin tək bir hərəkəti ilə Sənin "Ol" əmrin yerinə yetdi, Allahın gizli Sirri açıldı, bütün varlıqlar yaranmağa başladı və bütün Vəhylər nazil oldu.
Bundan başqa şəhadət verirəm ki, Sənin camalınla Pərəstiş Olunanın camalı göründü, Sənin üzünlə Məqsudun üzü parladı və ona şəhadət verirəm ki, Sənin tərəfindən gələn bir kəlmə ilə Sən bütün məxluqat arasında qərar verirsən, Sənə sədaqətli olanları şərəf zirvəsinə ucaldırsan, inanmayanları isə uçurumun dibinə salırsan.
Mən şəhadət verirəm ki, hər kəs ki, Səni tanıdı, o, Allahı tanıdı və hər kəs ki, Sənin hüzuruna yetişdi, Allahın hüzuruna yetişdi. Ona görə də, xoş o kəsin halına ki, Sənə və Sənin əlamətlərinə iman gətirdi, Sənin hökmranlığına baş əydi, Səninlə görüşmək şərəfinə nail oldu, Sənin razılığını əldə etdi, Sənin dövrənə dolandı və Sənin taxtının önündə dayandı. Vay o kəsin halına ki, Sənə qarşı günah etdi, Səni dandı, Sənin əlamətlərini inkar etdi, Səni hökmranlığına qarşı çıxdı, Sənin əleyhinə qalxdı və Sənin üzünün qarşısında lovğalandı, Sənin dəlillərinlə mübahisə etdi, Sənin hökmranlığından və qüdrətindən qaçdı və Sənin əmr barmaqlarınla Sənin Müqəddəs Lövhlərində imansızlar sırasına yazıldı.
Sonra, Ey mənim Allahım və mənim Məhbubum, Öz mərhəmətinin və inayətinin sağ əlindən Öz lütflərinin müqəddəs nəsimini mənim üstümə əsdir ki, onlar məni öz nəfsimdən və bu dünyadan ayırıb Sənin yaxınlıq dərgahına və Sənin Hüzuruna cəzb etsin. Sən istədiyini etməyə Qadirsən. Sən, həqiqətən, hər şeyin üzərində hakimsən.
Allahın zikri və Onun tərifi, Allahın Cəlalı və Onun nuru Sənin üzərinə olsun, Sən Ey Allahın Camalı! Mən şəhadət verirəm ki, məxluqatın gözü Sənin kimi Məzlum görməyib. Sən bütün ömrün boyu bəlalar dəryasında qərq olmusan. Bir zaman Sən zəncir və qandal altında idin; başqa bir vaxt düşmənlərinin qılıncları Səni təhdid edirdi. Bununla belə, Alim və Hikmət Sahibi Allahın Sənə buyurduqlarını bütün insanlara çatdırdın ki, onlara əməl etsinlər.
Ruhum Sənin çəkdiyin məzlumiyyətlərə fəda olsun və canım Sənin məruz qaldığın bəlaların qurbanı olsun. Səninlə və Sənin üzünün nuru ilə üzləri işıqlanan və Sənə məhəbbət naminə onlara əmr olunanları yerinə yetirən kəslərlə Allaha and verirəm ki, Səninlə Sənin yaratdıqların arasında maneə yaradan pərdələri aradan qaldırsın və mənə bu dünyanın və o biri dünyanın nemətini versin. Sən, həqiqətən, Qüdrətli, Ən Uca, Ən Cəlallı, həmişə Bağışlayan və Ən Şəfqətlisən.
Ey mənim Rəbbim Allah, İlahi Sidrəyə, onun yarpaqlarına, budaqlarına, pöhrələrinə, onun gövdələrinə və onun qol-budaqlarına, Sənin ən yüksək adların durduqca və Sənin ən uca sifətlərin qaldıqca xeyir-dua ver. Sonra onu, təcavüzkarın şərindən və zülmün qoşunlarından hifz eylə. Sən, həqiqətən, Qüdrətli və ən Qüvvətlisən. Ey mənim Rəbbim Allah, Sənin hüzuruna yetişən bəndələrinə və kənizlərinə də xeyir-dua ver. Sən, həqiqətən, Kəramət Sahibisən ki, fəzli sonsuzdur. Səndən başqa Allah yoxdur, Sən həmişə Bağışlayan və Ən Səxavətlisən.

