Youtube: https://youtu.be/jDOEt9YEwHQ
Facebook: https://www.facebook.com/baryshnikau

Ціхі шэпт зарапада спыняе складацца ў верш,
Застывае мора мёртвага лісця, што толькі што мыла ногі,
Калі з горада, дзе ты больш не жывеш,
Зноў прыходзіць сігнал паветранае трывогі.

І падбітае лісце зямлю крые йржавай бранёй,
Перамолваюць зерне ў порах і снег бязлітасныя жорны…
Калі жоўта-блакітнае неба 
Залівае зара крывёй,
Яно робіцца чырвона-чорным.


І сыходзяць усе, але лепшыя з нас — найперш.
І брукуе гісторыя іх чарапамі дарогу.
А ў горадзе, дзе ты больш не жывеш,
Зноў лунае паветраная трывога.

Там са змеем змагаецца сокалам сціплы герой,
Хаця ён, як і ты, меў іншыя планы на сёння…
Калі жоўта-блакітнага неба шэўрон
Заплыве пабрацімаў крывёй,
Ён становіцца чырвона-чорным.


Кожны дзень як апошні, бо заўтра ня бачна з дазорных задымленых веж,
І пачуцці схаваныя мурам высокага болевага парогу.
Але ў горадзе, дзе ты больш не жывеш,
Хтосьці блізкі штодзённа цябе ўспамінае з трывогай.

Хтосьці ў неба з надзеяй глядзіць вечаровай парой,
Хтосьці моліць каб знічкі ня падалі хаця б гэтаю ноччу зорнай...
Калі жоўта-блакітнае неба 
Набрыняе вайной,
Яно робіцца чырвона-чорным.

Ды аднойчы, мой дружа, "навзаєм" альбо "наўзаем"
Мы зруйнуем муры, размінуем да сэрцаў дарогі.
І ў тых гарадох, дзе мы зноў зажывем,
У паветры ня будзе трывогі.

Паглядзі, як працяты світанку вагнём
Падыхае паранены змей пад кустом ракітным…
Калі чорна-чырвонае неба начы
Развіднеецца новым днём
Яно стане зноў жоўта-блакітным.

1-24.11.2022 Беласток-Гданьск (з думкай пра Львоў, Кіеў, Мінск, Слонім)

Запісана ў Гданьску, 23-24.02.2023
Тэкст, музыка, запіс, гітара, вакал, праграмаванне: Яўген Барышнікаў
Звядзенне і мастэрынг: Павал Сініла
Візуал: Midjourney

Зарапад

Радаўніца, Наўскі Вялікдзень. Наўцам — адыйшоўшым за прамінулы год — асаблівая ўвага. Сябрам і паплечнікам Зьмітру Сідаровічу і Якубу Волату прысьвячаецца. Вось пра іх. Ну і пра нас усіх, кавалёў і магільшчыкаў ўласнага шчасьця. Больш адказнасьці, сябры, менш ныцьця — і ўсё атрымаецца.

Прабачце канцэртную якасьць, іншага запісу няма, а адчуваю патрэбу менавіта сёньня паказаць. Запісана на канцэрце ў Графіці 29.03.2015

Eugen Baryshnikau

Popular tracks