I wrote the lyrics but used ai to turn it into a song

This Is My Life

Elska da2t ©
Mix & master : The 12 Studio ®
Prod by : awney adel ©
-------
كتر العياط بيموت كسرتك بتقوي قلبك 
جدع و عشان جدع رموك ياعبيط محدش جمبك 
في شوارع ضلمت و ناس اتيتمت بالحيا 
انا طيب عمري ما اتمنيت لكل دول الاذي 

مش قولت عادي ! بتعيط ليه دلوقتي 
انا كنت متعشم زياده و العشم قتلني ^^
انا بخسر كل يوم ف ناس حبيتهم من غير سبب
من 6 سنين انا كنت كويس بس الوضع اتقلب 
مش فاضل من بواقي امبارح غير ذكري بتأذيني
اشمعنا انا مضايق كل الناس دي مبسوطين :"))
بزعل عشان صحابي كسرة عوني بتموتني 
لو كان بأيدي كنت اموت عشان تكون كويس :)

----------
و ارجع لوحدي .. سابوني و زهقو من كئابتي 
و عياط الناي بليل ف اوضتي يحكيلك بلاوي
و اداري خيبتي .. و ارجع مخنوق العن ف بختي
ميال و بختي بيعاندي ازعل ف ابيع حكاوي 

و ارجع لوحدي .. سابوني و زهقو من كئابتي 
و عياط الناي بليل ف اوضتي يحكيلك بلاوي
و اداري خيبتي .. و ارجع مخنوق العن ف بختي
ميال و بختي بيعاندي ازعل ف ابيع حكاوي
---------

و اغني تاني و احب ناس اكرها لما ترجع
و افضل اغني طول الليل لناس مش عايزه تسمع 
عمار انا اسفه .. خلاص لازم نسيب ايد بعض
موحشتنيش .. مش هرجع تاني اسف صعب

مافيش راجل بيعيط .. متوريهمش كسره
ربونا نكون رجاله بحبك بس كرامتي ابقي :)
و انا اجدع من الي حبك كنت احن عليكي منك
لو كحلك غطي ارضي بردو مش هقول بحبك 

و انتي .. مكنش قصدي ائذيكي .. انا اسف
مش حابب اشوفك تبقي لوحدك هبقي لوحدي معاكي
اخر عازف ع الارض .. انا مش ببيعلك ورد 
بياع و مش هبقالك مش هحبك قلبي جض

بنتحارب من اهل مفكرين ده ف مصلحتنا 
يمكن ف زمن تاني هنتجوز و نبني بيتنا 
ظروف بتكسر و الموضوع مبقاش يضحك خالص :)
اخر مشهد ف الفيلم كله كدب السكه ضاقت :)

L Ska Da2t | السكه ضاقت

لو عجبك متنساش الفولو و الايك و الشير ♥
اتفرج ع الفيديو ليرك ع اليوتيوب : http://youtu.be/5kl-r5H0cU4
--------------------------------------------------------------------------------------
الكلمات : 

امبارح عدت 6 شهور من يوم سيبنا بعض 
جسمي بيتمرد اسبوع نايم ف السرير مش سهل 
كنت ببهت كل يوم و بعمل نفسي عادي 
تحت عيني اسود ودقني كبرت مش هكدب وحشاني

بتنفس بصعوبه و عايش بالعافيه كأني ميت 
شباك المستشفي ضلم و النور جوه اوضتي غيم 
مش ابن ولا صاحب كويس انا منفعش حد 
ايدي بتتعرعش ساعات بتهته ف الكلام و اتهز

اخر كام شهر مش هخبي عليك بقيت مجنون 
بشوفها و بحلم بيها اتمني ف كل حلم اموت 
و اقوم البس عشان متجنش هنزل مش فاكرها 
الاقي ريحتها ف كل هدومي كمي متني مطرح ايدها

انزل و اقول مش فارقه ذكري يعني ياما اتسبت 
هروح ف وسط صحابي اكيد هنساها ف قعدة ضحك
نزلت ضحكنا ياما بس انا تعبت و عيطت 
قالو مالك قولت عادي عندي صداع و عايز اروح 

