الله عليك ياعزيز👍🏻👍🏻👍🏻

انجبر كسر وتضمدت جراح  
والليالي تمر وشهور وعهود
لا تقول اغلى حلم اقفى وراح
ولا تقول ان الايام غدت سود
لو تبوح العين والقلب باح
ولو عزفت احزان على اوتار عود
الخير جاي ولو ان الحظ طاح 
ولا تصدق كل من يعطي وعود
ما بعد كل عتمه الا صباح
ومساء الخير مصيره يعود
ولامن الفجر يا صاحبي لاح
انسى .. واترك الحاضر يسود 
اقبل حياتك بين حزن وافراح
وحافظ على الي اليوم موجود

لا تقول اغلى حلم اقفى وراح ..

من ليلة الفرقى وعيّت تعدي
الغصّه الي من الذكرى القديمه

والي هقيته معي صار ضدي
وابصم على القلب بصمه عظيمه

يا ليت لو ان ظروفي بيدي
واضمّد بنفسي جراحٍ اليمه
 

ياروحي ارجوك ع القلب شدي
خل باقي الايام تعدي سليمه

من يومها وكل الاحزان ندي
مشتاق لذيك الليالي الحكيمه

كل ما ضاقت قلت يانفس سدي
الابواب الي تجي منها العتيمه

وانصح الناس وقت الشدّه تهدي
واحذر البعض عن اخطار الظليمه

والله .. ماني لظروف الوقت متحدي
اخشى من ان العواقب وخيمه

ولو حدتني الدنيا ماني متردي
انا ولد ناسٍ تدرس الحشيمه

قبل اتكلم اعرف وش ردي
وماني من الي يرد الشتيمه

من ما جاز لي بيشوف صدي
اوقات بعض الردود مالها قيمه

من ليلة الفرقى وعيّت تعدي ..

اكتب واغني ابيات وقصيد
وأون مع كل بيتٍ لحالي

واتذكره لا غنّى ما به جديد
ويجدد الاحزان .. اوّل وتالي

واردد انا لقياك عندي يوم عيد
واشوف حالي اه يابري حالي

بنلتقي بعد ظلمة الليل الشديد
او استحاله نلتقي يا ظلالي

هبّه من نسايمها تجعلني سعيد
واجلس اردد يا طيب فالي

اليا اقبلت زاحت الهم العنيد
واليا حكت همت انا في خيالي

اشهد ان الزين لا شافك يزيد
فوق زينه .. يرتقي للاعالي 

كنها في نظرتي الراي السديد
درب واحد تتبعه ولا تبالي

وان بغيت الصدق والعلم الاكيد
انا منك احتاج اجابه لسؤالي

هي كذا الاحلام تسرح بك بعيد
تصبح سرابٍ وتبقى لي رمالي؟

بنلتقي بعد ظلمة الليل الشديد؟

اقول ان الايام وردتني هموم
والبلا بالقلب .. وشيءٍ فتني

لا تطاوع القلب منت ملزوم
ولا تعلقه بالمشاعر والتمني

كل شيء بالنهايه واضح ومعلوم
على كثر العطى قد خاب ظني

وكل شيء مقدر وكل رزق مقسوم
وما انكتب لي .. ما يغيب عني

حتى وان جيت لك مره بيوم
وسمعت ابو نوره بصوته يغني

اسهر .. واسهر لك نجوم
خل عنك السهر والتعني

لا فادت نجوم ولا قمره ولا غيوم
ما غير ضيقه وهمٍ سكني

لا فادت نجوم ولا قمره ولا غيوم ..

طف ضي الشمع وارسم بسمتي" يا ترى وينك " .. بدر بن عبدالمحسن

انتِ عناوين الشعر وانتِ القصيد
وفيك انتِ وحدك اكتب انا ابياتي

ومن يستاهل غير جمالك الفريد
الي تسلطن على  قلبي  وكتاباتي

ولو كل يوم ابكتب لك بيتٍ جديد
ما  وفت  بحقك  أجمل  عباراتي

عسى الله  يديمك لي  عمرٍ  مديد
لاني معك افرح  وانسى  معاناتي

أنتِ عناوين الشعر وأنتِ القصيد ..

