Agda3 nas feky ya masr - أجدع ناس فيكي يا مصر

Basata Band - Bahes | بساطة باند - بحس

الشاعر:إسلام حامد
ألحان:نبيل لحود

سيبناك وهاجرنا .. على بلاد غيرنا .. سيبنا جدايلنا.. مربوطة بفيونكة
لمتنا حواديتنا ..ودفانا فى بيوتنا .. سيبنا تفاصيلنا.. واهو توهنا فى السكة

بابا الغالى
مهما حكيتلك عن أحوالى .. عن توهة قلبى وخيالى
مش عارفة أتصرف من غيرك
مش لاقية روحك تسمعنى .. وبلوفر الغربة مسقعنى
حضن الدنيا هنا بيشوك .. والذكرى فى قلبى بتتلكك
علشان تهرب توصل عندك
وأرجع تانى لأيام خيرك
لمتنا حوادتنا ..ودفانا فى بيوتنا .. سيبنا تفاصيلنا.. واهو توهنا فى السكة

بابا صديقى
المفروض إنى مرتاح .. ليل الحلم طلع له صباح
وبقيت نجم فى وسط سحاب .. أيوه الغربة برضك بيت
لكن نسيوا يعملوا باب .. فاكر كل نصايحك شمعة 
أسترجل تغلبنى الدمعة .. أصرخ كل الناس أغراب
هنا لبن العصفور موجود
بس العصفور نفسه يجيلك
لمتنا حوادتنا ..ودفانا فى بيوتنا .. سيبنا تفاصيلنا.. واهو توهنا فى السكة

إبنى صديقى .. بنتى الغالية
إخترتم الموجة العالية فى بحور الوطن المجنونة
مش كل النور يمسح ضلمة ولا كل الأحلام مضمونة
كان لازم تجروا ورا طموحكم وتجربوا مشاعركو وروحكم
وتشوفوا الصورة من برة يمكن تِوصَلكُم حلاوتها
طول ما النحلة بتهجر بيتها .. عُمر عسلها ما يملا الجرة

3asal al na7l - عسل النحل

الشاعر:سالم الشهبانى
ألحان: نبيل لحود

خايل عليكى خال
العقد والخلخال
يا مطرزالى الشال
ومبينة القصة
بصيلى لو بصة
قلبى اللى فى العشق لسه
هادر كما الشلال

طيفك ما تاه منى
وعنيكى تهمنى
كان ايه اتاه منى
قلبك عشان ينسى
يقسى ويهملنى

حنى عليا حنى .. طرح الخدود حنى
يا مبعدا عنى
خلى ما بنا وصال

خايل عليكى العقد والخلخال

شرع الهوى شرعى
و الود من شرعى
لو تمرئى فى شارعى
لكتب عليك اليوم
وتصيرى من شرعى

حنى عليا حنى .. طرح الخدود حنى
يا مبعدا عنى
خلى ما بنا وصال

تقاسيم قانون وموال

خايل عليكى العقد والخلخال

5'ail 3aleky - خايل عليكي

آدى الحكاية

الشاعر:هشام الجخ
ألحان:نبيل لحود

مزحوم يا قطر الغلبانين .. وحنشكي مين؟
واخدين على صوت الانين .. لينا سنين

متعلمين الطاعة .. من قبل الصلا
ويا إما نبقى بضاعة .. يا إما المقصلة

والجُبن وسط الجواعة .. قيمة مأصّلة

وآدي الحكاية مفصّلة.. بس اللي يسمع مين

ady el 7akaia - أدي الحكاية

الشاعر: إسلام حامد
ألحان:إيهاب عبد الواحد

إلحقينى .. أم تانية بتنادينى
و ف عنيها سيل حنان
غطى أشواقى وحنينى
بتشاورلى من بعيد .. أم راضيانى وليد
يا عنيدة
نفسى اونسنى بعنيكى ... أيوه هايكفم أكيد
لو تهامسينى بخيالك ... يا جمالك لو تجينى
أو توافقى يا حبيبتى
ترسمى حلمك فى عينى.. إلحقينى

