Hesham Elgakh

عبروا الرجال القنال

والنصر مش ساهل

والدم ع الرمل سال

والغالية تستاهل

 

عبروا الرجال صايمين

حالفين يمين النصر

وحياة صلاح الدين

 

لنصلي فيكي العصر

 

أما اليهود مجانين

ملقوش مكان غير مصر؟

 

إتظبطوا ظبطة تمام

والعلقة كانت موت

وأهو طلعوا بس كلام

واخدينا كان بالصوت

 

وكل يوم حالة وقولة وقوالة

إعلام وكدب وزيف

لما إنتوا رجالة

بنيتوا ليه بارليف؟

هشام الجخ - عبروا الرجال القنال

منطقى لما يبقى يتيم و أمى ويبقى سيد العالمين

منطقى الحُسَّاد هتكتر و العدا و الكارهين

و اللى هيقولك ده شاعر

و اللى هيقولك دا ساحر

و اللى هيقولك دا كافر

واللى يكتب و اللى يرسم

و اللى يكدب و اللى يشتم

منطقى

 

هى غيره

زى غيرة الوليد بن المغيره

مش كان هيسلم؟!

بس حاجه فى نفسه حَكِّتْ

كبره خلَّى نفسه شَكِّتْ

أصل داء الكبر ده أكبر خطر

بس يعنى الجَنَّه تِعْمَرْ وحدها؟!

حَبَّه فى الجنه و نعيمها وحَبَّه فى سقر

منطقى

 

و منطقى لما يبقوا المسلمين حالهم كدا

تطلع ضوافر للعِدا

مادمت مش زارع بإيدك غلتك

و الجوع قرص على معدتك

فا ذَلِّتَك

مادمت متشتت و تايه فى الكلام

فين الودان اللى هتسمع شكوتك؟!

و منين يجيلك و ش تحمق ولَّا تغضب

ولَّا ترفع كلمتك؟!

 

هما مش قاصدين يهينوا المصطفى بحبة صور

هما عارفين إن سَيِّدنا النبى سيد البشر

هما قاصدينك و قاصدينِّى و قاصدين كل جيلنا

و طول ما بِنْكَسِّلْ و نتفرَّق و بندارى الحقايق

لسه ياما راح يجيلنا

أما سيدنا النبى ربه كافيه

يستهزقوا مِنِّينا إحنا

أما هو رَبُّه صاينه و مصطفيه

 

لو كانوا حضروه كانوا عرفوا يرسموه

كانوا هيسموه بعدله و بسماحته و بهدوءه

كانوا شافوا إن الصحابه بتلحق الميه اللى نازله من وضوه

لو كانوا لحقوه كانوا عرفوا يرسموه

 

إحنا ما رسمناش نبينا فى العيون

إحنا فهمناهم إن الدين بتاعنا لا فيه علوم ولا فيه عمل

ولا فيه أدب ولا فيه فنون

اتلهينا باحنا كنا و احنا كنا

و نمنا فى اللى راح يكون

 

بس احنا فقنا

بجد أسفينلك و راجعينلك

شعبك نشيط عامل و صافى و تقى

زيك يا سيدنا النبى يابو قلب طاهر نقى

أما اللى واكلاهم غيرتهم فا ده منطقى

هشام الجخ - منطقي

لو جم قالولك إنُّه مش باين عليه أثر الفراق

و انُّه مش بيجيب فى سيرتك و انُّه عادى

لا بان عليه أثر الفراق ولا فيه ألم ولا فيه اشتياق

حقاش قصيده كتبها فيكى

هى دى اللى طلعتى بيها

أما هو خلاص نسيكى

عادته ولاهيشتريها

و احنا قولنالك زمان ما بتسمعيش

فا ماتزعليش

 

ثم هو ماكانش نقوه

كان بيتأخر عليكى بالساعات

و كان مفلس و شاكله يعنى ماكانش هو

كل أصحابك عابوه

أهو غار فى داهيه

و بكره يركع تحت رجلك سيد أبوه

 

بس يمكن كان حنين حبتين

حبتين .. هم بس حبتين

كان برضه بيسخّف عليكى

كنتى فين و رايحه فين

بس كان بيبان عليه

لما اسمك ييجى فى الكلام تلمع عنيه

 

بس برضه كان سقيل

ما كانش بيقدر ظروفك

كام مره قلتى مستحيل

و يصر برضه انه يشوفك

 

و ما تزعليش من قساوة الدنيا و عنادها العجيب

أنا كنت فاكر نفسى أقوى من النصيب

و كنت بتّريق على اللى ما كملوش

مين كان يقول ان النهايه تكون فاشوش

 

أنا لسه فاكر و قفتك و سط البنات

فاكر هدومك و ابتسامتك و الكلام.. حتى السكات

اذا كان فراقنا صحى فيكى كام وجع

أنا كل ليله بتدبح بالذكريات

 

