Ammar Hosny - Zar 2 _ عمار حسني - زار 2 X Kassar X Mahib sleat(MP3_160K).mp3

نص كرفه | nos karfa

بلاش تغني ..
حط هاند فري و علي الصوت و ركز ف كل تفصيله و كل نبره !
mix&master : awney adel
sample music : awney adel
video prod : ammar hosny

شوفه الفيديو ع اليوتيوب <3
https://www.youtube.com/watch?v=4Dt0rm6pHOk

-------------------------
عمار .. مضطره اسيبك كل شئ انتهي 
تعبت م المشاكل بردو تعبت م البهدله 
انا و انتا مش لبعض من زمان و بنكدب نفسنا 
و عادي بكره تحب غيري و تبقي تمام مش كده ؟ 

خطيبي كويس ما انت عارفه و امي حابه اهله
ناجح و طيب بيحبني و حلمه ابقي جمبه 
انا اسفه لكن امي رفضت اتعلق بفاشل 
حاول تعيش لبكره و بعد اذنك انسي امبارح 

انا عارفه انك محتاجني لكن حضني مش هيساعك
زعلك كتر بقيت كئيب كرهوك فين صحابك ؟
ارجوك سامحني و افتكرلي اي ذكري حلوه 
ياريت متنسانيش بلاش تغني عشان ربنا 

مش عارف ليه حسيت بأني اول مره اتساب 
و لا عارف جبت برود الكون ف لحظه بس ازاي
دمعت ف سري كتبتلك تمام قولتيلي مالك 
انا كويس لوحدي سيبني و امشي الحق معادك :)

اه متخافيش سرك ف بير لو سألو قولي خاني 
قوليلهم كان كئيب حب المزيكا اكتر مني 
و فضلت اغني .. و الناس تسمعني و تسقفلي 
اخر دقيقه ف المشهد بكيت حبوني ابكي 

و انا لحم و دم بردو حد عاش تايه ف ارضه 
ضيعت عمري لاجل ناس اوساخ وطلعو فلصو 
عادي .. مش عايز منك اي حاجه ف امشي 
انا مش كارهك و مش حابك و مش مهتم اصلا

عجازك باش مع الزمن بلاش تسنديني 
قولتلها انا تعبان قالتلي سيبني فيا الي مكفيني :) 
شجرة عشم طرحت زعل و قلة جبر خاطر
انت الوحيد عرفت تكسر قلبي فيهم شاطر 

مسيرك بكره تحضنيه و تشمي ف حضنه ريحتي 
بلاش تمثيل قوليلهم كل يوم بشوفه ف حلمي
عموما اتمنالك تبقي احسن ويا ناسك 
و ان كان علي الي بينا مات خلاص متخافش خالص
-------------------------
تصبحو ع خير ..

بلاش تغني | don't sing

Elska da2t ©
Mix & master : The 12 Studio ®
Prod by : awney adel ©
-------
كتر العياط بيموت كسرتك بتقوي قلبك 
جدع و عشان جدع رموك ياعبيط محدش جمبك 
في شوارع ضلمت و ناس اتيتمت بالحيا 
انا طيب عمري ما اتمنيت لكل دول الاذي 

مش قولت عادي ! بتعيط ليه دلوقتي 
انا كنت متعشم زياده و العشم قتلني ^^
انا بخسر كل يوم ف ناس حبيتهم من غير سبب
من 6 سنين انا كنت كويس بس الوضع اتقلب 
مش فاضل من بواقي امبارح غير ذكري بتأذيني
اشمعنا انا مضايق كل الناس دي مبسوطين :"))
بزعل عشان صحابي كسرة عوني بتموتني 
لو كان بأيدي كنت اموت عشان تكون كويس :)

----------
و ارجع لوحدي .. سابوني و زهقو من كئابتي 
و عياط الناي بليل ف اوضتي يحكيلك بلاوي
و اداري خيبتي .. و ارجع مخنوق العن ف بختي
ميال و بختي بيعاندي ازعل ف ابيع حكاوي 

