مع انطلاق الاحتفالات الدولية باليوم العالمي للمرأة وتسليط الضوء على انجازات النساء حول العالم، ما تزال المرأة السورية تعاني الاضطهاد والتمييز الاجتماعي والسياسي ويستمر زج المئات من نساء سوريا وشاباتها في زنازين الاعتقال، و تزداد التحديات التي تواجههن في االداخل والخارج، من تأمين متطلبات الحياة اليومية ولا تنتهي بنضالهن المستمر لبناء دولة الحرية،العدالة والمساواة. 
تتخذ شبكة الصحفيات السوريات من اليوم العالمي للمرأة، فرصة لتكون صوتاً لأكثر من 700 معتقلة في سجون النظام السوري تم استخدامهن كورقة تفاوضية وأداة ضغط على أهليهن وأقربائهن ، ونعيد التذكير بقضية المختطفات لدى "تنظيم دولة العراق والشام"، ونسلط الضوء على جزء بسيط مما تعانيه المعتقلات والمختطفات، عبر سلسلة من البرامج الإذاعية والمواد الصحفية بالتعاون مع مؤسسات إعلامية سورية، بالتزامن مع أمسية سينمائية يتبعها نقاش حول الوضع الراهن للسوريات ومستقبلهن، وذلك في مدينة لاهاي / هولندا

للمزيد من المعلومات يرجى التواصل عبر :
journalist.network@gmail.com
Twitter:@ SFJnetwork

لمتابعة أخبار راديو بلدنا زوروا صفحتنا على فيسبوك:
http://www.facebook.com/baladnabc

المعتقلات والمختطفات السوريات

من أجمل هتافات الثورة السورية، 
شاركنا هتافك المُفضل وارسل لنا تسجيلك على contact@baladna.fm 
أو اتصل بنا على سكايب Baladna.Broadcast
كل يوم من الساعة 10 صباحاً وحتى الساعة 5 مساءً

فريق العمل: 
ديمة شلّار، مؤنس بخاري، فراس دوما

بإمكانكم متابعة بث راديو بلدنا المباشر على 
www.baladna.fm

دم الشهيد، مو نسيانينو - هتافات ثورية

كونوا معنا يوم الأحد الساعة 8 بتوقيت دمشق على هوا بلدنا 
www.baladna.fm 
في سهرة خاصة لأجمل ما غنى الفنان سومر شعبان

بامكانكم متابعة أخبار راديو بلدنا على صفحة فيس بوك 
http://www.facebook.com/baladnabc

سهرة خاصة مع الفنان سومر شعبان

نحنا شعب الثورة بدمنا ..نحنا شعب مابيقدر يسكت علظلم ..هلا صحي سكتنا لفترة بس هي فترة سبات وهدوء ماقبل العاصفة ..ومتل ماطلعنا المستعر الفرنسي اول مرة ...ماحنسكت لنطالع المحتل الاسدي بعون الله ...مبيموت حق وراه ممطالب..ولا صوت يعلو فوق صوت الحق..الحرية مهرهاغالي ونحنا ادها وادود..بتوقيع الشعب السوري

إعداد: جوري 
تقديم وإخراج: رامي درويش
--------------------
فيكن تسمعوا بثنا المباشر على 
www.baladna.fm 
أو اتابعوا آخر أخبارنا على 
http://www.facebook.com/baladnabc

الثورة بدمنا


مبارح لما يوسف العظمة بميسلون رغم قلة العدد و السلاح ورغم انو كان عرفان انو ما رح يقدر يوقف بوش جيش " غورو" الفرنسي الجرار، مارضي الفرنسي يحتل سوريا بدون معارك وضحى بحالو مع كتير من شرفاء سوريا كرمال تراب الشام، وأطلق شرارة تحرير سوريا من الاحتلال الفرنسي.. وبعزيمة وصبر تحقق هالشي..
ونحنا اليوم أحفاد يوسف االعظمة، وأحفاد الأبطال الي نضفو سوريا من الفرنسي...
وشأد بيشبه اليوم مبارح...
. طلعنا ضد نظام الفساد والظلم...
ونادينا رجعونا بلادنا...
بيكفي تشوهوها...
واجهنا العسكر "بوردة و صرخة حرية" وكل يوم عم نسقي ترابنا بدم زهرات سوريا كرمال ترجع بلدنا بياسمينها وجبالها وسماها، ملكة الحسن والحرية، ومنبع الكرامة والرجولة..
سوريا بتعشق الحرية

