كشكول

جيتي من وين عشان تفوتي 
فايته لي وين ماكي جاية
حرري الضو من سجونو 
عودي لي بلد الحفايا
ابقي زي خيط الشمس
يكسي الجميع من دون عباية

اصلو من بعدك خيارنا
يبقى واحد من تلاتة
نموت او نموت يانموت

وبرضو بالبسمه الجنايا
نبقى اشخاص في الهوامش
نبقى ابطال بدون رواية
نبقى انوار حلوه زاهية
وضاوية في مدن العماية
نبقى الواح طاهره كانت
فوقا مدفون الدوايا


عودي يااطهر نقية
غرقنا في بحر الخطايا
مافي اطفال تاني نامو
حبوبة تحكي نفس الحكاية


حبوبة اسكتي بس كفاية
كل يوم تحكي لينا
فاطمة كانت احلى واحده 
وفي النهاية يخطفوها
اصلو يوم ماعرسوها
فاطمه كانت احلى واحده 
وفي النهاية يخطفوها
حتى لمن نحكي قصة
بالفرح ينضن علينا

قصة عن غول في البوادي
اساسو غول في المدينة
فطومة ماسجنوك في قصة
انتي مامسجونة فينا
ونحن مسجونين معاكي
جوة احزانا الدفينة
نحن لافين بوراكي
عودي ما كفاكي فينا
نحن راجينك تمرقي
امرقي مننا عشان تجينا
وتقيفي لي بحر البلايا
عودي يا فطومة لينا


نحن من دونك عرايا 
عودي يا فطومة لينا
عودي يافطومة لينا

فـــطـــومـــة - سودانيز باند -2010

نزار الماحي --- الملام -- للفنان مصطفى سيد أحمد

لو أعيش _ حنان النيل


كم نظرنا هلال ما شاقنا غير هلاله
ما أظنه زلال يروينا غير زلاله
أرى الهلال ينقاد وراء محيه أذ جلاله
كل يوم يزداد في خديده نور يحلاله
تتقاصر الأبصار عن حسنه من إجلاله
يتيه يصد باسم آه ما ألذ دلاله
ألذ شيء قربه و غزلي النظر في جماله
و أمرّ شيء بعده و جفاءه و إهماله
أرى الغصون بتميل و أظن هواءها أماله
على الخلاف و إذا مَيّل عليّ أنا ماله
طرفه ليه نعسان و أنا طرفي ليه يصحاله
يتلو آية الحب الفي الخدود لايحاله
جماله كل ما يزيد جسمي بيزيد إنحاله
أما قلبي الضّاع خّلو اليروح في حاله
إذا أدار لحظه على جبل دكّاله
لو بَسَم أنزل دمع السحاب أبكاله
و قلبه لا يشفق على عاشقه مهما شكاله
حبيبي طبع الطير ينزل على أشكاله
إذا أدارّ فاه يسلب قلوب عُقّاله
طبيعي فاه خدار لا صبغة لا دقّاله
بالراحة و الريحان الله جلّ سقاله
دا شعره ليله طويل و جبينه البدري أيه يبقاله
أنا لي حبيب يا ليل نوم العيون قلاّله
ليْ حبيب يا ناس قتل النفوس حلاله
و ليْ حبيب في الليل تشوف خِدوده يلاله
مع الظلام تشتاق القمرة تدّلاله

المبدعه ونجمة برنامج نجوم الغد  شذى عبد الله

حاجة فيك
للشاعر هاشم صديق 

حاجة فيك تقطع نفس خيل القصائد 
تشبه اجراس المعابد 
توهتني .. جننتني .. تعبتني .. 
جننت حرف الكلام 
وبرضو ادتني السلام 
حاجة فيك شرف المدائن .. 
في غرف كل السفائن 
جوه في عمق المدائن والعيون 
حاجة زي ما تكون محلق في العواصف 
فجأة تهبط للسكون 
حاجة زي نقر الاصابع لما ترتاح للموسيقى 
حاجة زي اخبار تناغم من جريدة 
حاجة زي وتر المواني 
لم يصدح زي سفينة 
حاجة فيك 
حاجة فيك لا بتنتهي ولا بتتنسي 
خلتني ارجع للقلم اتحدى بالحرف الالم 
واضحك مع الزمن العريض 
وافتح متاريس الطريق 
واعرف متين ابقى المطر 
واصحى متين اصبح حريق 
حاجة فيك

كشكول

bashabko