سيدنا الشيخ امام عيسى عليه السلام

الشيخ امام - انا اتوب عن حبك انا

كل عين تعشق حليوة 
و إنتي حلوة في كل عين 
يا حبيبتي أنا قلبي عاشق 
و اسمحيلي بكلمتين 
كلمتين يا مصر يمكن 
هما أخر كلمتين 
حد ضامن يمشي آمن 
أو مِـآمن يمشي فين 
.......................... 
شابة يا أم الشعر ليلي 
و الجبين شق النهار 
و العيون بحرين أماني 
و الخدود عسل و نار 
و اللوالي ( اللؤلؤ) بابتسامتك 
يحكوا أسرار المحار 
يللي ساكنة القصر عالي 
إيمتى يهنالي المزار 
كلميني يا صبية 
طال علي َّ الانتظار 
كلمتين يا مصر يمكن 
هما أخر كلمتين 
حد ضامن يمشي آمن 
أو مِـآمن يمشي فين 
..................... 
قصرك المسحور غيلانو 
أغبى من دود الغيطان 
بعد مص الغصن الاخضر 
ينحتوا عضم العيدان 
و اللي خلى الارض خضرا 
و اللي خلى الدار آمان 
عاش بجور ملو جوفه 
مات بخوفه من الغيلان 
طوّع الغلبان 
ما قالش عن شقا العمر اللي كان 
كلمتين بمصر يبقوا 
هما أخر كلمتين 
حد ضامن يمشي آمن 
أو مِـآمن يمشي فين 
.................... 
أدي كلمة من عذابي قلتهالك 
باقي كلمة 
من حنيني صنتهالك 
في الضلوع من دنيا ظلمة 
كنت خايف يلمحوها 
يقتلوها في سكة ظلمة 
سقسقت و النور بشاير بشاير 
زهرة الصبار يا سلمى 
يا نسيم الشوق يا طاير يا طاير 
خد لمصر في الصبح كلمة 
طول ما يبقى الركب ساير 
بالبصاير و العينين 
يبقى ضامن يمشي آمن 
يبقى عارف يمشي فين

الشيخ إمام يُسلطن كل عين تعشق حليوة

الشيخ امام - ياشادي الالحان

أتوب ازاي و انا ايوب
رماني الوعد و المكتوب
سنين ماشي ورا الأفكار
على كفوف القدم دوار
لا خليت في الدروب مشوار
ولا فوق الورق مكتوب
***
رماني الشوق مشيت سواح
اغني و ملو قلبي جراح
على يميني شجر صبار
على شمالي ما فيش اشجار
على قلبي الهوى جبار
و ابات غالب و انا المغلوب
و اتوب ازاي
دا انا ايوب
***
رماني الشوق مشيت حادي
حدايا غنوتي بلادي
يا عيني يا ليل على انسان
غريب الأهل و الأوطان
يقوم وقت البدار بدار
و عند القسمه
مش محسوب
و اتوب ازاي و انا ايوب
***
يا عيني يا ليل يا بحر النيل
يا كلمة مزوقة المواويل
على شطك قلوب عشاق
سهارى يغزلوا الأشواق
و انا ويا الجميع مشتاق
ليالي الوصل
يا محبوب

أتوب ازاي وانا أيوب (تسجيل نادر ومميز)- الشيخ امام

كلمات : احمد فؤاد نجم

انا الشعب ماشي الشيخ إمام
أنا الشعب ماشي وعارف طريقي
كفاحي سلاحي وعزمي صديقـي
أخوض الليالي وبعيون أمالي
أحدد مكان الصباح الحقيقي

أنا الشعب ماشي وعارف طريقي

---

أنا الشعب كفي تقيد الحياة
تخضر صحاري تبيد الطغاة
تعلي الحقايق رايات في البنادق
ويصبح تاريخي منارتي ورفيقي

أنا الشعب ماشي وعارف طريقي

---

أنا الشعب مهما يقيموا السجون
ومهما كلابهم تحاول تخون
حيطلع ناري وأدمر بناري
بحور الكلاب والسجون من طريقي

