فراق غزالي

صليحة - فوندو فراق غزالي *** Saliha : freg ghzeli

تشْهَد عليّ المْطَرْ  والعْصَافِرْ في بَابْ بْحَرْ
آنَا لِيكْ ونْمُوتْ عْلِيكْ لَكِنْ ما عِنْدِيشْ زْهَرْ
بالساعَاتْ  نِسْتَنَّى قَدَّام المَسْرَحْ
قَلْبِي يْدُقّْ وعَقْلِي يسْرَحْ وِسْكَاتِي بْكُلُّهْ حْكَايَاتْ
حْكاياتْ سْنِينْ تْعَدَّاتْ رِحْلَةْ بِينْ حْلُوّ وْمُرّْ
وْكِي نْشُوفِكْ يِغْلِبْنِي لْسَانِي  تَاخُذْنِي الحِيرَةْ وْتنْسَانِي
كَايِنِّي تِمْثَال حْجَرْ
نْخَلّيكْ تِمْشِي وْنِفْرِشْ لْخطْواتِكْ رمْشِي
ونْضَيَّعْ فُرْصِةْ لعْمُرْ
مشْ قُتْلِكْ يا زَهْرِةْ عُمْرِي  آنَا مَا عِنْدِيشْ زْهَرْ
مَرَّةْ نِحْلِمْ نِبْنِي لِكْ عَ القَمْرَةْ عْرِيشْ
وننْسَى اللِي مَا في حَالِيشْ ولمّا تْذَكّرْنِي نِتْأَلِّمْ
نِتْأَلّمْ لكِنْ لاَ نْسَلِّمْ  لا نْمِدّ يْدَيَّ لْبَشَرْ
وْمَرَّةْ نِحْلِمْ بِيكْ مْعَايَ في قَهْوَةْ نْبُوحْ لِكْ بِهْوَايَ
ومَا نْحِسِّشْ بالوَقْتْ يْمُرّْ
يْطِير النُومْ  يْفَكّرْنِي اللِي قْهَاوِي اليُومْ
ما تَعْرَفْشِي تْخَبِّي السرّْ
مُشْ قُتْلِكْ يا زَهْرِةْ عُمْرِي  آنَا ما عنْديش زْهَرْ
نْقُول لْرُوحِي  نَحْكِي لِكْ عَ الوَقْت القَاسِي
على احْوَال الناس اللِي تْقَاسِي  عْلى رغِيف الخُبْزْ على رُوحِي
على غْنَاكْ اللِي يْدَاوِي جْرُوحِي  على غُرْبَةْ مِنْ غِير سْفَرْ
خَايِفْ لاَ تْقُلِّيشْ نْهَارْ  اهْدِي لِي بَاكُو نوَّارْ
نْوَلِّي نِتْجَرَّعْ في المُرّْ
وْنِتْسَبَّلْ لِكْ  وِنْلَوِّجْ كِيفاشْ نْقُلْ لِكْ
يَا خْسَارَةْ مُشْ رَاس شْهَرْ
مُشْ قُتْلِكْ يا زَهْرِةْ عُمْرِي  آنا ما عنْديش زْهَرْ

لطفي بوشناق- تشهد علي المطر و العصافر في باب بحر

السيدة نعمة - لليري يا منة

يا أيها الذين آمنوا قوا أنفسكم وأهليكم نارا - تلاوة باكية خاشعة - للقارئ إدريس أبكر

Hedi Jouini الهادي الجويني Samra ya Samra سمرا يا سمرا

المنسيات- يا طير ما تصغالي

المنسيات _يا طير

زهرة الاجنف-النجع

كاس البوخا - منسيات الكاف

يطفي ناري


لوكان موش الصبر...... يطفي ناري
راهي الدنــــيا لاهبة......بـشـــراري
***
باقي نصبر
في القلب وانواسيه كيف يتكدر
وانقول ياقلبي اتحمل واصبر 
وقرقب الزهر مع الزمان وداري
اللي مقدر ع الجبين مسطر
يدور الفلك ويتم وعد الباري
***
تعلى درجة
من بعد طول اليأس تولي وترجى
وبعد الجفاء تعطف علينا الغنجة
ويظللك نوارها ونواري
وتعود يا قلبي ليالي البهجة
وتروق فيها مهجتك وأفكاري
***
انسى أحزانك
وتعود كيف ما كنت في غيوانك
وتروى الدنيا من لذيذ ألحانك
وفي وسطها نمزج رقيق أشعاري
وفي جنتك الفايحة وبستانك 
تبدأ ترفرف كل يوم أطياري
***
ياقلب أصبر
ويا نفس لا تحزن ولا تتحسر
يدور الفلك واللي انكسر يتجبر
وما يفوحشي بلا حرق عود قماري
يا نفس ازهى في سماك ونور
واطفي النار وقول هاهي أنواري

Hedi Jouini - Loukane mouch sabr yetfi nari

صليحة - فوندو فراق غزالي *** Saliha : freg ghzeli

Béchir Chérif

Related tracks