ولداً متين بقى للسفر .. والإغتراب والدردره 🥺

sudanyat

بَرْداً سَلامْ ........
"ياااااااا وَطَنْ عِزَّ الشدايد ..... حِمَّيد"
(1)
ما بتَغْرَقي،
يا الزَّينةْ هوي،
يا رَاكْزَة مِنْ زمَن الْمَطَرْ نُقَّاطْ
مصوبَرْ في السَّحابْ: 
(زمَنْ السَّحاب لِسَّعْ صَبي،
وبنيَّه زي عُشباً طري،
وما آنْ أوانْ .....)
زمَنْ الْمَطَرْ عشَماً بَلِيلْ،
زي خَاطْرَةْ بِتَّاور الأرِضْ،
أو فِكرةْ في بَالْ الشَّجَرْ ......
كم مِنْ مطَرْ
دقَّ وفَتَرْ 
والمويه وِصْلَتْ للْكُتوف
خافتْ قُلوب النّاس عليك
يمكن خلاص تمحاكي 
ما يفضِّلْ أثَرْ ......
أهو زي عوايدِك
هوبْ: بتمرقي مِنْ مكايد المويه
والسَّيل الْخَطَرْ ......
(2)
ما بتَغْرَقي،
بِغْرَقْ رُعاةْ الْغَفلة
في شِبْرِكْ ..... عشانْ عابرينْ سبيلْ
ما بجُوكي يِنْهَرُوا موجك الْهدَّام
يتارسُوا المويه، لا،
ديلْ ناسْ سَفَرْ
مارقين إذاً للرِيبة، 
والتَّلَفْ الْقَبيلْ حَدَفُمْ عليك .......
ديلْ بِغْرَقُوا 
وقتين يجي الطوفانْ
تَخُتِّيهُم تِحِتْ رجليك
وتطلَعي للجَبَلْ ........
(3)
داخرِكْ يقينْ
ما تخَنْقِكْ الْعَبْرَة
وتنَهْنِهِي في خَفاكْ
ورَّينا صوتك لمَّا يملاكي الصَّباح
لَيْ حَدْ جبينِكْ بالضياءْ
يغشاكي خيرك
قبلِ ما يرتَدَّ طرفك
أو يرجِّعْ ليك غُناك 
هُدْهُدْ مُوَلَّهْ بالْبُشاراتْ .... والْعَدِيلْ
ما بتَغْرَقي،
ما بتَغْرَقي،
ما بتَغْرَقي ...........
عصام عيسى رجب
الخميس 8 أغسطس 2013 م


بَرْداً سَلامْ ........

فلق الصباح - حنان النيل

مرت الايام حبيبي...
ولسه.. ظالمنا الزمن...
اصلو ما قايلين وحاتك..
ندفع ألافرح تمن..
آ ه... مر التمن...
في هجير الدنيا ماشي..
اصلو لا ظل لا غمامه...
حبيبي يا حبيبي يا حبيبي...
تبكي عيني من حنينا...
تبكي فاقده الابتسامه...
حبيبي يا حبيبي يا حبيبي...
تشرق الدمعات وترجا...
يا صفاها... يا مناما..
حبيبي يا حبيبي يا حبيبي...
يرجى طيفك مره عابر..
يقرا في دموعا الملامه...
حبيبي يا حبيبي يا حبيبي...
تكتم ألحيره وتغازل...
تسأل النجمات...الى ما؟
إلى ما؟
إلى ما؟
خليتني أنا هنا
أغالب النور للزمن...
بقاني سواح
سواح
سواح
سواح
تهيجنا الذكرى.. وأنادي عليك..
وأبرى سراب بعيداً لاح..
اباري النجم لم يلوح....
يفوت يروح لحبيبتي صباح...
اكافي الشمس لم تغيب ...
شان ألقى سناك وأنوم مرتاح...
بقيت مسافر وسط الريح...
وزاد الرحله جنون وجراح...
أتعب مره وارتاح مره
ومره اهذي مع القمره
يا القمره يا القمره...
اقلبي السنسنة الحمرا
وشوفي حبيبي غاب ما جا..
اه ..اه ...لو تسمع اه
حبيتا وهويتا
لكن مني ضاعت
املي البنيتا
للدنياي راحت
وراحت م لقيتا
امالي البنيتا راحت ف ثواني
احلامي اللقيتا ضاعت مني تاني
الورده الرعيتا وسقيتا بحناني
ياريت م هويتا ضيعت الاماني
انا قايلك حنينه لعهدي بتصوني
انا قايلك امينه تنسيني ظنوني
تاريك ي ضنينة لهوايا بتخوني
هدمت املي فيك ي حليل البجونا
ودعتك وداعا م من بعدو عودة
حطمتي الاماني وضاعت من وردة
تاريخي وزماني زي السيف وحدا
قطع لي قليبي وحرمني المودة

سواح - النور الجيلاني

يا راحل بدون إنذار

ما بنمشي لي ناس ما بجونا - العميد احمد محمد عوض

عقد الجلاد - فاجأني النهار  at Mgd AlDin

عقد الجلاد عطبرة

اذكريني يا حمامة - مصطفى السني

سميرة دنيا عشرة الايام

محبوبى لاقانى

قمر العشا الضواي+الكنداكة

Mustafa alsunniقمر العشا الضواى+الكنداكة

صابر معاك - مآمون سوار الدهب

محمود عبد العزيز آسرني يا مياس

الجابرى - رسالة شوق - صحيفة شبكة سودانيات الاليكترونية

ليالي البروف - يناير ٢٠٢٠

عقد الجلاد عطبرة

Azzam Abusaleem

Recent comments

Hussein Gali ELmnsoub

Bobo

Areeg Mahmood Mahmood

Ali Abdelrhman

Related tracks