و ارجع لوحدي .. سابوني و زهقو من كئابتي 
و عياط الناي بليل ف اوضتي يحكيلك بلاوي
و اداري خيبتي .. و ارجع مخنوق العن ف بختي
ميال و بختي بيعاندي ازعل ف ابيع حكاوي
---------

و اغني تاني و احب ناس اكرها لما ترجع
و افضل اغني طول الليل لناس مش عايزه تسمع 
عمار انا اسفه .. خلاص لازم نسيب ايد بعض
موحشتنيش .. مش هرجع تاني اسف صعب

مافيش راجل بيعيط .. متوريهمش كسره
ربونا نكون رجاله بحبك بس كرامتي ابقي :)
و انا اجدع من الي حبك كنت احن عليكي منك
لو كحلك غطي ارضي بردو مش هقول بحبك 

و انتي .. مكنش قصدي ائذيكي .. انا اسف
مش حابب اشوفك تبقي لوحدك هبقي لوحدي معاكي
اخر عازف ع الارض .. انا مش ببيعلك ورد 
بياع و مش هبقالك مش هحبك قلبي جض

بنتحارب من اهل مفكرين ده ف مصلحتنا 
يمكن ف زمن تاني هنتجوز و نبني بيتنا 
ظروف بتكسر و الموضوع مبقاش يضحك خالص :)
اخر مشهد ف الفيلم كله كدب السكه ضاقت :)

L Ska Da2t | السكه ضاقت

Ammar Hosny " عازف " - Mermaid | حوريه

❣
الكلمات :
وسط وحل العالم بجري .. مبخافش غير من نفسي
عندي تلت عادات مؤذيه تفكيري و سكوتي و سهري
بوشوش زن العالم و مصاحب حيطان
سيبتلك هدوء فيروز سيبت دماغي فمهرجان

من سكه لسكه اتسكتنا بحاجات سكنتنا
سكنت ف اوجاع اذتنا ليه مسكنا فناس نسيتنا
سلكنا هلكنا مستفوش عشرتنا بنكله
كنا بخير من غير الناس شوفت الدنيا غيرتنا

ده مولد .. انا اسوء ياما م الي مبينهولك
لسه باقي الزار فدماغي صار عفاريتي بيندهولك
انا شخص مش مؤذي لكني باخد حقي
مش بنسي فيستحسن لو بتفكر تأذيني اقتلني

انا مؤمن بس مش شيخ .. حد وحش بس ييعمل خير
حد بايع بس بيزعل عليك .. حد ضايع بس قادر يهدك
 بضحك فعلا بس جوه جضيت .. صدقني حاولت لكني مليت
انا يمكن مجنون لكني اتحبيت .. الزار بيبتدي حد يعلي البيت

-----------------------------------
قلبي يأن  وليس يغنيه الدوا
هان الهوا بينى وبينك كيف ذا !
يا سيدي كيف الوصال بلا وصال
وبوصله يهوي قريني بالغرام
-----------------------------------

بين دقات الساعه بظهر .. مر مش مسكر
باب الحظ بتاعي مسكر  نفسي تفكيري يتخدر
بحلم لكني شايف كل الجي كابوس 
كل الناس بتشوف من بره محدش بص ع الكالوس

القلب فنار و العمر طار و انا شكلي عجر
انا مش زي ما انت شايف بص جوه عيني كويس
النحس ده متأيف عايزينك متكيف
مش عايزين تفتح عينك مش ممتاز كفايه جيد

كده ولا حاجه فتفكيرنا الدنيا بتقتلنا فكلمه
كلامي كان سم لكنه شفاك من اوهام ساكنه و عايشه فودنكج

و انا منك بس انا مش زيك ف انا هبعد عنك
مش بحكيلك لاجل انك تأذيك انا قصدي احميلك ضهرك

ركز بس و افهم لما تتعب كله هيخلع و يسيبك تولع
لما تنسي مش هتتعب لما تمسك اكتر كله بيخلع
خليك اقوي خوف كله منك انت احسن مما كانو عايزنلك
ششششش علي الصوت و حرك جسمك
فعلا بس جوه جضيت .. صدقني حاولت لكني مليت
انا يمكن مجنون لكني اتحبيت .. الزار بيبتدي حد يعلي البيت

-----------------------------------
قلبي يأن  وليس يغنيه الدوا
هان الهوا بينى وبينك كيف ذا !
يا سيدي كيف الوصال بلا وصال
وبوصله يهوي قريني بالغرام

فـ دوامه ..

