شجر اللمون•••


"ناس من قلب الصعيد الجواني بتغني قُدام ميكروفون في المدينة بس رجليهم لساها مغروسة في الطين شايلين بيئتهم على كتافهُم وسواحين في بلاد الله

official page : https://www.facebook.com/Janobian

-قدر - Janobian Band - جنوبيان باند

دخلة ابريل
الشتا بيعافر في الصيف
والصيف بيعافر في الخلق
والخلق بتغرق في الزيف
والكلمة بتخنق في الحلق
وشوية تمطر على غفلة
وشوية عواصف وتراب
وشوية الحر بيتمكن
كروان بيخانق في غراب
وشوية نمل اللي قريب
وشوية نحب الأغراب
وتملي بحن
وبفتكرِك
وبروح على صورتِك
بالعافية
( الجو عيا )
على رأي أمي
باين من صوتي اني بعافية
دور برد شديد
المرادي
مانفعش معاه
مشاريب دافية
على فكرة أنا لسه عبيط جدا
وبحب أتفلسف ع البرد
ومصدق انه بيغسلنا
وبيغري الساكت بالسرد
وبيسحب من خنقة روحنا
فبتظهر خنقة على الصوت
لولا بس مضاد بينيمني
كان ممكن أقول لِك مبسوط
انشاله تكوني أحسن مني
يا شبيهة الشاي المظبوط
وحشتني عيونِك بزيادة
يا اللي انتي عيونِك كات ليا
فتشت خيوط السجادة 
 مالقتش مُسكِن غير هيَ
كان نفسي أحكيلِك كالعادة
وأوان الحكي
خلاص عَدى
أه صحيح بخصوص نتيجتي
شلت مادة
وسبت مادة



دور برد شديد

باستنظرك
كلمات: احمد فؤاد نجم 
ألحان: الشيخ امام 
_______________________

باستنظرك رغم القساوة في منظرك
لحظة هروبك يا رباب م الحب لما استنصرك
باستنظرك

باستنظرك 
رغم الشـــــتا والبرد والرعد المخيف
باستنظرك
ف الشارع المشغول باوحال الرصيف
أنا اصلي حاســــب موعدك  وعارف اللي بيبعدك
وأنا اللي خابر تبقي مين وأنا اللي صابر من سنين
وباعدّ لك مطرح ف بســــتان الامل 
وبامدّ لك وف كل خطوة 
أمدّ لك ايدي اللي شققها العمل

مدي الخطاوي يا حبيبتي وقــدّمي
وان كنتي خايفه م الطريق اتبسمي
يا شــــمس ياللي ضحكتك قمر ينور ســـكتك
أنا اللي عشقك عزّني وانتي اللي عشقي ستتك

باستنظرك يا جرحي يا حلمي العنيد
باستنظرك   يا مصر يا حبي الوحيد
وحتيجي يوم وتصدّقي 
عشقي الأصيل وتحققي 
حلمي الجميل  وتزوقي 
عمري اللي ضاع مستنظرك 
باستنظرك



باستنظرك- الشيخ إمام

كل عين تعشق حليوة 
و إنتي حلوة في كل عين
      يا حبيبتي أنا قلبي عاشق  
و اسمحيلي بكلمتين
كلمتين يا مصر يمكن
هما أخر كلمتين
حد ضامن يمشي آمن
أو مِآمن يمشي فين


كل عين تعشق حليوة

"آدى أيّام العجب والموت
جات بسرعة زى غمضة عين
ليه ماقلتش زىّ لمح البصر
كنت باتقلّب على الجنبين
والكابوس من كل جنب يجيبني
زىّ أعمى يحسّ لمّا يجسّ
ألقى نفسي واللا اشوف نفسي
بالتفت من آخر الدنيا
الحمير بتجرجر العَربَات
السما اللى تحت منها حابات
عند كوبرى أبو العلا بتشتي
أنكمش فى جتّتى من البرد
لسّه حارجع طفل تحت المطر
وأنحنى ع الأرض وافضل عجوز
اتوهمت الخوف دهسنى الخطر
كل شيء إلا الخيانه يجوز
ألبس التوب اللى مش توبى
أعمل الممكن مع المستحيل
أمشى زي الخنفسة وألبَد
جنب حيطة فى رُكن ع السلّم
الحجر الاصفر بيتألّم
فيه أثر للعشرة مهما تهون
أقبل الظلم اللى في الأشياء
والليالي بخدّها المدهون
والحياة والناس وحتى في نفسي
واقرا في الجرنال كلام تاني
وانتقل في الماضى واستغرب
وابكى ع المستقبل الفاني
واحمل الضلمة على عينيّا
وانتبه من نومي واسمع نعي
الزميل جودة سعيد الديب"

أيام العجب والموت - فؤاد حدّاد

فؤاد حداد - مفتتح أيام العجب والموت

كلمات :أحمد حداد 
ألحان : يحيى غنّام

ف الغربة - يحيى غنام

اسكندريلا - أغنية لشهداء محمد محمود.mp3

#ذكري_#ذكري_الشيخ_امام_شيخ_الثورة_والحرية_والحب 
"الشيخ امام"  اللي حياته بنوراما ثورية وفنية ثرية، بدأت  بتتلمذه على يد الشيخ "درويش الحريرى" ثم  الشيخ "زكريا أحمد" ، وتعلمه للعود على يد "كامل الحمصاني"
وبداياته مع الانشاد مروراً بثروة فنية تنوعت بين أدوار وموشحات وأغاني عاطفية وثورية تعاون فيها مع كوكبة من الشعراء واللي غزلوا معاه أغاني فريدة في جمالها خلدت في ذاكرة الزمن ومن هؤلاء الشاعر الكبير نجيب سرور الذي غني الشيخ من كلماته  اغنية البحر بيضحك ليه وهذه الاغنية البديعة حلو المراكب

باستنظرك- الشيخ إمام

Bassam Hamdan

Related tracks