أنا الشعب ماشي وعارف طريقي

---

أنا الشعب والشمس وردة في كمي
ونار النهار خيل بترمح في ددمي
وتقضي ولادي على كل عادي
ومين اللي يقدر يوقف في طريقي

أنا الشعب ماشي وعارف طريقي

أنا الشعب - الشيخ إمام (جوده عاليه | Sheikh Emam - Ana El Sha'ab (HD)

الشيخ امام عيسى - يعوض الله على الأخلاق
من تسجيلات الاذاعة 
برنامج مع تسجيلات الشيخ امام 
1968
www.misrfone.org

الشيخ امام عيسى - يعوض الله على الأخلاق

ياقلبي آهـ .. || الشيخ امام

زروني كل سنة مرّة - الشيخ امام باريس 1989


في معتقل القناطر، في عام 1970، كان الشاعر أحمد فؤاد نجم والشيخ إمام عيسى، ومحمد قطب شقيق سيد قطب، زملاء في نفس العنبر، عندما ألهمه محمد قطب قصيدة الطنبورة التي لحنها الشيخ إمام .. فما هي حكاية "طنبور قطب ونجم".

ومحمد قطب مفكر إسلامي، تأثر بأفكار شقيقه سيد قطب الذي أعدم في أغسطس 1966، له عدة مؤلفات من بينها؛ كيف نكتب التاريخ الإسلامي.

يقول نجم عن حكاية قصيدة الطنبورة إنه "ذات صباح دخل عليّ الشيخ محمد قطب، في زنزانة 1 بسجن القناطر، قائلا: أنا حلمت حلم فني".

تساءل نجم عن الحلم، فأجابه قطب أنه "رأى نفسه يخرج من باب السجن، ليجد رجلا عجوزا ممسكا بطاحونة بن، وهو ينشد "طويلة قوي قوي حكاية الرسالة"، يقصد "رسالة الإسلام"، فرد نجم "الله يا مولانا..تسمحلي استخدم الجملة دي في قصايدي"، فأجابه قطب: "أمال أنا جاي أقولك الحلم ده ليه".
فكتب نجم، قصيدة "المقالة" بعد أن استبدل طاحونة البن، بـ"الطنبور" وهو آلة ري انتشرت في قرى مصر، ولحنها الشيخ إمام.

حكاية المقالة (الطنبور) الشيخ امام

الشاعر مثل القرد بالشعب المُستَغل والقرداتي هو الارستقراتي المُستغِل لأقوات الشعب

الشيخ إمام عيسى - أحزان القرد

الشيخ إمام - تصقيف تصقيف

كلمات: أحمد فؤاد نجم
 ألحان : الشيخ إمام

الأولة آه
والتانية آه
والتالته آه
***
الأوله آه
والغدر لمن حكم
صبح الأمان بقشيش
والتانيه آه
والندل لما احتكم
يقدر ولا يعفيش
والتالته
آه
والحر مهما انحكم
للندل ما يوطيش
الأوله غربتي
والتانيه بلوتي
والتالته كلمتي
***
أرغول يا أرغول
يا أبو النغم موصول
شطره تجيب شطره
والشطره غنيوه
منظومه وحليوه
والسامعين أدرى
والسامعين أشتات
زي النغم مقامات
قسَّم وغني وهات
واملى المكان خضره بالفن والقدرة
والأوله آه
والتانيه آه
والتالته آه
***
يا عم يا قوال
يا أبو الحرير موال
كيفك
وكيف الحال
اغزل وسمعنا
واشطح مع النغمات
ودوس على المقامات
هات اللي عندك هات
لمن تشبعنا
دا حنا الحيارى دليل
مستنظرين مواويل
توصل مع المراسيل
والصهبة تجمعنا
صهبتنا صباحي
طول ما الألم صاحي
يا شوقي يا جراحي
يا حبي يا بكرة
يا صحبتي في الهم
يا شركتي في الدم
عزوتنا
لو نتلم
ونغني للفقرا
أخضر خضرضر مال
للعشق والموال
وكان أصيل الخال
لكن فقير الحال
شد الرحال في الحال
جاب البلاد رحال
ينزف على الأرغول
دم الصبا سلسال
أخضر خضرضر مر
على كل بحر وبر
داق الشتا في الحر
والعشق له أهوال
رجع صاحبنا حزين
يقعد مع المساكين
ويغني للعاشقين
ويقسم الموال
يا ليلي آه يا عين
يا عم يا جمال
ترعى جمالك وين
وأنت فقير الحال
يا ليلي آه يا عين
والمرعى للأندال
والخطوة للخيال
يا عم يا جمال
يا ليلي آه يا عين
يا عم يا جمال
 والصبر مهما طال
ما حينفتلشي حبال
ألزم قلوب وإيدين
يتمدوا ع الشطين
ويعمروا العيارين
ويطخوا راس المال
والأوله آه
والتانيه آه
والتالته آه