إعداد: ديمة شلّار
تقديم وإخراج: رامي درويش
--------------------
فيكن تسمعوا بثنا المباشر على 
www.baladna.fm 
أو اتابعوا آخر أخبارنا على 
www.facebook.com/baladnabc

سوريا، بتعشق الحرية

بقينا 64 سنة ونحن عم نحتفل بعيد الاستقلال ومفكرين حالنا مستقلين، من الاستعمار ومن الاستبداد ومن الاستغلال، بس ابداً ما كنا شعب مستقل...
فعلاً نحن بحاجة لنحتفل بعيد استقلال حقيقي، عيد استقلال من كلشي قيود عم تحبس حرياتنا، عيد استقلال من كلشي قوى استعمارية عم توقف بوجه كفاحنا... 
بدنا نحتفل بعيد الاستقلال من كلشي احتلالات معسكرة ببلدنا بدنا نستقل من الاحتلال الأسدي والروسي و الايراني واللبناني وحتى الأجنبي

إعداد: فجر الشامي
تقديم وإخراج: رامي درويش
--------------------
فيكن تسمعوا بثنا المباشر على 
www.baladna.fm 
أو اتابعوا آخر أخبارنا على 
www.facebook.com/baladnabc

بدنا عيد استقلال حقيقي

حمصُ
وتأْخُذُني إلى قلبي أُخادِعُهُ
فأَخدَعُهُ
فتنشُرُني فجَائِعُها
وتطويني فجَائِعُهُ
مَواجِعُها .. مواجِعُهُ
مضى يتلمَّسُ الجمراتِ قد يبِسَتْ أصَابِعُهُ
فياجُوريَّها المغدورَ قد سالتْ مطَالعُهُ
معَ العاصي ...
على ناعورةٍ حنّتْ مدامِعُهُ
تذكّرْ سوسناتِ الدارِ
تتْلوهُ وتجمعُهُ
 الشاعر: محمد طيب شلار
--------------------
فيكن تسمعوا البث المباشر على 
www.baladna.fm 
أو اتابعوا آخر أخبارنا على 
www.facebook.com/baladnabc

حمص - للشاعر محمد طيب شلاّر

ما اشبهك يا مدينة الوليد يا حمص اليوم بجسد سيف الله المسلول 
فخالد بن الوليد  شهد مائة زحف أو زهاءها وانت تلقيت مائة غارة وغارة وخالد مافي جسده موضع شبر إلا وفيه ضربة أو طعنة أو رمية  
وأنت لم ينجو منك حي  أو شارع  أو  مبنى إلا وطالته يد الغدر بالقصف والتدمير و ابناءك بالقتل والتنكيل
يموت خالد على فراشه  وتبقى  حمص خالدة عاصمة له وعاصمة للثورة السورية
لن تموت حمص مهما عبثت بها  ايادي الطغاة   فالمدن العظيمة لا تموت، أشجارها تنمو وأحجارها تتكاثر وأبناءها يرفعون بنيانها من جديد 
لن تموت حمص أبنت الوليد، فلا نامت أعن الجبناء
كلمات: جميل عمّار
أداء: شيماء البوطي
موسيقى: الفنان الحمصي مالك جندي 
http://www.youtube.com/watch?v=4BbKNm4hLU4
--------------------
فيكن تسمعوا البث المباشر على 
www.baladna.fm 
أو اتابعوا آخر أخبارنا على 
www.facebook.com/baladnabc

حمص لا تموت

رسائل إلى حمص العدية
غناء: الفنان الراقي سميح شقير
--------------------
فيكن تسمعوا البث المباشر على 
www.baladna.fm 
أو اتابعوا آخر أخبارنا على 
www.facebook.com/baladnabc

يا رايحين عحُمص

أحيي ما تقاطر من دماء بأرضك يا حمص يا أرض الكرامة

إلى الأحرار في بلدي تحية
ونفس الحر تأبى أن تضاما
أحيي كل مقدام أبي
يلاقي الموت في فيه ابتسامه
بدرعا وقع أقدام الرسول
أنار الدرب واجتاح الظلاما
بدرعا الفجر يشرق من جديد
براعم أيقظت أسدا نياما
أحيي ما تقاطر من دماء
بأرضك حمص يا أرض الكرامة
بأرضك حمص أحفاد الصحابة
وسيف الله في حمص أقاما
وسيف الله لم يغمد وهذي
بوارق رعده تهدي الغماما
إلى الحرية الأحرار نادوا
فقال الشعب أسقطنا النظاما

