Omnia Hassan

we will never forget U .. (( 74 )) shaheed ahlawy

ف التالتة شمال شهيد صورته و ذكراه دايما ف البال

يارب انا مملكش غير حبّة زعل
نِفسى فـ يوم ما يطوّلو
القى فـ قلبى براح عشان
انسى الزعل وأتحمّله

يمكن بقالى كتير أوى 
مركعتهاش
فإكسرنى يمكن
أفتكر طعم الصلاه

عارف يارب بجد إيه المشكله؟
المُشكله ان الطريق
ادامى اهه
لكن بروح لطريق بعيد
واللهِ مش علشان عنيد
يمكن عشان داء الكسل

فإمشى كتير وارجع وحيد
وارفع اديا وأقول يارب
مفضلش منى غير ذنوب
نفسى أتوب 
متردنيش 
القاك فاتحلى باب جديد
علشان اعيش

تنسالى كل اللى اتعمل
وافضل معاك
 وارجع
وأتوه عن سكّتك
وأعيد جميع ما قد حصل
وامشى لواحدى فـ الطريق
فـ يصبنى ضيق
وآجى وانا ندمان اوى 
علشان تنسينى الزعل
.........
كلمات : محمد  ابراهيم
الحان و غناء : أمنية حسن
عود وغناء : اسلام الأبتي

لينك التحميل
http://www.2shared.com/audio/0_hdsg9J/YA_rab.html

حبــــة زعل

جناح الدنيا شالك فوق .. ورزعك تحت .. بكيت وفرحت .. بكيت فإرتاحت .. وطعمك طعم أول بنت تقابلها .. فـ أول يوم فـ إعدادى .. وقلبك لسه لون صفحه فـ كشكول سلك لسه جديد .. مكنش ساعتها فيك لمعه .. وشكلك منتهى العادى .. فضلت تحبها لواحدك .. وأبعد مـ البعيد بـ بعيد .. كإن العمر حقنة بنج .. تنام عيل تقوم تلقى .. ملامحك كلها تجاعيد 

كلمات الشاعر : محمد ابراهيم
ارتجال و غناء .. أمنية حسن

حقنة بنج لــ محمد ابراهيم

صوت رصاص .. دخان وناس .. مزيكا شبه الوشوشه .. فض إعتصام .. فين النظام ؟! .. انا جى منين .. طب فين نزلت .. انا تهت آه علشان سألت .. الآيه قلبت نفسها .. انا مين فـ دول .. طب مين معايا وضدى مين .. معرفش حتى إختارت ايه .. يا مصر رايحه بينا فين .. واخده النهار فـ إديكى ليه ؟! .. كل واحد دمه سال .. كان بيسأل ميت سؤال .. مين عليا ومين معايا .. وفين مبارك من جمال .. مرسى شاطر .. سيسى مرشد .. حد منهم حد تانى .. لسه دمى رخيص ولسه .. مصر مش حلوه غير فـ الأغانى

كلمات الشاعر :  محمد ابراهيم
الحان وغناء : أمنية حسن

صــــوت رصاص

اووووووه جمهوره ده حماه اوووووه عالحلوة والمرة معــــاه
عمري ما أحب غير الأهلي
ولا في غيره يفرحني 
دايما معــــاه ولآخر الكون
عمري عشان الأهلي يهــــون 
,,,,,,,,,,,,,,,
من قلب مشجع أهلاوي صميـــم
ده مش تشجيــــع ... ده عشق للكيـــان

لينك التحميل
http://www.2shared.com/audio/tFr-fJSW/Gomhoro_da_7emah-omnia.html

جمهـــــــوره ده حمــــــــاه

تبقى كتير الحاجه قصادك
لكن عينك رايحه لـ غيرها
تنسى الحاجه عشان فـ اديك
إما اللى بتبعد فـ فاكرها
الممنوع مرغوب بطبيعته
وانت عشان بتحب تجرب
كل ما حاجه بتبعد عنك
تلقى ميولك منها تقرب
وتضيع الأولى اللى فـ ايدك
علشان مش لاقياك مهتم
تخسر حاجه بحاجه عايزها
مع انها مكانتش أهم
.................
كلمات : محمد ابراهيم
الحان وغناء : أمنية حسن
توزيع موسيقي : محمد جرشة

