لا الزمن يقدر يحول قلبي عنك🤍

لااا التحيا ولا المشاعر الحية في جويا الحناياااا 
لارسالة تجيني منك لاخبر طمني عنك

رغم انك انت عارف انو منك

لا المسافه ولا الخيال ببعدني عنك

لا الزمن يقدر يحول قلبي عنك...لا المسافة ولا الخيال يشغلني منك

يبقى ايه الدنيا من بعدك تكون ؟
وابقى ايه بعدك اكووون ؟

الاداء في الدقيقه 9-9و20 ثانيه شي خرافي

أظنك عرفتى
كلمات : جمال حسن سعيد
لحن و اداء : مصطفى سيد احمد

أظنك عرفتى .. عواصفك مهبـّى
أبارى فى خيالك  يسوقنى ويودّى
ونهرك يعدى .. ويجهل مصبّى
هواجسى البتزرع .. وظنـّى البربى

لقيتك خواطر بتصحى وتساور
وطيفك يزاور .. وروحك تحاور
تجيبنى فى زمانك موشـّح أساور
أقول بس نسيتك وجرحك يتاوِر

أظنك عرفتى .. عذاب المغنى
وطبلو المجدّع شظايا التمنى
حروفه البتجزع فى لحظة تجنى
خطاهه البتهرع متين تطمئنى

مسرِّج خيالك .. حصانى القبيل
معربد غباره وخلّى الصهيل
مسافر .. مسافر .. وفاقِد دليل
أظنـِّك عرفتى هموم الرحيل

اظنك عرفتي

مصطفى سيد أحمد - الحزن النبيل

مصطفى سيد أحمد - أسئلة ليست للاجابة

مصطفى سيد أحمد - في عيونك

مصطفى سيد احمد - الممشى العريض-عود

ود مدني 
الاغنية من كلمات القامه : خليل فرح 

اصبحت تلك الأغنية بعد ملحمة قُدِّر لها أن يتغنى بها أبناء الجزيرة / مدني : الحاج محمد أحمد سرور ( قام محمد بشَّر ) وبادي محمد الطيب ، وأخيراً محمد الأمين ...

الخليل كان يعرف قدر هذه المدينة لأنها كانت هي من تهيئ لهم سبل الراحة والأمن عندما يشتد رقيب الانجليز عليهم في الخرطوم وأم درمان فكانوا يهرعون إليها فليقوا عند ساحاتها ومسيد شيخها مدني السني اليقين والسلوى وفي قراها الأمن والحب والترحاب ..
ولأن الخليل يعرف كيف يعطي الأشياء حقوقها اختار مدني وربطها بالنضال ووفاءً وإخلاصاً ..
كتب الخليل قصيدته ( مالو أعياه النضال بدني) وهو يعاني المرض في أواخر عمره

رائعة : ود مدني ✘ محمد الامين

ماطال في بحرك في مى_مصطفي سيد احمد

مصطفى سيد احمد - غدار دموعك -  جامعة ام القرى - جده 1986

(مصطفى سيد أحمد - الشجن الأليم(عارفني منك

مصطفى سيد احمد  - عارفنى منك

في الضواحي -  مصطفى سيد احمد   1995  -  خليل فرح.m4a

محمد الامين الجريدة تسجيل ماستر.mp3

طواقي الخوف 
 للشاعر : محمد طه القدال


ما خايف المطر
يتحاشى الضهاري الراجية قولة خيرا
ولا خايف المطر
يمشي على الصحاري تلمو في بشكيرا
ولا خايف العشم
يتناسى العشامى ونيما ياكل نيرا
ولا خايف النفس
تتذكر نفسها وتنسى يوم حِدّيرا
خوفي على البلد
الطيب جناها وقمنا في خُديرا
شاحدك يا كريم
لا تحصل خراب لا أرجى يوم ودّيرا
***
وانا ما بجيب سيرة الجنوب.
عيال بتسرح للمدارس ..
والفطور نجماً بعيد.
بنوت بتجري
على الخطاطيب الخطاطيف
البتجرح ..
والعريس نجماً بعيد.
الدكاكين التملا تفضي،
السماسرة يسمسروا،
والبسفو الطين ..
يسفوا،
والبحتّوا الراب ..
يحتّوا،
والبناطلين ليها سستم،
والقوانين ليها سستم،
البنوك الفيها بستم ..
من سويسرا ولي ماليزيا
بالسفارات
والعمارات
والخبارات .. .
انا كنت متغطي ..
ومتدفي،
العمة ملوية،
والشال على كتفي.
سودان وكان ما كان
سودان علي كيفك
السكة ساعة إيد
والأرض مروية
والناس حنان وظراف
والراح يجيك ..
للحول
والخدمة مظبوطة
مظبوطة مدنية
والدنيا حرية
الماشي درب الكار يغور
والتاب من التمباك يتوب..!
انا مابجيب سيرة الجنوب.
الغبّوا عرفوهو
والعرفو سوّوهو
والسووا بلقوهو ..
……
أصبحت زي الزول
قادل بوسط السوق
سروالو نصلوهو
لو العِرق مسروق
أو قلبي نشلوهو
طعم الكضب مسلوق
ماسخ تضوقوهو
لو فمي ما مطلوق
أو كمي غسلوهو
ياني البسوي القوق
قولي البتابوهو
ماعندكم دمي
ما عندهم دمي
من دمي لا لا لا
ماقدروا فصلوهو.