من سنين تلاتين يزيدوا .. بينادونى أمهات
بس رافض أتركك .. وانت رفضانى أبات
جوه فكرة تقربك .. م الهوى والأغنيات
يم قلب حزين ها يبكى .. من فراقى ومن أنينى
إمتى ها تحطى إيديكى .. فوق إديا وتحضنينى
إلحقينى
خايف أندم إنى أفوتك ... بين ضيوفك الكتار
هجرتى مش قد صبرك .... رغم حكمك بالفرار
ليه طلقتى العقل بينا .... وانتى مشتاقة لجنونى
ليه بتتوضى بزمزم .... من صلاتك تحرمينى
وانا ركعة بالف جنة ... بس تنوى تركعينى

إلحقينى

al7a2eny - الحقيني

الشاعر:عبد الحميد الحباك
ألحان: إيهاب عبد الواحد

هات الورنيش ... وادهن بيه الشيش
ضلمه علشان النور ما يجيش
سك الشبابيك ... حضر تلاكيك
للى هيسأل عن حال معاليك

خليك كسلان .. قوم م النوم نام
واوعى تفكر يتعدل الحال
وعلى قولك انت هتعمل ايه ؟
واللى هتعمله هيغير ايه ؟

مش بخنق فيك ... ده كلامى انا ليك
خده منى نصيحة وفكر فيه

ولا انت خلاص ... مات الإحساس
مش فارقة معاك أتكلم ليه ؟

خليك كسلان .. قوم م النوم نام
واوعى تفكر يتعدل الحال
وعلى قولك انت هتعمل ايه ؟
واللى هتعمله هيغير ايه ؟

هات الورنيش ... وادهن بيه الشيش
ضلمه علشان النور ما يجيش
سك الشبابيك ... حضر تلاكيك
للى هيسأل عن حال معاليك

el warnesh - الورنيش

estanged ba2lbk - استنجد بقلبك

الشاعر:أحمد فؤاد نجم
ألحان: نبيل لحود

أغنية كلمتين لمصر قام بتلحينها الشيخ إمام فى الستينات وقد قام نبيل لحود بتلحينها لحن جديد وقدمها فريق بساطة فى أغسطس 2010

كل عين تعشق حليوه .. وانتى حلوة ف كل عين
يا حبيبتى قلبى عاشق .. واسمحيلى بكلمتين
كلمتين يا مصر يمكن هما آخر كلمتين
حد ضامن يمشى آمن أو مآمن يمشى فين؟
---
شابه يا أم الشعر ليلى .. والجبين شق النهار
والعيون بحرين أمانى.. والخدود عسل ونار
واللوالى فى ابتسامتك .. يحكوا أسرار المحار
ياللى ساكنة القصر عالى .. إمتى يهنالى المزار
كلمينى يا صبية طال علي الإنتظار

كلمتين يا مصر يمكن هما آخر كلمتين
---
قصرك المسحور غيلانه .. أغبى من دود الغيطان
بعد مص الغصن لاخضر .. ينحتوا عضم العيدان
واللى خلا الأرض خضرا .. واللى خلا الدار أمان
عاش بجوعه ملو جوفه .. مات بخوفه م الغيلان
روح الغلبان ما قالشى .. عن شقى العمر اللى كان

كلمتين يا مصر يبقوا هما آخر كلمتين
---
آدى كلمة من عذابى قلتهالك
باقى كلمة من حنينى صنتهالك
فى الضلوع من دنيا ظالمة 
كنت خايف يلمحوها
يقتلوها فى سكة ضلمة

شقشقت والنور بشاير .. زهرة الصبار يا سلمى
يا نسيم الشوق يا طاير .. خد لمصر الصبح كلمة
طول ما يبقى الركب ساير .. بالبصاير والعنين
يبقى ضامن يمشى آمن يبقى شايف يمشى فين

كلمتين يا مصر يمكن هما آخر كلمتين

kalmten lamser - كلمتين لمصر

الشاعر:إسلام حامد
ألحان: إيهاب عبد الواحد

مهما حاولوا يرسموكى
مهما حاولوا يفهموكى
انتى أروع من خيالهم
أنتى قصر عتيق ملوكى
من جمالك .. لسه بحلم .. الملايكة يقلدوكى

النهار كان له عنين ... بس ما فهمتش ضياه
قلبى كان ميت بيحلم ... تملا أفكاره الحياة
انتى أحلا يقين بشوفه لما تملانى شكوكى

كنت عايش عل الحقيقة
إنى هفضل كون حزين
مهما أضحك ولا أفرح
كنت برجع للأنين
إنتى أصدق .. بسمة مسحت .. الوجع من قلب شوكى