-----------------------------------
عآش يـ عمار 💙

Ammar Hosny  عازف  - Zar  زار Ft. Kassar كسار

الكلمات :
ضيعت نفسي
مكنش طريق غير ده ف انا اسف لو همشي
حكيتلك الف مره عني 
اكيد كان في حلول احسنلي كتير من اني اغني

تختار طريقك ولا تختار الي ولي ؟
عندي جوه دماغي ونه عايش طول اليوم ف دوشه
بحكي لورق كلام خانقني و بيكلمني
لو ع البكا انا بمسح دمعي ولو ع القرب انا بحضني

مش عايز اروح مصحه انا مش سليم لكن بتعافي
من جوه في جحيم من بره في تلاجه
انا بتدهور و مش برتاح و مش هقولك
بقالي سنين بحكيلك قولي شوفت ايه غير صورتك

يا اهل الله انا مش بياع كلام ما تطبطبوني
شاري خاطري بكام يعم ليه حبايبي رخصوني !
الطير موقعش ف الي زيه و رب السما
وقعنا فناس ما تنداس بالرجلين لا مش زينا

------------------------------------------------------ 

الكلام مبقاش يصفي .. الوقت مش فصفي
عايزينك وانت كويس مش هيحتاجوك لو مطفي
كان ممكن ابقي بس ربك لما يريد
اعرف الف صاحب حرفيا فقولي انا ليه وحيد

مافيش غريب .. كل الي زاد كان حمل
 مش هحبك و انت تمل اعذرني انا اسف لو فهمت
ده عفار بشر  فخلي بالك في وساخه
احذر المنظر فالواقع لا يبدو زي المرايه

------------------------------------------------------  

انا بتلاشي
مافيش مكان لصورتي و في ع الشاشه صورة الباشا
صفت فعيون الخلق و تحت عيني شتت
قسمنا كل شئ بالنص زعلت و هي فرحت

حزين لكن مش هين احكيلك و ابين
انا بتكلم لما بيأس العالم ده مش حنين
هيكعبلوك ف مسوخ هيعلقوك يسبوك
هيعجزوك ب اخوك هيجيو عليك عشان معكش ابوك

شوفت ازاي محدش فينا وصل لحته ؟
كأني معبي خلق فقلبي بتمشي فكل شده
خذلانك انت فحته و تعب الكون فحته
يعني سهله الدنيا تيجي عليا بس صعبه منك 🙂

انا متحاوط بفضول بشر بارد بيأذي
كنت زمان تتمني مني كلمه دلوقتي ملتني
اكيد هتليل و انت هتختفي يا ضلي
حطيت بشر فوق راسي كان مفروض البسها فرجلي

------------------------------------------------------ 

الكلام مبقاش يصفي .. الوقت مش فصفي
عايزينك وانت كويس مش هيحتاجوك لو مطفي
كان ممكن ابقي بس ربك لما يريد
اعرف الف صاحب حرفيا فقولي انا ليه وحيد

مافيش غريب .. كل الي زاد كان حمل
 مش هحبك و انت تمل اعذرني انا اسف لو فهمت
ده عفار بشر  فخلي بالك في وساخه
احذر المنظر فالواقع لا يبدو ك فالمرايه

Ammar Hosny " عازف " - Dust | عفار

Ammar Hosny  عازف  - Rug  بساط

الكلمات :
عدينا كتير يا صاحبي .. مافيش اغاني بقت بتهدي 
شوف مين معانا و مين علينا مطر المصلحه بيصدي
تتمني اموت و تخوني اعيش بدعوة امي
صاين نفسي بنفسي مش محتاج ل بنت حوا تصوني