رجليا خدتني لاول حته شوفنا بعض فيها 
صوت زعيقها لسه ف ودني كنت بضحك باصص ليها
مشيت شويه و روحت قعدت جوه مكاننا 
كان جنان يمكن لكني استنيتك والجو سقع 

مشيت بخطو رجلك مطرح ما اتمشينا 
قطعت تذكرتين و دخلت فيلم جوه السيما 
المرادي جبت فشار معايا فلوس كتير 
اول بوسه ف اخر صف سيما ف اخر كرسيين 

طلعت لقيت المطر تاني و المرادي ضحكت 
خدتك جوه حضني ف رقصة الوداع قالو اتجننت 
حبيبتي هما مش شايفينك ليه ما انا ماسك ايدك 
صوتك جوه ودني لسه سامع صوت تنهيدك 

اخر مره اتقابلنا فيها بجد قالتلي تعبت 
مهتمتش قولت عادي مسيرها بكره تعقل 
خدتك ف حضني تاني بس حضنك بارد جدا 
قولت بحبك قالت و انا كمان لكن شفايفها سكتت 

كنت مريض ساعاتها بالتفاصيل و الشك و الاغاني 
كنت بعدي ليها حاجات كتير عشان كانت وحشاني 
قولتلها حتي استني انا عارف صعب حبه جناني 
قامت اتعصبت ندهت عليا بإسم حد تاني 

العالم وقف ثانيتين طارت قصتها و سكتت 
كنت لازم وقتها اختار مابينها و بين ككرامتي 
مشيت و جاتلي رساله منها قالت ماشيه 
عقلي رد ف نفس الثانيه غصب عني قال ف داهيه 

انا همشي بس افتكري انتي الي اختارتي 
قولتي اتغير قولتي اتغير قولتي اتغير و اتغيرتي 
شوفتك معاه و دمعت بس سكت عشان صحابي 
لما شوفت ضحكتك زعلت بس قولت ماشي 🙂 

و فضلت قاعد جوه اوضتي فتره مش بتكلم 
بكتب ف الاغاني اشكي لمزيكا اقطع تاني و اكتب
شايفها مبسوطه بحياتها انا فعلا مبسوطلها 
هجيب سيرتها بكل خير للناس لسه بحبها 

قولتلها فيوم هتنسي قالتلي لا قولتلها جايز 
جات من فتره قالتلي مرضك سم عايز اتعالج 
مكنتش عايز اصعب عليها كنت عايزها جمبي 
طلبت تطيب خاطري بكلمتين مش عايز اموت لوحدي

قولت فيوم هتنسي قالتلي لا قولتلها جايز 
جات من فتره قالتلي مرضك سم عايز اتعالج 
مكنتش عايز اصعب عليها كنت عايزها جمبي 
مش عايز اموت زعلان اكيد ف يوم هيطيب ف خاطري
--------------------------------------------------------------------------------------

artist : ammar hosny
rec & mix & master : awney adel - the 12 studio
music : free beat
--------------------------------------------------------------------------------------
تصبحو ع خير ^^

جايز | maybe

Ammar Hosny " عازف " - The fourth chord | رابع وتر Ft : Mohammed elkafory "الكافوري"

Ammar Hosny _ عازف _ - Mermaid _ حوريه(MP3_160K).mp3

Ammar Hosny " عازف " - Mermaid | حوريه

الكلمات - Lyrics :

مشهد ضلمه عشان مكنش فيه مشاهد ضمه 
كان عيل صغير بيعيط م الخوف و الجو ممطر
كانت الناس بتعدي بس محدش كلف خاطره يسأل
من هنا اتولدت كـ توهه عمار متخافش انا فاضلك

اهدي .. لم دموعك مافيش راجل بيعيط
و حياة الي خلقني و خلقك لو هموت انا هاخد حقك
من هنا ابتديت اتوسخ و اعمل كوابيس ليل دلوقتي
مش ببالغ بس في بشر كل مناها  فالحياه تقتلني