Həzrət Bəhaullahın Ziyarətnaməsi ۰ زیارتنامه برای روز درگذشت پیامبران به ترکی

Ən Çətın Sınaqlar Tablet of Ahmad, Əhməd Lövhü 
  لوح احمد در سخت ترین مشکلات به زبان ترکی تلاوت شود

Odur Sultan, hər şeyi Bilən və Hikmətli!
Budur, Cənnət Bülbülü Əbədiyyət Ağacının budaqları üzərində müqəddəs və şirin avazla oxuyur. Тəmiz qəlblilərə Allahın yaxınlığından müjdə verir, Allahın Birliyinə inananları Səxavətli Allahın Hüzurunа çağırır, inqitа еdənlərə Sultan, Cəlallı, Bənzərsiz Allahın nazil etdiyi bu müraciətdən xəbər verir və aşiqləri Müqəddəslik Məqamına və bu nurlu Camala doğru yönəldir.
Həqiqətən, bu həmin O Ən Böyük Camaldır ki, Peyğəmbərlərin Kitablarında öncədən xəbər verilmişdi, Onun vasitəsilə haqq nahaqdan ayrılar, hər bir əmrin hikməti Onunla sınanar. Həqiqətən, O, bir Həyat Ağacıdır ki, onun barı Uca, Güclü və Ulu Allahın meyvələridir.
Ey Əhməd! Sən buna şəhadət ver ki, həqiqətən, Odur Allah və Ondan başqa Allah yoxdur, O Sultan, Hifz Edən, Misilsiz və Qüdrətlidir, və "Əli" adı ilə göndərilən O şəxs haqdır və biz hamımız Onun əmrlərinə əməl edənlərik.
Söylə: Ey insanlar, Cəlallı və Hikmətli Allahın Bəyanda hökm etdiklərinə itaət edin. Həqiqətən, O, Elçilərin Padşahı və Onun Kitabı Ana Kitabdır, kaş ki, bilənlərdən olardınız.
Bu Bülbül sizə bu məhbəsdən belə səslənir. O, ancaq bu aydın müraciəti sizə çatdırmalıdır. Kim istəyir, qoy bu nəsihətdən üz çevirsin, kim istəyirsə, qoy öz Rəbbinə gedən yolu seçsin.
Ey qövm, əgər siz bu ayələri inkar etsəniz, onda Allaha hansı dəlil ilə iman gətirmişdiniz? Göstərin dəlilinizi, ey yalançılar zümrəsi.
Xeyr, mənim canım əlində Olana and olsun, onlar bunu edə bilməyəcəklər və heç vaxt da buna qadir olmayacaqlar, hətta bir-birlərilə köməkləşsələr də.
Ey Əhməd! Mən olmayanda fəzlimi unutma. Sənin günlərində, Mənimlə olan günləri və bu uzaq məhbəsdə hüznümü və qəribliyimi xatırla. Sevgimdə elə möhkəm dur ki, hətta başına düşmən qılıncları ensə və bütün yer-göy əleyhinə qalxsa, ürəyin əsla tərəddüd etməsin.
Düşmənlərimə bir yanar od, dostlarıma isə əbədi həyat çeşməsi ol və şübhə edənlərdən olma.
Və əgər yolumda bir bəlaya düşsən və ya Adımdan ötrü bir zillətə uğrasan, üzülmə.
Allaha təvəkkül eylə, sənin Allahın və atalarının Rəbbi olan Allaha. Zira, xalq yanlış yolda sərgərdandır və Allahı öz gözləri ilə görmək və Onun Nəğmələrini öz qulaqları ilə eşitmək bəsirətindən məhrumdurlar. Biz onları belə gördük, sən də buna şahidsən.
Onların xurafatı onlarla qəlbləri arasında beləcə pərdəyə çevrilmiş və onlar Uca və Ulu Allahın yolundan beləcə kənarda qalmışlar.
Sən öz qəlbində buna əmin ol ki, bu Camaldan üz çevirmiş olan bir kimsə, bundan öncə gələn bütün Elçilərdən də üz çevirmiş və əzəldən əbədiyyətədək Allaha təkəbbür göstərmiş olur.
Yaxşı öyrən bu lövhü, ey Əhməd. Öz günlərində onu avazla oxu və özünü ondan məhrum etmə. Çünki həqiqətən, Allah onu oxuyana yüz şəhidin və hər iki dünyada ibadət edənlərin mükafatını müəyyən etmişdir. Biz Öz tərəfimizdən sənə bir fəzlimiz və hüzurumuzdan bir mərhəmət olaraq bu iltifatı göstərdik ki, sən şükr edənlərdən olasan.
Allaha and olsun! Çətinliyə və ya qəm-qüssəyə düşən bir kimsə bu Lövhü sidq ürəklə oxusa, Allah onun kədərini dağıdar, çətinliyini qaldırar və dərdini yox edər.
Həqiqətən, O Rəhmlidir, Şəfqətlidir. Alqış olsun Allaha, aləmlərin Rəbbinə.

