•غريبة مابقتش اعرف يومك بقا ماشى ازاى
أنسي أزاي حكاوينا
ولو نستها ونسيت ملامحك معاها
وشكلك وانتي فرحانة بلحظة عشناها
وشكلك وانتي  غيرانة
ونسيت صوتك وعينك وانتي زعلانة
هنسي أزااي نفسي وانا معاكي
ماحاولتش مرة أنساكي
ومش عاوز أنسي ولو فيها جوائز
ولو فيها الموت جائز
مش عايز
و لو تعرفي دي تفرق اوي
عن مش عارف
ومش قادر
اه لو تعرفي أني قادر بس مش عاوز
حتي وانتي كدة سبب تعبي
وسبب غُـلبـي
ماحاولتش مرة أهرب من قلبي
ولا من ليالينا الحلوة
اللي في كل مكان



•	بالعكس كل ببقى لوحدى
بقصد أفتكرك وكأنك فكرة
وكل مابزعل مع العالم
بلاقيني بروح كل مكان  
كان لينا فيه ذكري
وفى مرة كل ما أجى امشي مش بقدر
ومش عارف هنا انا حابب المعاناة
ولا انا حـبـك أنتى أكتر
أكيد عشان حبك
بالتالى سايبك لسه عايشة جوايا 
ماحاولتش ولا مرة أقتلك 
ولا أبدلك بحب أخر 
ولا حتى بأغانى 
مع أنك شوفى كام مرة قتلانى
مرة بعنيكى لما كت بتلمع ليا   
ودي فاكرها اوى وفاكر جدا شعورها 
لأانى بعدها حييت 
وأدينى بموت مرات عشان بس اشوفها
غريب غيابك وغريبة عنيكى 
فى القرب قادرة تحيي
وفى البعد قادرة تُميت
مش مستغرب أنى عاشقها كدة  
لأنها لسه قادرة لحد الوقت دة    
 تخلينى أسيبك فى كل تفاصيلي
وسيبك تسهري فى ليلي
بصوتك وهالتك بـ عياطك وبشكلك
وبمشاكلك وبزعلك
وانا بشاكلك علشان غيران مثلا
او علشان خايف عشانا
سايبك بحكاويكي عن صحابك وعنا
سايب طيفك على راحته
ومدي غيابك مساحته وكأنه هدنة
وهنرجع لبعض تانى
سايبك موجودة  حواليا ومش هممنى
تكونى دلوقت نسياني

نفسي اقولك ماتزعليش

Follow Me https://exit.sc/?url=http%3A%2F%2Fwww.facebook.com%2Fmahmuod.ezzy1%3Fhc%E2%80%A6TLo5ED-c%26fref%3D

وأيـه يعنى اللـى هيمنعها 
لا قلبها ف يوم هيوجعها 
ولاطيفى ف كل ليل هيزورها ويأنبها 
ماكنتش شىء يُذكر لجنابها 
فــــــى ودعـنا مادمعتش عنيها 
مافيش شعرة حتى أتهزت فيها 
وكان سلام أيديها بارد 
ولما ضِعفت ولمعت عنيا 
ماهزهاش دموعى اللى سهوة سألت
متذكر جدا يومها بصتلى بقلب شارد
وشدت أيدها من أيدى بنظرة وجعنى معناها 
مشيت ومابصتش حتى وراها ــ مشيت
ولا حست أن ف سلامها خدت روحى معاها

