Opisyal na pahayag ng Bahaghari Batangas hinggil sa ika-35 taong paggunita sa edsa uno.

Isang Mapulang Pagbati! Nakikiisa ang Bahaghari Batangas sa paggunita ng ika-35 na taon ng EDSA People Power Revolution.

Mag-iisang taon na nang isailalim ng berdugong si Duterte ang Pilipinas sa Enhanced Community Quarantine, ngunit hanggang ngayon ay tila sa palala pa rin ang problemang kinakakaharap ng bansa. Kagaya ng diktador na si Marcos, isinailalim ni Duterte ang buong estado sa kanyang kapangyarihan upang payabungin ang kanyang galansya, tupdin ang kanyang sariling interes, magpakatuta sa Tsina at Amerika, at patahimikin ang oposisyon.

Nanginginig sa takot si Duterte gayon rin ang kaniyang mga tuta sa Kongreso kaya't pilit niyang itinatago sa bansa ang kaniyang kasahulan, kahayupan, kakulangan, at kainutilan. Ipinasa ang Terror Law na siyang malayang makakapang-redtag, at bansag ng “terorista” sa mga disente ng pahirap, pasista at anti-mamamayang administrasyon, ngunit sino nga ba talaga ang tunay na terorista? Ang mga magsasakang lumalaban sa kanilang karapatang agrikultural? O ang gobyernong gumugutom sa kanila? Ang mga estudyanteng lumalaban sa akademikong kalayaan? O ang administrasyong sumusupil sa kanila? Sila ba ang tunay na terorista? O ang AFP-PNP na kung hindi mang-redtag ay pumatay ang ikinabubuhay?

Ipinasa ang Terror Law, binigyang upuan ang Duterte Youth Partylist sa kongreso para maging galamay nito sa lehislatura, pagsususpinde sa UP-DND accord, patuloy na pagpaslang sa mga mamamayang lumalaban sa kanilang karapatan, at intimidasyon sa mga aktibista. Ilan lamang ito sa mga kahayupang hakbang ng gobyerno upang supilin ang masang mamulat, ma-organisa, kumilos at lumaban laban sa kaniya.

Ang pag-aakalang ang mga pasistang atake sa masa ay siyang susi sa pagtuldok sa rebolusyonaryong diwa nila ay isang malaking kahibangan, lalo lamang nitong dinudugsungan ang buhay ng rebolusyon. Ang mga ito'y gasolinang maituturing sa nagliliyab na puso ng masang gigil sa pagbabago, hustisya, karapatan, at pagkakapantay-pantay.

Pinatunayan ng EDSA People Power na ang kolektibong lakas para sa pagbabago ay kayang makamit ng mga Pilipino. Kayang-kayang patalsikin ng masang galit at nagtitimpi ang isang pasista, pahirap, anti-mamamayan, tuta, at inutil na diktador. 

Huwag kalimutan, Ating Balikan.
Edsa Uno, Trenta y Singko.

#EDSA35
#JoinTheStruggle
#JoinNDMOs
#MakibekiWagMashokot

February 25, 2020

Music Used: Upos - Panday Sining Lipa

EDSA 35TH COMMEMORATION (PRESS STATEMENT)

Liriko at Tono: Andoi (he/they; BHBTG, PSBL)
Bokalista: Sigma (she/her; PSBL)
Manunula: NJ (PSBL)

"Kulay ng Kalayaan" handog ng Bahaghari Batangas at Panday Sining Lipa

Kulay ng Kalayaan

PAKINGGAN: Opisyal na pahayag ng Bahaghari Batangas sa paggunita at pagpupugay ngayong kay Nelson Mandela. Kakabit nito, palakasin natin ang mga panawagan na palayain ang mga bilanggong pulitikal!

#FreeAllPoliticalPrisoners
#ActivistsNotTerorrist
#FreeAntonioMolina

Opisyal na pahayag: Nelson Mandela Day, at sa kagyat na pagpapalaya sa mga bilanggong pulitikal

PAKINGGAN: Opisyal na Pahayag ng Bahaghari Batangas sa ika-158 na kaarawan ni Andres Bonifacio at sa Araw ng mga Maralitang Lungsod

Bonifacio Day 2021

Isang Pambansa-Demokratikong organisasyon ng mga militante't makabayang LGBTQ+sa lalawigan ng Batangas. 

Bahaghari Batangas

Popular tracks