أنا عندى ركن بحط فيه كل الحاجات

كل القصايد و الألم.. كل البنات

جيت أركنك جواه رفض.. ماكفاكيش

فا ماتزعليش

 

أنا بس طبعى قعود و بكتم جوه منى

مش فاكره نانا و جرحها

طب بان عليا بعدها

مش كنت بتنطط و اغنى

والناس تشوفنى تقول حجر

ولا اتوجع ولا اتكسر

زى الجبل ما بينحنيش

ماتصدقيش

 

أنا لما سيبتك كل حاجه اتغيرت

ريحة الشوارع و الدكاكين القديمه و البيوت

كأنى ببدأ من جديد رحلة حياتى.. أو بموت

حسيت كأنى نهيت حياتى خنقتها

أنا كنت متخانق معاكى وقتها

ماكنتش أقصد أقولك امشى ما ترجعيش

بس انتى كنتى صغيره مافهمتنيش

 

الطبع غلاب و انتى عارفه و كنتى لازم تعذرينى

ماعرفتش اترجاكى و انتى بتدبحينى

ربونا عالهيبه و عالحب بقيامه

و ان لما البنت تتقل يوم عليك .. بالسلامه

 

صدقيهم لو قالولك إنى عصبى أو فلاتى

و انى بعرف ألف واحده و قلبى بيغير يوماتى

صدقيهم لو قالولك أى كدبه عن حياتى

بس أوعى تصدقيهم لو قالولك انه كان كداب معاكى ما حبكيش

وان جم قالولك انه مش باين عليه أثر الفراق ماتصدقيش

هشام الجخ - متزعليش

مفيش حد مات
لِسّاه بشعره وقصايده وعبايته وفلتة لسانه
وكل الناس اللي ثارت عشانه
ولسة الحروف اللي شقّت كيانه
وشقت جدار الخضوع والسكات
مفيش حد مات
لسة الكلام اللي طاير حمام
وضرب الرصاص اللي من عود (إمام)
ولسة الضمير اللي رافض ينام
بيسهر يوماتي في كل الحارات
ويعلن إنك وشعرك وفنك .. حاجات ميغلبهاش ممات
مفيش حد مات !

هشام الجخ - مفيش حد مات - رثاء عم نجم

هشام الجخ - عشان غني

هشام الجخ طبعا مصليتش العشا cbc

لكلمات وفيديو القصيدة : http://www.algakh.com/albums/4295-2/
تابعوا هويس الشعر العربي هشام الجخ على :
لكلمات القصائد والحصريات والأخبار .. على الموقع الرسمي
www.algakh.com
وصفحة الفيس بوك الرسمية
https://www.facebook.com/Hisham.Gakh
وللاستماع للقصائد صوت فقط
https://soundcloud.com/algakh
وعلى الانيستجرام
https://instagram.com/algakh
وعلى جوجل بلاس
https://plus.google.com/+hishamelgakh/
وعلى تويتر
https://twitter.com/Hishamalgakh

Follow Hisham Algakh on :
For poem words and news ... on the official website
www.algakh.com
and the official facebook page:
https://www.facebook.com/Hisham.Gakh
and listen to poems on soundcloud:
https://soundcloud.com/algakh
and follow al gakh on instagram:
https://instagram.com/algakh
and google plus:
https://plus.google.com/+hishamelgakh/
and on Twitter :
https://twitter.com/Hishamalgakh