وانا ما بجيب سيرة الجنوب؟
قول استقلْ ..
انا في صفوف الزوق
واقف مع الواقفين مزنوق بهنِّيهو
ويهنوهو
أواستقال ..
ودا أول الأحزان
أو قالوا باعوهو
ودا ياهو قطِّيع القلوب
أنا ما بجيب سيرة الجنوب،
فالسيرة كمين ألف عام
لوني المحرق مندوكور
وشكلي شكلين
شكل منقة
وشكل تور
دمي المشتت من قبايل نوح وحام
شعري المقرقد زي حصايا
اتشتت فوق الدروب
كتفي المهدل بالعيوب
وانا ما بجيب سيرة الجنوب
أصل البقت
من ساس وسايس أو يسوس
ياها البقت
خلونا من حرب البسوس
الفاضلة
تكفير الذنوب
الفاضلة لمليم البشاتن
والمعاطن
والخبوب
الباقي
مايخموكا تاني على
الدفافير والكناتر والحروب

الباقي تعظيم التماسك
في الخطوب
لا نافع الشَّدة العلوق
ولا نافع المبقوص يحوق
لا بنفعك عَرَق الزنوج
ولابرقعك لبن العروب
إلا الوقوف ألفاً ضكر
واحد براك
في الشيمة تلفحك الهبوب
الغيمة تديك
للسفاسف
والعواصف
والمطر
برطع مع الأفعال
وادخل على التاريخ
يغلب أجاويدك
من قرقريب عوسك
اخرِج من التاريخ
شيخك وعربيدك
لا نافعك التكفير
ولانافعك التوبيخ
فامشيه وحيدك
وامرق على التاريخ
تلقاه في السهلات
مستني كمسيدك
لا بيظلم التاريخ
ولا يرحم التاريخ
إياه عوس ايدك.

والأرض موقوت القنابل
في الحدود
والأرض منهبة الثعالب
والطحالب
والجيوش
باليوناميد
واليوناميس
والفُرقة بينات القبايل
والشتايم في المنصات
والشراكة الفي
المكايد
والخناجرفي الحناجر
والمنابر ..
آه من تلك المنابر،
إنداية كرتلة وبنابر
والجرايد
داقة طارات المدايد
الصَدَق في الناس كذوب
الساسة نِيّام العسل
بين انتباهة
وغفلتين
بين السلاطين والحبوش
والشلاتين
والقرايب
فين حلايب؟
واللي بنى الأرض كان في الفرض سوداني
عيني عليها
اتمزعت
حتة في قلبي
وحتة ف غصتي .. تاني
آدي اسرائيل في النيل
بكِّيني ولعبطني
والنيل أدنداني
إحنا حبايب في الطيّبة والآه؟
آ.
غنيلي ورقصني ؟
طيب.
بسِّ سمعني آه الآه في وداني.
***
أنقد السُقا وما بينصلح وكَّايو
وانكشح اللبن ما بينفعِن بكَّايو
بعدن بى الدروب مابقصِّرِن تكَّايو
والشاكي النقاص ناقص قمح شكَّايو
***
وانا لا بجيب سيرة الجنوب
ولا أكلوني
إذا ما أكلو التور الأبيض ..
(الأرض في الجزيرة)
وبدر الله فوق سماهو
يا ساسا يابساحوتة
مكوار حبس مياهو
عطشت قبايل ابقوتة؟
البودة في خلاهو
والأرضة في بيوتا؟
الزول رِبَت كلاهو
سمينة بي مقوتا
يا تمت المعاهو
أو خلصت الحدوتة
وانا لا بجيب سيرة الجنوب
ولا أكلوني
إذا ما أكلو التور الأبيض ..