كلمات: شاعر ثورة الكرامة أحمد المعمار 
الحان: سرمد شلار ورامي الإدلبي
أداء: سرمد شلار
إنتاج راديو بلدنا 2014
www.baladna.fm

إلى الأحرار - راديو بلدنا

بحلقتنا الأولى حنحكي عن الصدمات النفسية في ظل الظروف الصعبة والحرب يلي عم نعيش فيها 

هي الروح.. برنامج عن الصحة النفسية والاحتياجات النفسية الضرورية للسوريين من خلال مقابلات مع أخصائيين وداعمين نفسيين بالتعاون مع مؤسسة لأنك إنسان للدعم النفسي والاجتماعي.

إعداد: عُلا الشامي
ضيف الحلقة، غِنى أبو شعر 
داعمة نفسية من مؤسسة لإنك إنسان

--------------------
فيكن تسمعوا البث المباشر على 
www.baladna.fm 
أو اتابعوا آخر أخبارنا على 
www.facebook.com/baladnabc

هي الروح - الصدمات النفسية

فريقة حرائر دمشق
--------------------
فيكن تسمعوا البث المباشر على 
www.baladna.fm 
أو اتابعوا آخر أخبارنا على 
www.facebook.com/baladnabc

زجل ثوري - فرقة حرائر دمشق

بحلقتنا التانية من برنامج هي الروح حبيت نركز على أطفالنا السوريين والحرب والعنف يلي عم يتأثروا فيه... 
حكينا مع الأخصائي الاجتماعي هادي لنعرف كيف نتعامل مع الطفل بهالظروف وشو هي التوصيات يلي ممكن نوصي فيها الأهل ليتعاملو مع أطفالن .
أطفالنا السوريين دليلنا لمستقبل بلدنا لهيك لازم نعرف نعتني فين ونفهم كيف الأحداث عم بتأثر على شخصيتن .
إعداد: عُلا الشامي
ضيف الحلقة، هادي الدمشقي
أخضائي اجتماعي

--------------------
فيكن تسمعوا البث المباشر على 
www.baladna.fm 
أو اتابعوا آخر أخبارنا على 
www.facebook.com/baladnabc

هي الروح - الطفل والحرب

تقديم: فجر الشامي
إخراج وميكساج: ماجد البني
--------------------
فيكن تسمعوا البث المباشر على 
www.baladna.fm 
أو اتابعوا آخر أخبارنا على 
www.facebook.com/baladnabc

رمضانيات - الحلويات

مع بُعد المسافات يبحثون عن لقاء مع أحبتهم وبالرغم من ألم القيود تجد الابتسامة طريقها لثغرهم وفوق صوت صراخ السجان يعلو صوتهم.
صوت المعتقلين : صوت من أرادوا لاعتقالهم أن يُغيب صوتهم ، نستمع لهم ، ننتظرهم ، ندعمهم ، نعمل لأجلهم.
صوت المُعتقلين، قريباً على راديو بلدنا
http://detaineesvoice.wordpress.com
--------------------
فيكن تسمعوا البث المباشر على 
www.baladna.fm 
أو اتابعوا آخر أخبارنا على 
www.facebook.com/baladnabc

ًصوت المعتقلين... قريبا

من المعتقلة 114 .. سجن عدرا - قسم النساء
عيدك سعيد يا بابا الله يخليلي اياك ويتقبل طاعتك، أنتي سندي بالحياة...  ليش ما عم تجي تزورني؟  بعرف أنك متضايق من حكي الناس، يلي ما بيخلص! بس أنت بتعرف بنتك منيح وبتعرف انو مستحيل اعمل شيء ممكن يسيء الك أو لأمي، بس يا بابا النظام قصدا عم يعمل هيك بالمعتقلين وعم يسلط سجانيه على المعتقلات تحديدا منشان يكسروا شوكتنا ويخمدوا صوتنا ، بترضاها أنت انو نسكت مهما خوفونا ورعبونا وهدودنا وعذبونا!؟ والله عم اسمعك عم تقول انو الموت ولا المذلة.. أنا كل شيء صار فيني هو حصتي من عذاب بلدي هو قدري وما رح اتنازل عن قناعاتي أنت هيك ربيتني وأنا متأكدة أنك رح تكون بصفي، وياريت تطلبوا كمان زيارة لرفيقتي لأنو هي أهلها ما قدرت تتواصل معهم ومعارفها يلي اتصلت فيهون ما رضيو يتعرفوا عليها قال بيستعروا فيها لأنها معتقلة، منشان هيك صارلها 7 شهور ما عندها زيارات مع أنها بنت قوية وقلبها طيب بس الله لا يوفقهم شو عملوا، أنا متأكدة انو رح تتونس فيكون بالعيد، مستنيتك بالعيد أنت وأمي واخواتي. 
وادعيلي.. شو بحب اسمعها منك الله يرضى عليكي يا بنتي.
إعداد: صوت المعتقلين
أداء وإخراج: راديو بلدنا
موسيقى: سومر شعبان
فيكن تعرفوا أكتر عن منظمة صوت المعتقلين عن طريق الرابط التالي:
detaineesvoice.wordpress.com
--------------------
و لا تنسوا تسمعوا البث المباشر على 
www.baladna.fm 
أو اتابعوا آخر أخبارنا على 
www.facebook.com/baladnabc