حدفتني السكه لناس بتعبد ناس بنفوذها
البشر دي مش بتعبد رب قد ما كانت بتعبد فلوسها
هنا انا تحت تحت القاع .. كل شئ مأسوي
عمر ما طفل فصغره اتربي بعيد عن حضن اهله يبقي سوي

انا مش فخور  بس انا مش اسف ع الي عملته
كونكو انتو الي عملتو توهه فاظن انا عايز اسف منكو
عايز احس بـ اني طبيعي , مش عايز اكون لوحدي
عايز اشوفني ان انا مش مسخ انا بس حد الناس اذته فاتشوه


توازي بعد دماغي خل توازن العالم
أنا اكتر حد قريب منك بس انا اخر حد جالك
اخر واحد بعت رساله مع انك دايما معايا
اخر واحد كنت انا للاسف .. صلي عليك الجنازة

انا اسف .. عشان عمري انا ما كنت فارق
عشت دوبلير فحياتهم و مسكن دايما ببقي تالت
كنت زي ميدوسا قلوب الناس كانت بتبانلي حجر
داسو عليا مية دوسه و لسه واقف عشت بطل

انا .. عمار حسني كان شرف ليا اعرفني
كاسر عين الدنيا بحالها وكل الدنيا خصمتني
كنت جمبي وقت ما كله شافني مش نافع و اعييب
بكره تقولوا كان زميلنا و رب السما انا هبقي السما قريب

عارف .. كرهتك قد ما احتاجتلك 
كل مره كنت بضطر اشتغل فقهوه كنت اكرهك
كل اما اعدي ع الفتارين و يكون ف نفسي بس معييش
و كل مره ببص لحد و احس نقص انا ليه معنديش

انا مش عايز منك فلوس ولا عايز حضنك
بس بلاش تبصلي نظرة اني اعرك او خيبت املك
كان بودي ارضيك لكني مظنش اني هعرف انسي
ان انت اكتر حد اذتني و انا اكتر حد حبك

كرهت الغنا .. مع انه سمعني كتير
انا بسيط لدرجة اني بحكي حياتي فضلمه و هاند فري
موهوب لكن مغمور .. تعبان و مش هقول
البلد دي ملك الباشا و احنا يادوب بضاعه فـ سوق عبور

اخوك شواف .. و الشغله اخرها فالاستيفا
و الكرفه الي تجيب صحاب مش جدعه نصيحه مني ارميها
مش مستاهله ورب السما .. رزقك متحاشلك فوق
كنت اسمع ازان ربنا لكني مملعن مش بفوق

شوفت صحابي عماهم ضرب والابر برت شرايينهم
و الدبل زفرت ايدهم و الحريم فرقت بينهم
مش جدعنه .. ان انت بتاع حكايات و خالصه معاك
احسبها صح و اسمع مني بهدلة امك احسن م الاقسام

شقيت من صغري .. و كات مكتوبلي اكونلي اهل
عشان ملكش حد مش حابك تكون لوحدك زيي
و عشان الدنيا مبترحمش حد و وسخه 
هو حل من الاتنين يا تكون ديلر يا تعيش سايقها

سلم السلكان و نام و سيب وسختك تحكم احلي
سيب الدنيا خراب و كاحله كده هتدور و كده هتور النحله
مش بنهاب من بشر
لو عليا انا عندي زياد بالدنيا فغوروا مش هنقص من بشر

"كمال" دماغي فـ انها غاليه "دهب" و "لولي"
فكري عايش جوه "الدوحه" و"عوني" فاني كنت بطولي
"كان رفيق طريقي "حجر" جدع و انا كنت "فلسطيني
فتحي" لـ قدسي "نور" محتاجني اكون "كسار" و اهد سوري"

بشكلة" دماغي كات محتاجه مني شريط مهدئ"
اندرو" قالي بكره اسوء متركزش عشان هتتعب"
كل الغنا تعبني اكتر و اكتر تفتكر هتجنن
اعتبره "دبش" كلام مملعن