كنت وحدانى فى رحلة .. شفت فيها الناس تماثيل
من برودة المشاعر .. كنت فاكرنى يتيم

الدفا عشش فى صدرى
لما قلتى انى أبوكى

mahma 7awlo - مهما حاولوا

الشاعر:إسلام حامد
ألحان:إيهاب عبد الواحد

على طراطيف صوابع الفقر
وقف ياخد نفس مهدود
عجوزة عنها بِعِد الشر
سنين والليلة بقى موجود
كانت نايمة فى آمان الله 
دخل بهمومه م المنور
فى رقبتها ماشاءالله 
وفى رقبته ولد أصفر
نهش صدره المرض
خلاه ولا بيلعب ولا بيطير

وصل لسريرها والرعشة ما بينهم خيط
فتح دواليبها ما لقاش إلا بكرة خيط
وشال صوف إتنحل وبره فى قطع كبير

فى دُرج حياتها لقى دبلة وكبسولتين
وصورة قديمة لجوازها سنة عشرين
وعشرة جنيه فطار بكره وأنسولين

صابتها النوبة وإتكرش النفس وإنحاش
وصابه الرعب من تهمة ما نفذهاش
وقال يهرب لكن غلبه ملاك الخير

مسك محموله يطلب واحد إتنينتين
وكان فى رصيده فاضل قد خمسة جنيه
ولسه النمرة مشغولة ليوم الدين

malak el 5eer - ملاك الخير

الشاعر:عبد الحميد الحباك
ألحان:إيهاب عبد الواحد

مستحملانى ومربيانى ورمت ودانى من كتر التقريص
واهو جاب نتيجة ما اعملش عيبة دى عليها هيبة ولا بتوع البوليس

على طول هدومى وشورباتى
دايما نضيفة ومكوية
وإن أزمت يوم فى حياتى
تدينى كام ورقة بمية
حركاتى دايما فاهماها ولا حاجة إلا وعارفاها
وأما بتتعبى ويايا بتخوفينى ببابايا

مستحملانى

أول ما رفصت فى بطنك
وانتى بتتعبى علشانى
مش لما أكبر أشيل عنك
لا بلخمك أنا بعيالى
حركاتى دايما فاهماها ولا حاجة إلا وعارفاها
وأما بتتعبى ويايا بتخوفينى ببابايا

mama - ماما

يحكى أن

الشاعر: د.سامى الرفاعى
ألحان: إيهاب عبد الواحد

يحكى أن طفل وطفلة
كانوا زمان عايشين فى أمان
تحت الشمس و فوق الرملة
حب بريء لضمير إنسان

م الصبحية للعصرية
يجروا خفاف على شط البحر
لو يتكلم تضحك هى
مش حاسين بمرور العمر
ولا حاسين بمكان و زمان

كبر الطفل وساب الطفلة
تستناه وتقول حواديت
ساب الشمس وساب الرملة
ساب الأهل وساب البيت

راح وإتغرب فى البلدان
قضى سنين الغربة وتاه
عاد لبلاده بشوق وحنان
كسب الصيت والمال والجاه

ضاع من إيده حب سنين
خسر الحب وعاش ندمان

Yo7ka Anna - يحكى أن

الشاعر: إسلام حامد
ألحان: إيهاب عبد الواحد

ارفضي ولا تقبليش
تبقي شمس ماتشرقيش
تبقي قصة ماتتحكيش
وارفضيني لو في يوم قلبي من غيرك يعيش

ارفضي حلمي في هواكي لو في احلامي اساكي
وان سكن ليلي عيونك وان عصف ريحي بغصونك
ارفضيه ولا تنحنيش
وارفضيني لو في يوم قلبي من غيرك يعيش

ارفضى دمعي في حنانك لو في دمعاتي هوانك 
وان مسح قلمي سطورك وان نعس جسري في عبورك
اهدميه ولاترجعيش
وارفضيني لو في يوم قلبي من غيرك يعيش

ارفضي دربي في هروبك لو في طرقاتي غروبك
وان نسي هتافي حروفك وان لمح قمري خسوفك 
اشعليه ولا تنطفيش
وارفضيني لو في يوم قلبي من غيرك يعيش