عيدية من سجن عدرا

من المعتقل 742 سجن صيدنايا - البناء الأحمر - الجناح ب يمين - الجماعية 4
هل هلالك يا رمضان، وخلص رمضان وهلأ عم تعيشوا العيد، بتمنى من كل قلبي تكونوا فرحانين وقوايا وصابرين، لا تأكلوا همي أنا هون بأمانة رب العالمين ومتأكد انو ما حدا بيقدر يعملي شيء إلا بإذنو، ومحتسب سجني عند ربنا تكفير ذنوب ورفع درجات بإذن الله . المهم أنتو يا حبايبي ديروا بالكون على حالكون واستنوني ان شاء الله كل سنة وانتو سالمين وان شاء الله بيكون عيدنا عيدين عيد فطر وعيد نصر وحرية... قولوا أمين.
إعداد: صوت المعتقلين
أداء وإخراج: راديو بلدنا
موسيقى: سومر شعبان
فيكن تعرفوا أكتر عن منظمة صوت المعتقلين عن طريق الرابط التالي:
http://www.facebook.com/detaineesvoice
detaineesvoice.wordpress.com
--------------------
و لا تنسوا تسمعوا البث المباشر على 
www.baladna.fm 
أو اتابعوا آخر أخبارنا على 
www.facebook.com/baladnabc

عيدية من سجن صيدنايا

من المعتقل 930 ادارة أمن الدولة الفرع 285  - المبنى الشمالي - المزدوجة التانية
ولسوف أعود يا أمي..... ما عم تغيب عن لساني، كل سنة وأنتي بخير وانتي وابي فوق رأسنا يارب ... لو تعرفي يامو دعاؤك قديش عم يهون عليي هون الله لا يحرمنا منك،  اشتقت لايدك عم تفيقني وتقلي قوم سماع تكبيرات العيد ونقعد على القاطع ونسمعهم سوا.. " الله أكبر الله أكبر الله أكبر كبيرا... "  اشتقتلك .. اشتقتلك .. اشتقتلك، أمانة لا تبكي يا أمي خليكي قوية متل ما بعرفك واستنيني أنا ما رح طول وهالباب يامو ما تسكر على حدا وكلو بدو يطلع، هدا العيد عيد الفرج والحرية والنصر بإذن الله ادعيلي وادعيلنا كلنا هون وسامحونا.
---------------
إعداد: صوت المعتقلين
أداء وإخراج: راديو بلدنا
موسيقى: سومر شعبان
فيكن تعرفوا أكتر عن منظمة صوت المعتقلين عن طريق الرابط التالي:
http://www.facebook.com/detaineesvoice
detaineesvoice.wordpress.com
--------------------
و لا تنسوا تسمعوا البث المباشر على 
www.baladna.fm 
أو اتابعوا آخر أخبارنا على 
www.facebook.com/baladnabc

عيدية من إدارة أمن الدولة

من المعتقل 7 - فرع المخابرات الجوية - ايداع فرع الادارة (ساحة التحرير) - المنفردة 7