الشيخ إمام - على الأرغول

يا صلاة الزين - الشيخ إمام

وهبت عمري للأمل - الشيخ إمام

بين مسانا
و بين صباحنا
نصحى و الناس نعسانين
موعودين بالحرح يا احنا
و الدوى للموعدين
ايه دا كل يا قلبي ايه دا
شوف طريق العقل و اهدا
من هنا سكة ملامة
من هنا سكة ندامة
سكتين يا للا السلامة
أمشي فين يا ناس قولولي
قيدو شمعة
و نورولي
سجن القناطرـ مايو 1971

الشيخ إمام...قيدوا شمعة

طلع الصباح _ الشيخ إمام

مواكب - الشيخ إمام

El Tanboor الطنبور .. الشيخ امام

من أغانى الشيخ إمام النادرة   الغير مشهورة 

(سهرات قاهرية)

على حســــــــب وداد قلبي ومزاج البلديات
أبعد م الشين واتاخر وإجول للزين سلامات
على حسب وداد قلبي

على صهد الآرض السمرا أنا أبوي النيل سواني
ممصوص وخشن من بره زى الطينه إلآسوانى
وألخضره ف قلبي وقلبي دايما على طرف لساني
ولساني حصاني رماني وتعبنى كتير وأذاني
ياما جابني وياما وداني من جولة في الحكايات
على حسب وداد جلبي

على بحر النيل يا جناوي ضليلة وجلة ميه
وناسات ع يجولوا حكاوي ع تخلي اللجمه هنيه
وشطوط مزروعه غناوي وغيطان ألحان مروية
وألزين يغزل مواله من كلمة عمه وخاله
وأنا زى ناساتي ما جالوا لفيت الجول حكايات
على حسب وداد جلبي

الشيخ إمام _ علي حسب وداد قلبي ومزاج البلديات  (Man.sey)



أبـجد هــوز حطي كــلمن إفتح صفحة إمســـــك قلمن
إكتب زي الناس ما بتنطق سقطت سايجون رفعوا العلمن

طلعت شــــمس اليوم ده أغاني كل ما نسمع نعشق تاني
طلعت شمس اليوم ده حريقه تكوي الجرح وتبري القلمن 
ســــايجون عادت للثوار فـــوق الدم وتحت النار
جدوا فوجدوا زرعوا فحصدوا وإحنا إيدينا للسمسار
واللي قالوه السمسارجية واللي حكاه السمساردار
لما قروه القروانجية بالمستعدل والمندار
هتش ونتش بعزم الصوت  عن أمريكا وهول أمريكا 
زعموا الفانتوم شايل موت  سقط الموت بعلم أمريكا
جاتكو فضيحه يا طبقه سطيحة وعاملة فصيحة وجايبة العار
وكتبنجية وفصحنجية وسمسارجية وسمساردار

سايجون درة يا ثوار عادت حره للأحرار
ده احنا حنشبع بكرا أغاني إسمع وحفظ يا كتباني

واثبت عندك فى الأوراق مصر بتنضح بالأشواق 
مصر عروسة وبكرا عريس والعشاق  إحنا العشاق

فينا وبينا ولينا الثورة إحنا الثورة وهي الناس 
فينا الماضي وبينا الحاضر والمستقبل هو الناس


سيدنا الشيخ امام عيسى عليه السلام

Bassel Abd El Khaleq