ارفضي سيرتي في روايتك لو في حواديتي نهايتك
وان هجر نيلي واديكي وان عطش زهري في ايديكي
اقطفيه ولا تدبليش
وارفضيني لو في يوم قلبي من غيرك يعيش

orfody - أرفضي

الشاعر: كمال كامل
ألحان: إيهاب عبد الواحد

ما تلومونيش لو عشقته عينى
قدام سحره قلوب بتسلم
وانا من غيره بتوه فى سنينى
بعد كلامه ده مين يتكلم

صوته نايات أنغامها حنان
جوه عيونه الشوق الحان
قلبه حكاية لكل زمان
والعشاق منه بتتعلم

بين أحضانه بلاقى حنينى
واما بيبعد يوم بتألم
مهما هيحصل بينى وبينه
حبه سنين فى القلب معلم

لمسة إيده بتخلينى
وانا وياه معرفش أتكلم
نظرة عينه بتنسينى
إن الليل بالليل بيضلم

matlumunish - ماتلومونيش

الشاعر: إسلام حامد
ألحان: إيهاب عبد الواحد

من كام شتا
بعشق عيونك والمطر
ورعشة الليل والطريق
من كام شتا بتدفي بيكي م الخطر 
واتخيلك عصفور برئ
وانت يادمعة م القدر كارهة الشتا رافضة المطر
كارهة مشاعري في الشتا ياام المشاعر ميتة

من كام شتا...من كام شتا

الاسئلة والذكريات والاغنية متلهفين
متشوقين تشتي السما على حلم اصبح مستكين
جبتي القساوة دي منين والخطوة ليه متاخرة
وعنيكي ليه متحيرة لساكي بنت صغيرة
شايفة الهوي مانيكان حزين

من كام شتا بعشق عيونك والمطر
ورعشة الليل والطريق
من كام شتا بتدفي بيكي م الخطر 
واتخيلك عصفور برئ وانت يادمعة م القدر
كارهة الشتا رافضة المطر
كارهة مشاعري في الشتا ياام المشاعر ميتة
من كام شتا من كام شتا

men kam shata - من كام شتا

بسبحك يا ربي يسوع
انت حبيبي و مالي قلبي
و كل قلبي مليان خشوع
بأسجدلك ربي تقبل حبي

الله اكبر الله اكبر لا اله الا الله

ع الانبيا صللي
وتعالى يا خلي
...هنصوم تلاتين
وخمسة خمسين
نفطر مع مصر بالحب نحلي
 
الدرس انتهى
ونزلنا الفسحة
قالوا عننا موتنا
وقرولنا الفاتحة
من تلاتين سنة
سايبينهم هنا
يكدبوا ويغشوا
ويجملوا وشه
 
يمنعوا ارزاقنا
ويزودوا داءنا
عملونا مواسم
حصدوا ارواحنا
مكانوش فاهمين
إننا صاحيين
مش معنى سكاتنا
إننا خايفين
 
اصغرنا إن قرر
الكون يتحرر
الثورة تقوم
درس المحروم
اكمنه قاريها
جاب عالي واطيها
لم اللي ظلمها
في المزرعة فجأة
 
هيلا
هيلا
هيلا
 
واهو لما اطمن
نضف حواريها
زوق جناينها
بالدم الطاهر
واندهش العالم
اللي مش فاهم
إننا أحرار
وولاد أحرار
 
ياللي هتحكمنا
حاسب واتعلم
الدرس الشعبي
واضح وصريح
واحلم حلمنا
واعرف إننا
أقوى من الريح
أقوى من الريح
 
يابلادي ده عهدي
مايمسك حد
في حياتي وبعدي
هتعيشي بجد
في حمايا عروسة
مصر المحروسة
من قبلي لبحري
على ارضي وبحري
وانا قد العهد

Hela - هيلا

ركبت الصبح تاكسي بكلم في نفسي ايه الناس دي كلها ايه
ليه كل طلعة نهار بجد مش هزار بنشكي لبعض ع اللي احنا فيه
مادام كترت عيوبنا وحالنا مش عاجبنا في بعض منفكرش ليه
بلدنا زهقت معايرة وتايهين في دايرة وده اللي وصلنا ليه