قاعد بزاوية المهجع، عم ارسم عالحيط تعبك وحبي الك يا حبيبتي وأم ولادي، الله يقويكي ويعينك على ما قدر لك ، بعرف انو الحمل عليك صار تقيل.. تقيل كتير. ويلك تسألي عني، وويلك الأولاد وظروف الحياة يلي عم نسمع انها صعبة، سامحيني ، كنت متأمل اطلع على العيد وارجع احمل عنك كتف بس قدر الله وما شاء فعل، أنا استودعتكون عند رب العالمين، وعم ادعيلك كل يوم، ما رح انسى صبرك على غيابي وكل دمعة نزلت من عيونك الغاليين دين برقبتي يا تاج رأسي، كل عيد وأنتي والأولاد بخير حال، وان شاء الله العيد الجاية بقضيه بينكون .. بحبك... راجع، استنيني
---------------
إعداد: صوت المعتقلين
أداء وإخراج: راديو بلدنا
موسيقى: سومر شعبان
فيكن تعرفوا أكتر عن منظمة صوت المعتقلين عن طريق الرابط التالي:
http://www.facebook.com/detaineesvoice
detaineesvoice.wordpress.com
--------------------
و لا تنسوا تسمعوا البث المباشر على 
www.baladna.fm 
أو اتابعوا آخر أخبارنا على 
www.facebook.com/baladnabc

عيدية من فرع المخابرات الجوية

من المعتقلة 1520 - فرع فلسطين - مهجع البنات

3 ... 3  ها] تالت عيد وأنا بعيدة عن أهلي ورفقاتي وجامعتي، شو اشتقت للجامعة وفرحة العيد المضاعفة بالعيد وعطلة العيد، ان شاء الله ألف مبروك لكل يلي تخرج من أصدقائي وصديقاتي، ويلي طالعين عالتكميلية بقلهم ادعولي بلكي بلحق اطلع وقدم كم مادة معكون ، ذكرياتنا بالجامعة والشغل لأولاد البلد ما عم تروح من بالي وهي يلي عم تهون علي غيبتي عنكون.  سلمولي على كل الأحرار بسوريا وادعولي اطلع ولحق عيد الأضحى معكون وبينكون ونعمل كم نشاط للأطفال الأيتام كمان وبركي بقدر بمساعدتكون عوض السنتين يلي راحوا علي بالجامعة.

إعداد: صوت المعتقلين
أداء وإخراج: راديو بلدنا
موسيقى: سومر شعبان
فيكن تعرفوا أكتر عن منظمة صوت المعتقلين عن طريق الرابط التالي:
www.facebook.com/detaineesvoice
detaineesvoice.wordpress.com
--------------------
و لا تنسوا تسمعوا البث المباشر على 
www.baladna.fm 
أو اتابعوا آخر أخبارنا على 
www.facebook.com/baladnabc

عيدية من فرع فلسطين

فوضى وعجئة وكركبة... وحرية!
اليوم رح احكيلكن عن فوضى خطاب سيداتو، وفوضى الجهاد ببلدنا

إعداد وتقديم: جوري 

--------------------
و لا تنسوا تسمعوا البث المباشر على 
www.baladna.fm 
أو اتابعوا آخر أخبارنا على 
www.facebook.com/baladnabc

فوضى - الخطاب والجهاد

مركز النساء الآن وبالتعاون مع منظمات مجتمع مدني وبدعم من الإئتلاف السوري قاموا بتنظيم مهرجان ترفيهي للأطفال السوريين في البقاع الأوسط - لبنان، بعنوان “فرحة العيد من جديد”
فجر الشامي، مراسل راديو بلدنا كان هناك
--------------------
و لا تنسوا تسمعوا البث المباشر على 
www.baladna.fm 
أو اتابعوا آخر أخبارنا على 
www.facebook.com/baladnabc

مهرجان فرحة العيد من جديد - لبنان

عمره 18 سنة ... 
نايم عاسفرة الدرج تعبان من يوم داق فيه حرية الكلمة والصوت ..... الدنيا شوب ومافي كهربا ليتحمل خنقة الغرف ....
سمع صوت دج قريب ..... نزل ليطمن عا أهله ....شم ريحة غريبة ... رجليه ما عادو حملوه .....وقع من عالدرج وشاف الدرجات درجة درجة .... بس ما قدر يتمسك أو يتوازن مع إنو جسمو رياضي
حاسس بكل شي وشايف كل شي ....بس ما شاف حدا من أهله سأل عنه أو طلع من الغرف
بطل ابن ال18 سنة يشوف
وبطل يقدر يعرف شو صار بأهله
السم خنق النظر ..... وخنق الغرف باللي فيها 


