مثلا الكون جميل والنيل بقى الف نيل
بعدين بعدين انا راجع مدغدغ عندى صداع مش عارف ليه وزغلله فى العين
والشارع بين شارى وبياع واقف يتفرج ع الصفين بعدين
وبعدين بعدين ياحبيبتى هنتمشى على شط النيل وندردش واحنا بنتعشى ونقول مواويل خلينا دلوقتى زميلة وزميل بس دقيقتين
اعرف انا فين ودماغى معاى والا نسيتها مع المفاتيح فى دكان على ناصية بين شارعين وبعدين
بعدين هنشوف الى ماشوفناش ونعيش ياحبيبتى الى ماعشناش وندور على الى روح ولا جاش
لوكان فى العمر باقى لبعدين
على فين على فين على فين

وجيــه عـزيز - بعــدين

عودة الابن الضال - مين فينا اللى مجنون

اسكندريه كمان و كمان _ #شاهين

مبقتش عارفة طعم اللقمة، مصاريني بتنهش قلبي يا سيدي المغربي.. روحي رايحة مني، رجعهالي! قلبي بيتخطف لما حد يجيب سيرته قدامي.. ابن الكلب مش شايفني! لو شافني مرة واحدة، لو بص لعينيا؛ هخليه يسف تراب رجليا، هخرب بيته... هخليه يحط الشطة السوداني في عروقه، والنار في جوفه، والكلب السعران وهو بينهش قلبه.. هخليه مجذوب، درويش، بس يبصلي! لو راجل يبصلي... لو راجل من ضهر راجل يبص لعنيا.. لو راجل هخليه خرئة قديمة مهلهلة.. هعلمه إزاى يبقى راجل، وإزاى يموت ويتعذب عشان واحدة.. بس ادهوني يا سيدي المغربي.. ادهوني يا اما هاموّت نفسي... أنا بحبه.


الكيت كات _عايدة رياض _ روحى رايحة منى يا سيدى المغربى

- يا ماما ماتسيبيش اساس المشكلة و تمسكي في الفروع .. أساس المشكلة كانت غلطتها هي .. شغلها في الجرنان من غير ما تستاناني و تاخد موافقتي .. و لما هددتها و خيرتها فضلته عليا

- إنت متجوزها عشان بتحبها ولا عايز تستعبدها ؟

- إنتي هتقولي نفس الكلام اللي هي بتقوله ؟؟؟
يا ماما مش معنى ان انا بحبها .. ان مايبقاليش رأي في مسألة جوهرية زي دي

- يبقالك رأي أه .. بس لها الحق تقتنع بيه او ما تقتنعش

- يعني إيه ماتقتنعش !!!
ماتقتنعش يعني ما تقتنعش ... كل واحد له دماغه

- دي مراتي !!!!!

- مراتك مش عربيتك .. اللي تشغلها بمفتاحك .. تحركها زي ما انت عايز و توديها مطرح ما تروح

- هأهأهأ .. والله عال .. ال رضينا بالهم و الهم مش راضي بينا

- إيه !!! .. بتقول إيه يا علي ؟؟؟!! .. لاهو إنت فاكر نفسك أحسن منها ؟؟ّ!! و إتعاطفت و إتكرمت لما إتجوزتها ؟؟؟؟!! بتستقل بيها و مستكتر نفسك عليها !!!! ... ما إنت حفيت وراها لما رضيت بيك .. ده إنت كان ناقص تنصب خيمة و تقعد فيها قصاد باب شقتها

- ماهو هبل الحب بقى و عباطته ... تقولي إيه !!!

- أقول إخص و ألف إخص عليك يا علي
.
ممدوح عبد العليم - محسنة توفيق
ليالي الحلمية

-   إنت متجوزها عشان بتحبها ولا عايز تستعبدها .ليالى الحلميه

حازم  شاهين   العربجيه

معني تبر : الذهب الخالص
_____________________
قلي أعمل إيه يا عم جعفر .. الطريق اتقطع عليا .. العتمة نزلت
مبقيتش شايف .. رجليا ورمت من المشوار .. مبقيتش قادر 
قلبي اتملى بالحزن .. مبقيتش حاسس .. ورايا سكة قطعتها وجراب مليته 
وأما جا الأوان لقيت الجراب فاضي 
آتاريه كان مخروم والزاد بيتسرسب منه وأنا غفلان 
لما فوقت من الجوع والعطش مالقيتش لقمة تشبع ولا شربة مية تروي 
اللي قدامي زي اللي ورايا .. الليل زي النهار .. الحب زي الكُرْه .. الجوع زي الشبع 
 طبقت إيدي على رمل افتكرته تبر ، مليت جوفي بمية مالحة 
وصلت الخطوة على حرف حفرة .. مافيش ولا دليل ولا نسمة هواء ولا صوت يرن في الودن يقلي هات إيدك يا ابن رضوان 
مافيش دلوقتي غيرك يا عم جعفر .. إنت الخير القديم .. إنت الأب اللي كان
رسيني على بر 
ـ وتسمع يا حافظ ؟
* أسمع وأطيع 
ـ خف حملك وإرمي لعنتك .. اللي فرق بينك وبين أخوك زمان 
اللي خسرك ولادك وولاد أخوك .. اللي زلك لمراتك ووطى راسك قدام ابنك 
المال يا حافظ .. المال اللي اتربى في حضن الطمع بقيت حتة منه وجزء من شره .. والشر لفك وكل عمرك .. وملوش دوا غير حاجة واحدة 
* إلحقني بيه ؟
ـ خطوة للخير مهياش بعيدة 
* دلني 
ـ منه له .. جاي رايح منه له

طبقت إيدي على رمل افتكرته تبر - منه له .. جاي رايح منه له

الشيخ إمام ـ يؤذن بالأوتار


الآذان بصوت عُود الشيخ امام

الفرح شاطر بصوت وجيه عزيز 
من كلمات مجدي نجيب وألحان وجيه عزيز

الفرح شاطر والحزن شاطر
والبحر غادر بأقوله حاضر
وأنا لسه قادر فى الحزن أفرح
هيه هيه هيه

نايمه العيون ساكتة الشفايف
دمعى يهون والقلب خايف
وأنا لسه قادرفى الحزن أفرح
هيه هيه هيه

مليان جنون لكنى عاقل
أنا مين أكون ولا حد سائل
وأنا لسه قادرفى الحزن أفرح
هيه هيه هيه

وجيه عزيز - الفرح شاطر

سألت قمر المسا 
قالي الطريق واعر
لايسكله اللي عشق
ولا يسكله شاعر
سألت قمر المسا 
قالي طريقك صعيب
لا يسلكه طير غريب
واللي انجرح في العشق
منين نجيبله طبيب


محمد حمام - قمر المسا

وجيه عزيز- ممكن

من أنا لأقول لكم ما أقول لكم !

طبقت إيدي على رمل افتكرته تبر - منه له .. جاي رايح منه له

baraa nabil ❹

Recent comments

Ahmed Fathi 11

Amany mony

Related tracks