حالنا حال.. ليه طموحنا بس نجيب عيال
كلنا بنسأل نفس السؤال.. ليه مبنبصش بعيد
ليه ياناس.. هي مش في بالنا م الاساس
دي علم مرفوع في ماتش كاس.. حتي ده حلم و بعيد

بجد ده اللي واضح بنعمل فضايح ونتريق عليها
بقت سلوى ولبانة عيوبنا بامانة وامتي هنداريها
وليه بنلومها هي ما لونعقل شوية مانا اللي فيا فيها
سيادتك اما تساعدها وتاخد بايدها هاتعرف تشتكيها
حالنا حال

بلدنا حبيبة ونشتمها عيبة دي بلدي وبلدك انت
ماهيش محتاجة فتوة مبنتقدمش خطوة وهنفوق بس امتي
امتي هاننسي السوالب ونعمل العجايب ونبقي في كل حته
قلوب بالخير تقول وعارفة الاصول ولا مفيش فيها غلطة
حالنا حال

انا لأ ماقلتش نكبر نطنش نشيلها من دماغنا
بلدنا فيها خير ولو عندك ضمير هتتغير حياتنا
فينا الحلو اكتر ليه في الوحش نفكر وبنبوظ صورتنا
بلدنا احنا اللي فيها ويانعدي بيها يا نفضل زي ماحنا

7alna 7al - حالنا حال

الشاعر:سالم الشهبانى
ألحان:نبيل لحود

حاسس إنى لسه صغير
وكأنى ما كبرتش ثانية
ولا فى عنية الكون إتغير
ولا شكل الناس و الدنيا
لسه الدنيا زى ما هى لسه الصورة دى فى عنية
وانا واقف قدام مدرستى مستنى طابور الصبحية

رايح بدرى عن مواعيدى
واقف بس مربع إيدى
بردان لكنى مش قلقان
والشبورة فوق مدرستى
شبه الرسمة اللى فى كراستى
اللى رسمتها أنا بالألوان

لسه الدنيا زى ما هى لسه الصورة دى فى عنية
وانا واقف قدام مدرستى مستنى طابور الصبحية

والأيام فى عنية براح
والأحلام طعم الأرواح
اللى فى جيب مريلتى البنى
عارف بكره وهو عارفنى
عمر زمانى ما يخوفنى
ويخلينى أبطل أغنى

لسه الدنيا زى ما هى لسه الصورة دى فى عنية
وانا واقف قدام مدرستى مستنى طابور الصبحية

حاسس إنى لسه صغير

2odam Madrsty - قدام مدرستي

الشاعر:هشام الجخ
ألحان: إيهاب عبد الواحد

حبيت تدوس أرضى
أرضى ما حبتش
حتبات هنا الليلة
بكره ما حتبتش

حمل قنابلك هات
كيل وحمللى
راح أموت ووقت مموت
عيِل يكمللى

معناش سلاح مللى
ولا طيرات مللى
والبندقية اللى ف ايدى
حا يالله كام مللى

ب أسمى وبصللى
بصيد بيها أبتشى

حتبات هنا الليلة
بكره ما حتبتش

Apatchi - أباتشي

الشاعر:د.سامى الرفاعى
ألحان: نبيل لحود

أنا طول عمرى جنب الحيط أنا مابحبش التنطيط
وماشى فى حالى ومسلم دايما بقول الدنيا بخير
والعيشة دى عال والرزق كتير وقليل جدا لو أتكلم
أنا جنب الحيط

لا عمرى خسرت فى البورصة ولا نصاب سرق مالى
وفين المال بلا وكسة دنا مخنوق بعيالى
عليهم قبل حالى بكيت

ما بشتكيش أبدا م العيش ولا العيشة ولا الزنقة
ولا السُكنة اللى ما تكفيش ولا عايز أجيب شقة
أجيبها منين وحالى بسيط
أنا جنب الحيط 

وبقول دارينى يا حيطة واخاف م الحيطة تسمعنى
تقولى هس بس إكتم بلاش ظيطة وتضربنى
وتوجعنى يا ريتنى ما جيت

وراضى ما كونش فى الصورة وبتمنى أعيش مستور
وخلق كتير مجبورة يعيشوا لا أمل ولا دور
يدوب عايشين على الفتافيت
أنا طول عمرى جنب الحيط 
أناجنب الحيط