Ən Çətın Sınaqlar Tablet of Ahmad, Əhməd Lövhü -  لوح احمد در سخت ترین مشکلات به زبان ترکی تلاوت شود

Bəşəriyyət üçün Dua
دعا برای بشریت به ترکی

Hüvəl-Əbha
Ey Yəzdani mehribanım!  Qüsurum çox və əməli məbrurum yox.  Günəhkaram, bəd-kirdaram, qəmginam, bi-təmkinəm, biçarəyəm, avarəyəm, giriftaram, sitəmkarəm.  Sən qəfursan, Sən qəyursan, Sən səbursan, Sən kaşifi zilami deycursan.  İlahi!  Fəzl eylə, lütf eylə, kərəm eylə, rəhmətinlə müamilə eylə, könülləri şad eylə, canları azad eylə, ehsani məzdad eylə.  Əbdül-Bəha Abbas

هوالابهی!
ای یزدانی مئهریبانِم!  قؤصٌورٌوم چٌوخ و عَملی مَبرٌورٌم یوخ.  گؤنَه کآرآم، بَدکیردآرآم، غَمگینآم، بی تمکینآم، بیچآرهِ یآم، آوآره یآم، گیریفتآرآم، سیتمکآرآم.  سَن غفورسن، سَن غیورسَن، سَن صبورسَن، سَن کاشیفی ظلام دیجورسَن.  ایلاهی!  فظل ایله، لؤطف ایله، کرم ایله، رَحمت ین له مٌؤعامیله ایله.  کؤنؤل لری شآد ایله، جآنلآرهِ آزآد ایله، ایحسانی مزدآد ایله.  
ع ع

Bəşəriyyət üçün Dua l دعا برای بشریت به ترکی l Monajat Torki Azari Turki Azeri

Gizli Kəlamlar 
 کلمات مکنونه 

O, Nurluların Nurlusudur!
Bu, İzzət Cəbərutundan qüvvət və qüdrət dili ilə keçmiş peyğəmbərlərə nazil olanlardır. Biz onun cövhərini alıb, ona öz fəzlimizlə möminlər üçün müxtəsərlik donu geyindirdik, ta ki, onlar Allahın Əhdinə vəfa edərək və öz həyatlarında Onun əmanətlərinə sadiq qalaraq, ruh aləmində möminlik cövhərini əldə etsinlər.

1. EY RUH OĞLU!  Mənim ilk nəsihətim budur: pak, gözəl və nurlu bir ürəyə malik ol ki, əzəli, əbədi, daimi və qədim bir səltənətə sahib olasan. 