يارتـنى مامدتش ايدى وقـولتها مابسلمش 
السلام خلى جرحى لهذا الوقت  مايلتئمش

#Ma7mOud_3Zzy

فى كل سنه من تاريخ فراقنا

Follow Me www.facebook.com/mahmuod.ezzy1?hc…TLo5ED-c&fref=

يرضى مين ..
أموت فى الدنيا مـرتين 
مرة لما مت فيها ـ والتانية لما مت لما سبتنى 
صحيح هيا جرحتنى 
ولسه فيه نغزة فى قلبى 
ولسه غير مُهى لمواجهة العالم
و للـ عيش بدونها 
ولسه بعانى من اختلاجات حزن 
ولسه فيه خلل فى النبض 
ولسه مكسور لغاية دلوقتى من تجرحها 
لكن والله من قلبى مسامحها 
مش عشانها هيا 
لا
علشان خاطر ايامى الحلوة اللى معاها عشتها 
وعلشان كمان وجعها ليا مايتردلهاش فـ بنتها
ماحبش أكون سبب
ف وجـع ضنى حضنها 
اللى كنت  
بتمناها تـكـون بنتى منها 
مــش عـارف أقــــول وجعتنى 
وكت قاصدة توصلى انها كرهتنى 
ولا ازوق فى الكلام 
وقول مثلا ماحبتش تعلقنى بيها 
او شالت همى
وحبت تشيل عنى سنين كتير هشتاقها 
او حبت تبطلنى 
عادة انى اعافر خصوصا فى فراقها 
أدى حبى وطيبتى 
اللى شافـتهم مـن خيـبـتى 
وأدى أصلى ياستى
نسيت اللى عملته وقاعد ابررلها وأعشقها

ًبدون ذكر فيروز والقهوة معا

مشهد تراجيدى خارج الكادر

Follow Me www.facebook.com/mahmuod.ezzy1?hc…TLo5ED-c&fref=nf

بمناسبة ريحة الفراق اللى فاحت ف صدرى 
وجرحى اللى بيصحى ف ضلوعى م بدرى 
وعيااط قلبى قبل مانام 
الليل بقاله أيام واخدنى بالحضن
أنا ف قلبى حزن 
لا يدركه الكلام 
ولا الاقلام
ولا كـادرات محمد خان 
ولا كـُوردات الموسيقى 
ولا حتى خيال أى كاتب 
بمناسبة الواحدة اللى شفتها صدفه وبتشبهلها 
أنا ف قلبى شوق 
وكأنى انتظر أحد عشر كوكبا
وبمناسبة رجوع الشتوية 
بأغانى منسية وصباحات باردة 
أغلب الناس بتقفل ع الشوق فـ قلبها بالمفتاح وبترميه
وأنا بقفل ع قلبى بالهاند فري 
وبوارب الشباك 
للغناوى وللحكاوى ولطيفها 
يالى أنت مش عارفها 
تأنى فـ كلامى لأخر القصيدة وانت هتشوفها 
ولو صعبت عليك بلاش تُحضنى 
ولا تواسينى ولا تصبرنى بأغنية 
لكن خليك معايا لاخـر الشتوية 
ع الأرجح ف الامسية وم غير مناسبة واحدة 
كل الأماكن بتعد للزباين أغنيات بخلفية واحدة 
يمسها المجروح والمشتاق 
مشاعرها مابين لقا وفراق 
فى نوفمبر م كل مساء البلاكونات بتبان 
كـ ذكرة م ريحة زمان ف خلفيتها تتر لمسلسل قديم
موسيقاه التصويرية 
ياما جت ع حاجات جوانا ولمستنا 
بمناسبة نوفمبر 
الشوارع غرقانة بروايح ناس فرقتنا 
وسبتنا وقلوبنا متعلقة بيهم 
متعلقين فيهم وبنستنشق هواهم 
ف كل مكان شاهد حكايتنا
كان لينا فيه غراميات وحضن ماتخدش
وكلام كتير لسه ماتقفلش وياهم 
أحنا لينا جواهم حاجات تشفع رجعوهم لينا تانى 
او يحنو لينا فـ الأمسيات أوحتى يقابلونا فـ أغانى 
لو خدهم الشوق لليل وحضنه 
أدينا اتخدنا إحنا وهما لا بيحنو ولا احنا بننساهم
ادناهم م كل ركن جوانا
خير وحب وطيابة 
وعريناا روحنا عشانهم بالكتابة 
مقابل مايلمسو هما حاجات تاهت م التراكم جواهم 
رضينا بدور الضل ف سكة سرقاهم
وأول مالاقو غيرنا زى الهدمة بدلوناا 
ادناهم وماستنناش 
ومابخلناش بـأى محاولة لفرحتهم 
ولا تعبنا م جهد عملناه ف ضيقتهم 
وأما شدو عودهم كسرو ضلنا 
وضحو بينا احنا وجم ع قلبنا وجرحونا 
وادونا فوق روحنا بدون ماتبقى 
ولا يحترمو مشاعر سابقة 
جرحونا والكلام كان أسلحة 
عملنا اللى ماكنش يخطر ع بالنا نعمله 
ف الأخر سابوناا محلك سر 
مطرح مايطيرنا روحهم بدون أجنحة
#محمود_عزى

Mahmoud Ezzy

Popular tracks