و بنحكي حكاوي الناس حبيتها ف ليه كرهونا
حلم منامهم كان يأذونا كل ما نالهم غل انسونا
ابقو افتكرونا بخير مشوفتوش منا غيره
و احكو عن ايامنا معاكو نضفناكو لو نسيتو

كتر الحوارات بتصدع مخي وساخة البشر
مش هيفرق اسفك دلوقتي في شئ جوايا اتكسر
انا مش ضعيف بس الدنيا اتكاترت عليا
محدش مد ايده يشيلني كل كان بيعجز فيا

البرد بيفكرني بحضنك لما سيبتك
رجع ديسمبر تاني بيقولك يا عبيط ما تنسي
سكك السلامه تساع حبايبنا لو نسيتنا
هما ليهم دنيتهم و انا و انت لينا مزيكتنا

شلتك كسرت عضم كتفي .. قدفت و انتي غرقتي
ضيعتلك عمري و منفعتينيش شبه موهبتي
أنا مش قليل الاصل بس الناس دي ناقصه
يشبهو المداس فوساخته بس بيلمعو من بره

انا مش بخرف حتي لو بقيت مجذوب
علي قد بساطتي مش مفهوم كامل مع اني كلي عيوب
مسير الدنيا تلف مركبك لشطي
بكره يبان بعد المطر مين الدهب و مين هيصدي

منغير كلام شاورلتلي و مشت
ضحكت عشان كملت
حبت كل اللي سابها و جت عليا و اتأذمت
داري . ان كان قلبك لا يبالي 
كان حبل الوصال مسنون عور ايديا مهمكيش ترحالي

و اتوه ملاقيك و اتأمل
نار قلبي مهدتش البرد ديسمبر
و انا علي حالي مش ببكي جفا لنفسي
و حكي ياما عن حالتي تملي

مغنواتيه . نكتب و نحكي و يعزفو الالتيه
و في اصعب حالاتي اتوه مابين الاتي تحسي بيا
اتوحشتيني . ياللي الغني من دونك مالو معني
ليش كل اللي اشتقنا ليهم لما هلكنا حبو وداعنا


"الله غالب .. ليه بتأذي فيا "بحبك مش بنحارب
ما بتشغلني الدنيا طول مانا عايش امي تكون دعيالي
والله اشتقنا .. نتعب نتجمع و الدنيا تفرقنا
نستحمل و نأذي بعض ولا نتقابل في الجنه


ياللي الكلام وياك معادش بفايده حزني اتكوم
علمتك كل حاجه و علمتيني اخون

شلتك كسرت عضم كتفي .. قدفت و انتي غرقتي
ضيعتلك عمري و منفعتينيش شبه موهبتي
أنا مش قليل الاصل بس الناس دي ناقصه
يشبهو المداس في وساخته بس بيلمعو من بره


انا مش بخرف حتي لو بقيت مجذوب
علي قد بساطتي مش مفهوم كامل مع اني كلي عيوب
مسير الدنيا تلف مركبك لشطي
بكره يبان بعد المطر مين الدهب و مين هيصدي

Awney Adel بياع الورد - Musicians   مغنواتيه Ft. Ammar Hosny عازف

الكلمات :

انا مش عايز اتوحشك .. انا مش بوحشك
قدري اللعبه كسبتيها وانا خسرت .. كش ملك
الناس فـ قلبي بتكوي اتمني تكوني بخير 
مع ان انا مش عايزك تنسي بس اتمني تكوني بخير

انا مش جميل و بكرر .. انا مش امير
انا بضايق و بسهر بتعب و اكتم لما اشيل
معقول كل الي فات تمثيل ؟ محبتنيش
مطحون ما بين شوقك و شوكك كيف احبك متأذيش 

خسرتي كتير .. حبيتك و الله غالب
مش حابب نفسي معاكي و مش حاببني اشوفني شارب
سكاكنا بعدت حتي لو بقينا جيران
لم اعد كما عرفتيني .. انا شخص كل املي انام

بعاني من كوابيس الوحده فـ وسط البشر
الناس بتفل قلبي اظاهر ان قلبي اتكسر
انا عقلي بيخوني و شكي بيجنني
الضرب فـ مخي كان فـ مقتل "كلهم باعوني يا جني"

