PARALLAX SPORTS & RECREATION

[tuning: E A D G B E]

pasensya kung ginabi
na naman ako ng dating
ang aga kong umalis
madilm na kong nakauwi
salamat sa pagkaing
niluto mo para sakin
nagutom ako sa byahe
napagod rin sa gawain

pasensya kung umuwi
akong may galos at pasa
punit pa ang aking damit
pawis at amoy kalsada na
salamat sa pagkaing
niluto mo para sakin
nagutom ako sa byahe
napagod rin sa gawain

pasensya (salamat)

[tuning: E A D F# A E]

ang ating hiling: dagdag sahod, lupain
di tayo diniringgin
kaya bukas kukuhain natin ang buong daigdig
ang buong daigdig

tuloy lang sa pagtindig
sa pagbalikwas, sa pagbigwas
hanggang mawakasan ang lakas nila
bukas kukuhain natin ang buong daigdig
ang buong daigdig

atin, ang lahat ng ito, ang lahat ng ito ay atin
atin, ang lahat ng ito, ang lahat ng ito'y atin

ito ang ating gampanin laban sa naghahari-harian
siguraduhing kukuhain, simot kanilang kapangyarihan
bukas kukuhain natin ang buong daigdig

ang kanilang armas, ang mga lupain,
pagmamay-ari, makinarya
atin yang lalahatin
bukas kukuhain natin ang buong daigdig

atin, ang lahat ng ito, ang lahat ng ito ay atin
atin, ang lahat ng ito, ang lahat ng ito ay atin

atin, ang lahat ng ito, ang lahat ng ito ay atin
atin, ang lahat ng ito, ang lahat ng ito'y atin

atin

[tuning: G A D G B E]

ang ating hangaring lipunang malaya
kadikit ay gampaning hindi maalwan
minsan ay papalpak
minsan madadapa
pero di tayo susuko
hindi tayo titigil
marami ang hahadlang
marahas ang kaaway
pero di tayo susuko
hindi tayo titigil

ihanda ang sarili, lipuna’y pag-aralan
kumilos at magsilbi sa hanay ng masa
pukawin ang sambayanang lumaban, makibaka
sa gitna ng mga unos
hindi tayo susuko
may kislap sa mga masong
dumudurog sa delubyo
sa lahat ng pasakit
hindi tayo titigil
may kinang sa mga karit
na pumupunit sa dilim

untitled

[tuning: E A D G B E]

vios kong gold puno ng tulog
mga kasamang pagod
pagod na pagod

galing ng mob direchong chibog
mga kasamang gutom
ngayon ay busog

stock look pero kargado
lahat ng sakay mga banta
stock look pero kargado
pag dumadaan sa humps
sumasayad na

bwisit na traffic sobrang lupit
tulog ang magagaling
ako lang ang gising

vios kong gold puno ng kalog
mga kasamang kalog
mababait lang kapag tulog

stock look pero kargado
lahat ng sakay mga banta
stock look pero kargado
pag dumadaan sa humps
sumasayad na

sleeper ("stock look")

[tuning: D A D F# A D]

kayong manggagawang lugmok sa pagmamalupit
kayong mga nagpayabong sa yaman ng daigdig
sa kahirapan ay lubog, babad sa pait
ang kabayaran sa dugo't pawis niyo’y kusing

kayong manggagawang lugmok sa pagmamalupit
kayong manggagawang lunod sa pagkakait
kayo na mga binuklod ng panggigipit
para makibakang lubos, kayo'y bayani

kayong nangahas nang lubos maging magpalaya
kayong nagpasyang manubos sa mga pasakit
at nagpunyaging mandurog ng tanikala
at naniningil sa dugong inutang sa atin
kayong lumikha ng yaman at ng kabihasnan
tinatanghal naming kayong mga bayani

manggagawa, ikaw ay bayani

[tuning: D A D F# A D]

tingnan mo ang mga gahamang
sumisira sating kalikasan
kinalbo nila ang kagubatan
mga bundok ay tinatapyasan

para saan ba kasi yan? para kanino?
para saan ba kasi yan? para kanino?

pag dating ng tag-ulan ay
lubog ang ating mga bahay
winasak nila ang ating tahanan
sa pagbuo ng mga minahan

para saan ba kasi yan? para kanino?
para saan ba kasi yan? para kanino?

mga mapagsamantalang dayuhan
ang silang nakikinabang
ninakaw nila ang ating yaman
pinaghihirap ang sambayanan

kaya ating pababagsakin ang imperyalismo
kaya ating pababagsakin ang imperyalismo

baha

[additional vocals by avi pestino]
[tuning: E A D G B E]

masdan mo ang 'yong likhang yamang
dumaraan sa'yong kamay
pero hindi sa'yong bulsang
lagi na lang walang laman

pagkat merong nagnanakaw
pagkat merong nang-aagaw

kaya nagwelga
kaya nag-aklas
ang manggagawa sa mga pabrika

masdan mo ang mga pagkaing
dumaraan sa'yong kamay
pero hindi sa'yong sikmurang
panay-panay ang pagkalam

pagkat merong nagnanakaw
pagkat merong nang-aagaw

kaya nagwelga
kaya nag-aklas
ang magsasaka sa mga hacienda

masdan mo ang nakikibakang
naghahangad ng paglaya
pandarahas, pananakot
ang kanilang natatanggap

mula sa naghaharing uri
berdugo't salot na uri

kaya may digma
at nag-aaklas
ito ang sigwa
ng pagbabalikwas

sigwa ng pagbabalikwas

[tuning: E A D G B E]

malawak ang ating mga lupain
kaya sadyang napakasahol talaga
na tahasang aangkinin
ng iilan
aagawin, sasarilhin

laganap ang mga mala-aliping
danas ng mga manggagawang may
likha sa tubo na aangkinin
ng iilan
nanakawin, sasarilhin

alam kong balang araw ay darating
tayo sa panahong lahat-lahat
nito ay magiging sa atin rin
yan ay tiyak
kukuhain, babawiin 
kukuhain, babawiin natin

babawiin natin

[additional vocals by avi pestino]
[tuning: D A D F# A D]

nakikita kita sa mga kalsadang
patungo sa mendiola
nakakatabi kita sa ating hanay
sa t'wing merong gitgitan

nilisan mo ang mundo
pero ang diwa mo'y tangan ko
bitbit na parang sulo
sa bawat gabing dumadapo

hawak na parang tanglaw tungo sa layang tanaw
hawak na parang tanglaw tungo sa layang tanaw

naririnig ko ang tinig mo sa tuwing
kami ay umaawit
sigaw mo ay dala-dala ng hangin
umaalingawngaw pa rin

nilisan mo ang mundo
pero ang diwa mo'y tangan ko
bitbit na parang sulo
sa bawat gabing dumadapo

hawak na parang tanglaw tungo sa layang tanaw
hawak na parang tanglaw tungo sa layang tanaw

mga tanglaw

[tuning: D A D F# A D]

hindi naman siguro masamang managinip nang gising
iniisip lang kung ano ang pagkatapos ng dilim
lalo na't siguradong ito ay kayang marating
pagka't ginagawa na natin ang dapat na gawin

tayo ang armas na pang-angkin ng bukas
tayo ang armas na pang-angkin ng bukas

hindi naman siguro labis kung ating lahatin
ang pagbawi sa bawat bagay na inagaw sa atin
lalo't inaral naman natin kung sino ang salarin
at kinukuha lang natin ang nararapat na atin

tayo ang armas na pang-angkin ng bukas
tayo ang armas na pang-angkin ng bukas

PARALLAX SPORTS & RECREATION

backflip3000