2. EY RUH OĞLU!  Mənim nəzərimdə ən sevimli şey insafdır; Məni istəyirsənsə, ondan üz çevirmə. Ondan qafil olma ki, Mənim yanımda əmin tanınasan. Bunun köməyi ilə sən bir şeyi başqalarının gözü ilə deyil, öz gözünlə görərsən və heç kəsin biliyi ilə deyil, öz biliyinlə tanıyarsan. Bunu özün düşün, sənə yaraşan nədir. Həqiqətən, insaf Mənim sənə bir bəxşişim və sənə inayətimin bir əlamətidir. Onu gözünün önündə saxla. 

3. EY İNSAN OĞLU!  Zatımın qədimliyində və varlığımın əzəliyyətində idim. Öz məhəbbətimi səndə gördüm, səni yaratdım. Və səni Öz surətimdə yaratdım və Öz Camalımı sənə açdım. 

4. EY İNSAN OĞLU!  Yaradılışını sevdim, odur ki, səni yaratdım! İndi Məni sev ki, səni anım və qəlbini həyat ruhu ilə doldurum. 

5. EY VARLIQ OĞLU!  Məni sev ki, Mən də səni sevim. Sən Məni sevməsən, Mənim məhəbbətim sənə heç vəchlə çatmaz. Bunu bil, ey bəndə! 

6. EY VARLIQ OĞLU!  Sənin Cənnətin Mənim məhəbbətimdir. Sənin səmavi məkanın Mənimlə vüsalındır. Oraya daxil ol, gecikmə. Uca Mələkutda və Ali Cəbərutda sənin üçün təqdir olunan budur! 

7. EY BƏŞƏR OĞLU!  Məni sevirsənsə, özündən üz çevir. Mənim razılığımı istəyirsənsə, öz istəyinə göz yum. Beləcə, sən Məndə fani ol ki, Mən də səndə əbədi yaşayım. 

8. EY RUH OĞLU!  Özündən üz çevirib Mənə dönməyincə, sənə rahatlıq təyin olunmayıb. Çünki sənə yaraşan öz adınla deyil, Mənim adımla şərəflənməkdir, özünə deyil, Mənə təvəkkül etməkdir. Çünki hər şeydən əvvəl Mən, tək Mən sevilmək istəyirəm. 

9. EY VARLIQ OĞLU!  Sevgim Mənim qalamdır. Oraya daxil olan kəs nicat tapar və əmin-amanlıqda olar; ondan üz çevirən kəs isə yolunu azar və həlak olar. 

10. EY BƏYAN OĞLU!  Mənim qalam sənsən: ona daxil ol ki, salamat olasan. Mənim məhəbbətim səndədir: onu özündə duy ki, Məni yaxınlığında tapasan! 

11. EY VARLIQ OĞLU!  Sən Mənim çırağımsan və Mənim işığım səndədir. Ondan nur al və Məndən başqasını axtarma. Çünki Mən səni zəngin yaratmışam və nemətlərimi sənə tam vermişəm. 

12. EY VARLIQ OĞLU!  Səni qüvvət əllərilə yaratdım, qüdrət barmaqları ilə xəlq etdim. Nurumun cövhərini səndə əmanət qoydum. Buna razı ol və başqa bir şey axtarma. Mənim əsərim kamil və hökmüm nüfuzludur. Ona şəkk etmə və şübhə ilə yanaşma. 

13. EY RUH OĞLU!  Səni zəngin yaratdım, nə üçün yoxsulluğa yuvarlanırsan? Səni əziz yaratdım, nə üçün özünü zəlil tutursan? Səni elm cövhərindən zahir etdim, nə üçün məndə deyil, başqasında elm axtarırsan? Səni məhəbbət gilindən yoğurdum, necə Məndən başqası ilə məşğulsan? İndi dön özünə bax ki, Məni özündə qüvvətli, qüdrətli və qəyyum tapasan. 

14. EY İNSAN OĞLU!  Sən Mənim mülkümsən, Mənim mülküm fani olmaz, nə üçün fani olmağından qorxursan?! Sən Mənim nurumsan və Mənim nurum sönməz, nə üçün öz sönməyindən üzülürsən? Sən Mənim Cəlalımsan, Mənim Cəlalım heç vaxt solmaz. Sən Mənim köynəyimsən, Mənim köynəyim heç vaxt köhnəlməz. İndi Məni Məhəbbətimin kölgəsində dincəl ki, Məni Ən Uca Üfüqdə tapasan. 