---------------------------------------------
بعجز .. انا بكبر لما اركز
جوايا ضلمه كتير فـ بهرب م البشر و بخفش
كل الخلق دي شمع كل الناس دي فشتك
مش هيحبوك لو نضيف لكن هيحبوك لو بتكدب

مبقتش تغلي عليا تاني عشان اعاتبك
مش عايز منك حاجه افتكر بس مين الي عملك
اناميلت بس هقوم و انت هتفضل بنقصك
كل دول تماثيل مبيحسوش محدش هنا بيحبك
---------------------------------------------

دماغي فوضي .. جم كركبوني و مشيو
نسيو بيا الي مسهرهم لما سهرت عشانهم نسيو
كل الحكاوي دي عني و مفهمونيش
كنت انت فين الدنيا كانت بتصفيني مرحمتنيش

الفتره دي هتعدي مشاكلي غيروني
عادي بس مش هنسي اني عديت الايام دي بطولي
في تحت جلدي جحيم بيبان سليم من بره
انا اتلويت بحزن فـ قلبي و انتي اتلويتي فالسهره

مش نافعك راجل .. هقدرك مداس
سبحان من جمع بين وساختكو اتمني تكوني بخير معاه
ابتسمي اهو حبك امير من ديزني
قابليني لو لقيتيني فـ حد و لو عرفتي تنسي

انا كنت جمبكو لما تعبتوا .. انتو فين دلوقتي ؟
انا مش زعلان مـ الحزن زعلان اني حزين لوحدي
الوضع صعب "شخص ضد الدنيا بحالها"
الله يعيني علي ما بلاني و الله يعيني علي هيبقي

---------------------------------------------
بعجز .. انا بكبر لما اركز
جوايا ضلمه كتير فـ بهرب م البشر و بخفش
كل الخلق دي شمع كل الناس دي فشتك
مش هيحبوك لو نضيف لكن هيحبوك لو بتكدب

مبقتش تغلي عليا تاني عشان اعاتبك
مش عايز منك حاجه افتكر بس مين الي عملك
اناميلت بس هقوم و انت هتفضل بنقصك
كل دول تماثيل مبيحسوش محدش هنا بيحبك
---------------------------------------------

زعلان و ربك .. مافيش بشر بتطبطب
عشت وحيد مع اني اتقالي ان انا جدع و اتحب و ابيض
و انا مستاهلش لكني هونت بـ كسرة خاطر
عشت اكمل فيك من لحمي هزلت و ما زلت ناقص

شوفت الاغاني ازاي اذتني و غيرتني ؟
مكنتش كده و عهد الله يا دنيا ما مسامحك فـ حقي
بشوف فـ عجز وشي حكاوي بتحزني
كلها قلت اصلها الفتره دي و كلها نسيتني

بكره هتحتاجني .. ضهرك مسيره يحني
خوفت عليك من شر الدنيا يطولك و انت توهت مني 
علي نفس المنوال انا حظي مش شغال 
بنجد من حكم الاعدام و البس مؤبد بالاشغال

و اخرتها فين ؟ بطولي كده هتصفي
مكنتش عايز حد يمشي كنت عايز اصفي
عموما سهله .. بكره الايام تنصفني 
ميستاهلوش و رب الكون .. مش عايز اكون امير يا جني

---------------------------------------------
بعجز .. انا بكبر لما اركز
جوايا ضلمه كتير فـ بهرب م البشر و بخفش
كل الخلق دي شمع كل الناس دي فشتك
مش هيحبوك لو نضيف لكن هيحبوك لو بتكدب

مبقتش تغلي عليا تاني عشان اعاتبك
مش عايز منك حاجه افتكر بس مين الي عملك
اناميلت بس هقوم و انت هتفضل بنقصك
كل دول تماثيل مبيحسوش محدش هنا بيحبك
---------------------------------------------

Ammar Hosny " عازف " - Wax | شمع

the hunter | الصياد ✪

Recent comments

Gamalzaki

mohamad Ahmed

TᗩᖇEK ✪

عمر عيد

Related tracks