أيه ده ؟! فين الحيط ؟

Ganb al 7ait - جنب الحيط

الشاعر:هشام الجخ
ألحان: إيهاب عبد الواحد

مش كفاية 

طياراتكم مش كفاية
والمدافع مش كفاية
والقنابل والحصار
والحرايق والدمار
والدموع فى عيون صغار
والجناين تبقى نار

مش كفاية 

لو عايزِنى مرة أخضع .. غيرونى
شوفوا يمكن لو ده ينفع .. بدلونى

ولما ما تلاقوليش طريقة
واجهوا لو مرة الحقيقة
واقروا من قرآنى آية
تفهموا أصل الحكاية
إنى بضحك عل القنابل
موتة جاية وقلبى قابل
تعرفوا
إن القنابل والمدافع والشظايا
والسلاح اللى معاكو و مش معايا
مش كفاية

موتونى ألف مرة
غصب عنكم بلادى حرة

وللنهاية كلمة بكتبها بدمايا
للى يستشهد ورايا
إن ثمن الجنة ديا
لو حياتك .. مش كفاية

mush kefaya - مش كفاية

الشاعر:أحمد رامى
ألحان: إيهاب عبد الواحد

عاشر من الناس كبار العقول
وجانب الجهال أهل الفضول
واشرب نقيع السم من عاقل
واسكب على الأرض دواء الجهول

Rob3iat el 5'aiam - رباعيات الخيام - عاشر من الناس

كلمات: محمد سرحان
الحان إيهاب عبد الواحد
توزيع: امير سمير
غناء: فريق بساطة
 
قومي يا مصر .. محتاجلك .. كل اللي اتحاموا في ضلك
قومي يا مصر .. بنقولك .. ابنك بس اللي فضلك
 
ابن البلد اللي رفع صوته .. وبحسه اتهز الملايين
ابن البلد اللي سبب موته .. قشعر قلب المصريين
 
ابنك ده اللي هيقدر يرفع .. راسك مهما اذوكي يا مصر
تمشي في نفس الشارع تسمع .. ترانيم ويا ادان العصر
 
نفسه يمشي السكة الواقفة.. نفسه يرجع تاني الحق
خلى قلوبنا مهياش خايفة .. مش تايهين بين أيوه ولأ
 
كل جدور الشجرة قطعها .. وزرع بذرة جديدة بحب
بذرة الناس عايزة تطلعها .. مش مروية بنقطة كدب
 
ابنك ده اللي هيفضل يدي .. أكتر م الأول بكتير
مش ناوي يسيبك دلوقتي .. ولا لم فلوسه وهيطير
 
ابنك ده اللي هيرجع يزرع .. ارضك قمح وقطن وخير
ده اللي بشغله هنفضل نطلع .. أسرع م الأول بكتير

2omy ya maser - قومي يا مصر

فريق بساطة - مزيكا وغُنا من هنا"
"هنغنى للحب ... والحاجات التانية"

شعارين اختارهما أعضاء فريق بساطة الغنائي ليعبروا (ببساطة) عن القيمتين الأساسيتين في تكوين الفريق..
قيمة الانتماء وقيمة الاختلاف..
الانتماء لهذا الوطن..لترابه وتاريخه ولغته ورموزه وموسيقاه.
.والاختلاف عن السائد من أغاني الحب والهجر والفراق.

توليفة موسيقية، تمزج الآلات الشرقية (العود و الرق والطبلة) بالآلات الغربية (الجيتارات) بالموسيقى الكلاسيكية (التشيلو) مدعمة بكلمات مختلفة لشعراء شباب اختاروا الابتعاد بمواضيعهم عن المعتاد..منهم إسلام حامد ومحمد سرحان وسامي الرفاعي وسالم الشهباني وهشام الجخ والذين كتبوا للوطن..لذكريات المدرسة والطفولة..للرغبة في كسر القيود..للحرية وآفاقها..وحتى لرمز من رموز مصر كأبله فضيلة.

ما يحاوله أعضاء بساطة دوما هو تقديم معان عميقة بشكل بسيط وشديد التكثيف في نفس الوقت..يمكن فهمه على أكثر من مستوى فمن يسمع الأغاني ليستمتع بلحن لطيف وكلام قريب للقلب يجد غايته..ومن يفكر قليلا فيما يسمعه ويحاول إدراك ما وراءه يجد ما هو أعمق وأكثر تاثيرا.

Basata Band

Popular tracks