لينك التحميل
http://www.2shared.com/audio/Ezx6k66H/teb2a_kter.html

الممـــــنوع مرغــــوب

موسيقى خالد حماد العبقري
لـ ..ريهام عبد الحكيم

عاشق سارح في الملكوت

الكاميرا بتتحرك بشويش .. حولين إتنين فـ حوار داير ..
 الباب متوارب وستاره بتتحرك زى الموج بهدوء .. 
البنت بتبكى بشكل غريب .. والكاميرا بتاخد زوم من فوق .. 
على وش الولد اللى بينطق ويقول إشتاقت ..
 " كان عمرى بإيد البُعد جريح وبينزف وقت " ..
 البنت بتهدى عشان تسمع .. وإديها من الربكه فـ رعشه .. 
وكلامها بيطلع بصعوبه .. كانت مـ الصدمه فـ غيبوبه ..
 مش قادره تكمل باقى الفيلم .. 
مش عارفه تقوله إزاى أصلا .. انها ماتت وبإنه فـ حلم
,,,,,,,,,,,,,,,,,,,,,,,,,,
كلمات : محمد ابراهيم
ارتجال : أمنية حسن

الكـــــاميرا

الاغنية ب مزيكا 
https://soundcloud.com/omnia-hassan-2/original



ليه الكمانجا بقلب إسود .. عمره ما بيصفى لـ بيانو ؟! .. ليه هنفضل زى 
مـ إحنا .. صوره وكتابه ورهان .. ليه الشتا كان وشه غامق .. والحنين واقف مكانوا .. لسه تايه بين عنيا وبين عنيكى فـ المكان ؟! .. ليه هسيبك .. ليه هقرب ؟! .. ليه بحب ساعات أجرب .. إنى امشى فـ سكه أصلا مش باينلى ايه آخرها .. وأما فجأه تضيعى منى .. أعمل انى نسيت وأقول .. عادى يعنى زى غيرها ! .. احضنينى قبل اما تمشى .. لو ضرورى تودعينى ..وإحفرى صورتك فـ عينى .. وإبكى على كتف اللى بينا لو خلاص هتضيعينى .. وإدى ضهرك ليا وامشى .. فـ المطر ومترجعيش .. يمكن انسى ان انتى مُتى وأقتنع انى هعيش 
>>>>>>
كلمات : محمد ابراهيم
الحان : أمنية حسن

ليـــــه الكمانجا

كلمات والحان و غناء ... أمنية حسن
..............
اهداء الى أرواح شهداء مجزرة بورسعيد 1-2-2012
ربنا يرحمكم ويصبّرنا على فراقكمــ
..............
الفيديو الرسمي للأغنيــه
http://www.youtube.com/watch?v=ik_u4Ex4IEg
............
لينك التحميل 
http://www.mediafire.com/listen/p5tnikryao4blnx/شهيد%20الأهلي-أمنية%20حسنmp3

شَهيــــد الأهلـــي

Omnia Hassan performing "El7adouta"
EXCLUSIVE new 2014 single 1
Lyrics: Ahmed Mo'taz
Composer: Islam Refat
Music Arranger: Islam Refat 
>>>>>>>>>>>>>>>>>>>>>>>>>>>>>>>>>

شفت الدنيا دي صعبه ازاي.. انا شيفاك بقي اصعب منها
 ده انت مشاعرك او احاسيسك ..دايما كده بتقل ف خيرها
 انا محتاجه احس امان.. مش اعيش بين الحياه والموت
 يبقا اكيد من حقي اسيبك.. متهيألي وده المفروض 

الحدوته خلاص دي آخرها ...ملّيت اكون وياك مظلومه 
ليه هرضى بدور المحرومه... انا هنساك واهي خيرها ف غيرها

 بعد ما شوفتك اقرب ناسي.. جرحك خلص على احساسي 
لو ندمان ف انا مش مشكلتي.. ولا موضوعي انك مش ناسي 
رافضه وجودك تاني معايا ..احنا ما أظنش بنا حكايه 
سيبني ف حالي ده انا من قلبي.. مش عايزك وحقيقي كفايه

الحدوتة

بتستناك
وقاعده هناك بقالها 
سنين 
وبتنادى برغم ان انت 
مش سامع
ورغم ان الفراق حاصل 
بقاله كتير 
وكل الناس قالولها خلاص 
مهوش راجع 
ولسه فـ وسط فساتينها 
بتختار لون تحبه عنيك 
ومستنيه ومبتجيش 
ولسه بتفتكر لما ..
فـ يوم كنتوا على الكورنيش
ويوم لما ضخكتلها .. 
وضحكتلك ..
مسكت إديها من شوقك
فـ بصتلك .. 
وقولتلها : انا عاشقك ..
وردت هيا انا أكتر 
وروحت انت مع غيرها 
وهيا لسه بتفكر .. 
وصورتك لسه فـ عنيها 
ومتكسرتش .. 
وفكراك رغم نسيانك 
لكل وعودك الحلوه 
اللى متوفتش 
...........................