***
يدر الله يابسلوكة
سلوكة الجزيرة
كل يوم فينا بتنتش
سكك الحديد بي كم؟
بي كم بيت المفتش؟
والبيع بيعة عدوكا
بعت الأرض بترابا؟؟
باكر تبيع أبوكا
وان مُتْ من تُخمة باكر
ناس الشرق يبكوكا
وناس الغرب يبكوكا
ناس الشمال يبكوكا
وناس الجنوب يبكوكا.
وانا لا بجيب سيرة الجنوب
ولا أكلوني
إذا ما أكلو التور الأبيض ..
***
حمدتكم بالجاية
والجاية فوق الجاية
وعسكري الجباية
قلبو الحجر اللداية
***
بشرتكم بالسادة
والسادة بعد السادة
وجرادة فوق جرادة
من دوكة لام كدلدة
***
حمدتكم بالواقعة
والصاقعة جنب الصاقعة
مقدودة مالها راقعة
والدمعة صابة وناقعة
***
بشرتكم بالتوية
والصبنة لي الدامبوية
في الحلة دي ام كدوية
ما تقعدوا شدرة موية
***
والأرض لا حليوة
ولاها دي الجزيرة
الأرض أمات الحنين
لو نقط الضحوي البريق،
في الحين تبتق شهوتِن.
تحبل
كما الأمات
وتشرق بالوحم
لو تسعة الميلاد بتمرق بالسنين،
أو دي الشوارع بالبنات متحينة،
ترسل تراتيل الخروج في يوم
وتقطع سرتِن.
الأرض تعريف الهديل
هدل الحمام بشري
وشوق السلام انسان
بالحيل بيعرف أنَّتِن
والأرض شافت
إلا خافت
من عيون الليل
تناجي حبيب
غريب في الليل
وتفرز غنوتِنْ.
زي بذرة في جوف الأرض
أو ضحكة عند طرف القلب
بتغني لو جات في العيون
والضحكة لاقت مرقتِن
الأرض منصوص الضمان
حضن أمك الدافي وأمين
ريحة حبيب
جاياني من شمة حبيبتي وكرفتِن
لو جاتا في يوم الهموم،
في الحين تزغرد فرحتِن.
أو حرقصت فوقها السموم،
باكر تهبهب نسمتِن.
والأرض ما بتعرف تنوم
ترتاح
وغابت جمتِن
بس تدِّي مدين للعديم
بالمدة تحفظ ذمتِن
***
هن مارقات خلاهِن
ما مارقات بَراهِن

لي بصاص حِداهِن
إو قصاص بِراهِن

هن مارقات تراهِن
تريانات تراهِن

الخوف ما حَماهِن
من شوفة حِماهِن

طمانات جناهِن
بي لبنا معاهِن

يوم الشينة جَاهِن..
مرقن ليهو جَاهِن

بالعز المبطَّر
والزوق الشَفاهِن

لا حايدات مداهِن
لا قايدات عماهِن

وما كشحن بلاهِن
فوق زولاً أباهِن

لو الضيم رماهِن
هِنْ ياهِنْ
وما هِنْ.
***

وانا لا بجيب سيرة الجنوب
لاني زول بالمرة خايف
إلا شايف
إلا شايف
إلا شايف
***

أنا شايف المطر
يتحاشى الضهاري الراجية قولة خيرا
وانا شايف المطر
يمشي على الصحاري تلمو في بشكيرا
وانا شايف العشم
يتناسى العشامى ونيما ياكل نيرا
وانا شايف النفس
تتذكر نفسها وتنسى يوم حديرا
وانا شايف البلد
الطيب جناها وقمنا في شدِّيرا
…
…
شاحدك يا كريم
لا تحصل خراب لا أرجى يوم وديرا.

طواقي الخوف

محمد الامين -زاد الشجون

نظم كلمات الأغنية الشاعر هاشم صدّيق وخلّد فيها ذكرى قصة حقيقية كانت وراء إلهام أكثر من قصيد، فوصلت مشاعره إلى أعماق الملحن والفنان محمد الأمين ولحنه بروح موسيقية متلائمة مع بهجة المضمون، وكانت النتيجة أغنية لاقت شعبية وانتشارا كبيرين لدى مختلف الشرائح العمرية في السودان، وتُعتبر اليوم إحدى الدّرر الفنية لموسيقى البلد..

قمت بإضافة بعض التعديلات الصوتية على الاغنية لإخراجها بجوده مميزه
*
معالجه صوتيه : https://soundcloud.com/sb249

مصطفى سيد احمد - عارفنى منك

Azzam Abusaleem

Recent comments

Rami Badeen

Amna AbdAlrahim

Faffy Mahmoud

عمر

Related tracks