15. EY BƏYAN OĞLU!  Üzünü Üzümə çevir, Məndən başqa hər kəsdən üz döndər; çünki Mənim səltənətim əbədidir və heç vaxt dağılmaz. Mənim mülküm daimidir, əsla dəyişilməz. Kainatı başdan başa axtarsan da, Məndən başqasını tapa bilməzsən. 

16. EY NUR OĞLU!  Məndən başqasını unut və Mənim ruhumla ünsiyyətdə ol. Bu Mənim Əmrimin cövhəridir, ona tərəf dön.

Gizli Kəlamlar - کلمات مکنونه

Həz. Əbdül-Bəhanın Ziyarətnaməsi -
لوح لقا زیارتنامه حضرت عبدالبهاء به زبان ترکی

Hər kim bu duanı mütilik və şövq ilə oxusa, bu Bəndənin ürəyinə şadlıq və sevinc gətirər; bu isə Onunla üz-üzə görüşmək kimidir.

O Nurluların Nurlusudur!
Ey Allah, mənim Allahım! Mütilik və göz yaşları içində yalvarış əllərimi Sənə tərəf qaldırır və üzümü aqillərin biliyindən və Səni tərif edənlərin tərifindən uca Astananın torpağına sürtürəm. Sənin qapında baş əyən və təzim edən bu bəndəyə mərhəmət gözlərinlə bax və onu əbədi fəzl Dəryanda qərq eylə.
Ya Rəbb! O, Sənin yazıq və müti bir bəndəndir, Sənin kölən olaraq Sənə yalvarır, Sənin əlində əsir olaraq, Sənə atəşin dua edir, Sənə inanır, Sənin üzün qarşısında göz yaşları içində, Səni çağırır və Sənə yalvararaq iltimas edir:
Ya Rəbb, mənim Allahım! Fəzlini mənə bağışla ki, Sənin sevimlilərinə xidmət edim, Sənə bəndəlikdə məni gücləndir, Sənin müqəddəslik sarayında sitayiş nuru və Sənin əzəmət səltənətinə yönələn duaların işığı ilə alnımı işıqlandır. Mənə kömək eylə, Sənin qapının səmavi astanasında təmənnasız olum və mənə yardım eylə, Sənin müqəddəslik dövrəndə olan hər bir şeydən inqita edim. İlahi! Mənə fənalıq piyaləsindən içir; mənə fənalıq libası geyindir və məni fənalıq dəryasında qərq eylə. Məni, öz sevimlilərinin keçdiyi yolun tozu eylə və Sənin yolunda seçilmişlərinin addımları ilə şərəflənmiş torpağa fəda olmağı əta eylə, Ey İzzət və Ülviyyət Mövlası.
Bu münacat ilə Sənin bu bəndən səhər və axşam Sənə üz tutur. Onun ürəyinin arzusunu yerinə yetir, İlahi! Onun ürəyini nurlandır, könlünü sevindir və çırağını yandır ki, Sənin Əmrinə və Sənin bəndələrinə xidmət etsin.
Sən Bəxşedən, Mərhəmətli, Kəramətli, Fəzl Sahibi, Rəhmli və Şəfqətlisən.