عام على مجزرة الكيماوي
استنشاق_الموت
BreathingDeath


النص من إعداد : أبو هادي الحمصي

كيماوي_ الصورة الأولى

عمره سبع سنين
الكهربا مقطوعة بالبيت .... ومن خوفه من صوات القصف البعيدة والقريبة متل كل يوم .... كان عم يتقلب .... 
غفل شوي وبلش يشوف المنام .... رفقات الحارة ....طابة أصلية .
 وأب راجع من الشغل معو أكلات طيبة
تقلب شوي ....وبعدين ماعاد تقلب أبدا
السم خنق الحلم .... وخنق رفقاته ... ولوت الأكلات الطيبة 

عام على مجزرة الكيماوي
استنشاق_الموت
BreathingDeath


النص من إعداد : أبو هادي الحمصي
تقديم : عُلا

كيماوي_الصورة الثانية

قاعد قدام شاشة كبيرة .....
 مذهول وعم ياكل أضافيرو .... عم يتابع اللي صار وهو نايم تحت التكييف بليلة شوب
ما عاد يتحمل مناظر ...... شغل سيكارة ....رفع سماعة التلفون
ألو ....
 علومش يا الغلا .... شو تسوين ؟؟؟
مقهور وتعبان .... وأبي نطلع نتغدا برا نغير جو ونفك عن روحنا .... الهم قتلنا .....شوي وبمر أخذك
سلامات
طفا الشاشة ..... حط الشماخ عاراسو .... ركب السيارة وشغل التكييف ونغمة عالمسجلة رسمت ضحكة عوجهه
السم ما بيقتل هيك ناس .... 
لأنها بالأصل مـيتـة !!!!



عام على مجزرة الكيماوي
استنشاق_الموت
BreathingDeath


 إعداد : أبو هادي الحمصي
تقديم : فجر الشامي

كيماوي _ الصورة الثالثة

صبيه بنت العشرين ...
متل الوردة اللي جديد مزهرة عاإمها
سهرانة عم تفكر بخطيبها ابن البلد ... وسارحة بخيالها مع إخواتها الصبايا عم تفكر ببكرا ..... تعودت عاصوات كل يوم
ريحة قوية خنقت ندي الزهر ....ووقفت ساعات الدهر
حاولت تطلع تشم هوا نظيف .... لقت هوا كلو مسمم
شافت أهلها كلهن عم يختنقوا ....
 والصبايا وحدة وحدة ضوهن عم ينطفى
بنت العشرين عا أرض الديار ..... اختنق حلما بالسم
 .... واختنق معها البكرا 




عام على مجزرة الكيماوي
استنشاق_الموت
BreathingDeath

إعداد : أبو هادي الحمصي
تقديم : عُلا

كيماوي_ الصورة الرابعة

جنازة ميات الشهداء بغاز السم .... عرس هز السما قبل الأرض ... وهز قلوب ولاد البلد ......الأرض كلها تسممت .... بس السما مليت طهر
آلالف العيل كل عيلة فيها شهيد ويمكن أكتر بعد هالليلة ..... شي مصدق وشي مو مصدق
السم ... خلا العقل يغيب عن التصديق 



عام على مجزرة الكيماوي
استنشاق_الموت
BreathingDeath

إعداد : أبو هادي الحمصي
تقديم : ديـمـة

كيماوي_ الصورة الخامسة

ناشط حركه احساسه بالمسؤوليه ... 
حمل كاميرا استعارها من رفيقه وموبايل ودخل عالمشفى الميداني .... متخيل انو راح يعرف يوثق ....
وجوا السم ضاع .... تنقل بين المسمومين ....
بكي ....صرخ ....صور ...صور كتير شي بطعمة وشي بلا طعمة ....سعل .... اختنق ..... رجع بكي أكتر من الأول
سكت .... 
السم خلا الناشط لهلق ساكت ....
قتل الحرف وخنق الصوت مع إنو ما خنق الروح ......



عام على مجزرة الكيماوي
استنشاق_الموت
BreathingDeath


إعداد : أبو هادي الحمصي
تقديم : ماجـد بني

 قتل الحرف وخنق الصوت مع إنو ما خنق الروح

كيماوي_ الصورة السادسة

استنشاق الموت 21\8\2013 
قبل سنة من الآن ارتكبت افظع مجزرة في التاريخ الحديث 
وقفة تضامنية في بيروت في لحظة معقدة للاجئين السوري

 
تغطية فجر الشامي


بيروت تتذكر الكيماوي

نحن أفراد أسرة إذاعة “بلدنا” مجموعة من النشطاء المتطوعين، المقيمين داخل سوريا وخارجها، نأمل بوطن يكون فيه جميع السوريين مهيئين لتأسيس فكر سوري مدني دون استبداد.

Baladna FM

Popular tracks