ليه أحس إني وأنا اشوفك حزين
قلبي الليله بهمي ممتلي ..
كانها الفرقى طلبتك حاجتين
لا تعلمني ولا تكذب عليّ ..
خلني ما بين شكي واليقين
مايهم رضاي عنك وزعلي ..
باكر اللي خافيٍ لازم يبين
والوعد بلقى مكانك به خلي ..
وانتظرلي ليلةٍ او ليلتين
لين ما يقفي السحاب وينجلي ..
ولا طويت الياس بذرف دمعتين
للهوى الغالي وبا وادع هلي ..
صاحبي بموت من كثر الحنين
خلني بختار لحظة مقتلي ..

لا تعلمني ولا تكذب علي ..

أنا وأنتِ فما أقولُ لأُقنِعك
بأن حُبكِ ساكنٌ وجداني
قد كُنت من قبل مشتتاً
ومُذ أتيتِ إنتهت أحزاني
بيدكِ قد رسمتي بهجةً
وزرعتي ورداً وسقيتهِ هتانِ
في صـدر عـاشـقٍ متيمٍ
قد هـام فـي حُـب انسانِ
مالي سوى أبياتاً أشدو بها
وبـكل حُـبٍ أعـزف ألحـاني
وأقـولُ بـكُـلِ صـدقٍ أُحـبُكِ..
يا من بقربُكِ قد إنتهى حرماني

أنا وأنتِ فما أقولُ لأُقنِعك ..

من يلوم العين لحظات النظر
ومن يلوم القلب لا حب هالعين

اشهد ان الزين قدامي ظهر
واشهد ان الحب سلاح حدين

مره في صالحك ومره في خطر
ويضيع القلب ما بين الامرين

وش علاج الي تعلق يا بشر؟
في واحدٍ يسوى من الخلق الفين

يشبه حضوره همال المطر
ويصير بعيوني الخير خيرين

من يلوم العين لحظات النظر ..

ياما سمعنا بحكايات الازمان
وكل حكاية لابد تلحقها ضريبه 
وبمرور الوقت عرفنا ان الزمن خوان
وما هو كل شيء تهدف له تصيبه
وعرفنا معنى الحب وملاذ الامان
بقلبٍ يبي يبعدك عن كل خيبه
لكن اصعب شيء تتعلق بإنسان
وانت خايف ان القدر ما يجيبه
شتان بين هموم البشر وهمي شتان
ما تغيب عن بالي و دايم قريبه 
من صلب قحطانٍ إلى صلب عدنان
اختارها قلبي تسكن به حبيبه
وانا من طبعي اقدر عالي الشان
اكرم الضيف وارحب به واهلي به
وش عاد لا كان ساكن القلب فلان
أحمد الله إللي جعله من نصيبه

اختارها قلبي تسكن به حبيبه ..

انتِ في عيني تباشير وافراح 
وفي بعدك انتِ حياتي حزينه

جيتي واقفى وراك الهم وانزاح
جيتي بحياتي مثل فرصه ثمينه 

انتِ الوحيده الي بقربها ارتاح
وما ضاع بعمري معك من سنينه

انتِ المكاسب في عيوني والارباح
وما تبينه من عيوني اطلبي ما تبينه

بلمسة يدك تبتهج فيني ارواح
وكلها لـ قلبك ترتوي من حنينه

اتذكرك لا غنى ابو نوره بإيضاح:
بالروح اضمه يوم قلبي ضنينه

يا صاحبي لا تنشد الروح عن شي
انا حبيبي نور كل المدينه ..

لا تقول اغلى حلم اقفى وراح ..

iAzx70

Recent comments

المّــزن.

Related tracks