Ammar Hosny " عازف " - hallucination | هلوسه

وتـلـف بـيـنا .. تـبهـدل فـينـا .. فـ نـرجـع نحـكى
وأديـنـا شقـيـنا .. مـكـانـش لـينـا .. أخـويـا عـض فـ كـتفـى
مـكـنـاش كـده .. الـدنيـا مـفيهـاش خـشـى
💔وإلـلى عـاش بـ وش واحـد كـان سـالـك فـ مـكـنش مـحل ثـقـة

تراك حكْاي | Track HAKAI

الكلمات :

انا مش عايز اتوحشك .. انا مش بوحشك
قدري اللعبه كسبتيها وانا خسرت .. كش ملك
الناس فـ قلبي بتكوي اتمني تكوني بخير 
مع ان انا مش عايزك تنسي بس اتمني تكوني بخير

انا مش جميل و بكرر .. انا مش امير
انا بضايق و بسهر بتعب و اكتم لما اشيل
معقول كل الي فات تمثيل ؟ محبتنيش
مطحون ما بين شوقك و شوكك كيف احبك متأذيش 

خسرتي كتير .. حبيتك و الله غالب
مش حابب نفسي معاكي و مش حاببني اشوفني شارب
سكاكنا بعدت حتي لو بقينا جيران
لم اعد كما عرفتيني .. انا شخص كل املي انام

بعاني من كوابيس الوحده فـ وسط البشر
الناس بتفل قلبي اظاهر ان قلبي اتكسر
انا عقلي بيخوني و شكي بيجنني
الضرب فـ مخي كان فـ مقتل "كلهم باعوني يا جني"

---------------------------------------------
بعجز .. انا بكبر لما اركز
جوايا ضلمه كتير فـ بهرب م البشر و بخفش
كل الخلق دي شمع كل الناس دي فشتك
مش هيحبوك لو نضيف لكن هيحبوك لو بتكدب

مبقتش تغلي عليا تاني عشان اعاتبك
مش عايز منك حاجه افتكر بس مين الي عملك
اناميلت بس هقوم و انت هتفضل بنقصك
كل دول تماثيل مبيحسوش محدش هنا بيحبك
---------------------------------------------

دماغي فوضي .. جم كركبوني و مشيو
نسيو بيا الي مسهرهم لما سهرت عشانهم نسيو
كل الحكاوي دي عني و مفهمونيش
كنت انت فين الدنيا كانت بتصفيني مرحمتنيش

الفتره دي هتعدي مشاكلي غيروني
عادي بس مش هنسي اني عديت الايام دي بطولي
في تحت جلدي جحيم بيبان سليم من بره
انا اتلويت بحزن فـ قلبي و انتي اتلويتي فالسهره

مش نافعك راجل .. هقدرك مداس
سبحان من جمع بين وساختكو اتمني تكوني بخير معاه
ابتسمي اهو حبك امير من ديزني
قابليني لو لقيتيني فـ حد و لو عرفتي تنسي

انا كنت جمبكو لما تعبتوا .. انتو فين دلوقتي ؟
انا مش زعلان مـ الحزن زعلان اني حزين لوحدي
الوضع صعب "شخص ضد الدنيا بحالها"
الله يعيني علي ما بلاني و الله يعيني علي هيبقي

---------------------------------------------
بعجز .. انا بكبر لما اركز
جوايا ضلمه كتير فـ بهرب م البشر و بخفش
كل الخلق دي شمع كل الناس دي فشتك
مش هيحبوك لو نضيف لكن هيحبوك لو بتكدب

مبقتش تغلي عليا تاني عشان اعاتبك
مش عايز منك حاجه افتكر بس مين الي عملك
اناميلت بس هقوم و انت هتفضل بنقصك
كل دول تماثيل مبيحسوش محدش هنا بيحبك
---------------------------------------------

زعلان و ربك .. مافيش بشر بتطبطب
عشت وحيد مع اني اتقالي ان انا جدع و اتحب و ابيض
و انا مستاهلش لكني هونت بـ كسرة خاطر
عشت اكمل فيك من لحمي هزلت و ما زلت ناقص