كلمات : محمد ابراهيم
الحان : اسلام الأبتي
توزيع و هندسة صوت : أحمد ايهاب
ايقاعات : حسن و عظيما
بيز جيتار : أحمد شوقي
بيانو : عبد الرحمن حسن
عود : اسلام الأبتي
قانون : أحمد القمري
كمان : بدر مصطفى
......
تم التسجيل ب
 Live studio
>>>>>>
 
شكر خاص جدا  لــ
عمر ابو المكارم
عمر الروبي
محمد العشري
اسلام خليفة
احمد هشام التومي
عبدو شريف
محمد جمال الدين

بتستناك

اهداء لروح بابا الغالية ...ربنا يرحمك ويجعل مثواك الجنّة... اول رمضان من غيرك فعلا وجع :)
.......................
المدفع مابقاش بيفرَّح 
و الشيخ رفعت قرر ما يجيش 
و اللّمه بتوجع من غيرَك 
ارجعلي عشان الفرحة تعيش 
وحشتني صلاة الفجر معاك 
و هزارَك لما بتندهلي 
و أما أستناك بعد التراويح 
علشان نتفرَّج ع الأهلي 
واحشني سكوتَك و كلامَك 
 وحشني الحُضن بجد كمان 
ارجعلي بسرعه يا ريت أرجوك 
علشان يرجعلي معاك رمضان
........................
كلمات : محمد هشام رجــب
https://soundcloud.com/mohammed-hesham-ragab

ألحان : أحمد العراقي
@officialeraqy

بيانو : أحمد وجدي
https://soundcloud.com/ahmed-wagdy

غناء : أمنية حسن
https://soundcloud.com/omnia-hassan-2
........................
تم التسجيل و الميكساج باستوديو 
Talents

اللمة بتوجع من غيرك

أحداث بتدور وأنا وانتي وليـــل.. بيطول علطول علشان غايبة
بردان بينام ..ف كفوف الخوف ..متشعلق ف حبالها الدايبة
مكسور نصين بيحبوكي .. متساب ف دروجك للذكرى
من كتر ما بيعيش ف امبارح .. بقا رافض حتى يشوف بكرة
ضميني ان كنتي مفارقاني ..وخديني ف حضنك بدموعي
وان بلّت قلبك كام دمعة ..حنيلي ان كان نفسك فيّا
ما خلاص قصتنا بتتحول لحوار ف الفيلم وأغنيه 
و اهه خلص الفيلم اللي كتبته على عكس ما كنت انا بتمنى
منا كنت ف حبك مـ الأول .. ابليس متعشم ف الجنــــة
,,,,,,,,,,,,,,,,,,,,,,,,
كلمات : محمد ابراهيم
@mohammed-ibrahim-4

الحان : اسلام علي
@eslamalii

توزيع : أمجد معتز
@the_fooron54cina

غناء : أمنية حسن
@omnia-hassan-2

عود : اسلام الأبتي
كمان : مصطفى العطار
جيتار :أحمد راجح


عشم ابليس

كلمات : أحمد النجار 
من ديوان كاموفلاج
ألحان : أمنية حسن - أحمد النجار
بيانو و جيتار : يزيد الدالي
توزيع و ميكس : يزيد الدالي
https://soundcloud.com/yazid-el-daly
https://www.facebook.com/yazid.e.daly?fref=ts
غناء : أمنية حسن

لينك الفيديو الرسمي
https://www.youtube.com/watch?v=WoJTDdkj0Fg&feature=youtu.be&hd=1

عن تجربة

حتي وانتي بتضحكي 
تحسي عنيكي معيطة
انسانه عايشة 
فكون غريب 
خلاكي دايما محبطة 
إلى البنت ال كات تملى 
الدنيا فرح بهواها
إلى الحُب ال كان
فيها وسابها ياما خلاها
بتكرهـ قُرب ناس منها
وعايشه وحيده مكسوره
إلى القلب ال سابها
 فـ يوم 
وعايشه بروحها مقهوره 
>>>>>>>>>>>>
كلمات : وليد ديدا
https://www.facebook.com/waled.dida2020


حتى وانتي بتضحكي

للجميلة أنغام
كلمات : نادر عبدالله
ألحان : تامر علي
توزيع  : فهد
.... 
من مشروع ميوزيكانتي توزيع : محمد العشي

رجعنا ف كلامنا - ميوزيكانتي في صاحبة السعادة

أحسنوا التصويب .. فلم يتبقى فى جعبتكم سوى السهام القلائل

Omnia Hassan

Bassem Adel