هر کیم بو دعانی موطیع‌لیک و شؤوق ایله اُوخوسا، بو
بنده نین اورَیی‌نه شادلیق‌ و سِئوینج گتیرَر؛ بو اِیسه
اُونونلا اوز-اوزه گؤروشمک کیمی‌دیر
اٌو نٌورلو‌لارین نٌورلوسودور
اِئی الله‌، منیم الله‌یم! موطیع‌لیک و گُؤز یاش‌لاری ایچینده یالواریش اَل‌لری‌می سنه طرف قالدیریر و اوزومو سنین آستانانین تورپاغی‌نا سورتورم، اُو یِئر کی، عآقیل‌لرین بیلی‌ین‌دن و سنی تعریف اِئد‌ن‌لرین تعریف‌ین‌دن اُوجادیر. سنین قاپین‌دا باش اَیَ‌ن و تعظیم اِئد‌ن بو بنده‌یه شفقت گؤزونون بیر نظریله باخ و اُونو اُؤز اَبدی لوطف دریان‌دا غرق اِئیله
یا ربّ! اُو، سنین یازیق و تواضؤع‌کار بیر بَنده‌ن‌دیر، سنین غولون اُو‌لاراق سنه یالواریر، سنین اَلین‌ده اَسیردیر، سنه جوشقون دعا اِئدیر، سنه اِینانیر، سنین اوزون قارشی‌سین‌دا گؤز یاش‌لاری ایچین‌ده، سنی چاغیراراق ایلتیماس‌لا سؤیله‌ییر
اِئی ربّیم، منیم الله‌یم! اُؤز عینایتی‌نی منه باغیشلا کی، سنین سِئویم‌لی‌لری‌نه خیدمت اِئدیم، سنه بنده‌لیک اِئت‌مک‌ده منی گوج‌لندیر، اُؤزونون مقدس‌لیک سارای‌ین‌داکی سیتایش نورو ایله و سنین عظمت سلطنتی‌نه یؤنه‌لن دعا‌لارین ایشیغی ایله آلنی‌می ایشیقلان‌دیر. منه کؤمک اِئیله، سنین قاپی‌نین سماوی گیرَجه‌یین‌ده تمنّاسیز اُولوم و منه یاردیم اِئیله، سنین مقدس‌لیک مکانین‌دآ اُولان هر بیر شئی‌دن اینقیتاع اِئدیم. ایلاهی! منه فنالیق‌ پیاله‌سین‌دن ایچیر؛ منه فنالیق‌ لیباسی گِئی‌ین‌دیر و منی فنالیق‌ دریاسین‌دا غرق اِئیله. منی، اُؤز سئویم‌لی‌لری‌نین کئِچدیی یول‌لارین توزو اِئیله و سنین یولون‌دآ، سنین سئچیلمیش‌لری‌نین آددیم‌لاری ایله شرف‌لنمیش تورپاغا فدآ اُولماغی عطا اِئیله، اِئی اُوجادآ اُولان شَرف مؤلاسی
بو موناجات ایله سنین بو بندن سحر و آخشام سنه اوز توتور. اُونون اورَیی‌نین آرزوسونو یِئری‌نهَ یِئتیر، ایلاهی! اُونون اورَیی‌نی نورلان‌دیر، کؤنلونو سِئوین‌دیر و چیراغی‌نی یاندیر کی، سنین امری‌نهَ و سنین بنده‌‌لری‌نه خیدمت اِئده بیل‌سین
سن بخش ائدن، مرحمت‌لی، اَن کرامت‌لی، فضل صاحبی، رحم‌لی و شفقت‌لی‌سن

Həz. Əbdül-Bəhanın Ziyarətnaməsi -  لوح لقا زیارتنامه حضرت عبدالبهاء به زبان ترکی

Fereydoun Moshiri - Kooche  فريدون مشيری - کوچه
با صدای خود استاد

Fereydoun Moshiri - Kooche  فريدون مشيری - کوچه

El Sueño 
Vocals: Alireza Ghorbani, Solange Merdinian 
Lyrics: Jorge L. Borges, Nima Yooshij 
Composed by: Ehsan Matoori
_________________________
El Sueño
آواز: علیرضا قربانی، سولانژ مردینیان
شعر: جرج لوئیس بُرخِس، نیما یوشیج
آهنگساز: احسان مطوری

El Sueno- Alireza Ghorbani & Solange Merdinian

Öz Ana Dilimizdə Dua Oxuyaq....

This site encourages the Azerbaijanis all over the world to pray in their native mother tongue!

به زبان مادری خود دعا بخوانیم

Gizli Kəlamlar - کلمات مکنونه

Azeri Dua دعا به زبان ترکی

Recent comments

Azeri Dua دعا به زبان ترکی

Related tracks