جديد : هشام الجخ - خمسة الصبح

كانت عيله لسه وشايفه الدنيا بالالوان
وبدور ما بين اصحابها في الجامعه علي الفرسان
ومستنيه فرس ابيض وورد ابيض وواد اسمر ولابس ابيض
تجري في حضنو وتعيط ويحميها من الغربان 
كانت لسه سنه اولي ولبس المريله عاده وباص
المدرسه والشنطه والداده خلاص خلصو 
هروحح الجامعه من دلوقتي بالفستان
وكان هو فقير الحال على قدوو ومتغرب عشان
يدرس ويصرف من عرق يدو كان غلبان 
وكان خايف يجبلها وردلاريحتو تفضح الكف الى جاي عرقان
تحكيلو عن الموضه يكلمها عن الانسان 
تحكيلو عن السوشي يقول دي قراءه في القرءان(الشيخ السوشي رحمه الله)
كان فقران لكن عفيان يسد بكفو عين الشمس ويضلل على عينها 
يوصلها لحد البيت ويرجع مشي كان شاعر كلامو حي لاكنو حزين
وهي الفرحه سرقاها ومش فاضيه لشيلة الطين
كان بيعالج الوحده بكتر اللمه والاصحاب
ويحكي حجات محصلتش ويتجمل ووحده بوحده يتحول لواد كداب
كان يسهر ويتخيل ويتقلب في نومة العاذب الكحيان
وكانت هيا ست الحسن والمحاسين والحسان 
جمالها يقلق النعسان وصوتها بلوه علي الشباك 
ابوها باشا من الاعيان وجدها كان وعمها كان 
وهو فقير بياخد غربتو في حضنو وبينامو
كانت سارقه احلامو ودايما جايه في كلامو
ساعه الفرح يتمناها قدامو وساعه الصبر بتحليلو ايامو
ويكتب شعر
انا واليل مرهونان في البدوي وصحرائي مسفاتي وانتي بطيئه عني
ويكتب شعر 
هنا لا شيء غير الحزن يا محبوبتي يدوي 
ويكتب شعر
عنيكي فدنين رااحه وانا تعبان وميحسش حلاوة الميه غير عطشان
وكانت هيا مش بتحب تسمع شعر!
تحب الرقص والمزيكا والزيطه عيال متعرفش جايه منين بتشقلب علي الحيطه 
وكان هوه كمان رقاص لاكنو بيتكسف من الناس
كان الفقر راسم فوق ملامحه وقار
مهو المرمي على الميه غير المري في قلب النار
ورغم الاختلاف الكلى في الجوهر وفي المضمون
لكنه حبها بجنون كان عاشق وكان مهوس
وكلمت حب ايامينا كانت بفلوس
كواه شوقو في يوم الفرقه ودارى
ولف قصايدو في هدوم الشقا لبان
لو شفتو في ساعة الفرقه كنت تقول عليه فرحان
كانت عزتو صلباه واقوى من قانون الجزب 
وهي قصادو مش فهماه ما يفهمشي الخضاري الجد
يا بت النعمة كان عاشق متخسرهوش
مش هتحسي وانت فظلوا دلوقتي 
ما تتغريش في ضحكوا يوم ما فارقتي دي بس وشوش
متسبهوش 
كان نفسو يجبلك بس مبيدوش 
بتطلبي ليه ياست الناس حجات معهوش
يوم الفرقه كان هوه عنيه احزان وواقف هادي وبيضحك ومن جواه حمم بركان وكانت هيا مبتسمه 
وبدور ما بين اصحابها في الجامعه علي الفرسان
‫#‏لقطة_الفراق_رقم_105‬

لقطة فراق رقم 105

يوم كان السكوت جبروت .. كان شاعر وكان عوّاد
وكان رحّال في أرض الله .. لكن وقت الحنين عوّاد
يا لايمين الولد ع الصمت .. ماترموش الملام ع الواد
يا (أدهم) ياللي خلّف للتاريخ (بدران)
يا (يوسف) كِتْرت القمصان
قِبِلت اني أموت عطشان
و اقَف في الصف و اتدَرْوَش .. واكون من زُمرة العُبّاد
لكن ماقبلش بعد العزم والنخوة .... أموت (عوّاد) 

تابعوا هويس الشعر العربي هشام الجخ على :
لكلمات القصائد والحصريات والأخبار .. على الموقع الرسمي
www.algakh.com
وصفحة الفيس بوك الرسمية
www.facebook.com/Hisham.Gakh
وللاستماع للقصائد صوت فقط
@algakh
وعلى الانيستجرام
instagram.com/algakh
وعلى جوجل بلاس
plus.google.com/+hishamelgakh/
وعلى تويتر
twitter.com/Hishamalgakh

Follow Hisham Algakh on :
For poem words and news ... on the official website
www.algakh.com
and the official facebook page:
www.facebook.com/Hisham.Gakh
and listen to poems on soundcloud:
@algakh
and follow al gakh on instagram:
instagram.com/algakh
and google plus:
plus.google.com/+hishamelgakh/
and on Twitter :
twitter.com/Hishamalgakh

هشام الجخ - عوّاد

جديد  هشام الجخ - غفير القصر

قصيده كتبها الشاعر المصري الهويس هشام الجخ بمناسبة نجاحه في الجامعة

اديني نجحت - الشاعر هشام الجخ

إزيس

انطردي الآن من الجدول

مكملين

أنا إخوان

سري جدا إلى البحر

هشام الجخ اربعة

انسحبوا هشام الجخ

قصيدة هشام الجخ في رثاء طفلته جويرية

هشام الجخ - قصيدة رثاء طفلته جويرية


 
ماكنتش في شلة صحابك ساعتها
ماشفتش دموعك و كسرت جناحك
و لما الحبيب الوحيد استباحك
ماكنتش معاك
ماكنتش فى وقت انبساطك.. بساطك
ماكنتش فى وقت اندفاعك.. دفاعك
و لما عرفت السهاد و السهر
و أول ليله تناجى القمر
وغامت عليك السما و الليالى
سامحنى يا غالى.. ماكنتش سماك
فى اول بحبك.. ماكنتش معاك
و اول واحشني.. ماكنتش معاك
فاتتنى الحاجات المهمه في حياتك
ولما دموعك بتحكى اللى فاتك
بحس انى عاجز افسر بكاك
يمكن لانى.. ماكنتش هناك
 

Hesham Elgakh

Bash Mohandsa Emy