شوفت الاغاني ازاي اذتني و غيرتني ؟
مكنتش كده و عهد الله يا دنيا ما مسامحك فـ حقي
بشوف فـ عجز وشي حكاوي بتحزني
كلها قلت اصلها الفتره دي و كلها نسيتني

بكره هتحتاجني .. ضهرك مسيره يحني
خوفت عليك من شر الدنيا يطولك و انت توهت مني 
علي نفس المنوال انا حظي مش شغال 
بنجد من حكم الاعدام و البس مؤبد بالاشغال

و اخرتها فين ؟ بطولي كده هتصفي
مكنتش عايز حد يمشي كنت عايز اصفي
عموما سهله .. بكره الايام تنصفني 
ميستاهلوش و رب الكون .. مش عايز اكون امير يا جني

---------------------------------------------
بعجز .. انا بكبر لما اركز
جوايا ضلمه كتير فـ بهرب م البشر و بخفش
كل الخلق دي شمع كل الناس دي فشتك
مش هيحبوك لو نضيف لكن هيحبوك لو بتكدب

مبقتش تغلي عليا تاني عشان اعاتبك
مش عايز منك حاجه افتكر بس مين الي عملك
اناميلت بس هقوم و انت هتفضل بنقصك
كل دول تماثيل مبيحسوش محدش هنا بيحبك
---------------------------------------------

Ammar Hosny " عازف " - Wax | شمع

الكلمات :
كتابتي فن .. واحد زيي كان المفروض يتجن 
شكرا المزيكا عشان سمعتني حقيقي انا ممتن
و بين حكاياتي ظهرت بشر .. حزني عاش و اتحفر
كل الي سمعني بقي مني كمانجتي ليها مليون وتر

و انا مش بخرف مهما يملعنوني انا فايق
قالو غني .. غنيت قالولي لا صوتك بيضايق
تايه فـ زقايق مخي بتلبسني فـ سد
مرعوب من جملة " لوحده من يومه مجنبوش حد"

انا مش وحيد الناس لوحدها من غيري
مهما كبرت ف عين الناس هتشوف نقصك ثابت فعيني
متتلويش سمك مبقاش يحوق فيا
مهما كتفتي ف ضلوعي انتي اسمك حيه مش حوريه

مريض بفرط الوعي بتهلكني التفاصيل
بشيل حبايبي جوه دماغي العالم بره مش جميل
انا مش بخير .. امانه ما تسيبوني
قولتلكو انكو نورعنيا مكنش جزاتي انكو تعموني 

رموك ف نار ده مش هزار متضحكليش
قالولك ياما عمار انت كويس ؟ و انت قولت مافيش
متبصليش .. سيب الايام تشفيك 
محدش فيهم زيك ليه مستني حد يحس بيك ؟

انت اترميت تلاكيك ما صدقو ينسوك
كل الي ف مخك دول اذوك فدماغي عالم م المسوخ
وبحاول ابقي .. انا عاجز اني انهار
لحم كتافهم كان من خيري خلاص نسيت اخوك عمار ؟

مافيش دخان فالجو مع ذلك بتحرق
انا مبانش عليا يومها بس بان علي جسمي التعب
انا حزني ميعبنيش انا عايش متخافيش
هكسر عينك كل ما انجح قلبي الي اتكسر هرميه

متلزمنيش خلاص انتي ارخص من اني احبك
بيني و بينك الايام و لو اني ايامي كات ف صفك
انا نجم حتي لو حاربوني و انكروني
يكفي ان انا بقالي خمس سنين معجزهم بطولي

و منين ما تودي يا دنيا هيبقي ليا مقام
قد ما حظي كان قليل قد ما هبقي عظيم قدام
مش زي حد انا فرصه تشوفني ف عمرك مره
زي ما تكبرها عليا زي ما هنسي اسمك بكره

بطلت اهتم الناس كده كده هتسيبني
خف العشم .. الناس فترات كله بيخلص و بيمشي
انا مش زيك انا شايل عالم فوق كتافي
اخوك بيعادي مهما يعادي اخوك قد الدنيا فعادي

Ammar Hosny " عازف " - hallucination | هلوسه

the hunter | الصياد ✪